میڈرڈ : عالمی شہرت یافتہ فٹبالر کرسٹیانو رونالڈو پرریفری کو دھکا دینے کی پاداش میں پانچ میچوں کی پابندی عائد کردی گئی۔
تفصیلات کے مطابق اسپینش سپرکپ کے فائنل میں بارسلونا اور ریال میڈرڈ کے درمیان میچ میں ریفری کی جانب سے ریڈ کارڈ دکھائے جانے پر رونالڈو کو دھکا دیا جس پر اسپینش فٹبال فیڈریشن نے ان پر پانچ میچوں کی پابندی عائد کردی۔
کرسٹیانو رونالڈو پابندی کے بعد اسپینش سپر کپ کے فائنل کے دوسرے لیگ سمیت مزید چار میچوں میں شرکت نہیں کرسکیں گے۔ اس فیصلے کے خلاف اپیل کرنے کے لیے رونالڈو کے پاس 10 دن کا وقت ہے۔
اس پابندی کے بعد رونالڈو اب بدھ کو اسپینش سپر کپ کے فائنل کے دوسرے لیگ سمیت مزید چار میچوں میں شرکت نہیں کر سکیں گے۔ فیڈریشن کے اس فیصلے کے خلاف اپیل کرنے کیلئے رونالڈو کے پاس دس دن کا وقت ہے۔
ٹیکس چوری کا الزام، کرسچیانو رونالڈوعدالت میں پیش ہوئے
اسپینش فٹبال فیڈریشن نے اپنے فیصلے میں کہا کہ ریفری کو دھکا دے کر رونالڈو نے ضابطہ اخلاق کے آرٹیکل 89 کی خلاف ورزی کی جس کے تحت کھلاڑی پر چار سے 12 میچوں کی پابندی عائد کی جا سکتی ہے۔
واضح رہے کہ فیڈریشن نے دھکا دینے پر رونالڈو پر ساڑھے تین ہزار ڈالر اور ریال میڈرڈ پر 1650 ڈالر جرمانہ عائد کردیا جبکہ فاؤل پر بھی پرتگالی اسٹار اور ہسپانوی کلب پر جرمانہ کیا گیا ہے۔
