Tag: RAPED

جی سی یونیورسٹی کی طالبہ سے 4 افراد کی اسلحہ کی نوک پر اجتماعی زیادتی

چنیوٹ : جی سی یونیوسٹی فیصل آباد کی طالبہ کو کلاس فیلو نے 3 دوستوں کے ساتھ مل کر اسلحہ کی نوک پر اجتماعی زیادتی کا نشانہ بنا ڈالا ، پولیس نے مقدمہ درج کرکے ایک ملزم کو گرفتار کرلیا ہے۔

تفصیلات کے مطابق خواتین سے زیادتی کے واقعات تھم نہ سکے، جی سی یونیوسٹی فیصل آباد کی طالبہ کے ساتھ چار افراد نے اسلحہ کی نوک پر اجتماعی زیادتی کی۔

کے ساتھ چنیوٹ کے چار افراد کی اسلحہ کی نوک پر اجتماعی زیادتی،ملزمان ویڈیو بھی بناتے رہے۔۔۔ پولیس نے مقدمہ درج کرکے ایک ملزم کو گرفتار کرلیا۔

پولیس کا کہنا ہے کہ ننکانہ کی رہائشی اور فیصل آباد جی سی یونیورسٹی کی طالبہ کو اس کا ٹیوشن فیلو شاہد علی تقریب میں شرکت کے بہانے چنیوٹ اپنے گاؤں لایا ، جہاں اس کے دوست ریاض، عمران اور تصور موجود تھے، ملزمان نے نہ صرف لڑکی کوزیادتی کا نشانہ بنایا بلکہ اس کی ویڈیو بھی بناتے رہے۔

پولیس نے لڑکی کے والد کی مدعیت میں مقدمہ درج کرکے ملزم شاہد علی کو گرفتار کرلیا جبکہ دیگر ملزمان کی گرفتاری کے لیے چھاپے مارے جارہے ہیں۔

آئی جی پنجاب نے چنیوٹ میں یونیورسٹی طالبہ سے مبینہ زیادتی کا نوٹس لیتے ہوئے لاہور آرپی اوفیصل آباد سے واقعےکی رپورٹ طلب کرلی۔

آئی جی پنجاب کاملزمان کوجلد گرفتار کر کے سخت قانونی کارروائی کاحکم دیتے ہوئے کہا متاثرہ لڑکی کوانصاف کی فراہمی ترجیحی بنیاد پر یقینی بنائی جائے۔

وزیر اعلیٰ پنجاب سردارعثمان بزدار نے طالبہ سے مبینہ زیادتی کے واقعے کا نوٹس لیتے ہوئے آر پی او فیصل آباد سے رپورٹ طلب کرلی ہے اور کہا واقعےمیں ملوث دیگر ملزمان کو جلد قانون کی گرفت میں لایا جائے اور متاثرہ لڑکی کو انصاف فراہم کیا جائے۔

اکتوبر 26, 2020
آٹھ سالہ بچہ زیادتی کے بعد قتل، لاش درخت سے لٹکا دی

چمن : قلعہ عبداللہ میں آٹھ سالہ بچے کو زیادتی کے بعد قتل کرکے اس کی لاش درخت سے لٹکا دی گئی، ورثاء کی مدعیت میں نامعلوم افراد کے خلاف مقدمہ درج کر لیا گیا۔

تفصیلات کے مطابق صوبہ بلوچستان کے علاقے چمن کےقریب قلعہ عبداللہ میں آٹھ سالہ بچے کو زیادتی کے بعد قتل کردیا گیا اور قتل کے بعد لاش درخت سے لٹکا دی، لیویز حکام نے بتایا کہ مئی زئی آڈہ کلی داویان میں 8 سال کے انعام اللہ کو درندگی کا نشانہ بنانے کے بعد قتل کیا گیا، اس کی لاش درخت سے لٹکی ہوئی ملی۔

پوسٹ مارٹم میں بچے کے ساتھ بدفعلی کی تصدیق ہوگئی ہے اور ورثاء کی مدعیت میں نامعلوم افراد کے خلاف مقدمہ درج کر لیا گیا ہے۔

اسسٹنٹ کمشنرجہانزیب شیخ نے بتایا بچے کے ساتھ بدفعلی کی گئی اور گلا دبا کر قتل کیا،انعام اللہ گذشتہ شام سے لاپتہ تھا ، لاش ایک باغ میں درخت سے لٹکی ملی۔

یاد رہے 7 اکتوبر کو چارسدہ میں ڈھائی سال کی بچی کو زیادتی کے بعد بے رحمی سے قتل کردیا گیا تھا ، میڈیکل رپورٹ کے مطابق بچی کو اٹھارہ گھنٹے پہلے زیادتی کا نشانہ بنایا گیا اور اُس کا پیٹ اور سینہ چاک کر کے قتل کیا گیا تھا۔

اہل خانہ کے مطابق زینب اغوا ہوئی تھی، بعد ازاں اُس کی لاش پشاور میں واقع کھیت سے برآمد ہوئی تھی۔

پولیس نے زینب زیادتی و قتل کیس میں 8 مشتبہ افراد کو گرفتار کیا جبکہ بتایا گیا ہے کہ مرکزی ملزم تاحال قانون کی گرفت سے باہر ہے۔ متاثرہ بچی کے والد کا کہنا تھا کہ بیٹی کے قتل میں ملوث سفاک درندوں کو سرعام پھانسی دی جائے۔

اکتوبر 9, 2020
خاتون کا ریپ کرنے والے جیولری ڈیزائنر کو قید کی سزا

دبئی : اماراتی عدالت نے 53 سالہ خاتون کو جنسی زیادتی اورجسمانی تشدد کا نشانہ بنانے کے جرم میں افریقی شہری کو قید کی سزا سنادی۔

تفصیلات کے مطابق کے مطابق متحدہ عرب امارات کی ریاست دبئی کی عدالت میں بدھ کے روز جنسی زیادتی کیس کی سماعت ہوئی، جس میں عدالت نےاپنے سے بڑی عمر کی خاتون کو جنسی زیادتی کانشانہ بنانے کے جرم میں ایک سال قید کی سزا سناتے ہوئے جیل بھیجنے کا حکم دے دیا۔

پبلک پراسیکیوشن کی دستاویزات میں دکھایا گیا ہے کہ مذکوہ واقعہ رواں برس جنوری کی4 تاریخ کو البارسا کے علاقے میں پیش آیا تھا جہاں 32 سالہ نائیجیرین شہری نےمتاثرہ سربین خاتون کو اپنے گھر میں زیادتی کا نشانہ بنایا تھا۔

پبلک پراسیکیوٹر نے عدالت کو بتایا کہ متاثرہ خاتون اور مجرم کی ملاقات آن لائن چیٹ کے ذریعے ہوئی تھی۔

اماراتی خبر رساں ادارے کا کہناتھا کہ عدالت نے افریقی شخص پرخاتون کے ریپ اور جسمانی تشدد کا نشانہ بنانے کی فرد جرم عائد کرتے ہوئے ملک بدری کرنے کا حکم دے دیا۔

شکایت کنندہ نے دوران تحقیق بتایا کہ مجرم سے 4 جنوری کو آن لائن چیٹ کے ذریعے بات چیت ہوئی جس دوران مذکورہ شخص نے مجھے دبئی مرینہ کیفے مدعو کیا اور میں ملاقات کےلیے چلی گئی۔

خاتون نے بتایا کہ ’جب میں کیفے پہنچی تو افریقی شہری مجھے چاقو کے زور پر اپنی رہائش پر لے جاکر میرے دو موبائل فونز، پاسپورٹ، کپڑے اور جوتے چھین لیے‘۔

خاتون نے پراسیکیوٹر کو بتایا کہ مجرم نے اپنے بیڈ روم میں 20 مرتبہ زیادتی کا نشانہ بنایا، ’اس نےمار پیٹ کی اورکھانے پینے سے بھی محروم کردیا، افریقی شخص نے زبردستی مجھے کتوں کا کھانا کھلایا‘۔

خاتون کے وکیل نے عدالت کو بتایا کہ عمارت کی سی سی ٹی وی فوٹیج میں خاتو ن اور مجرم کو 4 جنوری رات ساڑھے 10 بجے کے قریب عمارت میں داخل ہوتے دیکھا جاسکتا ہے کہ جبکہ اگلے روز ساڑھے 6 بجے خاتون عمارت سے نکلتے ہوئے بھی دیکھی جاسکتی ہے۔

اماراتی خبر رساں ادارے کا کہنا تھا کہ ابتدائی طبی معائنے کی رپورٹ سے خاتون کا دعویٰ سچ ثابت ہوا ، خاتون کے جسم میں مجرم کے ڈی این اے موجود تھا۔ ابتدائی معائنے سے یہ بھی معلوم ہوا کہ متاثرہ خاتون ہیپاٹائٹس بی کے مرض میں بھی مبتلا ہے۔

تحقیق کاروں کا کہنا تھا کہ مجرم کے خلاف پہلے بھی ایک خاتون کے ریپ کا مقدمہ درج ہوچکا ہے، یوکرئنی خاتون نے البارسا پولیس اسٹیشن میں مذکورہ شخص کے خلاف جنسی زیادتی کا مقدمہ درج کروایا تھا۔

اگست 1, 2019
امریکی افواج کے اندر جنسی زیادتیوں کی شرح میں‌ ہولناک اضافہ

واشنگٹن : امریکا کی حکمران جماعت کی سینیٹر میک سیلی کا کہنا ہے کہ ’امریکی فضائیہ میں ملازمت کے دوران ائیر فورس کے اعلیٰ افسر نے انہیں جنسی زیادتی کا نشانہ بنایا تھا‘۔

تفسیلات کے مطابق امریکا کی حکمران جماعت ری پبلیکن پارٹی کی ریاست ایریزونا سے منتخب ہونے والی 52 سالہ سینیٹر میک سیلی نے امریکی افواج میں جنسی زیادتیوں کی شرح میں اضافے سے متعلق گفتگو کرتے ہوئے بتایا کہ ’میں نے احساس شرمندگی، الجھن اور نظام پر بھروسہ نہ ہونےکے باعث جنسی زیادتی کی شکایت درج نہیں کروائی تھی‘۔

غیر ملکی خبر رساں ادارے کا کہنا ہے کہ سنہ 2017 میں امریکی افواج میں جنسی زیادتی کے چھ ہزار آٹھ سو کیسز رپورٹ ہوئے تھے جبکہ گزشتہ امریکی فورسز کے اندر ریپ کیسز کی تعداد میں دس فیصد اضافہ ہوا ہے۔

غیر ملکی خبر رساں ادارے کا کہنا ہے کہ یہ تعدادجنسی زیادتی کے ان کیسز کی ہے جو درج ہوئے ہیں جبکہ ہزاروں متاثرین ایسے ہیں جو شرمندگی کے باعث رپورٹ ہی درج نہیں کرواتے۔

باون سالہ میک سیلی جنسی تشدد کا شکار ہونے والوں کے لیے سینٹ کی آرمڈ سروسز کی ذیلی کمیٹی میں سماعت کے دوران گفتگو کررہی تھیں۔

ریپبلیکن سینیٹر کا آرمڈ سروسز کی ذیلی کمیٹی میں خطاب کرتے ہوئے کہنا تھا کہ ’آپ کی طرح میں میں آرمی میں جنسی زیادتی کا نشانہ بنائی گئی لیکن ان متاثرین کی طرح بہادر نہیں ہوں جنہوں نے زیادتی کے خلاف آواز اٹھائی لیکن میں کوئی شکایت درج نہیں کی ان خواتین و مرد کی طرح جنہیں سسٹم پر بھروسہ نہیں ہے‘۔

ان کا کہنا تھا کہ میں خود کو قصور وار ٹہراتی ہوں میں شرمندہ اور الجھن کا شکار تھی، میں سینئر نے اپنی پوزیشن اور طاقت کا فائدہ اٹھاتے ہوئے مجھے جنسی زیادتی کا نشانہ بنایا۔

غیر ملکی خبر رساں ادارے کا کہنا ہے کہ میک سیلی امریکا کی پہلی خاتون فائٹر پائلٹ ہیں جنہوں نے جنگ میں حصّہ لیا ہے۔

سینیٹر میک سیلی نے 26 برس امریکی فضائیہ میں بحیثیت کرنل خدمات انجام دے کر سنہ 2010 ریٹائرمنٹ لی تھی، ریپبلیکن سینیٹر گزشتہ رکن سینیٹ منتخب ہونے سے قبل دو مرتبہ امریکی پارلیمنٹ کی رکن بھی منتخب ہوچکی ہیں۔

خبر رساں ادارے کا کہنا ہے کہ میک سیلی نے پہلی مرتبہ جنسی زیادتی پر گفتگو نہیں کی، گزشتہ برس سینیٹ کی انتخابی مہم کے دوران جنسی زیادتی کے متاثرین کے حوالے سے گفتگو کرچکی ہیں۔

مارچ 7, 2019
بھارت میں گائے جنسی زیادتی کا شکار، مقدمہ درج

نئی دہلی : بھارتی ریاست آندرا پردیش میں درندہ صفت انسان نے گائے کو جنسی زیادتی کا نشانہ بنا دیا، پولیس نے مقدمہ درج کرلیا۔

غیر ملکی خبر رساں ادارے کے مطابق بھارتی ریاست آندرا پردیش میں انتہائی شرمناک اور چوکا دینے والا واقعہ آیا، جب بھارتی گاوں گوکی واڈا میں جنسی درندوں نے تین ماہ کی حاملہ گائے کو بھی حیوانیت کا نشانہ بنا ڈالا۔

غیر ملکی میڈیا کا کہنا ہے کہ متاثرہ گائے گاؤں کے کسان کی ملکیت ہے جس کا نام ناما راجو ہے۔

کسان کا کہنا ہے کہ ’میری گائے اتوار کے روز اچانک غائب ہوگئی تھی اور کچھ دیر بعد نامناسب حالت میں ایک درخت سے بندھی ہوئی ملی۔

خبر رساں ادارے کا کہنا ہے کہ گاؤں کے معالج نے بدفعلی کی تصدیق کرتے ہوئے بتایا کہ گائے کو جنسی زیادتی کا نشانہ بنایا گیا ہے۔

بعدازاں کسان نے پولیس میں شکایت درج کروائی، گائے سے جنسی زیادتی کی خبر گاؤں میں آگ کی طرح پھیلی تو دیگر کسانوں نے واقعے کی مذمت کرتے ہوئے مذکورہ حکام سے فوری کارروائی کا مطالبہ کیا۔

مزید پڑھیں : مرغی سے جنسی زیادتی کرنے والا نوجوان گرفتار

خیال رہے کہ گزشتہ برس پنجاب پولیس نےا یک 14 سالہ نوجوان کو مرغی کے ساتھ جنسی زیادتی اور اسے قتل کرنے کے جرم میں گرفتار کیا تھا۔

دسمبر 27, 2018
نئی دہلی: ایک ہفتے کے دوران لڑکی کو زیادتی، زندہ جلا دینے کا تیسرا واقعہ

نئی دہلی : بھارت میں ایک ہفتے کے دوران تیسری دوشیزہ کو جنسی زیادتی کے بعد زندہ جلا کر ہلاک کردیا گیا، پولیس نے واقعے میں ملوث ملزمان کو گرفتار کرلیا ہے۔

تفصیلات کے مطابق بھارت میں ایک ہفتے کے دوران تیسری لڑکی کو کو جنسی زیادتی کے بعد درندوں نے زندہ جلا کر قتل کردیا۔ حالیہ دنوں ریاست مدھیا پردیس ہونے والے جنسی حملے نے پورے بھارت کو صدمے میں ڈال دیا ہے۔

بھارتی پولیس کا کہنا تھا کہ 26 سالہ اوباش نوجوان نے 16 سالہ لڑکی کے ساتھ عصمت دری کرنے کے بعد اس وقت جلا کر قتل کیا جب متاثرہ دوشیزہ نے کہا کہ وہ جنسی زیادتی کے حوالے سے اپنے خاندان کو آگاہ کرے گی۔

یاد رہے کہ بھارتی ریاست جھاڑکنڈ میں اس سے قبل دو مزید دو نوجوان لڑکیوں جنسی ہوس کا نشانہ بنانے کے بعد زندہ جلا دیا گیا تھا، جس میں ایک لڑکی موقع پر ہی ہلاک ہوگئی تھی جبکہ دوسری متاثرہ لڑکی اسپتال میں زندگی اور موت کے جنگ لڑ رہی ہے۔

غیر ملکی خبر رساں ادارے کا کہنا تھا کہ ضلع ساگر کے پولیس سپریٹنڈنٹ ستیندرا کمار شکلا نے بتایا کہ سیکیورٹی اہلکاروں نے کم عمر لڑکی سے عصمت دری کرنے کے جرم میں دو افراد کو حراست میں لیا ہے۔

پولیس ترجمان کا کہنا تھا کہ گرفتار ملزمان میں ایک شخص متاثرہ لڑکی کا رشتہ دار ہے جس نے مرکزی ملزم کو دوشیزہ کے گھر میں اکیلے ہونے کی اطلاع دی تھی۔

پولیس ترجمان ستیندرا کمار کا کہنا تھا کہ واقعے کے اصلی ملزم نے بچی سے شادی کی ہوئی تھی۔

غیر ملکی خبر رساں اداروں کا کہنا تھا کہ جموں کشمیر میں 8 سالہ بچی سے کو گینگ ریپ کا نشانہ بنانے کے بعد سے بھارتی حکام کو جنسی زیادتی کے قوانین میں ترمیم کرنے کے حوالے عوام کے دباؤ کا سامنا کرنا پڑرہا ہے۔

طالبات کو غیر اخلاقی پیغامات بھیجنے پر بھارتی پروفیسر کی دھنائی

خیال رہے کہ حالیہ دنوں بھارت میں ہونے والے جنسی زیادتی کے واقعات سنہ 2012 میں طالبہ کے ساتھ ہونے والے گینگ ریپ کے بعد سب سے بڑے واقعے ہیں۔

ایک رپورٹ کے مطابق بھارت میں جنسی زیادتی کی شکار خواتین میں بچوں کی تعداد چالیس فیصد ہے۔ خواتین کے غیر محفوظ ہونے کا اندازہ اس بات سے لگایا جاسکتا ہے کہ دو ہزار سولہ میں ریپ کے 40 ہزار کیسز درج کیے گئے اور مودی کے دور حکومت میں ریپ کے واقعات میں ساٹھ فیصد اضافہ ہوا۔

علاج کے لیے بھارت آنے والی خاتون کا زیادتی کے بعد سر قلم کردیا گیا

واضح رہے کہ بھارتی کرائم ریکارڈ بیورو کے مطابق بھارت میں اس وقت خواتین سے زیادتی چوتھا بڑا اور عام جرم بن چکا ہے۔

اعداد و شمار کے مطابق سنہ 2013 میں لگ بھگ 25 ہزار خواتین کو زیادتی کا نشانہ بنایا گیا۔

بھارت:لڑکی کے ریپ اور قتل میں ملوث 14 افراد گرفتار

دوسری جانب ہر سال پیش آنے والے زیادتی کے واقعات میں سے صرف 5 سے 6 فیصد ایسے ہیں جو رپورٹ ہو پاتے ہیں۔

ان میں بھی ملزمان آزاد ہوجاتے ہیں اور زیادتی کا شکار متاثرہ لڑکی اور اس کا خاندان انصاف کے حصول میں بری طرح ناکام رہتے ہیں۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

مئی 12, 2018
بھارت:لڑکی کے ریپ اور قتل میں ملوث 14 افراد گرفتار

نئی دہلی :ریاست جھارکنڈ میں 16 سالہ لڑکی کو جنسی زیادتی بعد زندہ جلانے والے 14 ملزمان کو پولیس نے گرفتار کرلیا جبکہ واقعے کا مرکزی ملزم تاحال فرار ہے۔

تفصیلات کے مطابق بھارتی پولیس نے ریاست جھاڑکنڈ میں کم عمر لڑکی سے جنسی زیادتی کرنے والے متاثرہ دوشیزہ کو زندہ جلانے والے ملزمان کو گرفتار کرلیا گیا ہے۔

پولیس کا کہنا تھا کہ جھارکنڈ کے مشرقی حصّے میں واقع ضلع چھاٹرا کی رہائشی 16 سالہ لڑکی کو اوباش جوانوں نے اغواء کے بعد جنسی زیادتی نشانہ بنایا تھا۔

جنسی زیادتی کا نشانہ بننے والی متاثرہ دوشیزہ اور اس کے والدین نے جب گاؤں کی کونسل میں ریپ کی شکایات درج کروائی تو کونسل کے ارکین نے ملزمان کو پچاس ہزار روپے جرمانہ اور 100 آٹھک پیھٹک کرنے کی سزا سنائی۔

پولیس کا کہنا تھا کہ کونسل کی جانب سے سزا سنائے جانے پر ملزمان طیش میں آگئے اور اگلے دن متاثرہ لڑکی اور اس کے والدین پر تشدد کرنے کے بعد لڑکی کو زندہ جلاکر ہلاک کردیا۔

پولیس نے خبر رساں ادارے کو بتایا کہ لڑکی کے پوسٹ مارٹم سے ملزمان پر جنسی زیادتی کرنے کا جرم ثابت ہوگیا ہے جس کے بعد پولیس نے واقعے میں ملوث 14 ملزمان کو حراست میں لے لیا ہے جبکہ واقعے کا اصل ملزم تاحال فرار ہے۔

پولیس ترجمان کا کہنا تھا کہ سیکیورٹی اہلکاروں نے گاؤں کے جرگے کے خلاف بھی غیر قانونی احکامات دینے کے جرم میں مقدمہ درج کیا ہے۔

ایک رپورٹ کے مطابق بھارت میں جنسی زیادتی کی شکار خواتین میں بچوں کی تعداد چالیس فیصد ہے۔ خواتین کے غیر محفوظ کا اندازہ اس بات سے لگایا جاسکتا ہے کہ دو ہزار سولہ میں ریپ کے چالیس ہزار کیسز درج کیے گئے اور مودی حکومت میں ریپ واقعات میں ساٹھ فیصد اضافہ ہوا۔

واضح رہے کہ بھارتی کرائم ریکارڈ بیورو کے مطابق بھارت میں اس وقت خواتین سے زیادتی چوتھا بڑا اور عام جرم بن چکا ہے۔

اعداد و شمار کے مطابق سنہ 2013 میں لگ بھگ 25 ہزار خواتین کو زیادتی کا نشانہ بنایا گیا۔

دوسری جانب ہر سال پیش آنے والے زیادتی کے واقعات میں سے صرف 5 سے 6 فیصد ایسے ہیں جو رپورٹ ہو پاتے ہیں۔

ان میں بھی ملزمان آزاد ہوجاتے ہیں اور زیادتی کا شکار متاثرہ لڑکی اور اس کا خاندان انصاف کے حصول میں بری طرح ناکام رہتے ہیں۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

مئی 6, 2018
سعودی عرب: ماں بیٹے سے زیادتی اور قتل، چار پاکستانیوں کا سرقلم

ریاض: سعودی حکومت نے ماں بیٹے کو زیادتی کے بعد قتل کرنے کا الزام ثابت ہونے پر چار پاکستانیوں کے سرقلم کردیے۔

سعودی وزارتِ داخلہ سے جاری اعلامیے کے مطابق چار افراد ریاض میں رہائش پذیر خاتون کے گھر میں چوری کی نیت سے داخل ہوئے اور انہوں سونے اور نقدی سمیٹنے کے بعد خاتون اور بچے کو زیادتی کا نشانہ بنایا۔

وزارتِ داخلہ کے مطابق چاروں ملزمان نے خاتون اور بچے کو زیادتی کے بعد گھر میں ہی قتل کیا اور وہاں سے نقدی لے کر فرار ہوگئے تھے مگر پولیس نے شواہد اکھٹے کر کے چاروں مجرمان کو حراست میں لیا۔

مزید پڑھیں: سعودی عرب: 1 پاکستانی اور 5 سعودی باشندوں‌ کے سرقلم

سعودی وزارتِ داخلہ کے مطابق گرفتاری کے بعد چاروں پاکستانیوں کو صفائی کا موقع فراہم کیا گیا مگر انہوں نے عدالت میں اپنے جرم کا اعتراف کیا جس کی بنیاد پر انہیں جمعرات 8 فروری 2018 کے روز سزائے موت (سر قلم) دی گئی۔

واضح رہے کہ سعودی حکومت نے رواں سال کے آغاز کے بعد سے اب تک 20 افراد کے سر قلم کیے جبکہ گزشتہ برس 141 لوگوں کو سزائے موت دی گئی تھی۔

یہ بھی پڑھیں: سعودی عرب میں دو افراد کا سرقلم، ایک پاکستانی شہری بھی شامل

خیال رہے کہ گزشتہ برس جولائی کے مہینے میں سعودی عدالت نے 6 پاکستانیوں پر انسانی اسمگلنگ کا الزام ثابت ہونے پر سزا سنائی تھی علاوہ ازیں پانچ سعودی باشندوں کے بھی سر قلم کیے گئے تھے۔

یاد رہے کہ سعودی عرب میں سر قلم کیے گئے افراد کی تعداد دنیا میں سب سے زیادہ ہے جن افراد کے سرقلم کیے جاتے ہیں ان میں منشیات کی اسمگلنگ، دہشت گردی، قتل، زیادتی، مسلح ڈکیتی کے جرائم شامل ہیں۔

اسے بھی پڑھیں: سعودی عرب: دہشت گردی میں ملوث 4 افراد کے سرقلم

برطانیہ سے تعلق رکھنے والی انسانی حقوق کی عالمی تنظیم ایمنسٹی انٹرنیشنل کے اعدادو شمار کے مطابق گزشتہ برس سعودی عرب میں ان جرائم پر 153 افراد کو سر قلم کی سزا دی گئی۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

فروری 8, 2018
کراچی میں سوتیلے باپ کی 11 سالہ بیٹی سے زیادتی

کراچی : سوتیلے باپ نے 11سالہ بیٹی کو زیادتی کا نشانہ بنا ڈالا، واقعے کا مقدمہ درج کر کے ملزم کو گرفتار کرلیا گیا ہے۔

تفصیلات کے مطابق کراچی میں بچی سےزیادتی کاایک اورمبینہ واقعہ پیش آیا ، جہاں منظور کالونی میں سوتیلے باپ نے مبینہ طور پر بچی کو زیادتی کا نشانہ بنا یا، متاثرہ بچی اپنی والدہ اور سوتیلے باپ کے ساتھ ایک گھر میں رہتی تھی۔

بچی کےوالدین کے درمیان2009میں طلاق ہوگئی تھی۔

واقعے کا مقدمہ بچی کے حقیقی والد کی مدعیت میں درج کرلیا گیا ہے جبکہ ملزم نوید مہر کو گرفتار بھی کرلیا ہے۔

دوسری جانب گرفتار ملزم نوید مہر کا کہنا ہے کہ مجھ پر جھوٹا الزام لگایا جارہا ہے۔

پولیس کے مطابق لڑکی اور ملزم کا میڈیکل کرایا ہے، رپورٹ کا انتظار ہے، ملزم نوید نے4سال پہلے بچی کی ماں سے دوسری شادی کی تھی۔

مزید پڑھیں : کراچی میں ایک اور کمسن بچی سے زیادتی، ملزم چچا نکلا

یاد رہے چند روز قبل سچل میں ایک اور کمسن بچی کو زیادتی کا نشانہ بنایا گیا تھا اور زیادتی کرنے والا اس کا چچا نکلا، بچی سے زیادتی کامقدمہ درج کرلیا گیا جبکہ صوبائی وزیر داخلہ سہیل انور سیال نے ملزم کی عدم گرفتاری کا نوٹس لیا تھا۔

اس سے قبل کراچی کے علاقے ابراہیم حیدری میں اسکول میں 3سال کی بچی سے زیادتی کی کوشش ناکام بنادی گئی تھی، علاقہ مکینوں نے بچی کے شور شرابے پر ملزم کو پکڑلیا، علاقہ مکینوں نے ملزم کو تشدد کے بعد رینجرز کے حوالے کردیا تھا۔

فروری 3, 2018
راولپنڈی: ٹیکسی ڈرائیور نے لڑکی کو زیادتی کا نشانہ بنا ڈالا

راولپنڈی : ایک لڑکی کو ٹیکسی ڈرائیور نے ویرانے میں لے جا کر زیادتی کا نشانہ بنا ڈالا، پولیس نے مقدمہ درج کرنے کے بعد تحقیقات شروع کر دیں۔

تفصیلات کے مطابق زینب واقعے کے بعد بھی ہم نے کوئی سبق نہ سیکھا، راولپنڈی میں ایک اور لڑکی کے ساتھ زیادتی کا واقعہ پیش آیا، جہاں ایک ٹیکسی ڈرائیور نے لڑکی کو زیادتی کا نشانہ بنایا۔

میڈیکل رپورٹ میں زیادتی ثابت ہونے پر پولیس نے زنا بالجبر کے تحت مقدمہ درج کرلیا ہے، مقدمے میں کہا گیا ہے کہ لڑکی کو رات 8بجے بیوٹی پارلر لے جاتے ہوئے ٹیکسی ڈرائیور ملزم سجاد نے اغواء کیا اور ڈھوک قاضیاں کے جنگل میں لے جا کر زیادتی کا نشانہ بنایا۔

پولیس نے مقدمہ درج کرنے کے بعد تحقیقات شروع کر دیں۔

مزید پڑھیں : چارسدہ : زلزلے کے باعث زیادتی کی کوشش ناکام، ملزمان فرار، مقدمہ درج

خیال رہے کہ نئے سال 2018 کے پہلے مہینے جنوری میں کمسن بچیوں کے ساتھ زیادتی کے کئی واقعات ریکارڈ ہوئے ہیں، جن میں قصور کی سات سالہ زینب اور مردان میں چار سالہ بچی اسماء کو زیادتی کے بعد قتل کردیا گیا تھا۔

ان دونوں واقعات کا چیف جسٹس آف پاکستان جسٹس میاں ثاقب نثار نے از خود نوٹس لے لیا ہے اور دونوں واقعا ت کے بارے میں پولیس حکام سے رپورٹ طلب کرلی ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

فروری 2, 2018