اسلام آباد: اقتصادی رابطہ کمیٹی نے پاکستان اسٹیل ملز کے ملازمین کو2 ماہ کی تنخواہ ادا کرنے کی منظوری دے دی۔
وزیر خزانہ اسحاق ڈار کی صدارت میں ہونے والے اقتصادی رابطہ کمیٹی کے اجلاس میں اسٹیل مل کے ملازمین کی ستمبر اور اکتوبر کی تنخواہ جاری کرنے کی منظوری دی گئی جبکہ ٹریڈنگ کارپوریشن کو گزشتہ مالی سال کے کپاس اسٹاک کو بیچنے کی اجازت دے دی گئی۔
کمیٹی نے نیلم جہلم منصوبے کے لیے سکوک بانڈز کے اجرا کے لیے حکومتی گارنٹی مہیا کرنے کی منظوری دے دی، اس کے علاوہ واپڈا کو داسو ون ہائیڈرل منصوبے کے لیے مقامی اور کمرشل بنکوں سے ایک سو 44 ارب روپے کا قرضہ لینے کی اجازت دے دی گئی۔
کمیٹی نے وزارت پیٹرولیم کو ایل این جی کی در آمد اور تقسیم کے لیے ذیلی کمپنیاں قائم کرنے کی اجازت بھی دی گئی۔
