کراچی : رینجرز کی جانب سے ڈاکٹرعاصم پر تحفظ پاکستان ایکٹ کے تحت مقدمہ قائم کرنےکاامکان ہے، اس کے نتیجےمیں سندھ حکومت کااختیارختم ہوجائے گا۔
ذرائع کے مطابق ڈاکٹر عاصم کیس پر رینجرز کی قانونی مشاورت مکمل ڈاکٹر عاصم کے خلاف تحفظ پاکستان ایکٹ کے تحت رینجرز کی مدعیت میں مقدمہ درج کرنے کا امکان ہے۔
مقدمہ ایف آئی اے کی کاؤنٹر ٹیرارزم ونگ یا کسی بھی قانون نافذ کرنے والے ادارے میں درج کیا جاسکتا ہے وفاقی ادارےمیں مقدمے کی صورت میں سندھ حکومت کے پاس اختیار نہیں رہے گا۔
مقدمہ انسداددہشت گردی عدالت کے بجائے خصوصی عدالتوں میں چلایاجاسکے گا اربوں روپے کے اوگرا اسکینڈل سے ڈاکٹر عاصم کا نام نکالنے اور تحقیقاتی رپورٹ میں ردوبدل پربھی رینجرزکا تحقیقات کرانے کا فیصلہ کیا گیا ہے۔
زرائع کےمطابق وفاقی حکومت رینجرزکوتحفظ پاکستان قانون کےتحت عمل کرنےکا کہہ سکتی ہے،اس قانون کے تحت رینجرز کےپاس گرفتاری ا ور تفتیش کا اختیار موجود ہے۔
