کراچی : پیپلزپارٹی کے ترجمان چوہدری منظور کا کہنا ہے کہ 3بار وزیراعظم رہنے کے بعد نوازشریف کا شکوہ نہیں بنتا، قوم کاشکوہ ہے ایسا کیا گناہ کیا جو نواز شریف کو ہمارا حکمران بنایا گیا۔
تفصیلات کے مطابق پیپلزپارٹی کے ترجمان چوہدری منظور نے نواز شریف کے بیان پر درعمل کا اظہار کرتے ہوئے کہا کہ نااہل نوازشریف کم سےکم غالب کوتوبخش دیں، نوازشریف کیوں ناشکرے ہورہے ہیں۔
چوہدری منظور کا کہنا تھا کہ 3باروزیراعظم رہنے کے بعد نوازشریف کا شکوہ نہیں بنتا، قوم کا شکوہ ہے ایسا کیا گناہ کیا جو نوازشریف کو ہمارا حکمران بنایا گیا۔
ترجمان پی پی نے کہا کہ کھربوں کی جائیداد والے نوازشریف کو شکوہ زیب نہیں دیتا، شاعری کررہےہیں تونوازشریف کوئی تخلص بھی رکھ لیں۔
انکا مزید کہنا تھا کہ نوازشریف ’’مجھےکیوں نکالا؟‘‘کےعنوان سےدیوان شائع کردیں۔
مزید پڑھیں : حا لات جوبھی ہوں مقابلہ کروں گا
یاد رہے کہ پنجاب ہاؤس میں کارکنوں سے خطاب کرتے ہوئے نااہل وزیراعظم نوازشریف نے کہا تھا کہ حالات جو بھی ہوں مقابلہ کروں گا ملک چھوڑ کرجانے والا نہیں ہوں، ہمیں نکالنے والے صادق اورامین نہیں جبکہ مجھے وقت سے پہلے نکال دیا گیا۔
مسلم لیگ ن کے سربراہ نوازشریف کا کہنا تھا کہ میں بھرپور سیاسی اورقانونی جنگ لڑوں گا، کہ ہم سے حساب مانگنے والوں سے بھی کوئی پوچھے وہ ملک کی کیا خدمت کررہے ہیں۔
