راولپنڈی: راولپنڈی کرکٹ اسٹیڈیم کے داخلی راستے سے ایک مشکوک شخص کو گرفتار کیا گیا ہے۔
تفصیلات کے مطابق راولپنڈی کرکٹ اسٹیڈیم کے داخلی راستے سے ایک مشکوک شخص کو گرفتار کر لیا گیا ہے، پولیس حکام کا کہنا ہے کہ مشکوک شخص کی شناخت راجہ عزران کے نام سے ہوئی ہے۔
مشکوک شخص ملک فیصل مشتاق نامی شخص کے کارڈ پر کرکٹ اسٹیڈیم میں داخل ہو رہا تھا جب اسے حراست میں لیا گیا، پولیس حکام کے مطابق مشکوک شخص کو متعلقہ تھانے منتقل کر دیا گیا ہے۔
پولیس نے مشکوک شخص کے حوالے سے تحقیقات شروع کر دی ہیں۔
واضح رہے کہ آج راولپنڈی کرکٹ اسٹیڈیم میں چیمپئنز ٹرافی کا پاکستان اور بنگلادیش کا آخری میچ ہو رہا ہے، پنڈی میں بارش کے باعث ٹاس تاخیر کا شکار ہوا۔ پاکستان اور بنگلادیش کی ٹیموں نے اب تک کوئی میچ نہیں جیتا۔ دونوں ٹیموں نے دو دو میچ کھیلے، دونوں میں شکست ہوئی۔
راولپنڈی میں بارش کا سلسلہ رک گیا ہے، پچ سے کوورز ہٹانے کا کام بھی شروع کر دیا گیا، امپائرز آؤٹ فیلڈ کا معائنہ کر رہے ہیں۔
