Tag: rawalakot

  • راولاکوٹ میں غار میں چھپے 4 دہشت گرد ہلاک، 2 اہلکار شہید

    راولاکوٹ میں غار میں چھپے 4 دہشت گرد ہلاک، 2 اہلکار شہید

    راولاکوٹ: آزاد کشمیر کے شہر راولاکوٹ میں ایک غار میں چھپے 4 دہشت گرد پولیس مقابلے میں ہلاک ہو گئے، جب کہ 2 اہلکار شہید ہو گئے۔

    تفصیلات کے مطابق ایس ایس پی راولاکوٹ ریاض مغل نے پریس کانفرنس میں بتایا کہ پولیس کو اطلاع ملی تھی کہ حسین کوٹ کے جنگل میں دہشت گرد موجود ہیں، جس پر جنگل میں چھاپا مارا گیا، دہشتگرد ایک غار میں چھپے تھے۔

    ایس ایس پی کے مطابق پولیس نے غار کا محاصرہ کیا اور دہشت گردوں کو پکڑنے کی کوشش کرنے لگی، تاہم ایک دہشتگرد نے دستی بم پھینک دیا، جس کے جواب میں پولیس نے فائرنگ کی، جس سے چاروں دہشت گرد ہلاک ہو گئے۔

    ایس ایس پی راولاکوٹ ریاض مغل
    ایس ایس پی راولاکوٹ ریاض مغل

    ریاض مغل کے مطابق دہشتگروں کی فائرنگ سے 2 اہلکار گلزار اور طارق بشیر شہید ہو گئے ہیں، جب کہ ہلاک دہشت گردوں میں زرنوش نسیم، اس کا بھائی جبران نسیم، الفت اور ایک نامعلوم شخص شامل ہے۔


    راولاکوٹ میں گاڑی کھائی میں گرنے سے 5 پولیس اہلکار شہید


    دہشتگردوں سے 3 کلاشنکوف، گرینیڈ، 4 خود کش جیکٹس اور راؤنڈز برآمد ہوئے، ان کا تعلق کالعدم ٹی ٹی پی سے ہے، جن کو افغانستان سے ڈاکٹر رؤف ہینڈل کر رہا تھا، دہشت گرد آزاد کشمیر میں بڑی کارروائی کرنا چاہتے تھے۔

    ایس ایس پی راولاکوٹ کے مطابق دہشتگرد زرنوش نے اپنے ساتھیوں کے ساتھ اس سے قبل شجاع آباد میں پولیس اہلکار سجاد ریشم کو قتل کیا تھا۔

  • راولاکوٹ میں جیل سے سزائے موت کے 20 قیدی پولیس اہلکار کو یرغمال بنا کر فرار

    راولاکوٹ میں جیل سے سزائے موت کے 20 قیدی پولیس اہلکار کو یرغمال بنا کر فرار

    راولاکوٹ: آزاد کشمیر میں ایک ڈسٹرکٹ جیل سے 20 قیدی فرار ہو گئے، جن میں سے ایک قیدی پولیس فائرنگ سے ہلاک ہو گیا ہے۔

    تفصیلات کے مطابق راولاکوٹ شہر میں ڈسٹرکٹ جیل سے بیس قیدی پولیس اہلکار کو یرغمال بنا کر فرار ہو گئے، فائرنگ کے تبادلے میں ایک قیدی ہلاک ہو گیا، فرار ہونے والوں میں انتہائی خطرناک قیدی بھی شامل ہیں۔

    پولیس حکام کا کہنا ہے کہ مفرورملزمان میں زیادہ تر سزائے موت کے قیدی شامل ہیں، جنھیں دوبارہ پکڑنے کے لیے شہر کے اطراف ناکہ بندی کر دی گئی ہے۔

    ایس ایس پی راولاکوٹ کے مطابق ہلاک ہونے والا قیدی خیام منشیات کے کیس میں گرفتار تھا، واقعے پر ڈسٹرکٹ جیل راولاکوٹ کے عملے کو گرفتار کر کے سٹی تھانہ منتقل کر دیا گیا ہے، جب کہ ڈسٹرکٹ جیل کا انتظام بھی راولاکوٹ پولیس نے سنبھال لیا ہے۔

    واقعے کے بعد کمشنر، ڈی آئی جی اور پولیس کی بھاری نفری جیل میں پہنچ گئی تھی۔ پولیس نے ڈسٹرکٹ جیل سے فرار قیدیوں کی فہرست بھی جاری کر دی ہے، بتایا گیا ہے کہ 19 قیدی فرار ہوئے جب کہ ایک قیدی گولی لگنے سے ہلاک ہوا۔

  • راولاکوٹ میں مکان کی چھت گر گئی، ملبے تلے دبنے سے 10 افراد جاں بحق

    راولاکوٹ میں مکان کی چھت گر گئی، ملبے تلے دبنے سے 10 افراد جاں بحق

    راولاکوٹ: تتہ پانی کے مقام پر ایک مکان کی چھت گر گئی، جس کے ملبے تلے دب کر 10 افراد جاں بحق ہو گئے۔

    تفصیلات کے مطابق آزاد کشمیر کے شہر راولاکوٹ میں تتہ پانی کے مقام پر مکان کی چھت گرنے سے دس افراد جاں بحق اور 3 زخمی ہوگئے۔

    ریسکیو حکام کے مطابق جاں بحق افراد میں 7 بچے اور 3 خواتین شامل ہیں، متاثرہ مکان میں 2 خاندان رہائش پذیر تھے، جب کہ حادثے کے وقت کچھ مہمان بھی گھر میں موجود تھے۔

    پونچھ کھکھریالی میں یہ حادثہ بارش کی وجہ سے پیش آیا، شدید بارش میں مکان کی چھت اچانک زمیں بوس ہو گئی، حادثے میں ملک افسر نامی شہری کے خاندان کے افراد جاں بحق ہوئے، جب کہ زخمیوں کو کوٹلی اسپتال منتقل کیا گیا ہے۔

    وزیر اعظم آزاد کشمیر تنویر الیاس نے تتہ پانی میں دس افراد جاں بحق ہونے پر ان کے لواحقین سے دلی ہمدردی اور اظہار تعزیت کیا، اور مرحومین کے لیے دعائے مغفرت کی۔

    وزیر اعظم آزاد کشمیر نے کہا کہ ہم جاں بحق افراد کے لواحقین کے دکھ میں برابر کے شریک ہیں، غم کی اس گھڑی میں ہم لواحقین کے ساتھ ہیں۔

  • راولاکوٹ میں اسکول وین کو خوف ناک حادثہ، 3 بچے جاں بحق

    راولاکوٹ میں اسکول وین کو خوف ناک حادثہ، 3 بچے جاں بحق

    آزاد کشمیر: ضلع پونچھ کے شہر راولاکوٹ میں ایک اسکول وین کھائی میں گر گئی، حادثے میں 3 بچے جاں بحق ہو گئے ہیں۔

    تفصیلات کے مطابق راولاکوٹ میں کھائیگلہ کے قریب تولی پیر روڈ پر اسکول وین کھائی میں گرنے سے 3 بچے جاں بحق، جب کہ 15 زخمی ہو گئے۔

    زخمی بچوں کو طبی امداد کے لیے شیخ زید راولاکوٹ اسپتال منتقل کر دیا گیا ہے۔

    عینی شاہدین کا کہنا ہے کہ ہائی ایس اسکول وین ایک لوڈ ٹرک سے ٹکرا گئی تھی، جس کے باعث وہ کھائی میں جا گری۔

    اطلاعات کے مطابق وین میں 30 کے قریب طلبہ طالبات سوار تھے، حادثے میں کئی بچے شدید زخمی ہو گئے ہیں۔

  • راولاکوٹ : بھارتی خفیہ ایجنسی ‘را’ کے 3 ایجنٹ گرفتار

    راولاکوٹ : بھارتی خفیہ ایجنسی ‘را’ کے 3 ایجنٹ گرفتار

    راولاکوٹ : قانون نافذ کرنے والے اداروں نے بھارتی خفیہ ایجنسی را کیلئے کام کرنے والے تین ایجنٹس کو حراست میں لے لیا ہے۔

    تفصیلات کے مطابق پاکستان کو بے امنی میں دھکیلنے والے مزید تین بھارتی جاسوس پکڑے گئے، راولاکوٹ میں پولیس و حساس اداروں کی کامیاب مشترکہ کارروائی میں  بم دھماکوں میں ملوث را کے تین ایجنٹس خلیل، راشد اور امتیاز کو حراست میں لے لیا گیا۔

    بھارتی افسر ان ایجنٹس کو تخریب کاری کیلئے بھاری رقم دیا کرتے تھے،  جب کہ ملزمان نے 13 سے 14 مرتبہ ایل او سی سے آرپار جانے کا اعتراف بھی کیا۔

    پریس بریفنگ میں ڈی آئی جی راولاکوٹ نے بتایا کہ گرفتار کارندے میجر رنجیت، میجر سلطان اور صوبے دار سرندیپ سے رابطے میں تھے، را ایجنٹ لائن آف کنٹرول پر بھارتی فورسز کے افسران کو حساس معلومات فراہم کرتے تھے جبکہ ملزمان کے قبضے سے لوکل سم بھی برآمد ہوئیں ہیں۔

    تینوں ایجنٹس کا بھارتی فوجی افسران سے رابطوں کا انکشاف

    ڈی آئی جی چوہدری سجاد حسین کے مطابق مرکزی ملزم محمد خلیل بھارتی فوج سے رابطے میں تھا اورتفتیش کے دوران تینوں ایجنٹس کا بھارتی فوجی افسران سے رابطوں کا انکشاف ہوا ہے۔

    ڈی آئی جی  کا کہنا ہے کہ ملزمان نے27 دسمبر2016 کوعباس پورتھانے پرآئی ڈی لگا کردھماکا کیا اور ملزمان کو دہشت گردی کے واقعہ پر 5 لاکھ روپے دیے جاتے تھے، ملزمان سے تفتیش کی جارہی ہے جس سے ملزمان کا پورا نیٹ ورک پکڑے جانے کی توقع ہے۔

  • پاکستانی حدود میں داخل ہونے والی خاتون بھارتی حکام کے حوالے

    پاکستانی حدود میں داخل ہونے والی خاتون بھارتی حکام کے حوالے

    راولپنڈی : پاکستان نے جذبہ خیر سگالی کے تحت غلطی سے لائن آف کنٹرول پار کرکے پاکستانی حدود میں داخل ہونے والی خاتون کو واپس بھارتی حکام کے حوالے کردیا۔

    آئی ایس پی آر کے ترجمان کے مطابق مقبوضہ کشمیر کے ضلع پونچھ کے گاؤں نکرا کوٹ کی رہائشی خاتون مسز شمیم اختر 25اگست کو غلطی سے لائن آف کنٹرول پار کرکے چکوٹھی کے مقام پر پاکستانی حدود میں داخل ہوگئی تھی۔

      خاتون مسز شمیم اختر کوسکیورٹی حکام نے تحویل میں لے لیا تھا ۔

    آئی ایس پی آر کے ترجمان کے مطابق پاکستانی حکام نے جذبہ خیر سگالی کے تحت مسز شمیم اختر کو ضروری قانونی کارروائی کے بعد آزاد کشمیر میں راولا کوٹ کے ستوال کراسنگ پوائنٹ پر بھارتی حکام کے حوالے کردیا ہے۔