راولپنڈی: آرمی چیف جنرل راحیل شریف سے اسحاق ڈار نے ملاقات کی، جس میں ملک کی موجودہ صورتحال پر تبادلہ خیال کیا گیا۔
آئی ایس پی آر کے مطابق ملاقات میں آئی ڈی پیزکی جلدواپسی کے علاوہ ان کی بحالی پر بھی بات چیت ہوئی ہے، ملاقات میں قبائلی علاقوں میں ترقیاتی منصوبےمکمل کرنےپربھی تبادلہ خیال کیا گیا۔
آئی ایس پی آر کا کہنا ہےکہ دونوں رہنماؤں نے ملاقات میں ملک کی موجودہ صورتحال پر بھی گفتگو کی اور آپریشن ضرب عضب میں فوج کی کامیابیوں کو سراہا۔
راولپنڈی : پاک فوج کے سر براہ جنرل راحیل شریف نے کہا ہے کہ دہشت گردی کے خاتمے اور خطے میں امن کے لئے پاکستان کی قر بانیاں سب سے بڑھ کر ہیں۔
تفصیلات کے مطابق پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل راحیل شریف نے جنوبی افریقہ کے ڈیفنس کالج کا دورہ کیا۔
کالج کے طلبہ سے خطاب کرتے ہوئے انھوں نے کہا کہ آپریشن ضرب عضب کے کامیاب انعقاد سے دہشت گردوں کی کمین گاہیں ختم ہوئی ہیں اور ان کے لئے کہیں چھپنے کی جگہ نہیں رہی۔
ان کا مزید کہنا تھا آپریشن ضرب عضب نے دہشت گردوں کی کمر توڑ دی مکمل خاتمے کیلئے پرعزم ہیں۔ ہم ابھرتی ہوئی پرعزم قوم ہیں اور دہشتگردی کیخلاف قومی جیت ہماری مشترکہ کامیابی ہے۔
انھوں نے اس عزم کو دہرایا کہ قوم کے تعاون سے دہشت گردی کا مکمل خاتمہ یقینی بنایا جائے گا۔
راولپنڈی : آرمی چیف جنرل راحیل شریف تین روزہ سرکاری دورے پر جنوبی افریقہ پہنچ گئے، آرمی چیف جنرل راحیل شریف کا جنوبی افریقن آرمی چیف سولی شوکے نے استقبال کیا ۔
آئی ایس پی آر کی جانب سے جاری بیان کے مطابق آرمی چیف کو گارڈ آف آنر اور اکیس توپوں کی سلامی پیش کی گئی ۔ آرمی چیف جنرل راحیل شریف سے جنوبی افریقہ کے آرمی چیف نے ملاقات کی۔
ملاقات میں جنوبی افریقن آرمی چیف نے پاکستانی فوج کی پیشہ وارانہ صلاحیتوں کی تعریف کی۔ ملاقات میں دوطرفہ تعلقات اور باہمی دلچسپی کے امور پر تبادلہ خیال کیا گیا۔
راولپنڈی : آرمی چیف جنرل راحیل شریف نے شمالی اورجنوبی وزیرستان کادورہ کیا،دورے کے دوران آرمی چیف کو آپریشن ضرب عضب کی تفصیلات سے آگاہ کیا گیا اور شوال کے علاقے کو کلیئر کروانے کے حوالے سے پلان کے بارے میں بریفنگ دی گئی۔
ان کا کہنا تھا کہ شوال میں آپریشن کاابتدائی مرحلہ مکمل کرلیاگیا ہے۔ملک کو دہشت گردی سے پاک کرنے تک کارروائیاں جاری رکھیں گے۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل راحیل شریف نے شمالی اورجنوبی وزیرستان کے دورہ کے موقع پر پاک افغان بارڈرکےقریب جاری آپریشن سےمتعلق بریفنگ میں کہا کہ دہشت گردوں کےخلاف آپریشن جاری رہے گا۔
آرمی چیف جنرل راحیل شریف نے کہا دہشت گردوں اور پیسہ فراہم کرنے والوں کے خلاف آپریشن ملک بھر میں جاری رہے گا۔
پاکستان سے دہشت گردی کے خاتمے کا ہدف مکمل کیئے بغیر چین سے نہیں بیٹھیں گے، آرمی چیف نے شوال کے اردگرد چوٹیاں کلیئر کرانےپرجوانوں کوشاباش دیتے ہوئے آپریشن ضرب عضب میں کامیابیوں کو بھی سراہا۔
ان کا کہنا تھا ملک سے آخری دہشت گرد کے خاتمے تک کارروائی جاری رکھیں گے۔
راولپنڈی : ڈی جی آئی ایس پی آر میجرجنرل عاصم سلیم باجوہ نے کہا ہےکہ سیاسی چیلنجوں کی وجہ سےقومی ایکشن پلان پرعملدرآمد میں وقت لگےگا۔ تاہم نیشنل ایکشن پلان پر تیزی سے عملدرآمد جاری ہے۔
دہشت گردوں کی مالی اعانت روکنے میں کامیابی ملی۔ روسی خبر رساں ادارے کو انٹرویو میں پاک فوج کے ترجمان ڈائریکٹر جنرل آئی ایس پی آر میجر جنرل عاصم سلیم باجوہ کا کہنا تھا کہ فاٹا میں کامیاب کارروائیاں اور دہشت گردوں کی فنڈنگ بند ہونا نیشنل ایکشن پلان کی کامیابی کے ثبوت ہیں۔
تاہم انہوں نے انکشاف کیا کہ سیاسی چیلنجزکےباعث ایکشن پلان کےکچھ حصوں پرعملدرآمد میں وقت لگےگا۔ انہوں نےکہاکہ شدت پسندی سے نجات کے لئے شروع کئے گئے پائلٹ پروگرام کا دائرہ قومی سطح تک بڑھادیا گیا ہے۔
میجر جنرل عاصم باجوہ نے پاکستانی وفد کے دورہ ماسکو کومثبت قرار دیتےہوئےکہاکہ پاکستان روس سے عسکری ساز وسامان خریدنےکےایک معاہدے کوحتمی شکل دینا چاہتا ہے۔
راولپنڈی : جنرل ریٹائرڈ حمید گل نے کہا ہے کہ آصف علی زرداری کے بیا ن کی پرزور مذمت کرتے ہیں، پیپلز پارٹی کے شریک چیئرمین کاغصہ ان حالات میں ٹھیک نہیں۔
ان خیالات کا اظہار آئی ایس آئی کے سابق سربراہ جنرل ریٹائرڈ حمید گل نے راولپنڈی میں پریس کلب میں پریس کانفرنس سے خطاب کرتے ہوئے کیا۔۔
انہوں نے کہا کہ نواز شریف اور زرداری نے جمہوریت کو تباہ کیا، انہوں نے کہا کہ آئین کی آڑ لے کر کرپشن کی جاتی ہے۔
ایک سوال کے جواب میں ان کا کہنا تھا کہ میرا نام حمید گل ہے ، اور میری ذاتی حیثیت ہے میں نے اس سے پہلے نہ کوئی بیان واپس لیا اور نہ اب لوں گا۔
میں اس ملک میں آئین کی حکمرانی چاہتا ہوں، حمید گل کا کہنا تھا کہ دہشت گردوں کی مالی معاونت سب سے بڑی دہشت گردی ہے۔
بھارت کے حوالے سے گفتگو کرتے ہوئے انہوں نے کہا کہ بھارت ایک عرصے سے مسلمانوں پر ظلم کررہا ہے ممبئی حملہ، کشتی واقعہ مونا باؤ جیسے سانحات میں بھارت براہ راست ملوث رہا ہے۔
راولپنڈی: آرمی چیف جنرل راحیل شریف کی زیر صدارت فارمیشن کمانڈرز کانفرنس راولپنڈی میں منعقد ہوئی، کانفرنس سے خطاب کرتے ہوئے آرمی چیف جنرل راحیل شریف نے کہا کہ بھارتی عزائم کا منہ توڑ جواب دیں گے۔
کانفرنس میں بھارت کے جارحانہ بیانات کا سخت نوٹس لیا گیا۔ تفصیلات کے مطابق آرمی چیف جنرل راحیل شریف کی صدارت میں فارمیشن کمانڈر کانفرنس میں پاک فوج کے پیشہ وارانہ امور، ملک کی اندرونی اور بیرونی سیکیورٹی صورتحال، ملک کو درپیش خطرات اور آپریشن ضرب عضب کی کامیابیوں کا بھی جائزہ لیا گیا۔
پاک فوج کے شعبہ تعلقات عامہ (آئی ایس پی آر) کے مطابق فارمیشن کمانڈرز کانفرنس میں بھارتی بیانات کا سنجیدہ نوٹس لیا گیا۔
کانفرنس میں بھارت پر واضح کیا گیا کہ پاکستان اور علاقائی سلامتی کی ہمیشہ حفاظت کی جائیگی اور پاکستان کیخلاف کسی بھی مہم جوئی کا منہ توڑ جواب دیا جائیگا۔
اس موقع پر کانفرنس سے خطاب کرتے ہوئے آرمی چیف جنرل راحیل شریف کا کہنا تھا کہ بھارتی اقدام نہایت قابل افسوس ہے۔
بھارتی سیاستدان اقوام متحدہ کے اصولوں کی خلاف ورزی کرتے ہوئے فخر محسوس کر رہے ہیں۔ آرمی چیف کا کہنا تھا کہ ہمارا بنیادی اور اجتماعی مقصد پاکستان کو محفوظ، مضبوط اور خوشحال بنانا ہے۔
آخری دہشت گرد اور ان کے آخری ٹھکانے کے خاتمے تک آپریشن جاری رہے گا۔ انہوں نے ہدایت کی کہ بھاگنے والے دہشت گردوں کو روکنے کیلئے تمام کمانڈرز ممکنہ اقدامات کریں۔
انہوں نے کہا کہ پاکستانی قومی پوری دنیا میں سب سے زیادہ پُرامن قوم ہے۔ موجودہ مشکل حالات میں پاکستانی قوم فاتح قوم کے طور پر سامنے آ رہی ہے۔
راولپنڈی : پاک فوج کے سربراہ جنرل راحیل شریف سے چین کے وزارت اسٹیٹ سیکیورٹی کے نائب وزیر ڈونگ ہیزژھو نے ملاقات کی، جس میں باہمی دلچسپی کے امور پر تبادلہ خیال کیا گیا۔
چین کے نائب وزیر برائے اسٹیٹ سیکیورٹی نے جنرل ہیڈ کوارٹرز راولپنڈی کا دورہ کیا۔
آئی ایس پی آر کے ترجمان کے مطابق ملاقات کے دوران باہمی دلچسپی کے امور سمیت علاقائی سیکیورٹی کے معاملات اور پاک چین اقتصادی راہداری کے امور زیر غور آئے۔
ذرائع کے مطابق پاک فوج کے سربراہ جنرل راحیل شریف کی طرف سے اس موقع پر چینی نائب وزیر کو پاکستان کےمختلف منصوبوں پر کام کرنے والے چینی انجینئروں اور حکام کی بھرپور سکیورٹی سمیت پاک چین اقتصادی راہداری کے حوالے سے بھرپور تعاون کی یقینی دہانی کرائی۔
کو لمبو : آرمی چیف جنرل راحیل شریف کا کہنا ہے کہ پاکستانی اورسری لنکن افواج خطے کے وسیع تر مفاد میں مل کر کام کریں گی۔
آئی ایس پی آر کے مطابق ان خیالات کا اظہارسری لنکا کے دورے پر موجود پاک فوج کے سربراہ جنرل راحیل شریف کا ایک تقریب میں کہنا تھا کہ پاکستان اور سری لنکا نے دہشت گردی کے خلاف ثابت قدمی کا مظاہرہ کیا۔
جنرل راحیل شریف نے کہا کہ سری لنکا اور پاکستان کے درمیان خصوصی تعلقات ہیں۔ دونوں ممالک کے تعلقات میں سیکیورٹی تعاون بنیادی حیثیت رکھتا ہے۔ ہم بہتر سیکیورٹی، ترقی اور سلامتی کے معاملے پر سری لنکا کے ساتھ ہیں۔
دہشتگردی کیخلاف پاکستان اور سری لنکا کے عزم سے امن آئے گا۔ آرمی چیف نے کہا کہ ضرب عضب کا مرکزی خیال پاکستان اور خطے میں امن قائم کرنا ہے۔
انہوں نے کہا کہ پاک فوج نے دہشت گردی کا نیٹ ورک توڑنے میں کامیابیاں حاصل کی ہیں۔ آپریشن ضرب عضب کا مقصد پاکستان میں امن اور استحکام لانا ہے۔ بحیثیت قوم ہم اس جنگ کو منطقی انجام تک پہنچائیں گے۔ اس جنگ کو منطقی انجام تک پہنچانے کیلئے جو بھی قیمت ادا کرنا پڑی کرینگے۔
آئی ایس پی آر کے مطابق آرمی چیف جنرل راحیل شریف کے دورے سے پاک سری لنکا عسکری تعلقات مستحکم ہوئے۔
آرمی چیف کا کہنا تھا کہ دہشت گردوں کے خلاف آپریشن منطقی انجام تک پہنچائیں گے ۔آئی ایس پی آر کے مطابق آرمی چیف کادورہ سری لنکاجذبہ خیرسگالی کاعکاس ہے، سری لنکن فوج کی ٹریننگ میں پاک فوج کی خدمات گرانقدر ہیں۔
راولپنڈی: ناکےپرنہ رکنے والے دوموٹرسائیکل سواربھائیوں پر پولیس نے فائرنگ کردی، دونوں بھائی ہولی فیملی اسپتال میں دم توڑگئے، ورثا نے آج پارلیمنٹ ہاؤس کے سامنے احتجاج کا اعلان کردیا۔
راولپنڈی میں دو بھائی پولیس گردی کا شکارہوگئے، کمرشل مارکیٹ ناکے پرپولیس نے موٹرسائیکل سواردوبھائیوں کو رکنے کااشارہ کیا،موٹرسائیکل نہ رکنے پرپولیس نے تعاقب کرنے کے بجائے فائرنگ کردی۔
فائرنگ کے سبب دونوں بھائی شدید زخمی ہوگئے اورہولی فیملی اسپتال میں دوران علاج دم توڑگئے۔
مقتول بھائیوں کے لواحقین نے پولیس گردی کے خلاف شدید احتجاج اورہنگامہ آرائی کی جس پر آرپی او نے ردِ عمل ظاہرکرتے ہوئے واقعے میں ملوث پولیس اہلکاروں کو گرفتارکرلیا۔
وزیراعلیٰ نے واقعے کا نوٹس لیتے ہوئے تحقیقات کا حکم دیا، انصاف کے حصول کے لئے لواحقین میتوں کے ہمراہ پارلیمنٹ ہاؤس کے سامنے احتجاج کریں گے۔