Tag: release

  • پاکستان گرفتار بھارتی پائلٹ  ابھی نندن کو آج رہا کرے گا

    پاکستان گرفتار بھارتی پائلٹ ابھی نندن کو آج رہا کرے گا

    لاہور : پاکستان جذبہ خیر سگالی کے تحت آج گرفتار بھارتی ونگ کمانڈر ابھی نندن کو رہا کرے گا، وزیر اعظم عمران خان نے بھارتی پائلٹ کو رہا کرنے کا اعلان کیا تھا۔

    تفصیلات کے مطابق پاکستان کی جانب سے گرفتار بھارتی پائلٹ ونگ کمانڈر ابھی نندن کو آج بھارتی ہائی کمیشن کے حوالے کیا جائے گا،  بھارتی جنگی جہاز کے پائلٹ کو آج سہ پہر واہگہ بارڈر کے راستے وطن واپس بھیجا جائے گا۔

    بھارتی ہائی کمیشن نےبھارتی پائلٹ کےسفری دستاویزات مکمل کرلیے ، بھارتی ہائی کمیشن کےا ئیراتاشی گروپ کیپٹن ونگ کمانڈرابھی نندن لے کرجائیں گے۔

    دفترخارجہ نے بھارتی قائم مقام ہائی کمشنر کو پائلٹ حوالگی سےمتعلق باضابطہ طورپرآگاہ کردیا


    بھارتی قائم مقام ہائی کمشنر دفترخارجہ پہنچے ، جہاں انھیں پائلٹ حوالگی سےمتعلق باضابطہ طورپرآگاہ کردیا ہے ، سہ پہر3بجےبھارتی پائلٹ کوبذریعہ واہگہ بارڈرواپس بھیجاجائے گا، بھارتی ایئراتاشی گروپ کیپٹن پائلٹ ابھی نندن کے سفری دستاویزات لیکر لاہو رروانہ ہوگئے ہیں۔

    سفارتی ذرائع کا کہنا ہے کہ واہگہ بارڈرپرابھی نندن کوبھارتی ہائی کمیشن حکام کےحوالے کیاجائے گا، گروپ کیپٹن جے ٹی کرین بھارتی پائلٹ کو بھارت چھوڑنے جائیں گے۔

    ذرائع کا کہنا ہے کہ پاکستانی فضائی حدودبندہونےسےکوئی طیارہ پاکستان نہیں آرہا، فضائی حدود بند ہونے پر پائلٹ کو واہگہ کے راستے لے جانے کا فیصلہ کیا گیا ہے۔

    گذشتہ روز وزیراعظم عمران خان نے قومی اسمبلی کے مشترکہ اجلاس میں خطاب کرتے ہوئے گرفتار بھارتی پائلٹ کو رہا کرنے کا اعلان کیا تھا اور کہا تھا کہ بھارت اس سےزیادہ کشیدگی کوآگے نہ بڑھائے، کشیدگی کم کرنے اور امن کو ہماری کمزوری نہ سمجھاجائے۔

    مزید پڑھیں : وزیر اعظم عمران خان کا امن کی خاطر بھارتی پائلٹ کو کل رہا کرنے کا اعلان

    وزیر اعظم کا کہنا تھا کہ کشیدگی کی بنیادی وجہ مقبوضہ کشمیر ہے، گزشتہ4سال میں بھارت نے مقبوضہ کشمیر میں ظلم کی انتہا کی، مقبوضہ کشمیر  میں تحریک مزید مضبوط ہوگئی ہے، مقبوضہ کشمیر میں اب کوئی بھی کشمیری لیڈر بھارت کیساتھ نہیں رہنا چاہتا، کوئی بھی کشمیری اس وقت آزادی کے علاوہ اورکچھ سننے کیلئے تیار نہیں۔

    انھوں نے کہا تھا پاکستان امن چاہتا ہے، چاہتے ہیں خطہ ترقی کرے اور غربت کا خاتمہ ہو، اس قسم کی کشیدگی نہ پاکستان کوفائدہ دیتی ہے نہ بھارت کوفائدہ دیتی ہے۔

    بھارتی پائلٹ کو رہائی دینے کے اعلان پر وزیراعظم عمران خان کو دنیا بھر سے پذیرائی ملی اور   ابھی نندن کی رہائی کے اعلان کو زبردست اقدام قرار دیا۔

    واضح رہے 27 فروری کو پاکستان نے فضائی حدود کی خلاف ورزی پر بھارت کےدو طیارے مارگرائے تھے اور پائلٹ  ابھی نندن کوگرفتارکرلیا تھا، جس کے بعد بھارت نے بھی طیاروں کی تباہی اور پائلٹ لاپتہ ہونے کا اعتراف کیا تھا۔

    مزید پڑھیں : پاکستانی قیدی: بھارتی پائلٹ پاک فوج کا شکر گزار

    ڈی جی آئی ایس پی آر نے بتایا تھا بھارتی طیارے پاکستانی حدود میں نشانہ بنائے، ایک طیارہ آزاد کشمیر دوسرا مقبوضہ کشمیر کی حدود میں گرایا۔

    گرفتاربھارتی پائلٹ نے  بیان میں کہا تھا کہ وہ ونگ کمانڈرابھی نندن کمارہےاوراس کاسروس نمبرٹو سیون نائن ایٹ ون ہے جبکہ پاکستان کے بہترین سلوک کی تعریف کی تھی۔

    ابھی نندن کا کہنا تھا کہ  پاک فوج کا رویہ پیشہ وارانہ اور متاثر کن ہے ہماری فوج کو ایسا رویہ اپنانا چاہیے۔

  • بھارت کی آبی جارحیت ،66 ہزار کیوسک پانی کا سیلابی ریلہ آج شام پاکستان میں داخل ہوگا

    بھارت کی آبی جارحیت ،66 ہزار کیوسک پانی کا سیلابی ریلہ آج شام پاکستان میں داخل ہوگا

    لاہور : بھارت کی آبی جارحیت کا سلسلہ جاری ہے، بھارت نے ہری کے ہیڈورکس کے بند کھول دیئے، جس کے باعث 66 ہزار کیوسک پانی کا سیلابی ریلہ آج شام پاکستان میں داخل ہوگا۔

    تفصیلات کے مطابق بھارت کی آبی جارحیت کا سلسلہ تھم نہ سکا، بھارت کی جانب سے دریائے ستلج پر ہری کےہیڈورکس کے گیٹ کھول دئیے، جس کے باعث 66 ہزارکیوسک پانی کاسیلابی ریلہ آج شام 5بجےپاکستان میں داخل ہوگا۔

    دریائےستلج میں پانی کے بہاؤ میں اضافے کا خدشہ ہے جبکہ سیلاب سے قصور، بہاولنگر، پاکپتن، وہاڑی اور بہاولپور متاثر ہوں گے۔

    دریا کے ارد گرد موجود آبادیوں کو بھی خطرات لاحق ہوگئے ہیں، جس کے لئےدریائے ستلج کے کنارے احتیاطی تدابیر اختیار کرنے کی ہدایت کردی گئی ہے۔

    سیلاب کی تازہ ترین صورتحال

    دریائے ستلج میں قصور کے مقام پر پانی کے بہاؤ میں اضافہ ریکارڈ کیا گیا ، پانی کی آمد 33ہزار200 کیوسک ہے اور نچلے درجے کا سیلاب ہے۔

    دریائے چناب میں پانی کی آمد میں کمی ہوئی ، ہیڈ مرالہ کے مقام پر پانی کا بہاؤ 29 ہزار 800 کیوسک رہ گیا۔

    دریائے راوی میں بھی پانی کی آمد میں کمی ریکارڈ کی گئی اور جسر کے مقام پرپانی کی آمد 25 ہزار کیوسک ہے جبکہ دریائے راوی میں 60 ہزار کیوسک کا سیلابی ریلا ہیڈ سدھنائی سے گزرے گا۔

    مزید پڑھیں : بھارت نے مادھو پور ہیڈ ورک کے بند کھول دیئے، سیلاب کا خطرہ بڑھ گیا

    شاہدرہ کے مقام پر 24 گھنٹےمیں پانی کی صورتحال معمول پرآجائےگی۔

    فلڈ ریلیف کیمپس بھی قائم کردئیے گئے ہیں جبکہ متعلقہ محکموں کی چھٹیاں منسوخ کردی گئی ہے۔

    اس سے قبل بھی بھارت نے مادھو پور ہیڈورک کےبند کھول دیئے تھے ، جس سے دریائےراوی میں پانی کی سطح میں اضافہ ہوگیا تھا۔

  • پاکستانی فلموں‌ کو سعودی عرب میں ریلیز کی اجازت

    پاکستانی فلموں‌ کو سعودی عرب میں ریلیز کی اجازت

    اسلام آباد: وفاقی وزیر اطلاعات فواد چوہدری نے کہا ہے کہ سعودی حکومت نے اپنے ملک میں پاکستانی فلمیں ریلیز کرنے کی اجازت دے دی۔

    اسلام آباد میں گفتگو کرتے ہوئے اُن کا کہنا تھا کہ حکومت شوبز کی صنعت کو ترقی دینے کے لیے پرامید ہے، ہم آئندہ2سال میں  فلمی صنعت کومنافع بخش بنادیں گے۔

    فواد چوہدری نے سمندر پار پاکستانیوں کو پیش کش کی کہ وہ فلمی صنعت اور ڈرامہ انڈسٹری میں سرمایہ کاری کریں، ان شعبوں میں پیسہ لگانے والے افراد کو مایوسی نہیں ہوگی۔

    یاد رہے 7 ستمبر کو سعودی عرب کے وزیر اطلاعات ڈاکٹرعوادبن صالح سرکاری دورے پر پاکستان پہنچے تھے ، اُن کا استقبال وفاقی وزیر اطلاعات فوادچوہدری نے کیا تھا۔

    مزید پڑھیں: سعودی عرب میں پہلے پاکستانی انٹرنیشنل میوزک کنسرٹ کا شان دار انعقاد، شائقین کی بڑی تعداد میں شرکت

    سعودی وزیر اطلاعات نے وزیراعظم عمران خان سے ملاقات کی اور انہیں ولی عہد شاہ سلمان کا خصوصی پیغام بھی پہنچایا۔ ملاقات میں سعودی عرب کی جیلوں میں قید پاکستانیوں کے مسائل پر بھی تبادلہ خیال ہوا۔

    سعودی وزیر نے اپنے ملک میں قید پاکستانیوں کے مسائل کو ترجیحی بنیادوں پر حل کرنے کی یقین دہانی کرائی اور کہا کہ حکومت مشکل کی ہر گھڑی میں پاکستانی بھائیوں کے ساتھ رہے گی۔

    ڈاکٹر عواد بن صالح نے مختلف شعبوں میں ہر ممکن تعاون کی یقین دہانی بھی کروائی اور کہا کہ پاکستان اور سعودی عرب کے تعلقات منفرد نوعیت کے ہیں، حکومتی سطح پر رابطوں میں اضافے سے تعلقات مزید مستحکم ہوں گے۔ اسپیکر قومی اسمبلی اسد قیصر سے ملاقات میں سعودی وزیر اطلاعات نے مختلف شعبوں میں ہرممکن تعاون کی یقین دہانی بھی کروائی۔

    یہ بھی پڑھیں: بلاک بسٹر فلم بلیک پینتھر کے ساتھ سعودی عرب میں سینما کی واپسی

    خیال رہے کہ سعودی عرب میں 80 کی دہائی کے آغاز تک فلموں کی نمائش ہوتی تھی مگر سینما کو شریعت اور معاشرتی اقدار کے خلاف قرار دیتے ہوئے اسے مکمل طور پر ختم کردیا گیا تھا۔

    سعودی حکومت نے گزشتہ برس روشن خیالی سے متعلق پروگرام ویژن 2022 کا اعلان کیا جس کے ساتھ سینما کی واپسی ہوئی، خواتین کو ڈرائیونگ کرنے اور اسٹیڈیم جاکر میچ دیکھنے کی اجازت بھی دی گئی۔

  • فلم سنجو کا ٹریلر آتے ہی چھا گیا۔۔۔ ویڈیو دیکھیں

    فلم سنجو کا ٹریلر آتے ہی چھا گیا۔۔۔ ویڈیو دیکھیں

    ممبئی: بالی ووڈ کے معروف اداکار سنجے دت کی زندگی پر بننے والی فلم کا ٹریلر جاری کردیا گیا جس میں اُن کی زندگی کے تمام پہلوؤں پر تفصیلی روشنی ڈالی گئی ہے۔

    تفصیلات کے مطابق سنجے دت کی زندگی پر بننے والی فلم میں رنبیر کپور مرکزی کردار ادا کر رہے ہیں جن کی جاندار اداکاری نے نہ صرف شوبز انڈسٹری بلکہ ساتھی اداکاروں سمیت مداحوں کو بھی ورطہ حیرت میں ڈال دیا۔

    فلم کی ہدایت کاری کے فرائض راج کمار ہیرانی انجام دے رہے ہیں جن کہ رنبیر کے ساتھ دیگر فنکاروں میں پاریش راول، منیشا کوئرالا، سونم کپور اور دیا مرزا اپنی اداکاری کے جوہر دکھائیں گے علاوہ ازیں انوشکا شرما بھی مختصر کردار ادا کریں گی۔

    تین منٹ چار سیکنڈ کے آفیشل ٹریلر میں دیکھا جاسکتا ہے کہ سنجے دت جیل سے رہا ہونے کے بعد اپنی کہانی بیان کرتے ہیں، ویڈیو کے ابتداء میں بالی ووڈ اداکار کی آواز ہے جس میں وہ یہ کہتے سنائی دے رہے ہیں کہ آج اُن کی زندگی کا سب سے بڑا دن ہے۔

    مزید پڑھیں: فلم ’سنجو‘ میں انوشکا شرما کا منفرد روپ

    فلم میں مرکزی کردار کو منشیات سے لے کر دیگر جرائم میں ملوث دکھایا گیا تاہم ایک موقع پر رنبیر کپور یہ کہتے بھی نظر آئے کہ ’میں سب کچھ کرسکتا ہوں مگر دہشت گردی سے کوئی تعلق نہیں ہے‘۔

    ٹریلر میں یہ بھی بتایا گیا ہے کہ سنجے دت نے پہلی والد کی ناراضی اور دوسری بار والدہ کی علالت کے باعث منشیات استعمال کی جس کے بعد وہ اس بری لت میں مبتلا ہوگئے۔

    ٹریلر دیکھیں

    فلم رواں برس 29 جون کو سنیما گھروں میں نمائش کے لیے پیش کی جائے گی۔


    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • ہالی ووڈ کی ہاررفلم ’’اے کوائٹ پلیس‘‘ کا سنسنی خیزٹریلرجاری

    ہالی ووڈ کی ہاررفلم ’’اے کوائٹ پلیس‘‘ کا سنسنی خیزٹریلرجاری

    لاس اینجلس : خوف سنسنی اور دہشت سے بھرپور ہالی ووڈ کی ہارر فلم ’’اے کوائٹ پلیس‘‘ کا سنسنی خیز ٹریلر جاری کردیا گیا، خوفناک مناظر اور تھرل سے بھرپور فلم ماہ اپریل میں تہلکہ مچانے آرہی ہے۔

    تفصیلات کے مطابق دہشت اور خوفناک مناظر سے بھرپور ہالی ووڈ کی ہارر فلم ’’اے کوائٹ پلیس‘‘ کا نیا ٹریلر جاری کر دیا گیا ہے۔

    اس میں خاموش قاتل صرف ایک آواز کا انتظارکر رہا ہے، فلم کی کہانی شہر سے دور سنسان علاقے میں رہنے والے ایک ایسے خاندان کے گرد گھوم رہی ہے جنہیں ایک ایسی پراسرار مخلوق کا سامنا ہے جو صرف آواز سن کر شکار کرتی ہے۔

    اس کے حملے سے بچنے کیلئے یہ خاندان اشاروں کی زبان بولنے پر مجبور ہوجاتا ہے، سپرنیچرل ہارر فلم کا نیا ٹریلر دہشت ناک مناظر سے بھرپور ہے۔

    مذکورہ فلم چھ اپریل کو سینما گھروں میں خوف پھیلانے آ رہی ہے، فلم کے اداکاروں میں جوہن کراسنسکی، ایمیلی بلنٹ، نواح جیوپ اور میلیسنٹ سیمونڈز سمیت دیگر شامل ہیں۔


    مزید پڑھیں: ہالی ووڈ فلم ’’ وینم ‘‘ کا ایکشن اورسنسنی سے بھرپور ٹریلرریلیز


    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

  • سعودی عرب میں پہلی پاکستانی فلم ’پرچی‘ کی نمائش

    سعودی عرب میں پہلی پاکستانی فلم ’پرچی‘ کی نمائش

    ریاض : سعودی عرب کے دار الحکومت ریاض میں پاکستانی فلم پرچی نمائش کیلئے پیش کردی گئی۔

    تفصیلات کے مطابق پاکستانی سفارت خانے اور ٹاپ ایونٹ کے باہمی تعاون سے ریاض میں پہلی پاکستانی فلم پرچی پیش کی گئی، فلم کی نمائش میں مہمان خصوصی شہزادہ عبدالعزیز بن مطیب بن سعود کے علاوہ پرچی فلم کے پروڈیوسر عمران رضا کاظمی اور بلال خلیل نے بھی شرکت کی۔

    شہزادہ عبدالعزیز کی رائے کے مطابق سعودی عرب میں پیش کی جانے والی یہ پہلی پاکستانی فلم ہے اور وہ امید کرتے ہیں کہ آئندہ مستقبل میں باقی ممالک کی طرح سعودی سینماوٴں میں بھی پاکستانی فلمیں رونقیں بکھیریں گی۔

    فلم پرچی کے پروڈیوسر کا کہنا تھا کہ پاکستانی فلمیں اب پہلے سے بہتری کی طرف جا رہی ہیں اور فلم پرچی سعودی عرب میں پیش کی جانے والی پہلی پاکستانی فلم ہے۔

    پاکستان ایمبیسی کے افسران کا کہنا تھا سعودی عرب میں تقریباً ستائیس لاکھ پاکستانی مقیم ہیں اور ہم امید کرتے ہیں کہ سعودی سینیما پاکستانی فلموں کی فروغ /مارکیٹ کے لیے ہمیشہ بہترین ثابت ہوں گے۔

     

    اس موقع پر لوگوں نے نا صرف فلم کو پسند کیا بلکہ فلم کی کاسٹ کی پرفارمنس کو بھی خوب سراہا جبکہ فلم کے میوزک کو بھی خوب پسند کیا گیا۔

    خیال رہے کہ فلم پرچی کی کہانی بھتہ خوروں کی جانب سے تقسیم کی جانے والی پرچیوں کے گرد گھومتی ہے۔ فلم میں دکھایا گیا ہے کہ غنڈہ عناصر کاروباری لوگوں اور تاجروں سے کس طرح رقم طلب کرتے ہیں۔

    فلم کے اداکاروں میں حریم فاروق، علی رحمٰن خان، احمد علی اکبر، عثمان مختار، شفقت چیمہ ہیں جب کہ اس کے مصنف شفقت خان ہیں۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ہالی ووڈ فلم ’’ریڈی پلیئر ون‘‘ کا دوسرا ٹریلرریلیز

    ہالی ووڈ فلم ’’ریڈی پلیئر ون‘‘ کا دوسرا ٹریلرریلیز

    لاس اینجلس : ایکشن تھرل اور گیمز سے بھرپور ہالی ووڈ فلم ’’ریڈی پلیئرون‘‘ کا دوسرا ٹریلر ریلیز کردیا گیا، فلم آئندہ سال مارچ میں نمائش کیلئے پیش کی جائے گی۔

    تفصیلات کے مطابق ہالی ووڈ کی نئی فلم ’’ ریڈی پلیئرون ‘‘ کا دوسرا ٹریلر ریلیز ہوگیا، ایکشن اور گیمز کے دیوانے تیار ہوجائیں۔

    : ٹریلر دیکھیں

    یہ کہانی سال دوہزار پچیس کی ہے، جب حقیقی دنیا کے بجائے لوگ خیالی دنیا میں خوش رہتے ہیں، ایسے میں ورچوئیل رئیلٹی گیم کا مالک مرجاتا ہے اور مرنے سے پہلے ایڈونچر سے بھرپور گیم کی شروعات کرجاتا ہے۔

    یہ ایک ایسے نوجوان کی کہانی ہے جو ملٹی پلیئر ویڈیو گیمنگ کھیلنے کا شوق میں جنون کی حد تک مبتلا ہوجاتا ہے اور ایسٹر ایگ کی تلاش میں ایسے مشکل ترین مراحل میں پھنس جاتا ہے کہ جنہیں جیت کر آگے بڑھنا اس کے نہایت کٹھن ثابت ہوتا ہے۔

    اس کھیل میں جو جیتے گا وہی ورچوئیل رئیلٹی ورلڈ کا مالک بن جائے گا، سائنس فکشن پر مبنی ایکشن فلم اسی نام سے ماخوذ ناول پربنائی گئی ہے جس کے مصنف ارنسٹ کلائن ہیں۔

    مذکورہ فلم کے ہدایتکار اسٹیون اسپیل برگ ہیں جبکہ ڈونلڈ ڈی لائن، ڈین فارا سمیت اسپیل برگ نے پروڈکشن کے فرائض بھی نبھائے ہیں، فلم کے اداکاروں میں ٹائی شیریڈن، اولیویا کوک، بین میلڈلشن، ٹی جے ملر اورسائمن پیگ شامل ہیں۔

    ڈی لائن پکچرز اور ایمبلین انٹر ٹینمنٹ کی تیارکردہ یہ فلم وانر بروس پکچرکے بینر تلے آئندہ سال 30 مارچ کو ریلیز ہوگی۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • پنجاب حکومت کو مارچ سے پہلے کِک مارچ ہوجائے گا، شیخ رشید

    پنجاب حکومت کو مارچ سے پہلے کِک مارچ ہوجائے گا، شیخ رشید

    اسلام آباد : لاہور ہائیکورٹ کے سانحہ ماڈل ٹاؤن کی انکوائری پورٹ منظر عام پر لانے کا حکم کے بعد سیاسی رہنماوں کا کہنا ہے حکومت کو لاہور ہائی کورٹ کے فیصلے کا احترام کرنا چاہئیے، فیصلے سے لوگو ں کو انصاف ملے گا۔

    تفصیلات کے مطابق لاہور ہائیکورٹ کے سانحہ ماڈل ٹاؤن کی انکوائری پورٹ منظر عام پر لانے کے فیصلے پر سیاسی رہنماؤں نے درعمل کا اظہار کرتے ہوئے کہا کہ حکومت کو لاہور ہائی کورٹ کے فیصلے کا احترام کرنا چاہئیے۔

    ہائیکورٹ کے فیصلے پر عمل ہوناچاہئے،سیاست نہیں کرناچاہتا، خورشید شاہ

    اے آر وائی نیوز سے بات کرتے ہوئے اپوزیشن لیڈر خورشید شاہ نے کہا رپورٹ منظر عام پر آنی چاہئیے، حکومت کی کوشش تھی کہ اہم رپورٹ منظر عام پر نہ آئے، سانحہ ماڈل ٹاؤن پر انکوائری رپورٹ بہت اہم ہے، ہائیکورٹ کے فیصلے پر عمل ہوناچاہئے،سیاست نہیں کرناچاہتا۔

    خورشید شاہ کا کہنا تھا کہ ہائیکورٹ کا فیصلہ سپریم کورٹ میں چیلنج کرناپنجاب حکومت کا حق ہے ، اہم فیصلے پر امن وامان کی پرواہ نہیں کرنی چاہئے۔

    پنجاب حکومت کو مارچ سے پہلے کِٰک مارچ ہوجائے گا، شیخ رشید

    عوامی مسلم لیگ کے سربراہ شیخ رشید نے اے آر وائی نیوز سے بات کرتے ہوئے کہا کہ میں نے پہلے ہی کہا تھا ان کا تابوت نکلے گا اب سپریم کورٹ بھی ان کا کیس نہیں سنے گا، یہ لوگ اپنے آپ کو خدا سمجھتے تھے ، پنجاب حکومت نے ماڈل ٹاؤن میں ظلم کیا تھا۔

    شیخ رشید کا کہنا تھا کہ پنجاب حکومت کو مارچ سے پہلے کِٰک مارچ ہوجائے گا۔

    آج انصاف کی جیت ہوئی ہے ہر شہری چاہتا ہے کہ ماڈل ٹاؤن متاثرین کو انصاف ملے، فواد چوہدری

    تحریک انصاف کے رہنما فواد چوہدری لاہور ہائیکورٹ کے فیصلے پر درعمل کا اظہار کرتے ہوئے کہا کہ آج انصاف کی جیت ہوئی ہے ہر شہری چاہتا ہے کہ ماڈل ٹاؤن متاثرین کو انصاف ملے، انکوائری رپورٹ میں ملزمان کا تعین ہوچکا ہے۔

    فوادچوہدری کا کہنا تھا کہ ملزمان کا تعین ہوچکا ہے اس لئے حکومت ہچکچارہی ہے، پہلے ایک جج اور اب 3ججز نے فیصلہ دیا ہے، رپورٹ منظر عام پر آنے سے امن وامان کیسے خراب ہوگا سمجھ سے باہرہے، پنجاب حکومت کا مؤقف مضحکہ خیز ہے۔

    باقرنجفی رپورٹ آج ہی حاصل کرکےرہیں گے، خرم نواز گنڈا پور

    خرم نواز گنڈا پور کا سانحہ ماڈل ٹاؤن کی انکوائری رپورٹ منظر عام پر لانے کے فیصلہ پر کہنا ہے کہ باقرنجفی رپورٹ آج ہی حاصل کرکےرہیں گے، عدالتی حکم کے مطابق متاثرین کوفوری رپورٹ کی کاپی دی جائے۔

    دوسری جانب سیاسی رہنما کا کہنا ہے کہ لاہور ہائی کورٹ کے فیصلے سے لوگو ں کو انصاف ملے گا۔


    مزید پڑھیں : لاہور ہائیکورٹ کا سانحہ ماڈل ٹاؤن انکوائری رپورٹ 30 دن میں شائع کرنے کا حکم


    یاد رہے کہ لاہور ہائیکورٹ میں جسٹس عابد سعیدشیخ کی سربراہی میں3رکنی بینچ نے حکومتی اپیل پر فیصلہ سناتے ہوئے رپورٹ شائع کرنے کا سنگل بینچ کا حکم برقرار رکھا۔

    لاہور ہائکیورٹ نے سانحہ ماڈل ٹاؤن رپورٹ شائع کرنے کے حکم کیخلاف حکومتی اپیل مسترد کردی اور باقرنجفی رپورٹ 30 دن میں شائع کرنے کا حکم دیدیا۔

    عدالت نے یہ بھی حکم دیا کہ متاثرین کو فوری طور پر رپورٹ کی کاپی فراہم کی جائے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئرکریں۔

  • آج تین بجے آئندہ کے لائحہ عمل کا اعلان کروں گا،  طاہرالقادری

    آج تین بجے آئندہ کے لائحہ عمل کا اعلان کروں گا، طاہرالقادری

    لاہور : پاکستان عوامی تحریک کے سربراہ طاہر القادری کا کہنا ہے کہ آج کاعدالتی فیصلہ ہوا کا خوشگوار جھونکا ہے، آج تین بجے آئندہ کے لائحہ عمل کا اعلان کریں گے،انشااللہ جلد دونوں بھائی جیل میں ہوں گے۔

    تفصیلات کے مطابق لاہور ہائیکورٹ کے سانحہ ماڈل ٹاؤن کی انکوائری رپورٹ منظر عام پر لانے کے فیصلے کے سربراہ پاکستان عوامی تحریک طاہرالقادری نے اے آر وائی نیوز سے خصوصی گفتگو کرتے ہوئے کہا کہ ہائیکورٹ نے مظلوموں کی مدد کی ہے، حکومت نے معصوم لوگوں کی جانیں لی ہیں۔

    انشااللہ جلد دونوں بھائی جیل میں ہوں گے

    ڈاکٹر طاہرالقادری کا کہنا تھا کہ حکومت لوگوں کے جان ومال سے کھیل رہی ہے ، حکومت سے خیر کی توقع نہیں ہے ، حکومت رہنے کا جواز17جون 2014کو ہی ختم ہوگیا تھا، انشااللہ جلد دونوں بھائی جیل میں ہوں گے ، بڑابھائی پاناماکیس،چھوٹااب ماڈل ٹاؤن کیس میں پکڑاجائیگا۔

    آج کاعدالتی فیصلہ ہواکاخوشگوارجھونکاہے

    پاکستان عوامی تحریک کے سربراہ نے کہا کہ آج کاعدالتی فیصلہ ہواکاخوشگوارجھونکاہے، شدید دباؤ کے باوجود قابل احترام عدلیہ نے ردعمل نہیں دیا ، سانحہ ماڈل ٹاؤن کی انکوائری رپورٹ متاثرین کو دی جائے، ہائیکورٹ نے ساڑھے3سال کی جدوجہد کو ایک مقام تک پہنچایا ہے۔

    انکا کہنا تھا کہ انصاف کا دروازہ کھلتا ہوا نظر آرہا ہے ، لاتوں کے بھوت باتوں سے نہیں مانتے ، رپورٹ جسٹس باقر نجفی کےدستخط سے مکمل ہے ، آج سے پہلے تک حکومت نے نہیں کہا کہ رپورٹ نامکمل ہے، حکومت قانون کی بالادستی سے کھلا انکار کررہی ہے، حکومتی وزیر3سال تک کہتے رہے رپورٹ شائع کرنےمیں اعتراض نہیں۔

    آج تین بجے آئندہ کے لائحہ عمل کا اعلان کریں گے

    سربراہ پی اےٹی نے کہا کہ آج تین بجے آئندہ کے لائحہ عمل کا اعلان کریں گے، ہمارا ہر لائحہ عمل پر امن ہوتا ہے ، ہم قانون اورآئین کی بالادستی چاہتے ہیں، حکومت سے رپورٹ لے کر رہیں گے۔

    رپورٹ میں فرقہ واریت کا کوئی وجود نہیں،یہ ان کی بددیانتی ہے

    انکا مزید کہنا تھا کہ رپورٹ میں فرقہ واریت کا کوئی وجود نہیں،یہ ان کی بددیانتی ہے، ان کے کارناموں سے پردہ اٹھے تو کہتے ہیں ملک کو نقصان ہورہاہے، یہ لوگ جہاں جائیں گے ٹھوکر لگے گی ،ظالم بے نقاب ہونگے، ثالثی کی درخواست کریں گے نہ کوئی اس کی امید رکھے ،قانون ہمارا ثالث ہے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئرکریں۔

  • لاہور ہائیکورٹ کا سانحہ ماڈل ٹاؤن انکوائری رپورٹ 30 دن میں شائع کرنے کا حکم

    لاہور ہائیکورٹ کا سانحہ ماڈل ٹاؤن انکوائری رپورٹ 30 دن میں شائع کرنے کا حکم

    لاہور: لاہور ہائکیورٹ نے سانحہ ماڈل ٹاؤن رپورٹ شائع کرنے کے حکم کیخلاف حکومتی اپیل مسترد کرتے ہوئے سانحہ ماڈل ٹاؤن انکوائری رپورٹ شائع کرنے کا حکم دیدیا۔

    تفصیلات کے مطابق لاہور ہائیکورٹ میں جسٹس عابد سعیدشیخ کی سربراہی میں3رکنی بینچ نے حکومتی اپیل پر فیصلہ سناتے ہوئے رپورٹ شائع کرنے کا سنگل بینچ کا حکم برقرار رکھا۔

    لاہور ہائکیورٹ نے سانحہ ماڈل ٹاؤن رپورٹ شائع کرنے کے حکم کیخلاف حکومتی اپیل مسترد کردی اور باقرنجفی رپورٹ 30 دن میں شائع کرنے کا حکم دیدیا۔

    عدالت نے یہ بھی حکم دیا کہ متاثرین کو فوری طور پر رپورٹ کی کاپی فراہم کی جائے۔

    لاہور ہائیکورٹ کا کہنا ہے کہ انکوائری رپورٹ ماڈل ٹاون کےٹرائل پراثراندازنہیں ہوگی ، سانحہ ماڈل ٹاؤن کا ٹرائل قانون کے مطابق کارروائی جاری رکھاجائے گا۔

    باقرنجفی رپورٹ30دن میں شائع کرنےکا تحریری فیصلہ جاری


    لاہور ہائیکورٹ نے باقرنجفی رپورٹ30دن میں شائع کرنےکا تحریری فیصلہ جاری کردیا، تحریری تفصیلی فیصلہ101صفحات پرمشتمل ہے۔

    تحریری فیصلے میں کہا گیا ہے کہ سانحہ ماڈل ٹاؤن متاثرین کو فوری طور پر رپورٹ فراہم کی جائے، سانحہ ماڈل ٹاؤن کا ٹرائل جاری رہے گا۔

    فیصلے میں لاہور ہائیکورٹ نے پنجاب حکومت کےسنگل بینچ کیخلاف استعمال الفاظ پر ناپسندیدگی کا اظہار کیا اور کہا کہ پنجاب حکومت نےاپیل میں جج کیخلاف بعض نامناسب الفاظ استعمال کیے، کسی بھی فیصلےپرتنقید کی جاسکتی ہے مگر جج کی ذات پرنہیں، ججز پر تنقید سے عوام میں عدلیہ کی ساکھ متاثرہوتی ہے۔

    تفصیلی فیصلہ میں کہا گیا کہ ماتحت عدالت میں ماڈل ٹاؤن کیس پر کوئی اثرنہیں پڑناچاہیے، 30دن کےاندرعوام کےلئے رپورٹ شائع کی جائے۔


    مزید پڑھیں : سانحہ ماڈل ٹاؤن انکوائری رپورٹ: پنجاب حکومت کی اپیل پر فیصلہ محفوظ


    یاد رہے کہ جسٹس مظاہرعلی اکبر نے متاثرین کی درخواست پررپورٹ شائع کرنے کا حکم دیا تھا، جس کے بعد حکومت نےعدالتی حکم کے خلاف اپیل دائر کر رکھی ہے۔

    وکلا کے دلائل مکمل ہونے کے بعد 24نومبر کو عدالت نے فیصلہ محفوظ کرلیا تھا جبکہ  ہائیکورٹ میں اس معاملے سے متعلق23 سے زائد سماعتیں ہوچکی ہیں۔

    دوسری جانب پنجاب حکومت نے موقف اختیار کیا کہ سنگل بنچ نے حکومتی موقف سنے بغیر فیصلہ دیا جبکہ انکوائری حکومت نے حقائق جاننے کے لیے کروائی اسے منظر عام پر لانا یا نہ لانا حکومت کی صوابدید ہے اس لیے سنگل بنچ کا فیصلہ کالعدم قرار دیا جائے۔

    عدالتی فیصلے کے بعد متاثرین اور عوامی تحریک کے رہنماوں نے رپورٹ کے حصول کے لیے درخواست ہوم سیکرٹری کے دفتر جمع کروا دی ہے۔

    واضح رہے کہ 3 سال قبل لاہور کے علاقے ماڈل ٹاؤن میں پولیس کی جانب سے منہاج القرآن مرکز کے ارد گرد سے رکاوٹیں ہٹانے کے نام پر آپریشن کیا گیا جہاں کارکنوں اور پولیس کے درمیان سخت مزاحمت ہوئی۔

    اس دوران پولیس کے شدید لاٹھی چارج کے سبب 14 افراد جاں بحق اور درجنوں زخمی ہوگئے تھے۔

    اسی روزایس ایچ او کی مدعیت میں ڈاکٹرطاہرالقادری کے بیٹے حسین محی الدین سمیت 56 اورتین ہزار نامعلوم افراد خلاف ایف آئی آر کاٹ دی گئی ‌تھی، معاملہ سنگین ہوا توحکومت نےاکیس جون دو ہزارچودہ کو صوبائی وزیر قانون رانا ثناءاللہ سے استعفیٰ لے لیا مگرملزمان کا تعین نہ کیا جاسکا۔

    ڈاکٹر طاہر القادری اسلام آباد کی طرف قصاص مارچ کیا، جس کے بعد دھرنے کے نتیجے میں ماڈل ٹاون واقعہ کی ایف آئی آر درج ہوئی، ایف آئی آر میں وزیراعظم نواز شریف ، وزیراعلی پنجاب شہباز شریف اور متعدد وزراء کو نامزد کیا گیا۔

    عوامی تحریک نے وزیراعلی پنجاب کی بنائی جوائنٹ انوسٹی گیشن ٹیم کا بائیکاٹ کرتے ہوئے اسے ماننے سے انکارکر دیا، جے آئی ٹی نے چند پولیس والوں کو قصور وار ٹھہراتے ہوئے ایف آئی آر میں نامزد تمام افراد کو بے گناہ قرار دیا گیا۔ یوں پنجاب کی وزرات قانون کا قلم دان ایک بار پھر رانا ثنااللہ کےسپرد کردیا گیا۔

    پنجاب حکومت کی ہدایت پر 5 رکنی مشترکہ تحقیقاتی ٹیم (جوائنٹ انوسٹی گیشن ٹیم ) تشکیل دی گئی تھی، جس کے ممبران میں کوئٹہ پولیس چیف عبدالرزاق چیمہ، آئی ایس آئی کے کرنل احمد بلال، آئی بی کے ڈائریکٹر محمد علی، ایس ایس پی رانا شہزاد اکبر اور ڈی ایس پی سی آئی اے خالد ابوبکر شامل ہیں۔

    سانحے میں ذمہ دار ٹھہرائے جانے والے سابق ایس پی سیکیورٹی علی سلمان بیرون ملک پرواز کرچکے ہیں جبکہ ایک انسپکٹر عامر سلیم سمیت پانچ پولیس اہلکار جیل میں قید ہیں۔

    رپورٹ کے مطابق مشترکہ تحقیقاتی ٹیم کے تمام ممبران نے واقعے کے مقدمے میں نامزد وزیر اعلیٰ پنجاب اور سابق وزیر قانون کے خلاف موجود الزامات کو مسترد کرتے ہوئے انہیں بے گناہ قرار دیا۔

    وزیراعلیٰ پنجاب شہباز شریف اور وزیر قانون رانا ثناء اللہ کو سانحہ ماڈل ٹاؤن میں کلین چٹ دیئے جانے پر پاکستان عوامی تحریک (پی اے ٹی) نے مشترکہ تحقیقاتی ٹیم (جے آئی ٹی) کی رپورٹ مسترد کرتے ہوئےملک گیر احتجاج کا اعلان کیا۔

    اس موقع پر عوامی تحریک کی طرف سے کچھ مطالبات بھی پیش کیے گئے۔ اس کیس کو فوجی عدالت میں منتقل کیا جائے۔ جے آئی ٹی رپورٹ کو شائع کیا جائے۔ ایک نئی ،غیر جانبدار جے آئی ٹی تشکیل دی جائے۔ چونکہ پولیس ماڈل ٹاؤن سانحے میں ملوث تھی، لہذا اسے جے آئی ٹی کا حصہ نہیں بنانا چاہیے۔

    دھرنے کے دوران ہم سے معاہدہ کیا گیا تھا کہ باہمی معاہدے کے تحت جے آئی ٹی بنائی جائے گی، لیکن جے آئی ٹی بنانے سے پہلے ہمارے تحفظات نہیں سنے گئے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئرکریں۔