متحدہ عرب امارات کے بڑے شہر اور دارالحکومت راس الخیمہ میں پولیس حکام نے ٹریفک قوانین پر عمل درآمد کیلئے تمام گاڑیوں کے ڈرائیوروں کو سخت تنبیہ جاری کی ہے۔
حالیہ دنوں شروع ہونے والی مہم کے دوران پولیس افسران نے ڈرائیوروں سے کہا ہے کہ وہ سڑک پر زیادہ محتاط رہیں اور تمام ٹریفک قوانین پر مکمل عمل درآمد کریں۔
راس الخیمہ پولیس کے محکمہ ٹریفک اور پٹرولنگ کے ڈائریکٹر کرنل ڈاکٹر محمد البحر نے کہا ہے کہ امارات میں ٹریفک حکام نے حال ہی میں متعدد خلاف ورزیوں کو ریکارڈ کیا ہے اور ان میں سب سے زیادہ تشویشناک گاڑیاں انتہائی تیز رفتاری سے چلائی جا رہی ہیں۔
کرنل البحر نے کہا ہے کہ تیز رفتاری کی ان خلاف ورزیوں کو خود ڈرائیور اور اس کے آس پاس والوں کے خلاف جرم سمجھا جاسکتا ہے۔
کرنل البحر نے وزارتی قرارداد نمبر 178 کے مطابق، تیز رفتاری کرنے والوں کے لیے بھاری جرمانے پر زور دیا ہے۔
انہوں نے بتایا کہ 80کلومیٹر فی گھنٹہ سے زیادہ رفتار کی حد سے تجاوز کرنے والوں کے لیے 3ہزار درہم جرمانہ، 23بلیک پوائنٹس، 60 دن کی گاڑی کی بندش ہے۔
اس کے علاوہ 60کلومیٹر فی گھنٹہ کی رفتار سے حد سے آگے جانے والوں کے لیے 2ہزار درہم جرمانہ،12 بلیک پوائنٹس اور 30 دن کی گاڑیوں کی پابندی ہے۔
