Tag: Razak Dawood

پاکستانی ایکسپورٹرز کے لیے خوشخبری

اسلام آباد: مشیر تجارت عبد الرزاق داؤد کا کہنا ہے کہ چین یکم اپریل 2022 سے خنجراب بارڈر کھول رہا ہے، برآمد کنندگان فائدہ اٹھائیں اور چین کو اپنی برآمدات میں اضافہ کریں۔

تفصیلات کے مطابق مشیر تجارت عبدالرزاق داؤد نے سماجی رابطے کی ویب سائٹ ٹویٹر پر اپنے ٹویٹ میں کہا کہ چین یکم اپریل 2022 سے خنجراب بارڈر کھول رہا ہے، سرحد کھلنے سے پاک چین ایف ٹی اے کے دوسرے مرحلے کے استعمال میں مدد ملے گی۔

رزاق داؤد کا کہنا تھا کہ سرحد کے دونوں طرف تجارت خصوصاً پھلوں کی تجارت میں مدد ملے گی، پاکستان کے شمال کی جانب سے سبزی برآمد کرنے والے اس سے فائدہ اٹھا سکتے ہیں۔

انہوں نے مزید کہا کہ برآمد کنندگان فائدہ اٹھائیں اور چین کو اپنی برآمدات میں اضافہ کریں۔

especially the fruit and vegetable exporters from north side of Pakistan. I urge the exporters to take advantage of this opportunity and increase their exports to China. 2/2@aliya_hamza @mincompk @CathayPak @libijian2

— Abdul Razak Dawood (@razak_dawood) March 29, 2022

مارچ 29, 2022
‘چند دنوں میں ایمزون کا پلیٹ فارم پاکستانیوں کے لئے کھول دیا جائے گا’

اسلام آباد : مشیر برائے تجارت عبد الرزاق د اود کا کہنا ہے کہ چند دنوں میں ایمزون کاپلیٹ فارم پاکستانیوں کے لئے کھول دیا جائے گا تاہم ایمیزون کسٹمرز کیلئے وقت اور میعار کی پابندی کرنا پڑے گی۔

تفصیلات کے مطابق اسلام آباد میں وفاقی وزیر اطلاعات فواد چودھری کے ہمراہ پریس کانفرنس کرتے ہوئے مشیر تجارت رزاق داؤد نے کہا کہ کہ اکتوبر2019میں کابینہ نے ای کامرس پالیسی منظور کی، ای کامرس میں کام کرنے والوں کیلئے ماضی میں ادائیگیوں کے مسئلے تھے ۔

مشیر تجارت کا کہنا تھا کہ ایمیزون نےکچھ سوالات کیےپھر40ایکسپورٹرزمنظور کیے، ایمیزون سےہمارے ایکسپورٹرز کے لیے نیا راستہ کھلا ہے تاہم امیزون کے پاس کوالٹی کی سخت شرائط ہیں، کسی کسٹمر کی شکایت پر ایمیزون اکاؤںٹ فوری بند کردے گا، ایمیزون کسٹمرز کیلئے وقت اور میعار کی پابندی کرنا پڑے گی۔

عبد الرزاق دادود نے کہا کہ چند دنوں میں ایمزون کا پلیت فارمپاکستانیوں کے لیے کھول دیا جائے گا، ہمارے لوگ آی کامرس کا کام کرتے تھے پر ان کو پیسے ٹرانسفر کا مسئلہ ہوتا تھا،ایمزون سے ہم نے بات کی اور ایمزون سے پاکستانی مصنوعات ایکسپورٹر کرنا آسان ہوگا۔

گذشتہ روز پاکستان کے مشیر تجارت رزاق داؤد نے ای کامرس سے متعلق گفتگو کرتے ہوئے کہا تھا کہ ایمازون سیلر لسٹ میں پاکستان کو ڈالنے پر رضا مند ہوگیا، ایمازون کے ساتھ پچھلے ایک سال سے بات چیت جاری تھی جس کے ثمرات اب آنا شروع ہوئے ہیں، اس اقدام سے ایس ایم ای کمپنیز، نوجوانوں اور خواتین سرمایہ کاروں کو روزگار کے مواقع ملیں گے۔

مئی 7, 2021
مشیر تجارت کی برآمد کنندگان کو اہم ہدایت

اسلام آباد: وزیر اعظم کے مشیر تجارت عبدالرزاق داؤد کا کہنا ہے کہ کرونا کی وبا کے عالمی معیشت پر دور رس اثرات مرتب ہوں گے، عالمی صورتحال کی وجہ سے پاکستان کی برآمدات کی طلب میں کمی آئے گی۔

تفصیلات کے مطابق وزیر اعظم کے مشیر تجارت عبدالرزاق داؤد نے سماجی رابطے کی ویب سائٹ ٹویٹر پر اپنے ٹویٹ میں کہا کہ کرونا وائرس کی وبا انسانی تاریخ کا ایسا بحران ہے جس کی مثال نہیں ملتی، وبا کے عالمی معیشت پر دور رس اثرات مرتب ہوں گے۔

عبد الرزاق داؤد کا کہنا ہے کہ عالمی بینک کے اعداد و شمار بتاتے ہیں کہ دنیا بھر کی معیشتیں سکڑ گئیں، جاپان اور جنوبی کوریا سمیت بڑی مغربی معیشتوں کی گروتھ منفی رہے گی۔

… Japan, South Korea etc. will post negative growth in GDP.

With the world returning to lockdowns, amid Covid-19 resurgence, the demand for our exports may also be affected. I appeal to the exporters to be vigilant and aggressive so that they may be able to … 2/3

— Abdul Razak Dawood (@razak_dawood) October 27, 2020

انہوں نے کہا کہ کرونا وائرس کی شدت بڑھنے سے بیشتر ممالک پھر لاک ڈاؤن کی طرف جا رہے ہیں۔

مشیر تجارت کا مزید کہنا تھا کہ عالمی صورتحال کی وجہ سے پاکستان کی برآمدات کی طلب میں کمی آئے گی، برآمد کنندگان عالمی مارکیٹس میں اپنا وجود برقرار رکھنے کے لیے کوششیں تیز کریں۔

اکتوبر 27, 2020
مشیر تجارت نے خوشخبری سنا دی: ’یہ صرف آغاز ہے‘

اسلام آباد: مشیر تجارت عبد الرزاق داؤد کا کہنا ہے کہ رواں مالی سال اب تک برآمدات میں 3.62 فیصد کا اضافہ ہوا ہے، یہ صرف آغاز ہے، مستقبل میں مزید بہتری متوقع ہے۔

تفصیلات کے مطابق مشیر تجارت عبدالرزاق داؤد نے سماجی رابطے کی ویب سائٹ ٹویٹر پر اپنے ٹویٹ میں کہا کہ فروری میں برآمدات میں گزشتہ سال کے مقابلے میں 13.61 فیصد اضافہ ہوا۔

مشیر تجارت کا کہنا تھا کہ رواں مالی سال اب تک برآمدات میں 3.62 فیصد کا اضافہ ہوا ہے۔

انہوں نے کہا کہ اگر ہم اپنے حریفوں سے مقابلہ کریں تو یہ اضافہ قابل تعریف ہے، یہ صرف آغاز ہے، مستقبل میں مزید بہتری متوقع ہے۔

The YoY exports for Feb 2020 have increased by 13.61%. The YoY increase in Exports in CFY so far is at +3.62%, which is commendable when compared to the export trend of our competitors. This is just the beginning, the future holds much more! @ansukhera @ImranKhanPTI @aliya_hamza

— Abdul Razak Dawood (@razak_dawood) March 2, 2020

خیال رہے کہ افراط زر کی حالیہ اعداد و شمار پر مبنی رپورٹ کے مطابق فروری میں افراط زر کی شرح کم ہو کر 12.4 فیصد پر آگئی ہے جبکہ جنوری میں افراط زر کی شرح 14.6 فیصد تک پہنچ چکی تھی۔

اعداد و شمار کے مطابق شہری علاقوں میں مہنگائی 13.4 فیصد سے کم ہو کر 11.2 فیصد اور دیہی علاقوں میں مہنگائی کی شرح 14.2 فیصد تک آگئی۔

وزیر اعظم عمران خان نے بھی معاشی ٹیم کو مہنگائی میں ہر ممکن حد تک مزید کمی لانے کی ہدایت کردی ہے۔

مارچ 2, 2020
ترک صدر کی پاکستان آمد، پاکستانی تاجروں کے لئے خوشخبری

اسلام آباد :مشیرتجارت عبدالرزاق داؤد کا کہنا ہے کہ ترک صدر کی پاکستان آمدپرترک تاجروں کابڑاوفد بھی آرہا ہے ، تاجر نمائندے ملاقاتوں اور رابطوں کیلئےمتعلقہ چیمبرز سے رجوع کریں، پاک ترک تجارت کے فروغ کیلئے دستیاب مواقع سے فائدہ اٹھانا چاہیے۔

تفصیلات کے مطابق مشیرتجارت عبدالرزاق داؤد نے سماجی رابطے کی ویب سائٹ ٹوئٹر پر ترک صدر رجب طیب اردوان کی پاکستان آمد سے متعلق پیغام میں کہا ترک صدرکی پاکستان آمدپرترک تاجروں کابڑاوفدبھی آئےگا، ترک تاجروں کی تفصیلات ایوان ہائےصنعت وتجارت کوفراہم کردی، ایف پی سی سی آئی سمیت تمام بڑےچیمبرزکوفہرستیں فراہم کی ہیں۔

رزاق داؤد کا کہنا تھا کہ تاجر نمائندے ملاقاتوں اور رابطوں کیلئےمتعلقہ چیمبرز سے رجوع کریں، پاک ترک تجارت کے فروغ کیلئے دستیاب مواقع سے فائدہ اٹھانا چاہیے۔

A list of the business delegation accompanying the President of Turkey, is being shared with the FPCCI, ICCI, KCCI, LCCI, SCCI, RCCI, & PBC. Interested businessmen, please contact your respective Chambers for B2B meetings. @ImranKhanPTI @ansukhera @PTIofficial @pid_gov

— Abdul Razak Dawood (@razak_dawood) February 6, 2020

اس سے قبل بھی مشیرتجارت رزاق داؤد نے کہا تھا ترک صدر 13اور14 فروری کوپاکستان کاسرکاری دورہ کریں گے، ترک صدر کے ہمراہ تاجروں کابڑاوفدبھی پاکستان آئےگا، کاروباری مواقع کی تلاش کےخواہاں پاکستانی تاجر موقع سے فائدہ اٹھائیں۔

یاد رہے ترک صدر کا 13 اور 14 فروری کو دورہ پاکستان کا قوی امکان ہے ، وہ کاروباری شخصیات سمیت اعلیٰ سطح وفد کے ہمراہ اسلام آبادپہنچیں گے۔

ذرائع کا کہنا تھا کہ ترک صدر پاکستانی سیاسی وعسکری قیادت سےاہم ملاقاتیں کریں گے جبکہ صدر،وزیراعظم، ترک صدر اور مہمانوں کے اعزازمیں ضیافتوں کا اہتمام کریں گے۔

ذرائع کے مطابق پاک، ترک اعلیٰ سطح تذویراتی تعاون کونسل کا اجلاس منعقد ہو گا، وزیراعظم عمران خان اور ترک صدر رجب طیب اردوان اجلاس کی مشترکہ صدارت کریں گے، متعدد معاہدے، تعاون کی یادداشتوں پر دستخط اور کئی منصوبے شروع ہوں گے۔

ترک صدر کے دورے کے دوران تذویراتی اقتصادی فریم ورک، باہمی تعاون کے تحت معاہدات کا امکان ہے جبکہ سرمایہ کاری، تجارت، دفاعی پیداوار، بینکنگ، مالیات میں تعاون بڑھایا جائے گا۔

فروری 6, 2020
‘کاروباری مواقع کی تلاش کے خواہاں پاکستانی تاجر ترک صدر کے دورہ پاکستان سے فائدہ اٹھائیں’

اسلام آباد : مشیرتجارت رزاق داؤد نے کہا ترک صدر کے ہمراہ تاجروں کا بڑا وفد بھی پاکستان آرہا ہے، کاروباری مواقع کی تلاش کے خواہاں پاکستانی اس موقع سے فائدہ اٹھائیں۔

تفصیلات کے مطابق مشیرتجارت رزاق داؤد نے سماجی رابطے کی ویب سائٹ ٹوئٹر پر ترک صدر رجب طیب اردوان کےدورہ پاکستان کے حوالے سے کہا ترک صدر 13اور14 فروری کوپاکستان کاسرکاری دورہ کریں گے۔

H.E. Recep Tayab Erdogan, President of Turkey will be on an official visit to Pakistan from the 13-14 of February, 2020. 1/2 @ansukhera @pid_gov @ImranKhanPTI @PTIofficial @aliya_hamza @RTErdogan @trpresidency

— Abdul Razak Dawood (@razak_dawood) February 4, 2020

رزاق داؤد کا کہنا تھا کہ ترک صدر کے ہمراہ تاجروں کابڑاوفدبھی پاکستان آئےگا، کاروباری مواقع کی تلاش کےخواہاں پاکستانی تاجر موقع سے فائدہ اٹھائیں۔

The President will be accompanied by a delegation of Turkish businessmen. Pakistani businessmen who are interested in B2B with the delegates are requested to contact TDAP @tdap_official 2/2

— Abdul Razak Dawood (@razak_dawood) February 4, 2020

یاد رہے ترک صدر کا 13 اور 14 فروری کو دورہ پاکستان کا قوی امکان ہے ، وہ کاروباری شخصیات سمیت اعلیٰ سطح وفد کے ہمراہ اسلام آبادپہنچیں گے۔

مزید پڑھیں : ترک صدرطیب اردوان13 اور 14فروری کو پاکستان کا دورہ کریں گے

ذرائع کا کہنا تھا کہ ترک صدر پاکستانی سیاسی وعسکری قیادت سےاہم ملاقاتیں کریں گے جبکہ صدر،وزیراعظم، ترک صدر اور مہمانوں کے اعزازمیں ضیافتوں کا اہتمام کریں گے۔

ذرائع کے مطابق پاک، ترک اعلیٰ سطح تذویراتی تعاون کونسل کا اجلاس منعقد ہو گا، وزیراعظم عمران خان اور ترک صدر رجب طیب اردوان اجلاس کی مشترکہ صدارت کریں گے، متعدد معاہدے، تعاون کی یادداشتوں پر دستخط اور کئی منصوبے شروع ہوں گے۔

ترک صدر کے دورے کے دوران تذویراتی اقتصادی فریم ورک، باہمی تعاون کے تحت معاہدات کا امکان ہے جبکہ سرمایہ کاری، تجارت، دفاعی پیداوار، بینکنگ، مالیات میں تعاون بڑھایا جائے گا۔

فروری 4, 2020
امریکا اور پاکستان کے درمیان تجارت بڑھانے پر غور

اسلام آباد: امریکی نائب معاون وزیر خارجہ ایلس ویلز اور مشیر تجارت رزاق داؤد کے درمیان ملاقات میں دونوں ممالک کی باہمی تجارت کو فروغ دینے میں دلچسپی کا اظہار کیا گیا۔

تفصیلات کے مطابق امریکی نائب معاون وزیر خارجہ ایلس ویلز اور مشیر تجارت عبدالرزاق داؤد سے ملاقات ہوئی۔ ملاقات میں پاکستان اور امریکا کے درمیان باہمی تجارت کو فروغ و استحکام دینے میں دلچسپی کاا ظہار کیا گیا۔

امریکی وزیر کا کہنا تھا کہ زرعی شعبے میں باہمی تجارت کو مزید فروغ اور استحکام دیا جا سکتا ہے، زرعی شعبے میں فوری اضافے کی واضح صلاحیت موجود ہے۔

ایلس ویلز نے کہا کہ معروف امریکی کمپنیاں پاکستان میں طویل عرصے سے کام کر رہی ہیں، مزید امریکی کمپنیاں پاکستان میں سرمایہ کاری کی خواہشمند ہیں۔

مشیر تجارت رزاق داؤد نے کہا کہ اقتصادی و تجارتی تعلقات کو مزید فروغ دینے کی گنجائش ہے، امریکی انتظامیہ کے ساتھ تجارتی فروغ کے لیے بات چیت ہوگی۔

انہوں نے کہا کہ امریکی انتظامیہ کے ساتھ ترجیحی تجارت کے لیے جلد بات چیت ہوگی۔

Met the U.S, Acting Assistant Secretary of State for South and Central Asian Affairs, Ms. Alice Wells. The U.S is eager to increase the trade potential between our two nations. Ms. Wells is of the opinion that agriculture is one sector where immediate progress can be made. 1/3 pic.twitter.com/EcUw9okeRr

— Abdul Razak Dawood (@razak_dawood) January 20, 2020

خیال رہے کہ امریکی نائب وزیر خارجہ ایلس ویلز 4 روزہ دورے پر گزشتہ روز پاکستان پہنچیں، ایلس ویلز دارالحکومت اسلام آباد میں پاکستانی حکام سے اہم ملاقاتیں کریں گی۔

ملاقاتوں میں دو طرفہ تعلقات اورعلاقائی صورتحال پر گفتگو کی جائے گی۔ ایلس ویلز کی پاکستان میں سول سوسائٹی اور دیگر سیاسی رہنماؤں سے بھی ملاقاتیں ہوں گی۔

امریکی نائب وزیر خارجہ 13 جنوری سے سہ ملکی دورے پر ہیں، سب سے پہلے انہوں نے سری لنکن دارالحکومت کولمبو کا دورہ کیا، اس کے بعد وہ بھارت گئیں اب اپنے دورے کے آخری مرحلے میں وہ پاکستان آئی ہیں، ان کا یہ دورہ 22 جنوری تک جاری رہے گا۔

جنوری 20, 2020
برآمدات سے قبل اضافی چینی کی موجودگی یقینی بنائی جائے گی: مشیر تجارت

اسلام آباد: مشیر تجارت عبد الرزاق داؤد کا کہنا ہے کہ برآمدات سے قبل اضافی چینی کو یقینی بنایا جائے گا، چین کی 1 ارب ڈالر مارکیٹ رسائی میں چینی نے 3 لاکھ ٹن کا کوٹا پورا کیا۔

تفصیلات کے مطابق مشیر تجارت عبد الرزاق داؤد کی زیر صدارت شوگر ایڈوائزری بورڈ کا اجلاس ہوا۔ اجلاس میں پاکستان شوگر ملز ایسوسی ایشن اور کسان بورڈ کے نمائندوں نے شرکت کی۔

اجلاس میں سیکریٹری تجارت سردار احمد اور سیکریٹری صنعت و پیداوار بھی شریک ہوئے۔

اجلاس میں گنے اور چینی کی موجودہ صورتحال اور چین و افغانستان برآمد کی گئی چینی کی مقدار کا جائزہ لیا گیا۔

عبد الرزاق داؤد کا کہنا تھا کہ برآمدات سے قبل اضافی چینی کو یقینی بنایا جائے گا، چین کی 1 ارب ڈالر مارکیٹ رسائی میں چینی نے 3 لاکھ ٹن کا کوٹا پورا کیا۔

انہوں نے کہا کہ اکتوبر کے پہلے ہفتے میں شوگر ایڈوائزری بورڈ کا اجلاس طلب کریں گے۔ آئندہ اجلاس میں گنے اور چینی کی پیداواری لاگت کا جائزہ لیں گے۔ تمام نمائندے پیداواری لاگت کا تخمینہ لگائیں گے۔

ستمبر 13, 2019
مشیر تجارت سے ایتھوپیا کے تجارتی وفد کی ملاقات

اسلام آباد: مشیر تجارت عبد الرزاق داؤد سے ایتھوپیا کے تجارتی وفد کی ملاقات ہوئی۔ مشیر تجارت کا کہنا تھا کہ افریقہ کی جانب سے تجارت بڑھانے کے لیے افریقہ پالیسی پر عمل پیرا ہیں۔

تفصیلات کے مطابق مشیر تجارت عبد الرزاق داؤد سے ایتھوپیا کے تجارتی وفد کی ملاقات ہوئی۔ وفد میں وزارت خارجہ اور تجارت و صنعت کے ارکان شامل تھے۔

ایتھوپین وفد کی جانب سے کہا گیا کہ تجارتی تعلقات کو مزید فروغ دینے کی ضرورت ہے۔ پاکستانی سرمایہ کار ایتھوپیا میں سرمایہ کاری کریں۔

مشیر تجارت عبدالرزاق داؤد کا کہنا تھا کہ افریقہ کی جانب سے تجارت بڑھانے کے لیے افریقہ پالیسی پر عمل پیرا ہیں۔ ایتھوپیا اس حوالے سے بہت اہم ملک ہے۔

انہوں نے کہا کہ پاکستانی ٹریکٹرز موزمبیق اور تنزانیہ کے بعد انگولا بھی برآمد کرے گا۔ نومبر میں پاکستان نیروبی میں کانفرنس کا انعقاد کرے گا۔

مشیر تجارت نے مزید کہا کہ نیروبی کانفرنس میں افریقی ممالک کو مدعو کریں گے۔

ستمبر 12, 2019
نوجوانوں کو کاروبار کے لیے قرضہ فراہم کیا جائے گا: عثمان ڈار

اسلام آباد: مشیر برائے امور نوجوانان عثمان ڈار نے مشیر تجارت عبد الرزاق داؤد سے ملاقات کے دوران کہا کہ ینگ انٹر پرنیور شپ اسکیم کے تحت نوجوانوں کو کاروبار کے لیے قرضہ فراہم کیا جائے گا۔

تفصیلات کے مطابق مشیر تجارت عبد الرزاق داؤد سے مشیر برائے امور نوجوانان عثمان ڈار کی ملاقات ہوئی۔ ملاقات میں ینگ انٹر پرنیور شپ اسکیم پر تبادلہ خیال کیا گیا۔

مشیر برائے امور نوجوانان عثمان ڈار کا کہنا تھا کہ اسکیم کے تحت نوجوانوں کو کاروبار کے لیے قرضہ فراہم کیا جائے گا، صنعتوں کے لیے وزارت صنعت پیداوار کے ادارے سمیڈا کا تعاون اہم ہے۔

انہوں نے کہا کہ سمیڈا ملک میں ینگ انٹر پرنیورز کو ہر ممکن سہولت فراہم کرے گا۔

مشیر تجارت رزاق داؤد کا کہنا تھا کہ ینگ انٹر پرنیورشپ اسکیم ایک احسن اقدام ہے، ملک کی معاشی ترقی کے لیے نوجوانوں کا کردار اہم ہے۔

اس سے قبل ورلڈ یوتھ منسٹرز کانفرنس سے خطاب کرتے ہوئے عثمان ڈار کا کہنا تھا کہ ملکی تقدیر نوجوانوں کے ہاتھوں بدلے گی۔ صحت، روزگار اور اصلاحاتی پروگرام سمیت اکنامک خود مختاری پر کام جاری ہے۔ پاکستان نوجوانوں کے لیے تیزی سے اصلاحاتی ایجنڈے پر کام کر رہا ہے۔

انہوں نے کہا تھا کہ موجودہ حکومت نے پہلی بار نوجوانوں کے لیے اسٹریٹیجک روڈ میپ تشکیل دیا، ’کامیاب نوجوان پروگرام‘ موجودہ حکومت کا لینڈ مارک منصوبہ ہے۔ وزیر اعظم عمران خان کی قیادت میں نوجوانوں کو بااختیار بنانے پر پوری توجہ ہے۔

اگست 6, 2019

Tag: Razak Dawood

مزید پڑھیں : ترک صدرطیب اردوان13 اور 14فروری کو پاکستان کا دورہ کریں گے