بھارتی کرکٹ ٹیم کے سابق ہیڈ کوچ روی شاستری نے کہا ہے کہ کسی بھی کھلاڑی کی کارکردگی کا معیار صرف ورلڈ کپ جیتنا نہیں، ویرات کوہلی پر تنقید بلاجواز ہے۔
یہ بات انہوں نے ایک میڈیا انٹرویو میں کہی، روی شاسرتی ایک بار پھر سابق بھارتی کپتان ویرات کوہلی کی حمایت میں سامنے آگئے۔ انہوں نے ویرات پر تنقید کرنے والوں کو اپنی تنقید کا نشانہ بنایا۔
ان کا کہنا تھا کہ کہا کہ صرف ورلڈ کپ جیتنا ہی کسی کھلاڑی کا کی کارکردگی کا فیصلہ کرنے کا واحد معیار نہیں ہے، اور بھی بہت سے پہلو ہیں جن پر بات کی جانی چاہیے۔
#WATCH | …It took Tendulkar 6 World Cups before winning one…Many prominent players like Ganguly, Dravid, Laxman haven’t won World Cup, doesn’t mean they are bad players…We’ve only 2 world cup winning captains: Ravi Shastri, Ex-Head Coach, Indian Cricket Team in Muscat, Oman pic.twitter.com/sk785cuycA
— ANI (@ANI) January 25, 2022
روی شاستری نے ویرات کوہلی کے ناقدین کو تنقید کا نشانہ بناتے ہوئے کہا کہ سارو گنگولی، اور راہول ڈریوڈ نے کبھی بھی ورلڈ کپ نہیں جیتا۔
اس کے علاوہ انیل کمبلے، وی وی ایس لکشمن اور روہت شرما نے ورلڈ کپ نہیں جیتا لیکن اس کا مطلب یہ ہرگز نہیں کہ وہ اچھے کھلاڑی نہیں ہیں۔
#WATCH | …One thing is clear I do not wash dirty linen in public. I do not want to discuss any of my players in public…: Ravi Shastri, Former Head Coach of Indian Cricket Team pic.twitter.com/l8D1d2426z
— ANI (@ANI) January 25, 2022
روی شاستری نے مزید کہا کہ سچن ٹنڈولکر کو ایک ورلڈ کپ جیتنے میں چھ ورلڈ کپ لگے اور کوہلی کے لیے اس کی بنیاد پر فیصلہ کرنا مناسب نہیں ہے۔
بھارتی میڈیا سے گفتگو کرتے ہوئے روی شاستری نے کہا کہ کپتانی چھوڑنا ویرات کوہلی کی اپنی پسند ہے، آپ کو ان کے فیصلے کا احترام کرنا ہوگا۔
انہوں نے کہا کہ ہر چیز کا ایک وقت ہوتا ہے، ماضی میں بھی بہت سے بڑے کھلاڑیوں نے کپتانی چھوڑ دی تھی جب انہیں لگا تھا کہ انہیں اب اپنی بلے بازی پر توجہ دینی چاہیے۔
