کراچی: نیا سال پاکستان اسٹاک ایکس چینج کے لیے بھی مہربان ثابت ہوا، انڈیکس میں نئے سال کے ساتھ تیزی کا رجحان دیکھنے میں آیا۔
تفصیلات کے مطابق سال 2019 پاکستان اسٹاک ایکس چینج کے لیے مثبت ثابت ہوا، 100 انڈیکس میں 500 پوائنٹس کا اضافہ ریکارڈ کیا گیا۔
پاکستان اسٹاک ایکس چینج(پی ایس ای) کا کہنا ہے 100 انڈیکس 37ہزار 569 پوائنٹس پر ٹریڈ کررہا ہے۔
خیال رہے کہ گذشتہ ہفتے اسٹاک مارکیٹ میں کاروباری ہفتے کے آخری روز مندی کا رجحان رہا تھا۔
پاکستان اسٹاک مارکیٹ میں سال دوھزار انیس سے تین روز قبل مندی کا شکار رہی، جعلی اکاؤنٹس میں شامل افراد کے نام ای سی ایل میں شامل کرنے کے بعد سرمایہ کار حصص فروخت کرتے رہے۔
بعد ازاں اختتامی مراحل میں سو پوائنٹس کی ریکوری کے بعد انڈیکس 686 پوائنٹس کمی کے بعد 37 ھزار 167 پر بند ہوا تھا۔
قبل ازیں پاکستان اسٹاک ایکسچینج میں کاروباری ہفتے کے دوران 100 انڈیکس میں 334 پوائنٹس کی کمی ریکارڈ کی گئی تھی۔
