ARYNews.tv | Urdu – Har Lamha Bakhabar

Tag: recipes

  • کھٹی دہی دوبارہ استعمال میں کیسے لائی جاسکتی ہے؟

    کھٹی دہی دوبارہ استعمال میں کیسے لائی جاسکتی ہے؟

    اکثر خواتین دہی کھٹی ہوجانے پر اسے قابل استعمال نہیں سمجھتیں، اور اسے ضائع کردیا جاتا ہے جو کسی طور مناسب نہیں کیونکہ یہ پیسے کے ضیاع کے ساتھ رزق کی بے قدری بھی ہے۔

    ماہ رمضان میں گھروں کے اندر دہی کا استعمال بہت زیادہ بڑھ جاتا ہے، ایسے میں کیا ایسا طریقہ استعمال کیا جائے کہ ایک ساتھ کافی ساری دہی لا کر رکھ دیں اور وہ خراب یا کھٹی بھی نہ ہو۔

    اس کے لئے بھی ہم آپ کو طریقہ بتائیں گے اور یہ بھی بتائیں گے کہ اگر دہی کھٹی ہوگئی ہے تو اس کو دوبارہ کیسے استعمال کریں۔

    کیا آپ نے کبھی کھٹے دہی کومیٹھا کرنے کی کوشش کی ہے ؟ یا آپ بھی وہ دہی پھینک دیتی ہیں؟ اگر ایسا ہی ہے تو ہم یہاں کھٹے دہی کو صحیح بنانے کے لئے ایک بہت منفرد اور اچھی ٹپ لائے ہیں جو بہت آسان بھی ہے۔

    دہی

    دہی کو کھٹا ہونے سے بچانے کے آسان طریقے
    اگر دہی کھٹا ہوجائے تو اس میں دو پیالی پانی ڈال کر دس منٹ کے لیے فریج میں رکھ دیں۔ دہی بیٹھ جائے گا اور پانی اوپر آجائے گا ۔ اس کھٹے پانی کو دہی سے نتھار لیں اور بقیہ دہی میں تھوڑا سا خشک دودھ ملا کر کچھ دیر کے لیے فریج میں رکھ دیں ۔

    دہی کا کھٹا پن ختم ہوجائیگا کیونکہ خشک دودھ میں سکروز اور لیکٹوز ہوتا ہے جو آپ کے دہی کو جلدی کھٹا نہیں ہونے دے گا۔ اب آپ اسے با آسانی استعمال کر سکیں گے۔

    دہی میں ایک چائے کا چمچ کارن فلور اور تھوڑی سی چینی چھڑک دیں انشاء اللہ ایک ہفتے تک دہی کھٹی نہیں ہوگی۔

    دہی میں آپ پاؤڈر والا دودھ دہی کی مقدار کے ایک چوتھائی حصے کے برابر ڈال کر اچھی طرح مکس کرکے رکھ دیں۔ اس طریقے سے آپ کی دہی کھٹی نہیں ہوگی کیونکہ سوکھے دودھ میں سکروز اور لیکٹوز شامل ہوتے ہیں جس کی وجہ سے کھٹا پن جلدی نہیں آتا۔

    اس کے علاوہ ایک طریقہ اور بھی ہے وہ یہ کہ دہی جمانے کے بعد اس میں ایک چمچ بیکنگ سوڈا ڈال دیں، دہی کبھی کھٹی نہیں ہوگی۔

  • اب معیاری کیچپ گھر میں ہی بنائیں، بہت آسان ترکیب

    اب معیاری کیچپ گھر میں ہی بنائیں، بہت آسان ترکیب

    ٹماٹو کیچپ بچوں اور بڑوں کی پسندیدہ چیز ہے جو چٹ پٹے سموسوں، پکوڑوں اور فرائز کا لطف دوبالا کردیتی ہے۔

    بازار سے ملنے والا کیچپ بعض اوقات ناقص، غیر معیاری اور گلے سڑے ٹماٹروں سے تیار کیا جاتا ہے۔ بہترین کیچپ صرف مشہور برانڈز کا ہوتا ہے جو ذرا سا مہنگا ہوتا ہے۔

    ٹماٹر کیچپ کا ایک اہم جز ہے تاہم اس کی تیاری میں کئی اور طرح کے اجزاء بھی شامل کئے جاتے ہیں۔ بازار میں دستیاب کیچپ میں معیاری اجزاء کا استعمال بھی نہیں کیا جاتا۔

    اس کیچپ کا ذائقہ بہتر بنانے اوراس کو طویل عرصے تک قابل استعمال رکھنے کے لئے کئی اجزاء کے ساتھ ہائی فرکٹوز کارن سیرپ، چینی اور نمک کی زائد مقداراستعمال کی جاتی ہے۔

    بازاری کیچپ میں ایک طرف تو غذائیت نہیں ہوتی دوسری جانب یہ خون میں چینی کی سطح کو بڑھانے کا سبب بنتی ہے جس سے ذیابیطس کا خطرہ جبکہ نمک کی زیادتی کی بناپر بلڈ پریشر بڑھنے کا باعث بنتی ہے۔

    اس کے علاوہ جپس یا برگر کے ٹھیلوں میں استعمال ہونے والے کیچپ مضر صحت اجزاء سے تیار کیا جاتا ہے جو ہماری صحت بےحد نقصان دہ ثابت ہوتا ہے۔

    یہی وجہ ہے کہ یہاں پر کیچپ تیار کرنے کا ایک آسان طریقہ بتایا جارہا ہے جس سے آپ صرف دو منٹ میں گھر میں صحت بخش اجزاء سے کیچپ تیار کرسکتے ہیں۔ اس کے لئے جو اجزاء درکار ہیں وہ کچھ اس طرح ہیں۔

    ایک کپ ٹماٹر کا پیسٹ، ایک چوتھائی کپ پانی، ایک کھانے کا چمچ سیب کا سرکہ، آدھا چائے کا چمچ سمندری نمک اور ایک چوتھائی چمچ مسٹرڈ پاؤڈر۔ ان تمام اجزاء کو آپس میں اچھی ملائیں اور مزے دار کیچپ کا لطف اٹھائیں۔

  • مزیدار چکن نگٹس گھر پر تیار کریں

    مزیدار چکن نگٹس گھر پر تیار کریں

    چکن نگٹس ایسی چیز ہیں جو بچے اور بڑے یکساں طور پر شوق سے کھاتے ہیں۔ نگٹس کو باآسانی گھر میں بھی تیار کیا جاسکتا ہے۔

    Chicken Nuggets

    اس کے لیے انہیں مندرجہ ذیل ترکیب سے تیار کرنا ہوگا۔

    اجزا

    مرغی کا (بغیر ہڈی کا گوشت): آدھا کلو

    نمک: حسب ذائقہ

    پسا ہوا لہسن: 1 کھانے کا چمچ

    پسی ہوئی سفید مرچ: آدھا چائے کا چمچ

    سرکہ: 2 سے 3 کھانے کے چمچ

    سویا سوس: 2 کھانے کے چمچ

    میدہ: 1 پیالی

    مکئی کا آٹا: آدھی پیالی

    تیل: حسب ضرورت

    انڈے کی سفیدی: 2 عدد انڈے

    ترکیب

    سب سے پہلے گوشت میں نمک، لہسن، سفید مرچ، سرکہ اور سویا سوس لگا کر آدھے سے 1 گھنٹے کے لیے فریج میں رکھ دیں۔

    آمیزہ بنانے کے لیے انڈوں کی سفیدی پھینٹ کر میدہ، مکئی کا آٹا، نمک اور سفید مرچ ملا لیں۔

    اب اس میں پانی ڈال کر گاڑھا سا آمیزہ بنالیں اور چکن کی بوٹیاں اس آمیزے میں بھگو کر 15 سے 20 منٹ کے لیے فریج میں رکھ دیں۔

    کڑاہی میں کھانے کا تیل درمیانی آنچ پر 3 سے 5 منٹ گرم کر کے چکن نگٹس کو سنہری ہونے تک فرائی کرلیں اور ٹشو پیپر پر نکال لیں۔

    گرما گرم چکن نگٹس تیار ہیں۔ ٹماٹو کیچپ کے ساتھ پیش کریں۔

  • قیامت خیز گرمی میں روزے داروں کیلئے افطار میں دہی سے بنے مشروبات

    قیامت خیز گرمی میں روزے داروں کیلئے افطار میں دہی سے بنے مشروبات

    کراچی سمیت ملک بھر میں گرمی کی لہر جاری ہے اور اس موسم میں روزہ کا دورانیہ پندرہ گھنٹے سے زیادہ ہے اس لیے روزہ رکھنے کے لیے احتیاطی تدابیر اختیار کرنا ضروری ہے تاکہ صحت متاثر نہ ہو چونکہ گرمی کا موسم ہے اور جسم سے پانی بذریعہ پسینہ خارج ہو جاتا ہے اس لئے شدت کی پیاس لگتی ہے اور بعض افراد افطاری ٹھنڈے مشروبات سے کرتے ہیں۔

    افطار اور  سحر میں گرمیوں کی بہترین غذا ’’دہی‘‘ کا استعمال بہت مفید ہے ، آپ اس سے مزیدار ٹھنڈی لسی بنا سکتے ہیں، رائتہ اور دیگر اشیا، تاہم کیلا ، اسٹرابیری اور دیگر چیزوں کے ساتھ بھی ملا کر مشروبات تیار کئے جاسکتے ہیں ، جو آپ سخت گرمی میں ٹھنڈک کا احساس دیں گے۔

    دہی سے ہی چند ذائقے دار  مشروبات کی تراکیب

    آم کی لسی

    اجزاء

    آم کے ٹکڑے

    ڈیڑھ کپ ۔ دہی

     چینی ۔ تین کھانے کے چمچ

    برف کے ٹکڑے ۔ ڈیڑھ کپ

     

    ترکیب

    بلینڈر میں دودھ، دہی، آم کے ٹکڑے،چینی اور برف ڈال کر اچھی طرح بلینڈ کرلیں، بڑے گلاسوں میں ڈال کر ساتھ لکڑی کی سیخوں پہ آم کے بالز لگا کر ہینے کےلئے پیش کریں مزیدار اور ٹھنڈی لسی گرمی میں بہت مزہ دے گی۔

    بنانا اینڈ یوگرٹ شیک

    اجزاء

    کیلے ۔ 6 سے 8 عدد

    دہی۔  ایک سے آدھی پیالی

    دودھ ۔ 2پیالی

    براؤن شوگر ۔ 4 سے 6 عدد

    الائچی پاؤڈر ۔ آدھا چائے کا چمچا

    پودینے کی پتیاں ۔ سجانے کے لیے

     

    ترکیب

    کیلے، دودھ، دہی، الائچی پاؤڈر اور براؤن شوگر کو اچھی طرح ملا کر بلینڈ کر لیں۔ اس کے بعد اسے گلاس میں ڈال کر پودینے کی پتیوں سے سجائیں اور پیش کریں۔ لیجئے تیار ہے مزیدار بنانا اینڈ یوگرٹ شیک۔

    اسٹرابیری یوگرٹ

    اجزاء

    اسٹرابیری ۔ ایک پیکٹ

    کنڈینسڈ ملک ۔ دو ٹِن

    فریش کریم ۔ دو پیکٹ

    اسٹرابری جیلی پاؤڈر ۔ دو پیکٹ

    پانی حسبِ ضرورت

    جیلیٹن پاؤڈر ۔ دو کھانے کے چمچ

     

    ترکیب

    ایک بڑے پیالے میں دہی ڈال کر اس میں کنڈینسڈ ملک فریش کریم اور اسٹرابری جیلی پاؤڈر   اچھی طرح ملائیں ، اب اس میں باریک کٹی اسٹرابری  شامل کر دیں، پھر ایک بڑے برتن میں پانی گرم کرلیں۔

    اس کے بعد ایک چھوٹے برتن میں جیلیٹن پاؤڈر  تھوڑے سے پانی میں گھول کر اسے بڑے برتن میں رکھ کر پکائیں    جب وہ گھل جائے تو اسے تیار کیے ہوئے دہی کے مکسچر  میں ملاکر ایک گھنٹے  کے لیے فریج  میں رکھیں، آخر میں اس پر چند اسٹرابری  سے گارنش  کرکے سرو  کریں۔

    اورنج یوگرٹ شیک

    اجزاء

    اورنج جوس۔  تین کپ

    لو فیٹ دہی ۔ دو کپ

    چینی ۔ دو کھانے کے چمچ

    برف ۔ حسب ضرورت

     

    ترکیب

    بلینڈر میں اورنج جوس، لو فیٹ یوگرٹ، چینی اور برف ڈال کر اچھی طرح بلینڈ کر لیں اور گلاس میں ڈال کر پیش کریں۔

    مینگو بنانا یوگرٹ

    اجزاء

    آم (کیوبز کاٹ لیں) ۔ دو عدد

    کیلے (سلائس کاٹ لیں) ۔ چار عدد

    شہد ۔ دو کھانے کے چمچ

    دہی ۔ ایک کپ

    دودھ ۔ ایک کپ

    چینی ۔ حسب ذائقہ

    برف (کیوبز) ۔  حسب ضرورت

    پودینہ سجانے کے لیے

     

    ترکیب

    ایک بلینڈر میں کیلے٬ دہی٬ دودھ٬ چینی٬ شہد ملا کر اچھی طرح بلینڈ کریں- آخر میں برف ڈال کر بلینڈ کریں اور گلاسوں میں ڈال کر پودینے سے سجا کر پیش کریں

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • گرمیوں کے طویل روزے ، افطاری کیلئے مشروبات

    گرمیوں کے طویل روزے ، افطاری کیلئے مشروبات

    کراچی سمیت ملک بھر میں گرمی کی لہر جاری ہے اور اس موسم میں روزہ کا دورانیہ پندرہ گھنٹے سے زیادہ ہے اس لیے روزہ رکھنے کے لیے احتیاطی تدابیر اختیار کرنا ضروری ہے تاکہ صحت متاثر نہ ہو چونکہ گرمی کا موسم ہے اور جسم سے پانی بذریعہ پسینہ خارج ہو جاتا ہے اس لئے شدت کی پیاس لگتی ہے اور بعض افراد افطاری ٹھنڈے مشروبات سے کرتے ہیں۔

    جسم میں نمیکیات کی مقدار کو برقرار رکھنے کیلیے افطار میں گھرکے مشروبات اور لیموپانی اور لسی پینا انتہائی مفید ہوتا ہے تاکہ جسم کو تقویت بھی پہنچے اور پانی کی کمی بھی پوری ہو۔

    ماہ رمضان میں گرمی کے توڑ اور روزے میں ترو تازہ رہنے کیلئے فرحت بخش مشروبات جو آپ گھر پرباآسانی بنائیں۔

    لسی

    گرمی کے موسم میں دہی کا استعمال نہایت مفید ہوتا ہے، اس لیے میٹھی یا نمکین لسی کو سحر وافطار کا حصہ بنا لیجیے، ٹھنڈی ٹھنڈی اور مزے دار لسی سے نہ صرف ہاضمہ درست رہتا ہے بلکہ لسی گرم ہوا سے بھی محفوظ رکھتی ہے۔

    اجزا

    آدھا لیٹر – دودھ

    دہی – ایک کلو

    پانی – آدھا لیٹر

    چینی – حسب ضرورت

    برف کے کیوب – چند عدد

    گلاب اور دارچینی کا عرق – چند قطرے

    ترکیب

    برف کے علاوہ سب چیزوں کو بلینڈ کر لیں اور بعد میں برف کے کیوب ڈال کر پیش کریں، نمکین لسی بنانے کے لیے چینی کی بجائے نمک لے لیں۔

    لیموں پانی یا سکنجبین

    لیموں کی سکنجبین موسمِ گرما کے لیے بہترین مشروب ہے، رمضان میں افطاری کے وقت لیموں کی سکنجبین پینے سے معدہ کی تلخی ،پسینہ کی کثرت اور نقاہت جیسے مسائل پیدا نہیں ہوتے اور پہلا ہی گھونٹ جسم میں سکون کی لہر دوڑا دیتا ہے۔

    اجزا

    لیموں – 2 عدد

    چینی – حسب ضرورت

    پانی – حسب ضرورت

    ترکیب

    لیموں کو نچوڑ کر رس نکال لیں پھر اس میں چینی اور پانی ملا کر اچھی طرح مکس کریں اور آئس کیوب ڈال کر پیش کریں، مزیدار سکنجبین تیار ہے۔

    تربوز کا شربت

    تربوز کا شربت موسم گرما میں جسم میں پانی کی کمی پوری کرنے کے لیے تربوز بہترین پھل ہے، تربوز کے شربت کا ایک گلاس آپ کو فوری توانائی فراہم کرتا ہے۔

    اجزا

    تربوز – دو کپ (ٹکڑوں میں

    پانی – حسبِ ضرورت

    لیموں کا رس – ایک کھانے کے چمچ

    لال سیرپ – ایک چائے کا چمچ

    چینی – حسبِ ضرورت

    برف کے ٹکڑے – حسبِ ضرورت

    لیموں اور پودینے کے پتے – گارنشنگ کے لئے

    ترکیب

    بلینڈر میں تربوز شامل کرکے تھوڑے سے پانی کے ساتھ بلینڈ کرلیں۔ ھر اسے کسی برتن میں نکال کر چھان لیں اور لیموں کا رس، لال سیرپ اور چینی شامل آخر میں لیموں، پودینے کے پتے اور برف کے ٹکڑوں کے ساتھ گلاس میں ٹھنڈا ہونے کے لئے رکھ دیں۔ تربوز کا شربت تیار ہے۔

    لیموں اور پودینے کا شربت

    اجزاء

    سوڈا واٹر – ایک بوتل

    کٹی ہوئی کالی مرچ – ایک چٹکی

    برف – ایک پیالی

    پودینے کی پتیاں – ایک پیالی

    براؤن چینی – ایک کھانے کا چمچ

    کالا نمک – آدھا چائے کا چمچ

    لیموں کا رس – چار کھانے کے چمچ

    پودینے کے پتے – سجانے کے لیے

    ترکیب

    بلینڈر میں تمام اجزاﺀ یکجان کرلیں، اسے گلاسوں میں ڈالیں اور پودینے کے پتوں سے سجا کر پیش کریں۔

    کیری کا شربت

    کچے آم کا شربت بھی خاصا فرحت بخش ہوتا ہے۔

    اجزاء

    کیری – ایک کلو

    چینی – تین پاؤ

    پیلا رنگ – ایک چٹکی

    مینگو ایسنس – دو سے تین قطرے

    ترکیب

    کیری دھو کر چھلکے سمیت ابال لیں، اب چھلکا اتار کر گودا نکال لیں۔ پھر چینی اور پیلا رنگ ڈال کر پکائیں، گاڑھا ہونے پر مینگو ایسنس شامل کرکے اتاریں اور پیش کریں۔

    فالسے کا شربت

    کٹھے میٹھےفالسے گرمیوں میں فرحت بخشتے ہیں اور گرمی دور کرتے ہیں۔

    اجزا

    فالسہ – 1 پاؤ

    چینی – حسب پسند

    نمک – حسب ذائقہ

    ترکیب

    فالسے کو دھو کر ایک گلاس پانی کے ساتھ بلینڈر میں بلینڈ کر لیں، پھر اسے چھلنی یا باریک رومال کی مدد سے اچھی طرح چھان لیں ۔1 کپ پانی میں حسب پسندچینی اور نمک حل کریں ۔ چھنےہوئے فالسے کے رس میں حسب ضرورت ٹھندا پانی اور چینی والا پانی شامل کر لیں، پسند کریں تو ذرا سی کالی مرچ بھی شامل کر لیں۔​

    فالسے کو پانی کے ساتھ بلینڈ کر نے کے بعد چھان کر آئس کیوبز ڈالیں، ٹھنڈا ٹھنڈا فالسے کا شربت تیار ہے۔

    کھجور کا شیک

    اجزاء

    کھجور – پانچ عدد نرم

    دودھ – ایک گلاس

    الائچی – ایک عدد

    شہد – ایک چمچ

    ترکیب

    کھجور اگر سخت ہو تو اس کو آدھ گھنٹہ پانی میں بھگو دیں، اس کے بعد گٹھلی نکال دیں اور چھلکا اگر سخت ہے تو اتار دیں۔ الائچی کے دانے نکال کر باریک کوٹ لیں۔ اب کھجوروں شہد اور دودھ کو بلینڈر میں ڈال کر دو منٹ تک مکس کریں، گلاس میں نکال کر الائچی کا سفوف شامل کریں اور ٹھنڈا کر کے پیش کریں۔

    بادام کا شربت

    اجزاء

    بادام پاﺅڈر – ایک کپ

    دودھ – دو کپ

    کریم – دو کھانے کے چمچ

    چینی – آدھا کپ

    روز واٹر – دو کھانے کے چمچ

    آئس کیوب – ایک کپ

    ترکیب

    شربت بادامی بنانے کےلئے سب سے پہلے بلینڈر میں تمام اجزاءڈال کر اچھی طرح بلینڈ کر لیں اور گلاس میں نکال کر آئس کیوب ڈال کر ٹھنڈا ٹھنڈا سرو کریں۔