ARYNews.tv | Urdu – Har Lamha Bakhabar

Tag: Rawalpindi

  • پاک فوج کا شوال آپریشن کامیابی سے جاری، آرمی چیف کا جوانوں کو خراج تحسین

    پاک فوج کا شوال آپریشن کامیابی سے جاری، آرمی چیف کا جوانوں کو خراج تحسین

    راولپنڈی : پاک فوج کا شوال آپریشن کامیابی سے جاری ہے، آپریشن کے آخری مرحلے میں 800کلومیٹر کا علاقہ کلیئر کروالیا گیا، تفصیلات کے مطابق آرمی چیف جنرل راحیل شریف نے جنوبی وزیرستان کا دورہ کیا۔

    آرمی چیف نے اگلے مورچوں پر تعینات جوانوں اور افسروں سے ملاقات کی، اس موقع پر ان کو شوال میں جاری آپریشن کے آخری مرحلے پر بریفنگ دی گئی۔

    آرمی چیف کو شدت پسندوں سے تحویل میں لئے گئے اسلحے کے بارے میں بتایاگیا، پاک فوج کے ادارہ تعلقات عامہ آئی ایس پی آر کے مطابق آپریشن کے آخری مرحلے میں اب تک 800کلومیٹرعلاقہ کلیئرکرالیا گیا ہے۔

    آرمی چیف جنرل راحیل شریف نے جوانوں اور افسروں کو خراج تحسین پیش کرتے ہوئے کہا کہ پاکستانی قوم جوانوں کی قربانیوں کو قدر کی نگاہ سے دیکھتی ہےاور جوانوں کے ساتھ شانہ بشانہ کھڑی ہے۔

    آرمی چیف نے کہا کہ دہشت گردوں،سہولت کاروں کاگٹھ جوڑتوڑا جائے گا، انہوں نے ہدایت کی کہ دہشت گردوں کے خلاف آپریشن ہرسطح پرپھیلادیاجائے، دہشت گردوں اوران کے سلیپرز سیلز کاچن چن کاخاتمہ یقینی بنایاجائے۔

     

  • عالمی برادری پاکستان کی قربانیاں اورکامیابیاں تسلیم کرے، آرمی چیف

    عالمی برادری پاکستان کی قربانیاں اورکامیابیاں تسلیم کرے، آرمی چیف

    گوادر: پاک فوج کے سربراہ جنرل راحیل شریف نے کہا ہے ’را‘ پاکستان اور پاک چین راہداری منصوبے کو غیر مستحکم کرنے میں ملوث ہے،کسی کو رکاوٹ یاگڑبڑکی اجازت نہیں دیں گے۔

    آئی ایس پی آر کے مطابق گوادر میں سیمنیار سے خطاب میں جنرل راحیل شریف نے عالمی برادری سے پاکستان میں دہشتگردوں کےبیرونی سہولت کاروں کوروکنے میں اپنا کردار ادا کرنے کا مطالبہ کیا۔

    پاک فوج کے سربراہ جنرل راحیل شریف نے صاف صاف کہدیا، اقتصادی راہداری منصوبے کی سیکیورٹی قومی فریضہ ہے۔ منصوبے کی تکمیل میں کوئی کسر نہیں چھوڑیں گے اور "کسی کو” رکاوٹ یاگڑبڑکی اجازت نہیں دیں گے، ’را‘ پاکستان اور راہداری منصوبے کو غیر مستحکم کرنے میں ملوث ہے۔

    جنرل راحیل شریف کا کہنا تھا کہ ضرب عضب صرف آپریشن نہیں ایک نظریہ ہے عالمی برادری پاکستان کی قربانیاں اورکامیابیاں تسلیم کرے۔

    آرمی چیف جنرل راحیل شریف نے کہا پاک چین اقتصادی راہداری پورے خطے کیلئے امن اور خوشحالی کی راہداری ہے،یہ پاکستان اور چین کے درمیان گہرے تعلقات کی عکاس ہے، اس سے بلوچستان اور گوادر کی تقدیر بدل جائے گی۔

    جنرل راحیل نے کہا کہ چین سے گوادر کارگو اسی سال آنا شروع ہو جائے گا۔ انہوں نے گوادر میں کیڈٹ کالج کے قیام کا بھی اعلان کیا۔

  • وحشی درندوں کو عوام کی زندگی سے نہیں کھیلنے دیں گے، جنرل راحیل شریف

    وحشی درندوں کو عوام کی زندگی سے نہیں کھیلنے دیں گے، جنرل راحیل شریف

    راولپنڈی : چیف آف آرمی سٹاف جنرل راحیل شریف نے کہا ہے کہ وحشی درندوں کو عوام کی زندگی سے نہیں کھیلنے دیں گے۔ بھائی بہنوں بچوں کے قاتلوں کو انصاف کے کٹہرے میں لائیں گے۔

    یہ بات انہوں نے عسکری قیادت کا اہم اجلاس سے خطاب کرتے ہوئے کہی، آئی ایس پی آر کی جانب سے جاری بیان کے مطابق جنرل راحیل شریف نے خفیہ اداروں کو لاہور میں دھماکہ کرنے والوں کافوری پتہ لگانے کی ہدایت کردی ہے۔

    آرمی چیف جنرل راحیل شریف کی زیر صدارت اہم اجلاس میں ڈی جی آئی ایس آئی اور ڈی جی ایم آئی سمیت اہم عسکری حکام نے شرکت کی۔

    ان کا کہنا تھا کہ معصوم لوگوں کے قاتلوں کو کیفر کردار تک پہنچا یا جائے گا ۔انہوں نے مزید کہا کہ وحشی لوگوں کو اپنی زندگی اور آزادی کا خاتمہ نہیں کرنے دیں گے ۔

    آرمی چیف نے کہا کہ دہشت گردوں سے روابط رکھنے والوں کو پکڑا جائے۔

     

  • آرمی چیف نے 13 دہشت گردوں کی سزائے موت کی توثیق کردی

    آرمی چیف نے 13 دہشت گردوں کی سزائے موت کی توثیق کردی

    راولپنڈی : آرمی چیف جنرل راحیل شریف نے 13دہشت گردوں کی سزائے موت کی توثیق کردی ہے۔

    آئی ایس پی آر ترجمان کے مطابق 13دہشت گردوں کیخلاف مختلف فوجی عدالتوں میں مقدمات چلائے گئے تھے ۔الزامات ثابت ہونے پر ان دہشت گردوں کو سزائے موت سنائی گئی۔

    آرمی چیف جنرل راحیل شریف نے 13دہشت گردوں کو سزائے موت دینے کی باضابطہ توثیق کر دی ہے.

    ترجمان کے مطابق سزائے مو ت سنائے جانے والے دہشت گردوں میں عرفان اللہ،مشتاق احمد،محمدنواز،تاج گل،اصغرخان، بخت امیر،عزیزخان، فضل غفار، اصغرخان ولداحمدجان،اکرام اللہ ولد حبیب اللہ اور حیدر ولد دائم خان شامل ہیں اور ان کا تعلق کالعدم تنظیم تحریک طالبان سے ہے ۔

    آئی ایس پی آرکا کہناتھا کہ دہشت گردوں میں سیدو شریف ایئرپورٹ،نانگا پربت بیس کیمپ میں غیر ملکیوں سیاحوں کو قتل کرنے،اسکولز،مسلح افواج ،شہریوں کونشانہ بنانیوالے دہشت گرد شامل ہیں۔

     

  • جوانوں کی قربانی پرکوئی سمجھوتہ نہیں ہوگا، جنرل راحیل شریف

    جوانوں کی قربانی پرکوئی سمجھوتہ نہیں ہوگا، جنرل راحیل شریف

    راولپنڈی : چیف آف آرمی سٹاف جنرل راحیل شریف نے کہا ہے کہ آپریشن ضرب عضب میںجوانوں کی قربانیوں پر کوئی سمجھوتہ نہیں کریں گے۔ یہ بات انہوں نے کورکمانڈرز کانفرنس سے خطاب کرتے ہوئے کہی۔

    تفصیلات کے مطابق آرمی چیف کی زیرصدارت کورکمانڈرز کانفرنس جی ایچ کیو راولپنڈی میں ہوئی۔ کانفرنس میں فاٹامیں دہشت گردی کےخلاف جاری آپریشن پر اطمینان کا اظہارکیا گیا۔

    جنرل راحیل شریف نے کہا کہ آپریشن ضرب عضب میں جوانوں کی قربانیوں پر کوئی سمجھوتہ نہیں کریں گے۔ آئی ایس پی آرکے مطابق کانفرنس میں ملک کی اندرونی و بیرونی سلامتی صورتحال سمیت دیگر پیشہ ورانہ امورکاتفصیلی جائزہ لیاگیا

    ۔ترجمان کےمطابق کور کمانڈرز فورم سے خطاب کرتے ہوئے آرمی چیف جنرل راحیل شریف نے ضرب عضب میں فورسزکی پیش رفت پراطمینان کا اظہار کیا۔

    آرمی چیف نےفورم سےخطاب میں کہا کہ ہم آپریشن کےاختتام کی جانب گامزن ہیں۔ ہمیں طویل مدتی استحکام کےلئےترقی کوتقویت دینےکی ضرورت ہے۔

    ترجمان کے مطابق آرمی چیف نے مؤثر سرحدی انتظام اور فاٹا میں حکومتی رٹ برقرار رکھنے کی ہدایت کی۔ آرمی چیف نے آئی ڈی پیز کی متعین وقت میں اپنے علاقوں میں واپسی پر زور دیا۔

    سپہ سالار نےپاکستان میں دہشت گردی کےبنیادی ڈھانچےکوختم کرنےکےلئےملک بھر میں جاری آپریشن کی رفتار بڑھانے پر بھی زور دیا۔

    کورکمانڈرز کانفرنس میں آرمی چیف نے آپریشن ضرب عضب میں افسران اور جوانوں کی قربانیوں کو زبردست خراج تحسین پیش کیا۔

     

  • راولپنڈی : ڈرون ہیلی کیم اب پتنگ بازوں کو پکڑیں گے

    راولپنڈی : ڈرون ہیلی کیم اب پتنگ بازوں کو پکڑیں گے

    راولپنڈی : دنیا میں تو ڈرون ہیلی کیم مختلف کاموں میں استعمال ہوتے ہیں مگر پاکستان میں ان کا استعمال پتنگ بازوں کو پکڑنے کے لئے ہوگا۔

    ڈرون ہیلی کیم اب پتنگ بازوں کی گرفتاری کیلئے استعمال ہونگے، تفصیلات کے مطابق راولپنڈی پولیس نے سب کام چھوڑ کر ہیلی کیمروں کے ذریعے پتنگ بازوں کی گرفتاری کیلئے مہم کا آغاز کرلیا۔

    ڈی پی او راولپنڈی کی جانب سے پریس کلب میں ہیلی کیمپ اڑا کر افتتاح کیا اور پتنگ بازوں کی مانیٹرنگ کی ۔

    پتنگ بازوں کی گرفتاری کیلئے پر اُمید سی پی او اسرار عباسی جب میڈیا سے محو گفتگو ہوئے تو صحافیوں نے شہر میں چوری ڈکیتی سمیت دیگر سنگین وارداتوں سے متعلق سوالوں کی بوچھاڑ کردی۔

     سی پی او نے یہ کہہ کر اپنی جان چھڑائی کہ یہ ہیلی کیمپ کیمرے تو سنگین جرائم میں ملوث افراد اور دہشت گروں کی نشاندہی اور گرفتاری کیلئے ملے ہیں لیکن کیا کریں کہ پتنگ بازی بھی ایک سنگین معاملہ بن گیا ہے۔

    جرائم کی شرح کا کیا ہے کبھی کم ہوجاتی ہے کبھی زیادہ لیکن پتنگ بازی کی روک تھام ضروری ہے۔ دنیا بھر میں ڈرون ہیلی کیمز کا استعمال الگ انداز سے کیا جاتا ہے۔

    دبئی میں یہ کھانا دینے کے کام آتے ہیں تو امریکہ میں یہ کتابوں کی ڈیلیوری کے لئے اور برطانیہ میں یہ مریضوں کے علاج کے لئے استعمال ہوتے ہیں۔ لیکن پاکستان میں ان کا استعمال پتنگ بازوں کو پکڑنے کیلئے کیا جائے گا۔

  • بے نظیر بھٹو قتل کیس: مارک سیگل سے ویڈیو لنک کے ذریعے جرح

    بے نظیر بھٹو قتل کیس: مارک سیگل سے ویڈیو لنک کے ذریعے جرح

    راولپنڈی : بے نظیر بھٹو قتل کیس کے اہم گواہ امریکی صحافی مارک سیگل پر ویڈیو لنک ذریعے جرح کی گئی، بے نظیر بھٹو قتل کیس کی راولپنڈی میں سماعت ہوئی.

    ویڈیو لنک ذریعے امریکی صحافی مارک سیگل پرپرویز مشرف کے وکیل بیرسٹرفروغ نسیم نے جرح کی، امریکی صحافی مارک سیگل نے اپنے مذہب کے مطابق بیان ریکارڈ کرانے سے قبل حلف لیا۔

    سماعت کےدوران بیرسٹر فروغ نسیم نے مارک سیگل کے ساتھ پی پی رہنما کی موجودگی پراعتراض کیا جسے عدالت نے مسترد کردیا.

    بیرسٹرفروغ نسیم کے سوال پرمارک سیگل نے بتایا کہ بے نظیر کو امریکا میں موجودگی کے دوران پرویز مشرف کی جانب سے دھمکی دی گئی تھی لیکن امریکا میں کسی کو اس کی اطلاع نہیں دی گئی.

    سماعت کے دوران فروغ نسیم کی جانب سے پیش کی گئی دستاویزات پرفاروق نائیک نے اعتراض کیا پرویز مشرف کے وکیل بیرسٹر فروغ نسیم نےمارک سیگل سے دو گھنٹے سے زائد جرح کی۔

  • پاکستان نے کروزمیزائل رعد کا کامیاب تجربہ کرلیا

    پاکستان نے کروزمیزائل رعد کا کامیاب تجربہ کرلیا

    راولپنڈی : پاکستان نے کروز میزائل رعد کا کامیاب تجربہ کر کے دفاعی میدان میں ایک اور بڑی کامیابی حاصل کر لی ہے۔

    پاک فوج کے ادارہ تعلقات عامہ (آئی ایس پی آر ) کے مطابق پاکستان نے رعد کروز میزائل کا کامیاب تجریہ کیاہے کروز میزائل رعد فضا سے زمین اور سمندر میں ہدف کو نشانہ بنانے کی صلاحیت رکھتا ہے۔

    آئی ایس پی آر کا کہنا ہے کہ کروز میزائل رعد سے تین سو پچاس کلو میٹر تک ہدف کو کامیابی سے نشانہ بنایا جاسکتا ہے۔

    میزائل نچلی سطح پرپرواز اورہدف کےتعاقب کی صلاحیت سمیت جدید ترین گائیڈنس اور نیوی گیشن سسٹم سےلیس ہے۔

    صدر مملکت ممنون حسین اور وزیر اعظم نواز شریف نے پاک فوج کے انجینئروں اور سائنسدانوں کو کامیاب تجربے پر مبارکباد دی ہے۔

    Pakistan today conducted a successful Flight Test of the indigenously developed Air Launched Cruise Missile (ALCM) “Ra’ad”. The Ra’ad ALCM, with a range of 350 Km, enables Pakistan to achieve air delivered strategic standoff capability on land and at sea.

    Posted by ISPR Official on Tuesday, January 19, 2016

    Chat Conversation End

  • تھر میں پاکستان آرمی کی جانب سے متاثرین کیلئےامدادی کارروائیاں

    تھر میں پاکستان آرمی کی جانب سے متاثرین کیلئےامدادی کارروائیاں

    راولپنڈی : تھر میں پاکستان آرمی کی جانب سے آفت زدہ علاقوں میں امدادی کارروائیاں شروع کر دی گئیں ہیں۔ راشن ،پانی اور طبی امداد کی کھیپ پہنچا دی ہے.

    آئی ایس پی آر کے مطابق امدادی کاروائیوں میں اکتیس سو خاندانوں کو راشن اور صاف پانی فراہم کیا جارہاہے۔ چھ موبائل میڈیکل کیمپس کے ذریعےڈیڑھ ہزار مریضوں کا علاج کیا گیا ہے۔

    تحصیل چھاچھرو میں فری میڈیکل کیمپ لگایا گیا ہے، جس میں بچوں کو مختلف بیماریوں سے بچاوٴ کیلئے دوائیں فراہم کی جارہی ہیں۔

    پاک فوج کی جانب سے فراہم کیے گئے سامان میں 16.5ٹن راشن ،18ہزار864گیلن پانی ،500کمبل ،195رضائیاں ،150بستر ،200چادریں ،200دریاں اور 300چٹائیاں شامل ہیں ۔

    اس کے علاوہ ہنگامی بنیادوں پر پینے کے صاف پانی کا فوری انتظام کیا گیا ہے۔

  • جنرل راحیل شریف نے ہیوی انڈسٹری ٹیکسلا کا دورہ کیا

    جنرل راحیل شریف نے ہیوی انڈسٹری ٹیکسلا کا دورہ کیا

    راولپنڈی : آرمی چیف جنرل راحیل شریف نے ہیوی انڈسٹری ٹیکسلا کا دورہ کیا دورے کے دورن آرمی چیف کو دفاعی اور کمرشل مقاصد کیلئے تیار کی جانے والی پیدوار پر تفصیلی بریفنگ دی گئی ۔

    آئی ایس پی آرترجمان کے مطابق چیئرمین ہیوی انڈسٹری ٹیکسلا نے آرمی چیف جنرل راحیل شریف کااستقبال کیااورہیوی انڈسٹری ٹیکسلا میں تیار ہونے والے آلات اورسازوسامان سے متلعق آرمی چیف کو بریفنگ دی۔

    اس کے علاوہ سیکیورٹی فورسز کے لیے تیار ہونے والی گاڑیوں ڈریگن،محافظ اور پروٹیکٹرز متعلق بھی آگاہ کیا۔جبکہ ہیوی انڈسٹری ٹیکسلا میں تیار ہونے والے الخالد ٹینک،اے پی سیز سے متعلق بھی آرمی چیف کو بریفنگ دی گئی۔

    اس موقع پر جنرل راحیل شریف نے آپریشن ضرب عضب سمیت فیلڈ فارمیشن کی مددپرایچ آئی ٹی کی تعریف کی اوردفاعی ضروریات کیلئے عالمی معیارکے مطابق سامان کی تیاری پر انڈسٹری کی خدمات کوسراہا۔