لاہور: لاہور کورٹ لکھپت جیل میں سیکیورٹی اور امدادی اداروں کی جانب سے کسی بھی ناخوشگوار واقعے سے نمٹنے کے لئے ریہرسل کی گئی ہے۔
تفصیلات کے مطابق ملک میں بڑھتی ہوئی دہشت گردی کے پیش نظر کورٹ لکھپت جیل میں سیکیورٹی اور امدادی اداروں نے ٹریننگ اور ریہرسل کی ہے۔ ریہرسل میں رینجرز، پولیس، ریسکیو، ایدھی اور بی ڈی ایس نے حصہ لیا ہے۔ ان اداروں نے کسی بھی ناخوشگوار صورتحال سے نمٹنے کے لئے عملی مشق کی ہے۔
کراچی: شہرکے مختلف علاقوں میں فائرنگ اور پرتشدد واقعات میں تین افراد جان بحق ہوگئے دوسری جانب پولیس اور رینجرز کے جرائم پیشہ افراد سے ہونے والےمقابلوں کے دوران تین ملزمان مارے گئے، جبکہ چار کو زخمی حالت میں گرفتار کرلیا گیا، ایف آئی اے نے بھی بھاری مقدار میں غیر قانونی اسمگل شدہ ادوایات برآمد کرلیں۔
پولیس حکام کے مطابق آرام باغ کے علاقے میں نامعلوم افراد کی فائرنگ سے ایک شخص جان کی بازی ہار گیا ،مقتول کی شناخت وجی اللہ کے نام سے ہوئی ہے، سہراب گوٹھ میں مسلح ملزمان نے فائرنگ کرکے دوست محمد نامی کپڑے کے بیوپاری کو قتل کردیا اور ملزمان کی فائرنگ سے حملہ اروں کا ایک ساتھی حمیداللہ بھی زخمی ہوگیا جسے اسپتال سے پولیس نے گرفتار کیا ہے گرفتار ملزم کا تعلق کالعدم تنظیم سے ہے۔
جمعہ کی شب اورنگی ٹاون نمبر 5میں متحدہ قومی مومنٹ کے ممبر سازی کیمپ پر ہونے والے دستی بم حملے کے زخمیوں میں شامل ایک کارکن نے عباسی اسپتال میں دوران علاج دم توڑ دیا مقتول کی شناخت55 سالہ عبدالجبار کے نام سے ہوئی ہے۔
دوسری جانب ایف آئی اے کرائم سرکل نے ایم اے جناح روڈ پر ڈینسو ھال کے قریب کارروائی کرتے ہوئے بھاری مقدار میں غیر قانونی بھارتی اسمگل شدہ ادویات برآمد کرکے دوکانداروں کو حراست میں لے لیا۔ ایف آئی اے حکام کے مطابق دوکانوں اورگوداموں میں بھاری مقدار میں بھارتی اسمگل شدہ ادویات موجود تھیں۔
صدر پاسپورٹ آفس کے قریب پولیس مقابلے کے دوران ایک ملزم کو زخمی حالت میں گرفتارکرکے اسلحہ برآمد کرلیا گیا، ٹیپو سلطان تھانے کی حدود میں پولیس نے کارروائی کرکے تین ملزمان کو زخمی حالت میں گرفتار کرکے اسلحہ برآمد کرلیا۔
دوسری جانب گلشن اقبال کے علاقے میں مبینہ پولیس مقابلے کے دوران ایک ڈاکو ہلاک جبکہ ایک کو زخمی حالت میں گرفتار کرکے اسلحہ برامد کرلیا گیا،ایس پی گلشن کے مطابق ملزمان شہریوں سے لوٹ مار کررہے تھے۔
لیاری غلام شاہ لین میں رینجرز کے ٹارگیٹڈ اپریشن کے دوران مسلح ملزمان نے رینجرز اہلکاروں پر فائرنگ کردی رینجرز کی جوابی فائرنگ میں 2مبینہ حملہ آور مارے گئے ترجمان رینجرز کے مطابق ملزمان کی شناخت سمیر اور شہزاد کے ناموں سے ہوئی ملزمان 30سے زائد افراد کے قتل کے علاوہ اگواء برائے تاوان،ڈکیتیوں اور دیگرسنکین جرائم میں بھی ملوث تھے ملزمان کے قبضے سے اسلحہ بھی برآمد ہوا ہے۔
کراچی:کراچی کے علاقے گلشن بونیر میں رینجرز سے فائرنگ کے تبادلے میں کالعدم تنظم کا دہشت گرد مارا گیا جسے قاری عبدالرحمان کے نام سے شناخت کیا گیا ہے، اس کے سر کی قیمت پندرہ لاکھ روپےتھی ۔
رینجرز ترجمان کے مطابق کراچی کےعلاقے لانڈھی گلشن بونیر میں رینجرز نے کالعدم تنظیم کے دہشت گردوں کی موجودگی کی اطلاع پر سرچ آپریشن کیا۔ آپریشن کے دوران ملزمان اور رینجرز اہلکاروں کے درمیان فائرنگ کے تبادلےمیں کالعدم تنظیم سےتعلق رکھنے والا ملزم قاری عبدالرحمان مارا گیا۔ ترجمان رینجرز کے مطابق ملزم شہر میں متعدد بم دھماکوں اور ٹارگٹ کلنگ کی کئی وارداتوں میں ملوث تھا۔
سندھ حکومت نے ہلاک ملزم کے سر کی قیمت پندرہ لاکھ روپے مقرر کر رکھی تھی۔ مقابلے کے دوران دو دہشت گردوں کو گرفتار بھی کرلیا اور ان کے قبضے سے بھاری اسلحہ بھی برآمد کیا گیاہے۔
کراچی: کراچی میں فائرنگ کے مختلف واقعات کے دوران ایک شخص جان بحق اور دو زخمی ہوگئے۔ پولیس اور رینجرز نے مختلف علاقوں میں کاروائیاں کرکے متعدد ملزمان کو حراست میں لے لیا ہے۔ لیاقت آباد میں سندھ گورنمنٹ اسپتال پر کارروائی کےدوران ٹارگٹ کلنگ اوردیگر جرائم میں ملوث ملزمان کو گرفتارکر لیا۔
قانون نافذ کرنیوالےاداروں کی جانب سے کراچی کے علاقے لیاقت آباد میں قائم سندھ گورنمنٹ اسپتال پر چھاپہ مارگیا ہے۔ چھاپے میں ٹارگٹ کلنگ،بھتہ خوری،دیگرجرائم میں ملوث چار ملزمان کو گرفتارکیا گیا ہے۔ قانوں نافذ کرنے والے اداروں کی جانب سے بتایا گیا ہے کہ ملزمان کے قبضے سے اسلحہ بھی برآمد ہوا ہے۔ ملزمان کاتعلق سیاسی جماعت سےہے جنھیں نامعلوم مقام پر منتقل کر کے تفتیش شروع کر دی گئی ہے۔
ادھرمنگھو پیر میں رینجرز نے کالعدم تنظیموں کے ٹھکانوں کی موجودگی کی اطلاع پر سرچ آپریشن کر رہی ہے، جس میں متعدد افراد کے گرفتار ہونے کی بھی اطلاعات ہیں۔
ترجمان رینجرز کا کہنا ہے کہ منگھو پیر کے داخلی اور خارجی راستے بند کر کے سرچ آپریشن کیا جا رہا ہے، جس میں خواتین سرچر سمیت 300 اہلکار حصہ لے رہے ہیں۔ رینجرز نے گرفتار کئے گئے افراد کو نامعلوم مقام پر منتقل کر کے تفتیش شروع کر دی ہے۔
بلدیہ ٹاون میں قانون نافذ کرنے والے اداروں نے مذہبی منافرت پھیلانے کے الزام میں سرفراز نامی شخص کو حراست میں لیکر پوچھ گچھ شروع کردی ہے۔
دوسری جانب کراچی کے علاقے ڈیفنس میں رات گئے ایس پی سی آئی ڈی خرم وارث کےگھرپرنامعلوم افراد نے فائرنگ کی جس کی ایف آئی آر محافظ خرم وارث کی مدعیت میں درخشاں تھانےمیں نامعلوم افراد کے خلاف درج کرلی گئی ہے۔ مقدمےمیں انسداد دہشتگردی کی دفعات شامل ہیں۔
پولیس حکام کے مطابق نارتھ نا ظم آبا د میں نامعلوم دہشتگردوں کی فائرنگ سے اہل سنت والجماعت کا کارکن جبران جان بحق ہوگیا۔ اس کے علاوہ کورنگی صنعتی ایریا اور کلفٹن بوٹ بیسن کے قریب بھی فائرنگ کے دو الگ الگ واقعات میں 2افراد زخمی ہوئے۔ ہلاک اور زخمی ہو نے والوں کو پولیس کاروائی اور طبی امداد کیلئے ہسپتال منتقل کیا گیا۔
کراچی: کراچی کے علا قے بلدیہ ٹاون میں گزشتہ روز سیکیورٹی اداروں کی گاڑی پر ہو نے والے بم حملے کا مقدمہ درج کرلیا گیا ہے۔
تفصیلات کے مطابق گزشتہ روز علی صبح بلدیہ ٹاون میں حساس ادارے کے ٹرک پر حملہ ہوا تھا جس میں متعدد شہری زخمی ہو گئے تھے تاہم سیکیورٹی اہلکار محفوظ رہے۔ پولیس کی جانب سے واقع کا مقدمہ دہشتگردی ایکٹ کے تحت درج کرکے تحقیقات شروع کردی گئی۔
پولیس کا کہنا ہے کہ واقعے میں بلوچستان لبریشن آرمی کے ملوث ہونے کے شواہد ملے ہیں۔ جس کے بعد مواچھ گوٹھ اور اطراف کے علاقوں سے متعدد مشتبہ افراد کو بھی حراست میں لیکر اس حوالے سے پوچھ گچھ کی گئی ہے۔
پولیس کا کہنا ہے کہ مواچھ گوٹھ، لیاری اور ملیر میں بی ایل اے کا نیٹ ورک موجود ہے اور فورسز پر حالیہ حملوں کی تحقیقات میں بی ایل اے کے حوالے سے بھی تفتیش کی جارہی ہے۔
کراچی کے علاقے بلدیہ اتحاد ٹائون میں ناکے پرکھڑی پولیس موبائل پر ملزمان نے فائرنگ کردی،جوابی فائرنگ کے بعد ایک ملزم زخمی حالت میں گرفتارکرلیا گیا، ملزم کے قبضہ سے اسلحہ برآمد کر لیا گیا، پولیس نے مقدمہ درج کرکے تفتیش کا آغاز کردیا ہے۔
دوسری جانب نیو کراچی کےعلاقےمیں مبینہ پولیس مقابلے کے بعد دو ملزمان کو اسلحہ سمیت گرفتار کر لیا گیا،پولیس کے مطابق ملزمان اسٹریٹ کرائم سمیت دیگر وارداتوں میں ملوث ہیں۔
کراچی: رینجرز نے اولڈ سٹی ایریا کراچی میں کارروائی کرتے ہوئے سیاسی جماعت سے تعلق رکھنے والے تین ملزمان گرفتار کر لئے۔رینجرزحکام کے مطابق چھاپے کے دوران گرفتار ملزمان سے راکٹ لانچر اورکلاشنکوف سمیت بڑی تعداد میں اسلحہ اور گولیاں برآمد کر لی گئیں۔
گرفتار ملزمان قتل، بھتہ خوری اور دہشت گردی کی وارداتوں میں ملوث ہیں۔ دوسری جانب تیموریہ اور شارع نور جہاں کے علاقے میں مقابلے کے بعد لیاری گینگ وار میں ملوث چار ملزمان گرفتار کر لئے گئے۔
ملزمان اکیس سے زائد افراد کے قتل ، بھتہ خوری ، اغواء برائے تاوان اور دیگر سنگین وارداتوں میں ملوث بتائے گئے ہیں۔
کراچی کےعلاقے لیاری میں جمعہ ہال کےقریب نامعلوم افراد نے کلینک پراندھا دھند فائرنگ کردی،جس کےنتیجےمیں تین افراد جاں بحق ہوگئے، جاں بحق ہونے والوں کی شناخت عنایت بخش بلوچ، محمد حنیف اورمحمد اعجاز کےنام سے ہوئی ہے، زخمی عبدالشکورکی حالت بھی تشویشناک بتائی جارہی ہے۔
عنایت بخش بلوچ کا تعلق پیپلز پارٹی سے بتایا جاتا ہے، واقعے کے بعد علاقےمیں سخت کشیدگی پائی جاتی ہے،پولیس اوررینجرزکو بھی متاثرہ علاقےمیں طلب کرلیا گیا ہے۔
دوسری جانب ملیر سٹی کےعلاقےمیں فائرنگ کےواقعےمیں خاتون جان کی بازی ہارگئی، رات گئے گلزارہجری میں پولیس اہلکارکی اتفاقیہ گولی چلنے سے ساتھی اہلکارجاں بحق ہوگیا۔
یوسف گوٹھ کےعلاقےمیں سی آئی ڈی پولیس نے چھاپہ ماراتو ملزم فہد عرف صدام نے پولیس پرفائرنگ کردی،پولیس کی جوابی کارروائی میں ملزم ہلاک ہوگیا۔ پولیس کےمطابق ملزم کا تعلق لیاری گینگ وارسےتھا جو چارپولیس اہلکاروں سمیت پچاس سے زائد افراد کی ٹارگٹ کلنگ میں مطلوب تھا جبکہ پٹیل پاڑہ، نیو سبزی منڈی،تین ہٹی اور گلشن معمار میں فائرنگ کے واقعات میں چار افراد زخمی ہوگئے۔
کراچی:شہرقائد میں جرائم پیشہ عناصرکےخلاف قانون نافذ کرنے والے اداروں کی ٹارگٹڈ کارروائیاں جاری ہیں،سی آئی ڈی نےکنواری کالونی سےمقابلے کے بعد پانچ انتہائی خطرناک دہشتگردوں کو گرفتار کرلیا گیا،ملزمان کے قبضے سے دھماکہ خیز مواد،بارود سے بھری موٹرسائیکل اورایک تیار پیٹرول بم برآمد ہوا ہے ملزمان کے قبضے سے سات کلو بارودی مواد بھی برآمد ہوا،ہولیس کے مطابق ملزمان جلوس پر موٹر سائیکل کے ہمراہ خود کش حملہ کرنا چاہتے تھے ملزمان فرقہ وارانہ اور پولیس کی ٹارگٹ کلنگ میں بھی شامل تھے،ملزمان میں اعظیم احمد شیخ ،شاہ جہان،عمران حسین،فرحان اور شاکرشامل ہیں،پولیس نے کھاردار بارہ امام بارگاہ کے قریب سے ایک مشکوک شخص کو حراست میں لےلیا،رینجرز نے شہر کے مختلف علاقوں میں ٹارگٹڈ کارروائیاں کرتے ہوئے پانچ ملزمان کو گرفتار کرلیا،گرفتار ملزمان کا تعلق لیاری گینگ وار سے ہے۔
پاورہاؤس چورنگی کےقریب پولیس موبائل پرفائرنگ سےاے ایس آئی عبد الرحیم جاں بحق ہوگیا،موچکوسے ہاتھ پاؤں بندھی تین لاشیں ملیں،لیاری چاکیواڑہ میں فائرنگ سے ایک لرکی عافیہ جاں بحق ہوگئی،نارتھ ناظم آباد میں فائرنگ سےسیاسی جماعت کا کارکن بہادرخان ہلاک ہوگیا۔
نیوکراچی اورگودھراں میں پولیس کی چھاپہ مارکارروائیوں میں چالیس ملزمان کوگرفتارکرکےتفتیش کیلئےنامعلوم مقام پرمنتقل کردیاگیا،زیرحراست چوبیس افراد کا تعلق مذہبی اورسولہ کاسیاسی جماعتوں سےہے۔
رینجرز نےبلدیہ،مدینہ کالونی،چنیسرگوٹھ اورفرنٹیئر کالونی میں ٹارگٹڈ کارروائیوں کےدوران کالعدم تنظیم اورلیاری گینگ وارکےدرجن سےزائد ملزمان کوگرفتارکرکےبھاری اسلحہ برآمد کرلیا۔