عید الاضحیٰ مزیدار کھانے بنانے، دعوتیں کرنے اور اس بہانے عزیزوں اور رشتہ داروں سے ملاقات کرنے کا موقع ہے۔
اگر آپ خاتون خانہ ہیں تو عید کی آمد سے قبل آپ نے کھانے کی بہت سی تراکیب ڈھونڈ رکھی ہوں گی جنہیں آپ عید پر بنانے کا ارادہ رکھتی ہوں گی، تاہم اگر آپ کو اس کا وقت نہیں مل سکا تو کوئی بات نہیں۔
ہم آپ کو عید پر کچھ مزیدار ڈشز بنانے کی تراکیب بتا رہے ہیں۔
فرائیڈ دھاگہ کباب
اجزا
گائے کا قیمہ: آدھا کلو
چنے: 2 کھانے کے چمچ بھنے ہوئے
خشخاش: 1 کھانے کا چمچ
سفید زیرہ: 1 چائے کا چمچ
چھوٹی الائچی: 4 عدد
کالی مرچ: 4 عدد
لال مرچ: 1 کھانے کا چمچ پسی ہوئی
نمک: حسب ذائقہ
لونگ: 2 عدد
ڈبل روٹی کے سلائس: 2 عدد
پیاز: 1 عدد تلی ہوئی
ہری مرچ: 4 عدد
کچا پپیتا: 2 کھانے کے چمچ
لیموں: 2 عدد
گرم مصالحہ: آدھا چائے کا چمچ پسا ہوا
ہرا دھنیہ: 1 گڈی باریک کٹی ہوئی
تیل: حسب ضرورت
ترکیب
سب سے پہلے پہلے چنے، خشخاش، سفید زیرہ، چھوٹی الائچی، کالی مرچ، لال مرچ، نمک اور لونگ ملا کر باریک پیس لیں۔
اب اسے قیمہ میں ڈبل روٹی کے سلائس کے ساتھ شامل کر کے چوپر میں پیس لیں۔
پھر اس میں پیاز اور ہری مرچ ملا دیں۔
اس کے بعد کچا پپیتا شامل کر کے اچھی طرح گوندھیں اور 10 منٹ کے لیے رکھ دیں۔
اب چھوٹے چھوٹے گول کباب بنا کر فرائنگ پین میں شیلو فرائی کر لیں۔
جب سارے کباب تل لیں تو ایک بڑے توے یا فرائنگ پین میں تلے کباب پھیلا کر رکھیں۔
اوپر سے لیموں کا رس، گرم مصالحہ اور ہرا دھنیہ ڈال کر 5 منٹ کے لیے دم پر رکھ دیں۔
مزیدار فرائیڈ دھاگہ کباب تیار ہیں۔
مغلئی مٹن ملائی
اجزا
بکرے کا گوشت: آدھا کلو
نمک: 1 چائے کا چمچ
دہی: 1 کپ
دھنیہ: ڈیڑھ چائے کا چمچ پسا ہوا
گرم مصالحہ: 1 چائے کا چمچ
لیموں کا رس: 2 کھانے کے چمچ
زیرہ: 1 چائے کا چمچ
لال مرچ: ڈیڑھ چائے کا چمچ
پیاز: 3 کھانے کے چمچ، تلی اور کٹی ہوئی
ادرک لہسن کا پیسٹ: 1 کھانے کا چمچ
ہری الائچی: 1 چوتھائی چائے کا چمچ، پسی ہوئی
تیل: حسب ضرورت
کاجو: ایک کھانے کا چمچ، پسے ہوئے
ملائی: 2 کھانے کے چمچ
کیوڑا: 1 کھانے کا چمچ
زعفران: 1 چوتھائی چائے کا چمچ
پودینے کے پتے: 10 عدد
ترکیب
پہلے گوشت کو نمک، دہی، دھنیہ، گرم مصالحہ، لیموں کا رس، زیرہ، لال مرچ، پیاز، ادرک لہسن کا پیسٹ اور پسی ہری الائچی سے میری نیٹ کر کے ایک گھنٹے کے لیے رکھ دیں۔
ایک پین میں تیل گرم کر کے اس میں میری نیٹ کیا ہوا گوشت ڈال کر ڈھکیں اور ہلکی آنچ پر 30 منٹ کے لیے پکنے دیں۔
اب اس میں کاجو، ملائی، کیوڑا، زعفران اور پودینے کے پتے ڈال کر دم پر رکھیں، یہاں تک کہ تیل اوپر آجائے۔
پھر اسے نان کے ساتھ سرو کریں۔
بمبئی بریانی
اجزا
بکرے کا گوشت: 1 کلو
باسمتی چاول: 1 کلو
بڑے آلو: 4 عدد
لیموں: 4 عدد
لونگ: 4 عدد
باریک کٹی پیاز: 4 عدد
ہری مرچ: 6 عدد
چھوٹی الائچی: 6 عدد
ثابت کالی مرچ: 6 عدد
کٹے ٹماٹر: 6 عدد
سوکھے آلو بخارے: 1 پیالی
گرم دودھ: 1 پیالی
گھی یا تیل: 1 پیالی
دہی: 1 پیالی
باریک کٹا پودینہ: 1 گڈی
کالا زیرہ: 1 چائے کا چمچ
پسی لال مرچ: 1 کھانے کا چمچ
زردے کا رنگ: 1 چوتھائی چمچ
پسا دھنیہ: 2 کھانے کے چمچ
ادرک، لہسن کا پیسٹ: ڈیڑھ کھانے کا چمچ
نمک: حسب ذائقہ
ترکیب
ایک کلو بکرے کے گوشت کو اچھی طرح دھو لیں۔
اب اس پر دہی، ادرک لہسن کا پیسٹ، لال مرچ، پسا ہوا دھنیا، لیموں کا رس، کٹا پودینہ، ہری مرچ، سوکھے آلو بخارے اور حسب ذائقہ نمک لگا کر آدھے گھنٹے کے لیے رکھ دیں۔
اب ایک دیگچی میں ایک پیالی تیل گرم کر کے پیاز گولڈن براؤن کریں اور آدھی نکال کر اخبار پر پھیلا دیں۔
باقی آدھی پیاز میں مصالحہ لگا ہوا گوشت ڈال کر ہلکی آنچ پر پکنے دیں۔
جب پانی خشک ہوجائے تو اسے بھون کر اتار لیں، پانی بالکل نہ ڈالیں۔
آلوؤں کو ہلکی سی بھاپ دے کر ٹکڑے کر کے فرائی کریں اور تلے آلوؤں کے ساتھ مٹن پر ڈال دیں۔
چاولوں میں پودینہ، ہری مرچ، چھوٹی الائچی، کالی مرچ، نمک اور لونگ ڈال کر الگ سے دو کنی ابالیں اور پھر پانی نتھار لیں۔
اس کے بعد دیگچی میں ذرا سی چکنائی لگا کر آدھی چاولوں کی تہہ لگائیں۔
اب گوشت کی تہہ لگادیں۔
پھر باقی چاولوں کی تہہ لگا کر تلی ہوئی پیاز ڈالیں۔
ساتھ ہی ایک پیالی گرم دودھ میں ایک چوتھائی چائے کا چمچہ زردے کا رنگ ملا کر اس میں شامل کریں۔
اس کے بعد لیموں کا رس ڈال کر تیزآنچ پر توے پر دم دیں۔
دس منٹ کے بعد آنچ ہلکی کردیں۔
بھاپ اوپر آجائے تو تیار بریانی اتار لیں۔
مصالحہ دار مٹن کڑاہی
اجزا
بکرے کا گوشت: 1 کلو
نمک: ڈیڑھ چائے کا چمچ
ادرک، لہسن کا پیسٹ: 1 کھانے کا چمچ
ٹماٹر: آدھا کلو
ہری مرچ: 8 عدد
لال مرچ: 2 چائے کے چمچ
گھی یا تیل: آدھا کپ
ہرا دھنیہ: آدھا گڈی
ادرک: 2 انچ کا ٹکڑا
سفید زیرہ: 2 کھانے کے چمچ
ترکیب
پہلے بکرے کے گوشت کو 2 کپ پانی اور آدھا چائے کا چمچ نمک کے ساتھ ابال لیں۔
اب اس میں ادرک، لہسن کا پیسٹ شامل کر دیں اور ڈھک کر 10 منٹ تک پکائیں۔
پھر اس میں ٹماٹر اور ہری مرچ ڈال کر دس منٹ کے لیے ڈھک دیں۔
اب اس میں پسی لال مرچ، نمک اور گھی یا تیل ڈال کر بھون لیں یہاں تک کہ گوشت گل جائے۔
پھر اس میں ہرا دھنیہ، ادرک اور سفید زیرہ ڈال دیں اور نان کے ساتھ سرو کریں۔
دم پخت گوشت
اجزا
گوشت: 1 کلو
دہی: 1 پاؤ
درمیانی پیاز: 2 سے 3 عدد
چھوٹی لال مرچ: 15 عدد ثابت
ثابت کالی مرچ: 10 دانے
لونگ: 10 عدد
بڑی الائچی: 5 عدد
دار چینی: 5 ٹکڑے
لہسن ادرک کا پیسٹ: 1 چمچ
نمک: حسب ضرورت
گھی / تیل: حسب ضرورت
ترکیب
سب سے پہلے گوشت دھو کر اس کا پانی خشک ہونے دیں۔
ایک دیگچی میں پہلے گھی ڈال کر اس میں گوشت ڈال دیں، اس کے بعد دہی پھینٹ کر اس کو گوشت کے اوپر ڈال دیں۔
پھر تمام مصالحہ جات ڈال کر اسے اچھی طرح مکس کرلیں۔
جب تمام اجزا دیگچی میں ڈال لیں تو پھر اس کو ہلکی آنچ پر چولہے پر چڑھا دیں اور ساتھ ہی دیگچی کے ڈھکنے کو اچھی طرح کناروں سے آٹے کے لیپ سے بند کردیں تاکہ بھاپ باہر نہ آسکے۔
تقریباً ڈیڑھ سے 2 گھنٹے بعد گوشت گل جائے گا، اسے بھون لیں تاکہ گھی اوپر آجائے۔
دم پخت تیار ہے۔
تیار ہوجانے کے بعد اس کو ایک ڈش میں نکال لیں اور اوپر سے ہرا دھنیہ چھڑک دیں کر مہمانوں کے سامنے پیش کریں۔
ترکیب
