آج اپنے دستر خوان پر مزیدار نمکین گوشت پیش کر کے اس کی رونق دوبالا کردیں۔
گوشت میں معمول کی مقدار سے ذرا سا زیادہ نمک شامل کر کے تیار کی جانے والی یہ ڈش صوبہ خیبر پختونخواہ، افغانستان، اور وسطی ایشیا میں نہایت شوق سے کھائی جاتی ہے۔
اجزا
بکرے کا گوشت (چربی والا): 1 کلو
نمک: حسب ذائقہ
ادرک: 1 چائے کا چمچ
ہری مرچ: 4 سے 5 عدد
ٹماٹر: 2 عدد
گھی: آدھا کپ
ترکیب
گوشت اور چربی کے چھوٹے ٹکڑے کرلیں۔
کڑاہی میں گوشت، نمک اور ایک کپ پانی ڈالیں۔ ہلکی آنچ پر 20 سے 25 منٹ تک پکائیں۔
درمیان میں تین چار مرتبہ چمچ چلائیں۔
اس کے بعد گھی، ادرک اور ہری مرچ شامل کر کے تین سے چار منٹ تک فرائی کریں۔
اب اس میں ٹماٹر باریک کاٹ کر شامل کریں اور دس منٹ پکانے کے بعد آنچ تیز کر کے فرائی کرلیں۔
مزیدار نمکین گوشت تیار ہے۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
