ARYNews.tv | Urdu – Har Lamha Bakhabar

Tag: Real Madrid

  • اسپینش لیگ فٹبال: بارسلونا نے ریال میڈرڈ کو ہرا دیا

    اسپینش لیگ فٹبال: بارسلونا نے ریال میڈرڈ کو ہرا دیا

    بارسلونا نے اسپینش لیگ فٹ بال میں ریال میڈرڈ کو سنسنی خیز مقابلے کے بعد 3 کے مقابلے میں 4 گول سے ہرادیا، ٹیبل پر اُسے ریال میڈرڈ پر 7 پوائنٹس کی برتری حاصل ہو گئی۔

    کیٹولینا میں ال کلاسکو کی صورت میں دونوں کلبز کے درمیان یہ سیزن کا چوتھا مقابلہ تھا جس میں کھلاڑیوں نے بہترین کھیل کا مظاہرہ کیا۔

    اسپینش لیگ فٹ بال کے اہم میچ میں ریال میڈرڈ کا پلہ ابتداء میں بھاری رہا جس نے 14 منٹ میں 2 گول کی سبقت حاصل کر لی۔

    یہ دونوں گول ایم باپے نے اسکور کیے لیکن پھر گارسیا اور یامال نے گول کر کے بارسلونا کو ہم پلہ بنا دیا، 2 منٹ بعد بارسلونا کے رافینا نے ٹیم کے لیے تیسرا گول کیا۔

    پہلے ہاف کے اختتام سے ذرا پہلے اُنہوں نے ایک بار پھر گیند کو ریال میڈرڈ کے جال میں پہنچا کر برتری چار دو تک پہنچادی۔

    ریال میڈرڈ کے کھلاڑیوں نے دوسرے ہاف میں خسارے کو پورا کرنے کی بھرپور کوشش کی۔

    کھیل کے سترہویں منٹ میں ایم باپے اپنا تیسرا گول کر کے ہیٹ ٹرک بنانے میں کامیاب رہے مگر ریال میڈرڈ کھیل کے اختتام تک میچ برابر نہ کرپائی۔

    پہلے ہی کہا تھا مودی انسان کا بچہ نہیں بنےگا، بھارت بدنام ہورہا ہے، شاہد آفریدی

    یہ مقابلہ بارسلونا نے چار تین کے اسکور سے جیتا، ٹیبل پر وہ مجموعی طور پر 82 اور ریال میڈرڈ سے سات پوائنٹس کی برتری کے سبب پہلی پوزیشن پر موجود ہے اور اُس کے ٹائٹل جیتنے کی اُمیدیں بھی بڑھ گئی ہیں۔

  • اسپینش لیگ لالیگا : بارسلونا کی فتح کی جانب کامیابی سے پیش قدمی جاری

    اسپینش لیگ لالیگا : بارسلونا کی فتح کی جانب کامیابی سے پیش قدمی جاری

    برلن : اسپینش لیگ لالیگا میں مشہور کلب بارسلونا کی کامیابی کا سفر جاری ہے، بارسلونا نے ایتھلیٹکو میڈرڈ کو دو صفرسے شکست دے کر پوائنٹس ٹیبل پر پہلی پوزیشن حاصل کرلی۔

    تفصیلات کے مطابق بارسلونا کی ایک اور لالیگا ٹائٹل کی جانب پیش قدمی کامیابی سے جاری ہے, سپراسٹار ٹیم کے سپراسٹار لائنل میسی اور لوئس سواریز نے میچ کے آخری پانچ منٹ میں گول کر کے میچ کا پانسہ پلٹ دیا۔

    ایک اور میچ میں اسٹارز سے سجی ریال میڈرڈ کی ٹیم نے جیت کو گلےلگا لیا,کریم بینزیما نے دوگول داغے۔ ایف اے کپ کے سیمی فائنل میں مانچسٹر سٹی نے شاندارکارکردگی کا مظاہرہ کیا۔

    برائٹن کو ایک صفر سےہرا کر فائنل میں جگہ بنالی، جرمن فٹ بال لیگ میں بائرن میونخ نے پانچ صفر سے ڈارٹمنڈ کو زیرکیا، اٹیلین سیریا اے میں رونالڈو کی یووینٹس نے اے سی میلان کے خلاف میچ جیت لیا۔

  • سپراسٹار رونالڈو ریال میڈرڈ سے کیوں‌ الگ ہوئے؟ وجہ سامنے آگئی

    سپراسٹار رونالڈو ریال میڈرڈ سے کیوں‌ الگ ہوئے؟ وجہ سامنے آگئی

    لزبن: ممتاز پرتگالی فٹ بالر کرسٹیانو رونالڈو نے اسپیشن کلب ریال میڈرڈ کو خیرباد کہہ دیا.

    تفصیلات کے مطابق پرتگالی ٹیم کے کپتان نے ریال میڈرڈ سے اپنا دس سالہ تعلق توڑ لیا، اب وہ اطالوی کلب یووینٹس کی نمائندگی کریں گے.

    اطلاع کے مطابق اطالوی اور اسپیشن کلب کے درمیان 105 ملین پاؤنڈ کا معاہدہ طے پایا ہے، رونالڈو یووینٹس کی تاریخ مہنگے کھلاڑی ترین ہیں۔ اس سے قبل یہ اعزاز ارجنٹینا کے گونزالو ہیگوئن کے پاس تھا.

    واضح رہے کہ ریال میڈرڈ کی گنتی دنیا کے بڑے کلبس میں‌ ہوتی ہے، اس کا موازنہ صرف بارسلونا ہی سے ممکن ہے۔

    رونالڈو نے ریال میڈرڈ کو چار چیمپیئنز لیگ جتوائی، کلب کے لیے 451 گول کیے اور پانچ بار دنیا کے بہترین فٹ بالر کا اعزاز اپنے نام کیا، تاہم اب اس کلب کو 33 سالہ سپراسٹار کی خدمات حاصل نہیں ہوں گے۔

    عام خیال ہے کہ ان کے کلب کے صدر فلورینٹینو پیریز سے تعلقات کشیدہ تھے، کچھ عرصے قبل زین الدین زیدان بھی مینیجر کے عہدے سے الگ ہوگئے تھے۔

    اطلاعات کے مطابق ریال میڈرڈ کی مینجمنٹ فرانسیسی کلب پی ایس جی سے کھیلنے والے برازیلی اسٹار نیمار کو سائن کرنے میں دل چسپی رکھتی ہے۔

    یاد رہے کہ ریال میڈرڈ کا حصہ بننے سے قبل رونالڈو مانچسٹر یونائیٹڈ سے کھیلتے تھے۔

    وہ واقعہ جس نے رونالڈو کی قسمت بدل دی

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • ریال میڈرڈ کو تین بار چیمپیئنز لیگ جتوانے والے زیڈان نے کلب کو الوداع کہہ دیا

    ریال میڈرڈ کو تین بار چیمپیئنز لیگ جتوانے والے زیڈان نے کلب کو الوداع کہہ دیا

    میڈرڈ: عظیم فرانسیسی فٹ بالر زیڈان نے چیمپیئنز لیگ کی تاریخی فتح کے پانچ دن بعد کلب چھوڑنے کا حیران کن اعلان کردیا۔

    تفصیلات کے مطابق ریال میڈرڈ کو تین بار چیمپیئنز لیگ سمیت متعدد ٹرافیاں‌ جتوانے والے اسٹار مینیجر اپنے عہدے سے الگ ہوگئے ہیں.

    یہ غیرمتوقع فیصلہ چیمپیئنز لیگ کے فائنل میں‌ معروف انگلش کلب لیورپول کو تین ایک سے شکست دینے کے بعد سامنے آیا.

    زیڈان نے ایک پریس کانفرنس میں‌ کہا کہ اب اس کلب کو کسی مختلف آواز، کسی مختلف تجربے کی ضرورت ہے۔ ان کا مزید کہنا تھا کہ سب کچھ بدل گیا ہے اور اسی لیے میں نے یہ فیصلہ کیا ہے۔

    یاد رہے کہ زیڈان نے 2006 میں اس کلب کی قیادت سنبھالی تھی، جس کے بعد اس نے یوئیفا چیمپیئنز لیگ میں‌ تین کامیابیاں‌ حاصل کیں، البتہ اسپیشن لا لیگا میں‌ ریال میڈرڈ صرف ایک ہی بار فتح اپنے نام کرسکا.

    45 سالہ زیدان نے امید ظاہر کی کہ ٹیم اپنی فتوحات جاری رکھی گی، البتہ اب انھیں تبدیلی کی ضرورت ہے، اسی لیے یہ فیصلہ کیا۔

    یاد رہے کہ انھوں نے رواں برس فروری میں بھی اس نوعیت کا اعلان کیا تھا، البتہ تجزیہ کار اس فیصلہ کو حیران کن قرار دے رہے ہیں.

    زیڈان کی سرپرستی میں‌ ریال میڈرڈ نے 104 میچ جیتے، جیت کی شرح 69.8 فیصد رہی، جن میں نو ٹرافیاں شامل ہیں۔

    ریال میڈرڈ نے یوئیفا چیمپئنز لیگ کا ٹائٹل اپنے نام کر لیا

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • ریال میڈرڈ نے یوئیفا چیمپئنز لیگ کا ٹائٹل اپنے نام کر لیا

    ریال میڈرڈ نے یوئیفا چیمپئنز لیگ کا ٹائٹل اپنے نام کر لیا

    کیو: ہسپانوی فٹبال کلب ریال میڈرڈ نے انگلش کلب لیور پول کو فائنل میچ میں 1-3 سے شکست دے کر یوئیفا چیمپئنز لیگ کا ٹائٹل اپنے نام کر لیا۔

    تفصیلات کے مطابق یوئیفا چیمپئنز لیگ کا فائنل آج ریال میڈرڈ اور لیورپول کے درمیان کھیلا گیا، دونوں ٹیموں میں‌ کانٹے دار مقابلہ ہوا جس کے بعد ریال میڈرڈ یوئیفا چیمپئنز لیگ کا ٹائٹل جیتنے میں کامیاب ہوگئی۔

    ہسپانوی فٹبال کلب ریال میڈرڈ نے مسلسل تیسری بار یوئیفا چیمپئنزلیگ کا ٹائٹل اپنے نام کیا ہے، میچ کے دوران فاتح ٹیم کی جانب سے گراتھ بیل نے 2، کریم بنزیما نے 1 گول اسکور کیا جبکہ لیورپول کی جانب سے واحد گول سادیومانے نے اسکور کیا۔

    مسلمان فٹ بالر کی مقبولیت نے اسرائیلی وزیر دفاع کے تعصب کو شکست دے دی

    فائنل ٹاکرے میں ریال میڈرڈ کے سپراسٹار کرسٹیانو رونالڈو اور لیورپول کے نامور مصری کھلاڑی محمد صلاح توجہ کا محور رہے، لیورپول پانچ مرتبہ چیمپئنز لیگ کا ٹائٹل جیتنے والا واحد انگلش کلب ہے جبکہ ریال میڈرڈ آج تیرہ مرتبہ چیمپئنز لیگ کا چیمپین بننے میں کامیاب ہوگئی۔

    یوکرین کے شہر کیو میں‌ ہزاروں افراد اسٹیڈیم میں‌ یہ کانٹے دار میچ دیکھنے پہنچے، جب کہ ٹی وی کے ذریعے کروڑوں شائقین اس مقابلے سے محظوظ ہوئے۔

    ریال میڈرڈ نے مسلسل تیسری مرتبہ چیمپئنز لیگ کے فائنل کے لیے کوالیفائی کرلیا

    یاد رہے کہ کرسٹیانو رونالڈ کو اس عہد کا عظیم ترین کھلاڑی کہا جاتا ہے، جن کا موازنہ صرف جادوگر میسی سے ممکن ہے، دوسری جانب محمد صلاح سال کے بہترین انگلش کھلاڑی کا ایوارڈ اپنے نام کر چکے ہیں اور مغرب میں‌ اسلام کا نیا چہرہ تصور کیے جاتے ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • اسپینش لالیگا، میسی اور رونالڈو میں‌ ٹاکرا، سنسنی خیز مقابلہ دو دو گول سے برابر

    اسپینش لالیگا، میسی اور رونالڈو میں‌ ٹاکرا، سنسنی خیز مقابلہ دو دو گول سے برابر

    بارسلونا: دنیا کے دو بڑے فٹ بال کلب بارسلونا اور ریال میڈرڈ کا کانٹے دار مقابلہ دو دو گولز سے برابر رہا۔

    تفصیلات کے مطابق ہزاروں تماشائیوں سے بھر کیمپ نو اسٹیڈیم میں روایتی حریفوں میں سنسنی خیز مقابلہ ہوا، جس میں دونوں نے ایک دوسرے کی گول پوسٹ پر تابڑ توڑ حملے کیے۔

    دسویں منٹ میں بارسلونا کے اسٹرائیکر لوئس سواریز نے گول اسکور کرکے اپنے مداحوں کو جشن منانے کا موقع فراہم کیا، مگر ریال میڈرڈ سپراسٹار کرسٹیانو رونالڈو چار منٹ بعد ہی خوب صورت گول اسکور کرکے اپنی ٹیم کو میچ میں واپس لے آئے۔

    پہلے ہاف کے اختتامی لمحات میں بارسلونا کی مشکلات بڑھ گئیں، جب ریفری نے سرگیو رابرٹو کو ریڈ کارڈ دکھا کر میچ سے باہر کردیا۔

    دوسرے ہاف میں بارسلونا پوری قوت سے واپس آئی، ریال کے ڈیفینڈرز لائنل میسی کو نہ روک پائے اور ارجنٹینی سپراسٹارنے گول داغ کو اپنی ٹیم کو برتری دلا دی۔

    ریال میڈرڈ نے تیز کھیل کھیلا، 72 ویں منٹ میں گیرتھ بیل نے شاندا ہٹ لگائی اور گیند جال میں پہنچا دی، یوں مقابلہ برابر ہوگیا، میچ کے اختتام تک کوئی ٹیم گول نہ کرسکی۔

    یاد رہے کہ بارسلونا لالیگا کا موجودہ سیزن جیت چکی ہے، دوسری جانب ریال میڈرڈ نے چیمپینز لیگ کے فائنل تک رسائی حاصل کر لی ہے، جہاں اس کا مقابلہ انگلش کلب لیورپول سے ہے۔

    میچ کی اہم بات یہ تھی کہ بارسلونا اس سیزن میں تاحال ناقابل شکست ہے۔ اگر بارسلونا آخری تین میچز میں شکست سے دامن بچانے میں کامیاب رہی، تو یہ اسپیشن لالیگا میں ریکارڈ ہوگا۔

    چیمپیئنز لیگ فائنل: لیورپول اور ریال میڈرڈ مدمقابل، کرسٹیانو رونالڈو اور محمد صلاح میں مقابلہ

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیاپر شیئر کریں۔  

  • چیمپیئنز لیگ فائنل: لیورپول اور ریال میڈرڈ مدمقابل، کرسٹیانو رونالڈو اور محمد صلاح میں مقابلہ

    چیمپیئنز لیگ فائنل: لیورپول اور ریال میڈرڈ مدمقابل، کرسٹیانو رونالڈو اور محمد صلاح میں مقابلہ

    چیمپئنز لیگ کا فائنل معروف انگلش کلب لیورپول اور مشہور زمانہ اسپینش کلب ریال میڈرڈ کے مابین ہوگا، کرسٹیانو رونالڈ اور محمد صلاح میں گولز کرنے کا مقابلہ متوقع ہے۔

    تفصیلات کے مطابق چیمپئنز لیگ کے بڑے مقابلے میں‌ بڑی ٹیمیں ٹکرائیں گی، سیمی فائنل روما سے شکست کے باوجود لیورپول نے گیارہ سال بعد فائنل میں جگہ بنالی، اب ٹائٹل کی جنگ ریال میڈرڈ سے ہوگی.

    بارسلونا کو ایک حیران کن مقابلے میں شکست دے کر سیمی فائنل تک رسائی حاصل کرنے والا اطالوی کلب روما عمدہ پرفارمینس کے باوجود فائنل تک کوالیفائی کرنے میں‌ ناکام رہا.

    سیمی فائنل میں روما نے شان دار پرفارمینس کا مظاہرہ کرتے ہوئے لیورپول کو چار دو سے شکست دی، مگر ایگریگیٹ کی بنیاد پر انگلش کلب نے فائنل کے لیے کوالیفائی کیا. یاد رہے کہ لیگ میچ میں‌ انگلش کلب نے اطالوی حریف کو پانچ کے مقابلے میں دو گولز سے شکست دی تھی.

    سیمی فائنل میں لیورپول نے پہلے گول اسکور کر کے برتری حاصل کی، مگر اگلے ہاف میں پے در پے گول کرکے روما نے لیورپول کو آؤٹ کلاس کردیا، اطالوی کلب چار گول داغے، مگر ایگریگیٹ پر سات چھ سے فیصلہ لیورپول کے حق میں ہوا.

    لیورپول کی فائنل تک رسائی نے انگلش ٹیم کے مداحوں‌ کو خوشی سے سرشار کر دیا. چیمپئن کا فیصلہ 26 مئی کو لیورپول اور ریال میڈرڈ کے درمیان کیو میں ہوگا۔

    یاد رہے کہ ریال میڈرڈ کو عہد حاضر کے ممتاز فٹ بالر کرسٹیانو رونالڈو کی خدمات حاصل ہیں، دوسرے طرف لیورپول کے پاس محمد صلاح جیسا باصلاحیت کھلاڑی ہے، جسے مداح مصری بادشاہ کہہ کر پکارتے ہیں۔

    یاد رہے کہ محمد صلاح کو چند روز قبل سال کے بہترین انگلش کھلاڑی کے ایوارڈ سے نوازا گیا، مصر کو 28 سال بعد ورلڈ کپ میں پہنچانے والے محمد صلاح کو مغرب میں اسلام کا نیا چہرہ تصور کیا جاتا ہے۔

    ریال میڈرڈ نے مسلسل تیسری مرتبہ چیمپئنز لیگ کے فائنل کے لیے کوالیفائی کرلیا

    مسلمان فٹ بالر کی مقبولیت نے اسرائیلی وزیر دفاع کے تعصب کو شکست دے دی

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیاپر شیئر کریں۔  

  • ریال میڈرڈ نے مسلسل تیسری مرتبہ چیمپئنز لیگ کے فائنل کے لیے کوالیفائی کرلیا

    ریال میڈرڈ نے مسلسل تیسری مرتبہ چیمپئنز لیگ کے فائنل کے لیے کوالیفائی کرلیا

    میڈرڈ: مشہور زمانہ اسپیشن کلب ریال میڈرڈ نے مسلسل تیسری مرتبہ چیمپئنز لیگ کے فائنل کے لیے کوالیفائی کرلیا.

    تفصیلات کے مطابق مایہ ناز فٹ بالر کرسٹینانو رونالڈو کے کلب ریال میڈرڈ نے ایک کانٹے دار میں‌ مقابلے میں‌ جرمن چیمپیئن بائرن میونخ کو شکست دے دی.

    گذشتہ رات برنا باؤ اسٹیڈیم میں عالمی دنیا کے دو بڑے کلب ٹکرائے، جن کی نمائندگی عالمی فٹ بال کے ممتاز ستارے کر رہے تھے.

    واضح رہے کہ گذشتہ لیگ میچ میں ریال میڈرڈ نے کامیابی حاصل کی تھی اور اسے ایک گول کی برتری حاصل کی تھی، بائرن میونخ نے میچ کا مثبت آغاز کیا اور جلد ہی برتری حاصل کر لی.

    البتہ گیارہویں منٹ میں ریال میڈرڈ کے اسٹار اسٹرائیکر کریم بینزیما ہیڈر پر شان دار گول کرتے ہوئے اپنے مداحوں‌ کو واپس کھیل میں لے آئے.

    دوسرے ہاف میں گول کیپر کی ایک معمولی غلطی کی وجہ سے ریال میڈرڈ نے ایک اور گول داغ دیا، 63 ویں منٹ میں بائرن نے مقابلہ برابر کردیا، بعد میں بھی جرمن کلب نے کئی تابڑ توڑ حملے کیے، مگر ریال میڈرڈ کی دفاعی لائن مزید کوئی گول نہیں ہونے دیا اور یوں‌ نیٹ ایگریگیٹ پر ریال میڈرڈ نے تین کے مقابلے میں چار گول سے فائنل میں انٹری دے دی۔

    فائنل کھیلنے والی دوسری ٹیم کا فیصلہ آج ہوگا، جب انگلش کلب لیورپول اور اطالوی کلب روما میں ٹاکرا ہوگا، لیگ میچ میں لیورپول فاتح‌ ٹھہرا تھا اور تجزیہ کار اسے ہی فیورٹ ٹھہرا رہے ہیں.

    یاد رہے کہ لیوپورل کو ممتاز مصری فٹ بال محمد صلاح کی خدمات حاصل ہیں، جنھیں گذشتہ دنوں سال کا بہترین انگلش فٹ بالر کا ایوارڈ بھی ملا ہے.

    زخمی رونالڈ موبائل پر کیا دیکھ رہے تھے؟ ریال میڈرڈ کے کوچ زیڈان کا دلچسپ جواب

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیاپر شیئر کریں۔  

  • زخمی رونالڈ موبائل پر کیا دیکھ رہے تھے؟ ریال میڈرڈ کے کوچ زیڈان کا دلچسپ جواب

    زخمی رونالڈ موبائل پر کیا دیکھ رہے تھے؟ ریال میڈرڈ کے کوچ زیڈان کا دلچسپ جواب

    میڈرڈ: عالمی شہرت یافتہ فٹبالر کرسٹیانو رونالڈو کی وہ تصویر انٹرنیٹ پر وائرل ہوگئی ہے، جس میں وہ دوران میچ زخمی حالت میں موبائل فون ہاتھ میں تھامے کھڑے ہیں۔ اب اس تصویر پر ریال میڈرڈ کے ہیڈ کوچ کا بیان سامنے آیا ہے۔

     تفصیلات کے مطابق ریال میڈرڈ کے ہیڈ کوچ زیڈان نے کہا ہے کہ کرسٹیانو رونالڈو زخمی ہونے پر موبائل پر اپنا چہرہ دیکھ رہے تھے تاکہ اندازہ لگا سکیں کہ زخم کتنا گہرا ہے اور کیا وہ  اس قابل ہیں کہ آگے کھیل سکیں۔

    میچ کے بعد پریس کانفرس کرتے ہوئے زیڈان نے کہا کہ ڈریسنگ روم میں آنے کے بعد یہی الفاظ رونالڈو نے ان سے کہے تھے۔ انھوں نے بتایا کہ رونالڈو کے چہرے پر دو سے تین ٹانکے آئے ہیں۔ البتہ وہ مکمل صحت یاب ہیں۔

     

    Zinedine

    ان کا مزید کہنا تھا کہ کرسٹیانو رونالڈو آج ٹریننگ پریکٹس میں بھی شریک ہوئے، اس سے اندازہ لگایا جاسکتا ہے کہ ان کی نظر میں اسپینشن لیگ کا یہ سیزن کتنا اہم ہے۔

    یاد رہے کہ چند روز قبل اسپینشن فٹبال لیگ میں ڈیپو ٹیو ولا کورونا سے میچ میں ریال میڈرڈ کے پرتگالی اسٹار کرسٹیانو رونالڈو چہرے پر شدید چوٹ لگنے پر میدان بدر ہوگئے تھے۔

    فوری طور پر طبی امداد فراہم کرنے کے لیے جب ڈاکٹر میدان میں آئے تو رونالڈو نے ڈاکٹر کا موبائل لے کر اپنا خون آلود چہرہ دیکھا جس کے بعد ان کی یہ فوٹیج سوشل میڈیا پر وائرل ہوگئی تھی۔

    خیال رہے انہیں یہ چوٹ حریف پلیئر فیبئن شارکا بوٹ سر پر لگنے سے پیش آئی تھی۔ ریال میڈرڈ نے یہ یہ مقابلہ1-7 کے جیتا تھا۔ میچ میں کرسٹیانو رونالڈون نے دو گول کئے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • لا لیگا کےاہم میچ میں ریال میڈرڈ کوبارسلونا سےشکست

    لا لیگا کےاہم میچ میں ریال میڈرڈ کوبارسلونا سےشکست

    سینٹیاگو: اسپین کی فٹبال لیگ کے اہم میچ میں بارسلونا نے ریال میڈرڈ کو 3-0 سے شکست دے کرپوائنٹس ٹیبل پر پہلی پوزیشن حاصل کرلی۔

    تفصیلات کے مطابق سینٹیاگو میں کھیلے گئے اسپین فٹبال لیگ کے اہم میچ میں بارسلونا نے ریال میڈرڈ کوشکست دے دی جس کے بعد ریال میڈرڈ کے ٹائٹل کی دوڑ سے باہر ہونے کے امکانات پیدا ہوگئے ہیں۔

    فٹبال لیگ لالیگا کے اہم میچ میں بارسلونا کی جانب سے سواریز نے کھیل کے 54 ویں منٹ میں پہلا گول کرکے ٹیم کو برتری دلائی جبکہ میسی نے دوسرا گول کیا۔

    ریال میڈرڈ کو میچ کے 63 ویں منٹ میں اس وقت بڑا دھچکا لگا جب ڈینی کیرویجال کو ریفری نے ریڈ کارڈ دکھا کر گراؤنڈ سے باہر کردیا۔

    بارسلونا کی جانب سے ویڈال نے تیسراگول کرکے ٹیم کی جیت کو یقینی بنایا تاہم اسٹار کھلاڑی رونالڈو اور گیراتھ بیل کی موجودگی میں ریال میڈرڈ میچ میں کم بیک کرنے میں ناکام رہی۔

    خیال رہے کہ بارسلونا نے ریال میڈرڈ کے خلاف جیت کے ساتھ 45 پوائنٹس حاصل کرکر پہلی پوزیشن اپنے نام کرلی ہے۔

    یاد رہے کہ بارسلونا کی رواں برس اگست میں اسپینش سپرکپ میں ریال میڈرڈ سے ہونے والی شکست کے بعد یہ مسلسل 25 ویں کامیابی ہے جبکہ ان کے ایک اہم کھلاڑی نیمار کلب چھوڑ کرجاچکے ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔