ARYNews.tv | Urdu – Har Lamha Bakhabar

Tag: Rawalpindi

  • جنرل راحیل شریف کا لیہ کےسیلاب سے متاثرہ علاقےکادورہ

    جنرل راحیل شریف کا لیہ کےسیلاب سے متاثرہ علاقےکادورہ

    راولپنڈی : پاک فوج کے سربراہ جنرل راحیل شریف نے جنوبی پنجاب کے سیلاب سے متاثرہ علاقے لیہ کا دورہ کیا اور متاثرہ علاقے میں پاک فوج کی مدد سے جاری ریلیف اور ریسکیو آپریشن کا جائزہ لیا۔

    آرمی چیف جنرل راحیل شریف کو اس موقع پر کور کمانڈر ملتان لیفٹیننٹ جنرل اشفاق ندیم اور اعلیٰ حکام نے سیلاب کی تباہ کاریوں پر بریفنگ دی۔

    پاک فوج کے سربراہ جنرل راحیل شریف نے سیلاب کی تباہ کاریوں سے ہونے والے جانی اور مالی نقصان پر گہرے افسوس اور رنج کا اظہار کیااور ہدایت کی کہ متاترین سیلاب کی بحالی کیلئے تمام وسائل بروئے کار لائے جائیں۔

    انہوں نے لیہ میں آباد شمالی وزیرستان کے متاثرین سے بھی ملاقات کی اور ان کی جلد اپنے آبائی علاقوں میں واپسی کی یقین دہانی بھی کرائی۔

  • چین کا دشمن پاکستان کا دشمن ہے،جنرل راحیل شریف

    چین کا دشمن پاکستان کا دشمن ہے،جنرل راحیل شریف

    راولپنڈی : آرمی چیف جنرل راحیل شریف کا کہنا ہے کہ پاک چین اقتصادی راہداری کا منصوبہ ہرقیمت پرمکمل کیاجائےگا، منصوبے کے راہ میں حائل ہر رکاوٹ ختم کردی جائے گی۔

    چین کا دشمن پاکستان کا دشمن ہے۔ آرمی چیف جنرل راحیل شریف نے چین کے دشمنوں کو انتباہ کر دیا، آرمی چیف جنرل راحیل شریف نے چینی فوج کی اٹھاسیویں سالانہ تقریب میں شرکت کی۔

    اس موقع پر اُن کا کہنا تھا کہ پاک چین دوستی ہمالیہ سے بلند، سمندر سے گہری اور شہد سے میٹھی ہے، اُن کا کہنا تھا پاک چین اقتصادی راہداری کا منصوبہ ہرقیمت پرمکمل کیاجائےگا۔

    آرمی چیف نے دشمنوں کو خبردار کرتے ہوئے کہا کہ چین کے ساتھ دشمنی پاکستان سے دشمنی کے مترادف سمجھی جائے گی اور منصوبے کی راہ میں حائل ہونے والی ہر رکاوٹ ختم کردیں گے۔

  • گرائے گئے بھارتی ڈرون سے پاکستان میں جاسوسی کے ثبوت مل گئے

    گرائے گئے بھارتی ڈرون سے پاکستان میں جاسوسی کے ثبوت مل گئے

    راولپنڈی : پاک فوج نے کنٹرول لائن پر گرائے گئے بھارتی جاسوس طیار ے سے پاکستانی علاقے میں جاسوسی کے ثبوت حاصل کر لئے۔

    پاک فوج نے چند روز قبل گرائے گئے بھارتی جاسوس تیارے سے نا قابل تردید ثبوت حاصل کر لئے۔ آئی ایس پی آر کے مطابق گرائے جانے والے بھارتی ڈرون کاتکنیکی تجزیہ مکمل کرکے ڈرون سے لی گئی تصویریں حاصل کر لی گئی ہیں۔

    بھارتی ڈرون نے پاکستانی علاقوں کی تصاویر بنائی گئیں۔تصاویر میں ایل او سی پر بھارتی علاقہ بھی واضح نظر آرہا ہے۔ جاسوسی طیارہ مقبوضہ کشمیرکےعلاقےچوڑیاں سےاڑایاگیا۔

    آئی ایس پی آر کے مطابق بھارت کی جانب سے اب تک پینتیس بار سیز فائر معاہدے کی خلاف ورزی کی گئی۔

    گرائے گئے ڈرون کی تصاویرسے ظاہر ہوتا ہےکہ یہ پاکستانی حدود میں حساس تنصیبات کی تصاویرلینے اور جاسوسی کی دیگر سرگرمیوں کے لئے بھیجا گیا تھا۔

    #video of #indiandrone#video of #indiandrone Posted by ISPR Official on Monday, July 27, 2015  

  • غریب طالب علموں کی پنجاب بورڈ کےامتحانات میں نمایاں پوزیشنز

    غریب طالب علموں کی پنجاب بورڈ کےامتحانات میں نمایاں پوزیشنز

    راولپنڈی / ملتان /  فیصل آباد : پنجاب میں میٹرک کے امتاحانات میں نمایاں پوزیشن حاصل کرنے والے زیادہ تر بچوں کا تعلق غریب گھرانوں سے ہے، غریب بچوں نے بڑاکارنامہ کردکھایا۔

    تفصیلات کے مطابق ذہانت کسی کی میراث نہیں ہوتی یہ بات پنجاب میٹرک بورڈ کےامتحانات میں پوزیشنزحاصل کرکے غریب بچوں نے ثابت کردی۔

    راولپنڈی میں کسان کےبیٹے کی انتھک محنت نے اُس کے غریب باپ کاسرفخرسےاُونچاکردیا۔ اسدعلی نے میٹرک امتحانات میں نوسوچونتیس نمبرلےکردوسری پوزیشن حاصل کی۔

      ملتان کےچناچاول کی ریڑھی لگانے والےحافظ غلام محی الدین نےاپنی ذہانت سے کامیابی کے جھنڈے گاڑ دیئے۔ محنتی طالب علم نے میٹرک امتحانات میں ایک ہزارچالیس نمبرحاصل کرکے پہلی پوزیشن حاصل کی۔

    فیصل آباد میں تیسری پوزیشن حاصل کرنے والےرکشہ ڈرائیورکےبیٹےاحسن ندیم نےغربت کواپنی راہ کی رکاوٹ نہیں بننے دیا،طالبعلموں کاکہناہےکہ پوزیشن حاصل کرنےپرپذیرائی توخوُب کی جاتی ہے لیکن حکومتی سطح پرکوئی مددنہیں کی جاتی۔

  • سیلاب متاثرین کی مدد کیلئے ہر ممکن اقدامات کئے جائیں، جنرل راحیل شریف

    سیلاب متاثرین کی مدد کیلئے ہر ممکن اقدامات کئے جائیں، جنرل راحیل شریف

    راولپنڈی : پاک فوج کے سربراہ جنرل راحیل شریف نے فوج کے تمام متعلقہ حکام کو ہدایت کی ہے کہ چترال سمیت ملک بھر کے سیلاب سے متاثرہ علاقوں میں امدادی کاروائیوں کے لئے تمام تر وسائل بروئے کار لائیں اور متاثرین کی ہر ممکن مدد کی جائے ۔

    آئی ایس پی آر کے ترجمان کے مطابق تمام کور ہیڈ کوارٹرز میں سیلاب کی صورتحال کی نگرانی کی جا رہی ہے اور اس مد میں تمام تیاریاں مکمل ہیں ۔

    فیلڈ کمانڈرزکو بھی ہدایت کی گئی ہے کہ وہ ممکنہ سیلاب کے علاقوں میں پیشگی اقدامات کریں ۔

    ترجمان کے مطابق چترال میں چھ روز سے پاک فوج کی امدادی کاروائیاں جاری ہیں اور 73متاثرین کو چترال کے مختلف علاقوں سے محفوظ مقامات پر منتقل کیا گیا ہے ۔

    امدادی کاموں میں دو ہیلی کاپٹرز حصہ لے رہے ہیں اور کور کمانڈر پشاور لیفٹیننٹ جنرل ہدایت الرحمن متاثرہ علاقوں کا خود دورہ کر کے امدادی کارروائیوں کا جائزہ لے رہے ہیں ۔

    پاک آرمی کے ڈاکٹروں اور پیرامیڈیکل اسٹاف کی بڑی تعداد متاثرہ علاقوں میں پہنچ چکی ہے۔

  • رہائی کے بعد سپر ماڈل ایان علی کی پہلی سیلفی

    رہائی کے بعد سپر ماڈل ایان علی کی پہلی سیلفی

    کراچی : منی لانڈرنگ کیس میں ملوث اور 120 دن جیل میں رہنے کے بعد رہائی پانے والی سپر ماڈل ایان علی کی چار ماہ بعد پہلی سیلفی منطر عام پر آگئی۔

    ایان علی علی نے اپنی رہائی پانے کے بعد سوشل میڈیا پر اپنی پہلی سیلفی ٹی وی میزبان وقار زکاء کے ساتھ پوسٹ کی جس میں دونوں ایک جیسا انداز میں تصویر بناتے ہوئے نظر آئے۔

    تصویر کے ساتھ انہوں نے لکھا کہ یہ چار ماہ بعد لی گئی پہلی سیلفی ہے جو انہوں نے اپنے دوست وقار زکاء کے ساتھ رات کے کھانے کے بعد لی۔

    واضح رہے کہ چھ سالوں کے فنی کریئر میں شہرت کی بلندیوں کو چھونے والی 22 سالہ ماڈل ایان علی کی گرفتاری سے لے کر چار ماہ بعد ضمانت پر رہائی تک پاکستانی ذرائع ابلاغ پر اس معاملے کا خوب چرچا رہا جب کہ سوشل میڈیا پر بھی آئے روز نت نئی بحث چھڑتی رہی۔

     

    تفتیش کے دوران یہ بات بھی سامنے آئی کہ رواں سال گرفتاری تک ایان علی ایک درجن سے زائد مرتبہ متحدہ عرب امارات کا سفر چکی تھیں اور تفتیش کاروں کے مطابق انھیں یہ شبہ ہے کہ وہ اس سے پہلے بھی رقوم بیرون ملک منتقل کرچکی ہوں گی۔

     

    My first selfie after 4 months :-) Right after dinner with my friend n the most daring PAKI ever Waqar Zaka #Karachi Posted by Ayyan on Tuesday, July 21, 2015

    تاہم سپر ماڈل خود پر لگائے جانے والے الزامات کو مسترد کرتے ہوئے کہتی آئی ہیں کہ پانچ لاکھ ڈالر کی رقم کے ساتھ سفر کا ارادہ نادانستہ طور پر اور ان کے بقول اس بارے میں قانون سے لاعلمی کی بنیاد پر ہوا۔

    ماڈلنگ کے علاوہ گزشتہ سال ہی ایان علی بطور گلوکارہ بھی منظر عام پر آئی تھیں اور ان کا میوزک وڈیو بھی مختلف تنازعات کا شکار ہو کر ذرائع ابلاغ میں موضوع بحث رہا۔

  • راولپنڈی : ماڈل ایان علی کی رہائی آج متوقع

    راولپنڈی : ماڈل ایان علی کی رہائی آج متوقع

    راولپنڈی : ایان علی کو ایک سو پچیس دن گزارنے کے بعد رہائی کے احکامات اڈیالہ جیل پہنچ گئے، آج رہائی متوقع ہے۔

    تفصیلات کے مطابق بینکنگ کورٹ کے جج صابر سلطان نے ایان علی کے رہائی کے پروانے پر دستخط کر دیئے ہیں. ، جس کے بعد کرنسی اسمگلنگ کیس میں  گرفتار ماڈل ایان علی کے وکلاء کی ٹیم ایان علی کی رہائی کا پروانہ لے کر اڈیالہ جیل  پہنچ گئی۔

    عدالتی اہلکار  ملک شیر احمد نے ایان علی کی رہائی کا روبکار جیل انتظامیہ کے حوالے کیا اور جیل انتظامیہ سے ملاقات بھی کی۔

    جیل انتظامیہ کا کہنا ہے کہ ایان علی کی رہائی کاغذی کارروائی پوری ہونے کے بعد ہی عمل میں لائی جائے گی، دوسری جانب ماڈل گرل ایان علی کے بھائی علی ایان کو لینے اڈیالہ جیل پہنچ گئے ہیں۔

    گذشتہ روز سول جج نے سپر ماڈل ایان علی کی ضمانت پر رہائی کی روبکار جاری کرنے سے انکار کر دیا، ایان کو ایک اور رات اڈیالہ جیل میں گزارنا پڑی۔ سول جج کا کہنا ہے کہ ہائی کورٹ کے حکم پر اس کی روح کے مطابق عمل کیا جائے اور روبکار کے اجرا کےلیے ٹرائل کورٹ یا ڈیوٹی جج سے رجوع کیا جائے۔

     ایان علی کے وکلا کی ٹیم خرم لطیف کھوسہ کی سربراہی میں صبح ہی صبح بینکنگ کورٹ پہنچ گئی، وکلاء نے ڈیوٹی جج صابر سلطان کے روبرو ضمانتی مچلکے پیش کئے، ایان علی کی ضمانت دینے والے محمد نواز اور شوکت نواز کو بھی عدالت میں پیش ہوئے۔

    ضمانتی مچلکوں کی منظوری کے بعد سول جج راول پنڈی محمد نعیم نےایان علی کی ضمانت پر رہائی کی روبکار جاری کرنے سے انکار کر دیا، سول جج نے ایان علی کی قانونی ٹیم سے کہا کہ ہائی کورٹ نے ٹرائل کورٹ کو ضمانت پر رہائی دینے کا کہا ہے، جمعرات کو ٹرائل کورٹ یا ان کے متبادل ڈیوٹی جج سے رابطہ کریں، قانون عوام اور خواص کےلیے برابر ہے، کسی کو بھی غیر ضروری رعایت نہیں دی جا سکتی۔

  • آپریشن ضرب عضب میں اچھی پیش رفت ہو رہی ہے، ترجمان پاک فوج

    آپریشن ضرب عضب میں اچھی پیش رفت ہو رہی ہے، ترجمان پاک فوج

    راولپنڈی: پاک فوج کے ترجمان میجر جنرل عاصم سلیم باجوہ کا کہنا ہے کہ خیبر ایجنسی میں شدت پسندوں کے خلاف کارروائی مکمل کر لی گئی ہے جبکہ شمالی وزیرستان میں کارروائی کا پہلا مرحلہ بھی مکمل ہوگیا ۔

    انہوں نے بتایا کہ آپریشن ضرب عضب میں اچھی پیش رفت ہو رہی ہے۔ ہمارے اہداف حاصل ہو رہے ہیں۔ ہم جتنا جلد ممکن ہو آپریشن کو مکمل کرنا چاہتے ہیں۔

    آئی ایس پی آر کے ترجمان عاصم سلیم باجوہ برطانوی خبر رساں ادارے سے بات چیت کرتے ہوئے کہا کہ ابتدائی مرحلے میں شدت پسندوں کی جانب سے مزاحمت کا سامنا کرنا پڑا ہے۔

    شوال میں کارروائی کے بارے میں فوجی ترجمان کا کہنا تھا کہ آپریشن کے بعد صورتحال پاک فوج کے کنٹرول میں ہے افغانستان فرار ہو جانے والے عسکریت پسندوں کے بارے میں جنرل عاصم کا کہنا تھا کہ ان کی نشاندہی کے باوجود ان کیخلاف کاروائی نہیں کی گئی۔

  • آپریشن ضرب عضب کامیابی سے آگے بڑھ رہا ہے، آرمی چیف

    آپریشن ضرب عضب کامیابی سے آگے بڑھ رہا ہے، آرمی چیف

    لاہور: آرمی چیف جنرل راحیل شرین نے کہا ہے آپریشن ضرب عضب جاری رہے گا، آپریشن ضرب عضب سےشہری علاقوں میں مثبت اثرات مرتب ہوئے۔

    آرمی چیف جنرل راحیل شریف نے کور ہیڈکوارٹرز لاہور کا دورہ کیا،کور کمانڈر لاہور نے آرمی چیف کا استقبال کیا، چیف آف آرمی اسٹاف جنرل راحیل شریف کوپیشہ ورانہ اموراورآپریشنل تیاریوں پربریفنگ دی گئی۔

    آئی ایس پی آر کے مطابق اندرونی اور بیرونی سیکیورٹی صورتحال کا جائزہ بھی لیا گیا،آرمی چیف نے کور ہیڈ کوارٹرز لاہور میں خطاب کیا۔

     جنرل راحیل شریف نے کہا آپریشن ضرب عضب کامیابی سے آگے بڑھ رہا ہے، آپریشن ضرب عضب سےشہری علاقوں میں مثبت اثرات مرتب ہوئے۔ امن کےلئے تمام وسائل بروئےکار لائے جائیں گے۔

    آرمی چیف کا کہنا تھا انٹیلی جنس اطلاعات پر آپریشن سے حالات میں بہتری آئی، آرمی چیف جنرل راحیل شریف نے پھر کہہ دیا دہشت گردی کے خاتمے تک ضرب عضب جاری رہے گا۔

  • پاک فوج کو پورے ملک کی سکیورٹی پر کنٹرول حاصل ہے، عاصم سلیم باجوہ

    پاک فوج کو پورے ملک کی سکیورٹی پر کنٹرول حاصل ہے، عاصم سلیم باجوہ

    راولپنڈی : ڈی جی آئی ایس پی آرعاصم سلیم باجوہ نے کہا ہے کہ ضرب عضب آپریشن کے بعد پاک فوج کو پورے ملک کی سکیورٹی پر کنٹرول حاصل ہے ۔

    غیر ملکی اخبار کو انٹرویو دیتے ہوئے ترجمان پاک فوج میجر جنرل عاصم سلیم باجو ہ نے کہا کہ آپریشن ضرب عضب کی وجہ سے پاکستان میں اب کوئی نو گو ایریا باقی نہیں رہا ،بلکہ فوج نے تمام قبائلی علاقوں تک بھی رسائی حاصل کر لی ہے ۔

    ان کا کہنا تھا کہ دور دراز علاقوں میں پولیو کے قطرے پلانے کی مہم میں فوج سیکیورٹی فراہم کر رہی ہے۔

    ڈی جی آئی ایس پی آرنے کہا کہ قبائلی علاقوں میں پولیو کے خاتمے کے لے فنڈز دینے پر متحدہ عرب امارات کے شکرگزار ہیں،انہوں نے کہا کہ قبائلی علاقوں میں دہشتگردی کے خطرے کے باوجود پولیو مہم کامیاب رہی۔