ماسکو: روسی شہر تومسک میں واقع جامع مسجد کو 90 سال بعد نمازیوں کے لئے دوبارہ کھول دیا گیا۔
تفصیلات کے مطابق روسی شہر تومسک میں واقع سرخ جامع مسجد سن 1901 میں قائم کی گئی تھی تاہم اسے 1920 میں نمازیوں کے لئے بند کردیا گیا تھا۔
ذرائع کا کہنا ہے کہ اس عرصے میں اس عمارت میں کچھ عرصے کے لئے سینما گھراور رستوران بھی قائم رہا۔ 2002 میں سرخ جامع مسجد کو دوبارہ نمازیوں سے آباد کرنے کے لئے تیاریاں شروع کی گئیں۔
مسجد کے دوبارہ افتتاح کے موقع پر تومسک کے گورنر سرگے، میئر آئیون کلین، چیچن ریپبلک کے مفتی صالح ہسی موجود تھے ، تقریب کا آغاز تلاوتِ قرآنِ پاک سے ہوا تھا۔
تقریب کے بعد شرکاء نے 90 سال بعد اس تاریخی مسجد میں جمعہ کی تاریخی نماز ادا کی۔
اسلام اس خطے کا دوسرا سب سے بڑا مذہب ہے اورایک محتاط اندازے کے مطابق مسلمانوں کی آبادی دو کروڑ تیس لاکھ کے لگ بھگ ہے جو کہ کل آبادی کا 15 فیصد ہے۔