ARYNews.tv | Urdu – Har Lamha Bakhabar

Tag: Rawalpindi

  • مولانا سمیع الحق قاتلانہ حملے میں‌ جاں بحق

    مولانا سمیع الحق قاتلانہ حملے میں‌ جاں بحق

    اسلام آباد: راولپنڈی میں جمعیت علماء اسلام (س) کے سربراہ مولانا سمیع الحق پر قاتلانہ حملہ ہوا جس کے نتیجے میں وہ جاں بحق ہوگئے۔

    نمائندہ اے آر وائی کے مطابق اسلام آباد کے علاقے تھانہ لوہی بھیر کی حدود میں مولانا سمیع الحق پر قاتلانہ حملہ اُن کی رہائش گاہ پر ہوا، جس کے نتیجے میں وہ شدید زخمی ہوئے، انہیں راولپنڈی کے اسپتال منتقل کرنے کی کوشش کی گئی مگر وہ جانبر نہ ہوسکے۔

    ابتدائی اطلاعات کے مطابق مولانا سمیع الحق پر موٹر سائیکل سواروں نے حملہ کیا جبکہ بیٹے کا کہنا تھا کہ والد کو گھر پر چھریوں کے وار سے نشانہ بنایا گیا جس کے نتیجے میں وہ شدید زخمی ہوئے اور پھر زخموں کی تاب نہ لاتے ہوئے دم توڑ گئے۔

    بیٹے مولانا حامد الحق نے والد کے جاں بحق ہونے کی تصدیق کردی۔ صاحبزادے مولانا حامد الحق کا کہنا تھا کہ ’مولاناسمیع الحق گھر پر آرام کررہے تھے کہ اسی دوران اُن پر حملہ ہوا، نامعلوم افراد نے چھرے سے کئی وار کر کے انہیں نشانہ بنایا‘۔

    نماز جنازے کا اعلان

    اہل خانہ نے مولانا کا پوسٹ مارٹم سے انکار کردیا جبکہ اُن کے جسد خاکی کو مدرسے اکوڑہ خٹک منتقل کی جارہی ہے جہاں مقتول کی نماز جنازہ کل دوپہر 2 بجے ادا کی جائے گی جبکہ تدفین آبائی علاقے نوشہرہ میں کی جائے گی۔

    ابتدائی تفتیش

    پولیس ذرائع کے مطابق مولانا سمیع الحق کے قتل کی تحقیقات کے لیے خصوصی ٹیمیں اُن کے کمرے میں پہنچیں اور فرانزک لیب کے ماہرین نے تفتیشی افسران کے ساتھ مل کر شواہد اکھٹے کیے۔

    تفتیشی ٹیم نے مقتول رہنما کے زیر استعمال اور کمرے کی چیزوں سے فنگر پرنٹس کے شواہد لیے جبکہ ہاؤسنگ سوسائٹی کے ریکارڈ روم سے سی سی ٹی وی فوٹیج کا ڈیٹا بھی حاصل کیا۔

    پولیس ذرائع کے مطابق ملازمین،گارڈزباہر کھاناکھانے گئےتودروازہ بند کرکے گئے تھے، قتل کی واردات سے ظاہر ہوتا ہے کہ قاتل کا گھر میں آنا جانا تھا۔ تفتیشی ٹیم کا یہ بھی کہنا ہے کہ ’مولانا کے گھر میں توڑ پھوڑ کا کوئی نشان موجود نہیں ہے‘۔

    پولیس نے شک کی بنیاد پر محافظ اور باورچی کو تفتیش کے لیے حراست میں لے کر نامعلوم مقام پر منتقل کردیا۔

    یاد رہے کہ مولانا سمیع الحق جمعیت علماء اسلام (س) کے بانی اراکین میں سے تھے انہوں نے مفتی محمود کے ساتھ بھی کام کیا، بعد ازاں آپ دو مرتبہ سینیٹر بھی بنے اور متحدہ مجلس عمل سمیت دفاع پاکستان کونسل کی داغ بیل بھی ڈالی ۔ جمعیت علماء اسلام (س) کے مقتول سربراہ نے پارلیمانی سیاست میں بڑھ چڑھ کر حصہ لیا۔

  • ایرو ناٹیکل کمپلیکس دفاعی پیداوار میں کلیدی کردار کا حامل ہے، جنرل زبیر محمود حیات

    ایرو ناٹیکل کمپلیکس دفاعی پیداوار میں کلیدی کردار کا حامل ہے، جنرل زبیر محمود حیات

    راولپنڈی : چیئرمین جوائنٹ چیفس آف اسٹاف کمیٹی جنرل زبیر محمود حیات نے پاکستان ایرو ناٹیکل کمپلیکس کامرہ کا دورہ کیا، اس موقع پر انہیں کارکردگی سے متعلق تفصیلات سے آگاہ کیا گیا ۔

    تفصیلات کے مطابق جنرل زبیر محمود حیات کو پاکستان ایرو ناٹیکل کمپلیکس کامرہ (پی اے سی) کی فیکٹریز میں جاری منصوبہ جات پر مکمل بریفنگ دی گئی۔

    جنرل زبیر نے کام کی رفتار اور اس کی کارکردگی پر اطمینان کا اظہار کیا،اس موقع پر گفتگو کرتے ہوئے جنرل زبیر محمود حیات نے کہا کہ پی اے سی دفاعی پیداوار میں ایک کلیدی کردار کا حامل ادارہ ہے،انہوں نے پی اے سی کی خود انحصاری کی پالیسی اور تمام منصوبوں میں عالمی معیار کے حصول کو سراہا۔

    چیئرمین جوائنٹ چیفس آف اسٹاف کمیٹی نے پی اے سی کامرہ کے مستقبل کے منصوبہ جات میں بھرپور اعانت کا اعادہ کیا، جنرل زبیر محمود حیات کی پی اے سی آمد کے موقع پر ائیرمارشل احمر شہزاد لغاری نے ان کا استقبال کیا۔

  • راولپنڈی : آرمی چیف جنرل قمر باجوہ سے چینی سفیر یاؤ جنگ کی ملاقات

    راولپنڈی : آرمی چیف جنرل قمر باجوہ سے چینی سفیر یاؤ جنگ کی ملاقات

    راولپنڈی : پاک فوج کے سربراہ جنرل قمر جاوید باجوہ سے چینی سفیر یاؤ جنگ نے ملاقات کی، ملاقات میں باہمی دلچسپی کے امور پر گفتگو ہوئی۔

    ، پاک فوج کے شعبہ برائے تعلقاتِ عامہ (آئی ایس پی آر) کے مطابق آرمی چیف جنرل قمر باجوہ سے چین کے سفیر یاؤ جنگ نے ملاقات کی ہے، یہ ملاقات جی ایچ کیو راولپنڈی میں ہوئی، دونوں شخصیات کی ملاقات میں باہمی دلچسپی کے امور پرتبادلہ خیال کیا گیا۔

    اس سے قبل اسلام آباد میں پریس کانفرنس سے خطاب کرتے ہوئے چینی سفیر یاؤ جنگ کا کہنا تھا کہ سماجی، اقتصادی، تجارتی، دفاعی اور ثقافتی ترقی کے لیے چین اور پاکستان یکجا ہیں، پاک چین قیادت کا وژن اور سوچ یکساں ہے، دونوں ممالک پالیسی سطح پر باہمی اشتراک اور تعاون سے بڑھیں گے۔

    مزید پڑھیں: آرمی چیف نے 14 دہشت گردوں کی سزائے موت کی توثیق کردی

    ان کا مزید کہنا تھا کہ چینی حکومت وزیر اعظم عمران خان کے دورہ چین کی منتظر ہے۔ چین معاشی اور اقتصادی طور پر مضبوط پاکستان کا خواہاں ہے، ہمیں اندازہ ہے پاکستان کو معاشی چیلجز کا سامنا ہے اور پاکستان کو اپنی برآمدات بڑھانے کی ضرورت ہے۔

  • اسٹیٹ آف دی آرٹ ڈائلیسز سینٹر میں مریضوں کا مفت علاج کیا جائے گا، ملک ریاض

    اسٹیٹ آف دی آرٹ ڈائلیسز سینٹر میں مریضوں کا مفت علاج کیا جائے گا، ملک ریاض

    راولپنڈی : چیئرمین بحریہ ٹاؤن ملک ریاض نے کہا ہے کہ اسٹیٹ آف دی آرٹ ڈائلیسز سینٹرمیں مریضوں کا مفت علاج کیا جائے گا، ہم نیا پاکستان بنانے والوں کے ساتھ ہیں۔

    ان خیالات کا اظہار انہوں نے بحریہ ٹاؤن فیز ایٹ راولپنڈی میں اسٹیٹ آف دی آرٹ ڈائلیسز سینٹر کی افتتاحی تقریب کے موقع پر میڈیا سے گفتگو کرتے ہوئے کیا۔

    ملک ریاض نے کہا کہ چوتھے ڈائلیسز یونٹ کے افتتاح کی بہت خوشی ہے، اس سینٹر میں مریضوں کا مفت علاج کیا جائے گا، اس کے بعد15بستروں پر مشتمل ایمرجنسی کا بھی افتتاح کریں گے۔

    چیئرمین بحریہ ٹاؤن کا ایک سوال کے جواب میں کہنا تھا کہ غریب لوگوں کی سہولت کیلئے جو ہوسکا وہ کریں گے، سوشل میڈیا کو اپنا اور مجھے اپنا کام کرنے دیں، میں غریبوں کی بات کرتا ہوں،اسپتال سب غریبوں کیلئے ہیں، یہاں جگر اور گردوں کی پیوند کاری (کڈنی ٹرانسپلانٹ) اور بائی پاس کی سہولتیں موجود ہیں۔

    انہوں نے بتایا کہ روزانہ کی بنیاد پر800مریضوں کا علاج ہورہاہے، لندن میں انجیوگرام میں5سے6ہزار پاؤنڈ لگتے ہیں، جبکہ بحریہ ٹاؤن غریب عوام کو یہی سہولت پاکستان میں کم پیسوں میں دے رہا ہے، لاہور، کراچی ،جہلم ، راولپنڈی میں ایسے اسپتال بناچکے ہیں،ملک بھر میں ایسے200اسپتال بنانا چاہتے ہیں۔

    چیئرمین بحریہ ٹاؤن کا مزید کہنا تھا کہ ہم نیا پاکستان بنانے والوں کے ساتھ ہیں بحریہ ٹاؤن کی مسجد دنیا میں پاکستان کی پہچان ہوگی، مسجد اس سال مکمل ہوگی، 8لاکھ نمازیوں کی گنجائش ہے۔

  • راولپنڈی: ہاسٹل انتظامیہ کی مبینہ غفلت، طالبہ جاں بحق، طالبات کا شدید احتجاج

    راولپنڈی: ہاسٹل انتظامیہ کی مبینہ غفلت، طالبہ جاں بحق، طالبات کا شدید احتجاج

    راولپنڈی: ہاسٹل انتظامیہ کی مبینہ غفلت نے بی ایس سی کی طالبہ کی جان لے لی.

    تفصیلات کے مطابق پوسٹ گریجویٹ کالج کے ہاسٹل میں مقیم عروج فاطمہ کی طبیعت گذشتہ رات بگڑ گئی، مگر ہاسٹل کی وارڈن نے طالبہ کو اسپتال لے جانے کی اجازت نہیں‌ دی.

    ساتھی طالبات نے الزام عائد کیا ہے کہ بیس سالہ عروج فاطمہ ساری رات تڑپتی رہی، مگر کسی نے ایک نہیں سنی، یہاں تک کہ وہ اپنی جان سے ہاتھ دھو بیٹھی.

    طالبات کا کہنا ہے کہ جب انھوں نے عروج کو اسپتال لے جانے کا مطالبہ کیا، تو وارڈن نے کہا تھا کہ انھیں اس کی اجازت نہیں. جب طالبات نے احتجاج کیا، تو اساتذہ نے اُنھیں مارا پیٹا.

    عروج فاطمہ کی ہلاکت کے بعد کالج پرنسپل نے موقف اختیار کیا تھا کہ طالبہ دل کے عارضے میں مبتلا تھی، مگر بچی کے ماموں نے اس موقف کو یکسر رد کر دیا.

    واقعے کے بعد طالبات نے کالج انتظامیہ کے خلاف شدید احتجاج کیا۔ وارڈن کو گرفتار کرلیا گیا ہے۔

    ماموں کا کہنا تھا کہ ہاسٹل میں بچی تڑپتی رہی، کوئی میڈیسن موجود نہیں تھی، جب میں پوچھا، تو مجھےانتظامیہ نے کمرے میں جانے کی اجازت نہٰں دی.

    وزیراعلیٰ عثمان بزدار نے واقعہ کا نوٹس لیتے ہوئے تحقیقات کاحکم جاری کر دیا گیا ہے.

  • پنجاب فوڈ اتھارٹی کی کارروائی ناقص ناریل تیار کرنے والا یونٹ اور دو ریسٹورنٹ سیل

    پنجاب فوڈ اتھارٹی کی کارروائی ناقص ناریل تیار کرنے والا یونٹ اور دو ریسٹورنٹ سیل

    راولپنڈی : پنجاب فوڈ اتھارٹی نے گنج منڈی میں چھاپہ مار کر زائد المیعاد بوتلوں کی تاریخ تبدیل کرنے والا گودام، ناقص ناریل تیار کرنے والایونٹ اور دو ریسٹورنٹ سیل کردیے۔

    تفصیلات کے مطابق پنجاب فوڈ اتھارٹی کی صوبے میں ناقص اشیاء کی تیاری کے خلاف کارروائیاں جاری ہیں، اس سلسلے میں ڈائریکٹر جنرل پنجاب فوڈ اتھارٹی کیپٹن عثمان کی سربراہی میں راولپنڈی کے مختلف مقامات پر کارروائیاں کی گئیں۔

    پی ایف اے کی ٹیم نے راولپنڈی کے علاقے گنج منڈی میں زائد المیعاد (ایکسپائر) بوتلوں کی تاریخ تبدیل کرنے والا گودام سیل کردیا، ڈائریکٹر جنرل پنجاب فوڈ اتھارٹی کیپٹن عثمان نے گودام سے مختلف برانڈز کی تین ہزارسے زائد بوتلیں برآمد کرکے مالک کیخلاف مقدے کا حکم جاری کردیا۔

    اس کے علاوہ ناقص ناریل تیارکرنے والا یونٹ اور دو ریسٹورنٹ بھی سیل کردیے گئے، گنج منڈی میں ناریل پراسسنگ یونٹ سیل کرکے چار ہزار سے زائد ناریل برآمد کرلیے گئے۔

    مذکورہ یونٹ میں گندے پانی، کیمیکل اور تیزاب سے ناریل دھوئے جاتےتھے، چمک پیدا کرنے کیلئے تیزاب سے دھلے ہوئے ناریل بیماریوں کا باعث بنتے ہیں، ڈی جی کیپٹن عثمان کے مطابق راجن پور سے اٹک تک پنجاب فوڈ اتھارٹی کی ٹیمیں پوری طرح متحرک ہیں۔

  • راولپنڈی : پولیس اہلکارکو ہیرو بننا مہنگا پڑگیا، ڈاکو موٹرسائیکل سمیت فرار

    راولپنڈی : پولیس اہلکارکو ہیرو بننا مہنگا پڑگیا، ڈاکو موٹرسائیکل سمیت فرار

    راولپنڈی : پولیس اہلکار ہیرو بننے کی کوشش میں زیرو ہوگیا، راولپنڈی پولیس نے دو ڈکیت پکڑے، ایک بھاگ نکلا اور پولیس اہلکار اپنی ویڈیو بنواتارہا، اہلکار نے غلطی سے گولی اپنے ساتھی کو ہی مار دی۔

    تفصیلات کے مطابق راولپنڈی میں مبینہ پولیس مقابلے کا پول کھل گیا، اہلکار ویڈیو بنواتا رہ گیا، ہاتھ آیا مبینہ ڈکیت بھاگ نکلا، راولپنڈی پولیس نے دو ڈکیت پکڑے اور اس کارروائی کی ویڈیو بنانے کے چکر میں ملزم کو بھاگنے کا موقع مل گیا۔

    راولپنڈی میں مبینہ مقابلے کا بھانڈا ویڈیو نے ہی پھوڑ دیا، جمعے کے روز صدر کے علاقے میں تین اہلکاروں نے موٹر سائیکل چھیننے والے دو ملزمان پکڑنے کا دعوٰی کیا۔

    پولیس اہلکار اتنے ذہین تھے کہ  ملزم کو بائیک اور چابی دے کر پیدل ہی تھانے چل پڑے،  ملزم آہستہ آہستہ آگے ہوا، پیچھے دیکھ کر اہلکاروں کی قابلیت کا اندازہ لگایا۔

    ملزم نے موٹر سائیکل کے ساتھ دوڑ لگائی اور اسٹارٹ کرکے یہ جا وہ جا۔ پولیس اہلکار شفیق نے آگے بڑھ کر پکڑنے کی کوشش کی تو ساتھی اہلکار فہیم نے فائر کیا نشانہ چوک گیا اور گولی شفیق کو آلگی۔

    واقعے کے بعد پولیس پارٹی مقابلے میں زخمی ہونے کا دعوٰی کرتی رہی۔ ویڈیو سامنے آنے کے بعد سی سی پی او نے تحقیقات کاحکم دے دیا۔

  • پنجاب، خیبرپختونخوا اور بالائی علاقوں میں برستے بادلوں نے موسم خوشگوار کر دیا

    پنجاب، خیبرپختونخوا اور بالائی علاقوں میں برستے بادلوں نے موسم خوشگوار کر دیا

    لاہور: پنجاب، خیبرپختونخوا اور بالائی علاقوں میں برستے بادلوں نے موسم خوشگوار کر دیا، مختلف شہروں میں بھیگی رُت سے شہریوں کے چہرے کھل اٹھے۔

    تفصیلات کے مطابق موسم نے لی انگڑائی اور مختلف شہروں میں رم جھم سے موسم سہانا ہوگیا، پہاڑی علاقے میں رہنے والوں کے لیے باران رحمت رہی۔

    دوسری جانب مری، سوات، لوئر دیر بنوں میں بارش کے بعد ٹھنڈا ٹھار موسم رہا، نظارے بھی دلفریب تھے۔

    شانگلہ میں ژالہ باری بھی ہوئی جس سے سیاح خوب لطف اندوز ہوئے۔

    علاوہ ازیں جڑواں شہروں، منڈی بہاوٰالدین، گجرات، سیالکوٹ، جہلم سمیت پنجاب کے مختلف شہروں میں بارش سے گرمی کا زور ٹوٹ گیا۔

    محکمہ موسمیات نے پنجاب اور خیبر پختونخواہ کے مختلف شہروں میں مزید بارش کی پیشگوئی کی ہے، سندھ اور بلوچستان میں موسم بدستور گرم رہے گا۔

    خیال رہے کہ دو روز قبل بھی اسلام آباد اور راولپنڈی میں طوفانی ہواؤں کے بعد موسلادھار بارش ہوئی تھی، جڑواں شہروں میں تیز ہواؤں اور بارش کے ساتھ ہی مختلف سیکٹرز میں بجلی غائب ہوگئی تھی۔

    یاد رہے کہ گذشتہ ہفتے محکمہ موسمیات نے کراچی سمیت ملک کے دیگر شہروں کے لیے خشک سالی الرٹ جاری کرتے ہوئے کہا تھا کہ معمول سے کم بارش ہونے کے باعث سندھ کے مختلف حصے معتدل سے شدید خشک سالی کی لپیٹ میں ہیں۔

    محکمہ موسمیات کا کہنا تھا کہ خشک سالی سے ملتان، میانوالی اور ارگرد کے علاقے بھی متاثر ہیں۔

  • راولپنڈی اور بنوں میں فائرنگ، دو افراد جاں بحق، پولیس اہلکار زخمی

    راولپنڈی اور بنوں میں فائرنگ، دو افراد جاں بحق، پولیس اہلکار زخمی

    راولپنڈی/بنوں: پنجاب اور خیبرپختونخواہ میں فائرنگ کے نتیجے میں دو افراد جاں بحق جبکہ پولیس اہلکار زخمی ہوگیا۔

    تفصیلات کے مطابق راولپنڈی اور بنوں میں فائرنگ ہوئی جس کے باعث دو افراد جاں بحق جبکہ ایک پولیس اہلکار زخمی بھی ہوا، ملزمان فرار ہونے میں کامیاب ہوگئے۔

    پولیس حکام کا کہنا ہے کہ راولپنڈی میں آدھے گھنٹے میں فائرنگ کے 2 واقعات پیش آئے، جامعہ مسجد روڈ پر گاڑی پر فائرنگ سے ایک شخص جاں بحق ہوا۔

    پولیس کے مطابق راولپنڈی میں صدر کے علاقے میں فائرنگ سے ایک پولیس اہلکار زخمی ہوا، ملزمان کی گرفتاری کے لیے کارروائی کررہے ہیں۔

    راولپنڈی میں فائرنگ سےایک ہی گھر کے 4 افراد جاں بحق

    دوسری جانب بنوں میں بھی گاڑی پر فائرنگ کا واقعہ پیش آیا جس سے ایک شخص جاں بحق ہوا۔

    پولیس کا کہنا تھا کہ فائرنگ کے بعد ملزمان فرار ہوگئے، جاں بحق شخص سیف اللہ کا تعلق شمالی وزیرستان سے تھا۔

    بنوں میں نامعلوم افراد کی فائرنگ‘ جماعت اسلامی کےرہنما جاں بحق

    خیال رہے کہ رواں سال فروری میں صوبہ خیبرپختونخواہ کے شہر بنوں میں نامعلوم افراد کی فائرنگ سے جماعت اسلامی کے ضلعی رہنما ملک طفیل جاں بحق ہوگئے تھے۔

    واضح رہے کہ ستمبر 2016 میں راولپنڈی کے علاقے مندرہ میں نامعلوم افراد نے ایک گھر میں فائرنگ کر کے 4 افراد کو جاں بحق کردیا تھا۔

  • تحفظ ناموس رسالت مارچ چودہ ستمبر کو راولپنڈی میں کیا جائے گا، سراج الحق

    تحفظ ناموس رسالت مارچ چودہ ستمبر کو راولپنڈی میں کیا جائے گا، سراج الحق

    لاہور : امیر جماعت اسلامی سینیٹر سراج الحق نے کہا ہے کہ گستاخانہ خاکوں کیخلاف چودہ ستمبر کو راولپنڈی میں تحفظ ناموس رسالت مارچ کیا جائے گا۔

    ان خیالات کا اظہار انہوں نے لاہور میں صحافیوں سے گفتگو کرتے ہوئے کیا۔ انہوں نے کہا کہ اس ملک کی نئی نسل نے پاکستان کو اسلامی و خوشحال پاکستان بنانا ہے، نوجوان ہی ملک و ملت کا مستقبل اور حقیقی سرمایہ ہیں، وطن عزیز پاکستان میں حقیقی تبدیلی نوجوانوں کے ذریعے ممکن ہے۔

    سینیٹر سراج الحق کا مزید کہنا تھا کہ گستاخانہ خاکوں کے معاملہ پر پوری قوم متحد ہے، چودہ ستمبر کو راولپنڈی میں تحفظ ناموس رسالت مارچ کیا جائے گا۔

    ایک سوال کے جواب میں ان کا کہنا تھا کہ نوجوان ڈگریاں پکڑے روزگار کی تلاش میں پھرتے ہیں لیکن انہیں روزگار نہیں مل رہا، موجودہ حکومت نے ایک کروڑ نوجوانوں کو روزگار دینے کا اعلان کیا ہے۔

    دیکھتے ہیں اعلان پر کہاں تک عملدرآمد ہوتا ہے یہ آنے والا وقت ہی بتائے گا۔ انہوں نے کہا کہ اسلامی جمعیت طلبہ نوجوانوں کی فکری، علمی ،ذہنی تربیت کا پلیٹ فارم ہے۔