Tag: release

  • نئی ہالی ووڈ ڈرامہ فلم’’ ڈارکسٹ آور‘‘ ریلیز کے لئے تیار

    نئی ہالی ووڈ ڈرامہ فلم’’ ڈارکسٹ آور‘‘ ریلیز کے لئے تیار

    لاس اینجلس : دوسری جنگِ عظیم کے دوران پیش آنیوالے سنسنی خیز واقعات کے گِرد گھومتی نئی ہالی ووڈ ڈرامہ فلم ڈارکسٹ آور ریلیز کے لئے تیارہے، ہٹلر کی ضد کے آگے چرچل بھی بے بس ہوگئے۔

    تفصیلات کے مطابق ہالی ووڈ کی سننی خیز جنگی مناظر کی عکاس فلم ڈارکسٹ آور دوسری جنگِ عظیم دوم کی ہولناکیاں یاد دلادے گی۔

    فلم میں بموں کی برسات اور گہرے پانیوں میں جنگی جہازوں کی گھن گرج کے دل دہلا دینے والے مناظر فلمائے گئے ہیں۔ برطانوی وزیرِاعظم وِنسنٹن چرچل کی جنگ عظیم روکنے کی کوششیں کیسے ناکام ہوئیں؟

    ہٹلر کو جنگ سے باز نہ رکھا جاسکا، فلم اس کی بہترین عکاسی کرتی ہے، اس فلم میں گیری اولڈ مین چرچل کے روپ میں جلوہ گر ہو رہے ہیں ۔

    :فلم کا ٹریلر

    فلم کے دیگر اداکاروں میں بین میڈلسن، کرسٹن اسکاٹ تھامس، للِی جیمز سمیت کئی اہم فنکار شامل ہیں، ڈرامائی تشکیل سے بھرپورتاریخی فلم بائیس نومبر کو سنیما گھروں کی زینت بنے گی۔

  • اسامہ بن لادن کے خاندان کی نئی حیران کن ویڈیوز جاری

    اسامہ بن لادن کے خاندان کی نئی حیران کن ویڈیوز جاری

    واشنگٹن : پینٹا گون نے اسامہ بن لادن کے خاندان کی نئی حیران کن ویڈیوز جاری کر دیں۔

    تفصیلات کے مطابق امریکی خفیہ ایجنسی اسی آئی اے کو ایبٹ آباد میں اسامہ بن لادن کے گھر پر چھاپے کے دوران ملی، چار لاکھ ستر ہزار فائلوں کا ایک بڑا حصہ ریلیز کر دیا ہے۔

    امریکی خفیہ ایجنسی سی آئی اے نے دوہزارگیارہ میں القاعدہ کےسربراہ اسامہ بن لادن کی ایبٹ آباد میں چھپی خاندانی زندگی کی حیرت انگیز ویڈیوز جاری کی ہیں، ان ویڈیوز میں دنیا کے انتہائی مطلوب شخص کے بچوں کو سلائیڈز لیتے اور کھیلتے کودتے دیکھا جا سکتا ہے۔

     

     

    گھر کے اندر اور باہر کی یہ ویڈیوز سی آئی اے نے ایبٹ آباد آپریشن کے دوران ملنے والے ان کے کمپیوٹر سے نکالی ہیں۔

    https://youtu.be/NBHAVUkd7F4

    ویڈیوز میں اسامہ کے خاندان کو بغیر کسی خوف کے نارمل زندگی گزارتے دیکھا جاسکتا ہے۔

    ایک ویڈیو میں مرغیوں اورخرگوش سےبھراایک پنجرابھی ہے اور گائے اور بلیوں کے لیے خاص انتظام ہے۔

    اس وڈیو کو دیکھ کر یہ کمان بھی نہیں ہوسکتا کہ یہاں دنیاکےانتہائی مطلوب دہشتگردکا بسیرا تھا، منظرِعام پرآنے والی ایک اوروڈیو میں کچھ بچے جو پاکستانی لباس زیب تن کیے ہوئے ہیں عام پاکستانی بچوں کی طرح گھر کے باہر جھولاجھول رہے ہیں اور غباروں کو نشانہ کو مظاہرہ بھی کر رہے ہیں۔

    سی آئی اے کا کہنا ہے کچھ دستاویزات کو انکی حساسیت کی وجہ سے ریلیز نہیں کیا گیا۔


    مزید پڑھیں : اسامہ بن لادن کے کمپاؤنڈ سے برآمد کی گئی دستاویزات جاری


    واضح رہے کہ 6 سال قبل پاکستان کے شہر ایبٹ آباد میں امریکی فوج نے خفیہ آپریشن میں القاعدہ کے سربراہ اسامہ بن لادن کو ہلاک کردیا تھا۔

    اسامہ کی ہلاکت کا اعلان امریکی صدر براک اوباما نے وائٹ ہاوس سے براہ راست خطاب میں کیا تھا اور کہا تھا اسامہ بن لادن کی لاش امریکی فوج نے حاصل کر لی ہے، جسے سمندر برد کر دیا گیا ہے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • کراچی:لانڈھی جیل سے68بھارتی ماہی گیررہا

    کراچی:لانڈھی جیل سے68بھارتی ماہی گیررہا

    کراچی : پاکستان نے جذبہ خیرسگالی کے تحت بھارت کے اڑسٹھ ماہی گیر رہا کردیا۔

    تفصیلات کے مطابق لانڈھی جیل سے 68 بھارتی ماہی گیروں کو رہا کردیا گیا،بھارتی ماہی گیروں کوپولیس وین میں کینٹ اسٹیشن پہنچایا گیا جنہیں ایدھی فاؤنڈیشن کے تعاون سے بذریعہ ٹرین لاہور اور پھر واہگہ بارڈر سے اپنے ملک روانہ کردیا جائے گا۔

    تمام بھارتی ماہی گیروں کو پاکستان کی جانب سے جذبہ خیر سگالی کے تحت رہا کیا گیا ہے، ان ماہی گیروں کو مختلف اوقات میں سمندری حدود کی خلاف ورزی کرنے پر پاکستانی سیکیورٹی اداروں نے گرفتار کیا تھا۔

    کراچی میں لانڈھی جیل سے اڑسٹھ بھارتی ماہی گیررہا کیے گئے بھارتی ماہی گیروں کوپولیس وین میں کینٹ اسٹیشن پہنچایا گیا، ماہی گیر بذریعہ ٹرین لاہور اور پھر واہگہ بارڈر سے اپنے ملک روانہ ہوں گے۔

    رہائی پانے والے بھارتی ماہی گیروں نے اپنے پیاروں سے ملنے کا اور اپنے وطن روانہ ہونے پر خوشی کا اظہار کیا، ماہی گیروں کا کہنا تھا کہ جیل حکام کا رویہ انکے ساتھ تسلی بخش تھا۔


    مزید پڑھیں : جذبہ خیرسگالی کے تحت سرحد پارکرنے والے 78بھارتی ماہی گیروں رہا


    خیال رہے ماضی میں‌ بھارت ماہی گیروں کے زریعے اپنے منظم مقاصد کے حصول کی کوشش کرتا رہا ہے تاہم اس کی یہ کوشش پاکستان نے ناکام بنائی ہے۔

    واضح رہے کہ بحیرہ عرب میں سمندری حدود کی خلاف ورزی اور اسکے نتیجے میں گرفتاریاں دونوں ممالک کی جانب سے معمول کی بات ہیں۔

    سمندری حدود کی واضح تقسیم نہ ہونے اورماہی گیروں کی کشتیوں میں سمندری حدود کا تعین کرنے والے جدید آلات نہ ہونے کے باعث اکثر دونوں ممالک کے ماہی گیرغلطی سے سرحد پار کرجاتے ہیں اور اکثر ماہی گیر اپنی سزا کی مدت ختم کرنے کے باوجود کمزور سفارتی تعلقات کے باعث جیل میں رہ جاتے ہیں۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • بلوچستان ہائیکورٹ کا  نوابزادہ گزین مری کو رہا کرنے کا حکم

    بلوچستان ہائیکورٹ کا نوابزادہ گزین مری کو رہا کرنے کا حکم

    کوئٹہ : بلوچستان ہائیکورٹ نے سابق وزیر داخلہ بلوچستان نوابزادہ گزین مری کو رہا کرنے کا حکم دے دیا۔

    تفصیلات کے مطابق جسٹس جمال احمد مندوخیل اور جسٹس نذیر احمد لانگو پر مشتمل ڈویژنل بینچ نے نوابزادہ گزین مری کی 3ایم پی او کے تحت گرفتاری کے خلاف درخواست کی سماعت کی ۔

    سماعت میں ڈپٹی کمشنر کوئٹہ کیپٹن (ر) عتیق احمد اور سیکرٹری داخلہ عدالت میں پیش ہوئے۔

    بینچ نے وکلاءکے دلائل سننے کے بعد مختصر فیصلہ سناتے ہوئے نوابزادہ گزین مری کی 3ایم پی او کے تحت گرفتاری کو غیر قانونی قرار دیتے ہوئے فوری رہا کرنے کا حکم دیدیا۔

    گزین مری کو 29ستمبر کو 3ایم پی او کے تحت گرفتار کرلیا گیا تھا، جس کے خلاف ان کے وکیل نے بلوچستان ہائیکورٹ آئینی درخواست دائر کی تھی ، گزین مری پر مختلف مقدمات عدالتوں میں زیر سماعت ہیں جن میں ان کی ضمانت لی جاچکی ہے۔

    گذشتہ سماعت میں نواب زادہ گزین مری کو ایم پی او کے تحت گرفتار کرکے ایک ماہ کے لیے جیل بھیج دیا گیا تھا۔


    مزید پڑھیں : گزین مری 18 سالہ جلاوطنی کےبعد کوئٹہ پہنچنے پرگرفتار


    یااد رہے کہ بلوچستان میں مری قبیلے کے رہنما نوابزادہ گزین مری کو سٹس نوازمری قتل کیس میں 22ستمبر کو ایئرپورٹ سے اس وقت گرفتار کیا گیا تھا، جب وہ 18 سالہ خودساختہ جلاوطنی ختم کرکے وطن پہنچے تھے۔

    واضح رہے کہ نوابزادہ گزین  مری 1990 کی دہائی میں صوبہ بلوچستان کے وزیرداخلہ کے عہدے پرفائز رہ چکے ہیں، گزین مرین مرحوم بلوچ رہنما خیر بخش مری کے بیٹے ہیں۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

     

  • جذبہ خیرسگالی کے تحت سرحد پارکرنے والے 78بھارتی ماہی گیروں رہا

    جذبہ خیرسگالی کے تحت سرحد پارکرنے والے 78بھارتی ماہی گیروں رہا

    لاہور : پاکستان نے جذبہ خیرسگالی کے تحت سرحد پارکرنے والے 78بھارتی ماہی گیروں کو رہا کردیا گیا، ماہی گیر کراچی کینٹ اسٹیشن سے علامہ اقبال ایکسپریس کے زریعے لاہور واہگہ بارڈر روانہ ہوئے۔

    تفصیلات کے مطابق لانڈھی جیل سے  78بھارتی ماہی گیروں کو رہا کردیا گیا، جنہیں ایدھی فاؤنڈیشن کے تعاون سے بذریعہ ٹرین لاہور روانہ کردیا گیا ہے۔

    تمام بھارتی ماہی گیروں کو پاکستان کی جانب سے جذبہ خیر سگالی کے تحت رہا کیا گیا ہے، ان ماہی گیروں کو مختلف اوقات میں سمندری حدود کی خلاف ورزی کرنے پر پاکستانی سیکیورٹی اداروں نے گرفتار کیا تھا۔

    ایدھی ٹرسٹ کے ٹرسٹی سعد ایدھی نے اے آر وائی نیوز کو بتایا کہ سمندری حدود کی خلاف ورزی کرکے پاکستان کی سمندری حدود میں داخل ہونے بھارتی ماہی گیروں کی مکمل ویری فکیشن کے بعد رہا کیا گیا ہے۔

    انکا کہنا تھا کہ فی بھارتی ماہی گیر کو 5ہزار روپے نقد اور تحائف دیئے گئے۔

    رہائی پانے والے بھارتی ماہی گیروں نے اپنے پیاروں سے ملنے کا اور اپنے وطن روانہ ہونے پر خوشی کا اظہار کیا، ماہی گیروں کا کہنا تھا کہ جیل حکام کا رویہ انکے ساتھ تسلی بخش تھا۔


    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

  • عامر خان کی "دنگل” چین میں ریلیز ہوتے ہی 1000 کروڑ کا بزنس کرنے والی پہلی بالی ووڈ فلم

    عامر خان کی "دنگل” چین میں ریلیز ہوتے ہی 1000 کروڑ کا بزنس کرنے والی پہلی بالی ووڈ فلم

    نئی دہلی : بالی وڈ مسٹر پرفیکشنسٹ عامر خان کی فلم ’دنگل ‘ چین میں ریلیز ہوتے ہی 1000 کروڑ کلب میں شامل ہونے والی پہلی بالی ووڈ فلم گئی۔

    بھارتی میڈیا کے مطابق فلم’ دنگل ‘نے چین میں بھی دھوم مچا دی، فلم دنگل 5مئی کو چین کے سنیما گھروں میں ریلیز کی گئی ، فلم نے چینی باکس آفس پر 10 دن کے اندر 382 کروڑ روپے کا بزنس کرکے اپنی ہی فلم "پی کے” کا ریکارڈ توڑ دیا ہے اور چین میں سب سے زیادہ کمائی کرنے والی پہلی بالی ووڈ فلم بن گئی۔

    فلم دنگل دنیا بھر سے مجموعی طور پر 1026 کروڑ روپے کما چکی ہے۔

    D1

    اس سال کے بیجنگ فلم فیسٹیول میں ’شوائی جیاو بابا‘ کے نام سے دنگل کی نمائش کی گئی تھی۔

    بالی ووڈ اداکار عامر خان نے پچھلے ماہ بیجنگ، شنگھائی، اور چینگڈو میں ایک ہفتے کی طویل تشہیری مہم کی قیادت کی۔

    فلم بھارتی پہلوان ماہاویر سنگھ پھوگٹ کی زندگی کی کہانی پر مبنی ہے جو اپنی بیٹیوں ببیتا اور گیتا کوریسلنگ سکھاتے ہیں، عامر خان کے علاوہ فاطمہ ثنا شیخ ،سانیا ملہوترا اور ساکشی تنور نے اہم کردار نبھایا ہے جبکہ نتیش تیواری فلم دنگل کے ہدایتکار ہیں۔

    اس سے قبل عامر خان کی فلم پی کے نے چین میں 70 کروڑ کا بزنس کیا تھا۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • سلمان خان کی فلم ’’ٹیوب لائٹ‘‘ کیا پاکستان میں روشنی دے پائے گی؟

    سلمان خان کی فلم ’’ٹیوب لائٹ‘‘ کیا پاکستان میں روشنی دے پائے گی؟

    لاہور: بالی ووڈ کے سلطان سلمان خان کی فلم ٹیوب لائٹ عید الفطر پر نمائش کیلئے پیش کی جائے گی، فلم کی خاص بات سلمان خان اور ان کے مدمقابل چائنیز اداکارہ ہیں، پاکستانی فلم پروڈیوسرز مذکورہ فلم کی پاکستان میں نمائش روکنے کیلئے کوشاں ہیں۔

    تفصیلات کے مطابق دبنگ خان کی فلم ٹیوب لائٹ رواں برس عید الفطر پر ریلیز ہورہی ہے، فلم کی کہانی بھارت اور چین کے درمیان ہونیوالی جنگ پر مبنی ہے، فلم میں ہیروئن کا کردار بھی ایک چائنیز اداکارہ ادا کر رہی ہیں۔

    فلم کی ڈائریکشن کے فرائض کبیرخان نے انجام دئیے ہیں، ڈائریکٹر کبیر خان اس سے قبل سلمان خان کے ساتھ ایک تھا ٹائیگر، بجرنگی بھائی جان اور دیگر کامیاب فلمیں بناچکے ہیں۔ پاکستانی فلم ڈسٹری بیوٹرز ایسوسی ایشن، پاکستان فلم پروڈیوسرز ایسوسی ایشن اور لوکل فلم میکرز ہرممکن طور پر فلم ٹیوب لائٹ کی پاکستان میں ریلیز کو روکنے کے لئے کوشاں نظر آتے ہیں۔

    اس کے علاوہ سینئر اداکار مصطفیٰ قریشی نے بھی ماضی میں کئی بار یہ مطالبہ کیا ہے کہ پاکستانی فلموں کی نمائش کو پہلی ترجیح دینی چاہیئے اور پاکستان میں بھارتی فلموں کی نمائش پر مکمل طور پرپابندی عائد کردینی چاہیئے۔

    واضح رہے کہ عید الفطر پر ہی پاکستانی اداکار شان کی فلم یلغار، اور پروڈیوسر سہیل خان کی فلم شور شرابہ ریلیز ہونے جارہی ہیں، قوی امکان ہے کہ مزید پاکستانی فلمیں بھی عید الفطر پر ریلیز ہوں۔

    یاد رہے کہ پاکستان میں سلمان خان کی بجرنگی بھائی جان اور سلطان کی عید الفطر پر ریلیز سے سنیما مالکان کی تو چاندی ہوگئی تھی مگر اُس وقت جو پاکستانی فلمیں ریلیز ہوئیں ان کی آمدنی میں خاطر خواہ اضافہ نہیں ہوسکا تھا۔

    پاکستان فلم ڈسٹری بیوٹرز ایسوسی ایشن کے چیئرمین چوہدری اعجاز کامران کا کہنا ہے کہ اگر بالی ووڈ بلاک بسٹر فلم ٹیوب لائٹ عید الفطر پرریلیز کی گئی تو یہ اقدام سو فیصد لوکل سنیماؤں کے خلاف ہوگا۔

    انہوں نے کہا کہ ہماری جانب سے بھارتی فلموں کا مکمل بائیکاٹ کیا جائے گا۔ سوال یہ پیدا ہوتا ہے کہ کیا سلمان خان کی نئی فلم ٹیوب لائٹ پاکستان میں روشنیوں کی کرنیں بکھیر سکے گی؟


    Chat Conversation End

  • متحدہ لندن رہنما حسن ظفر عارف رہا

    متحدہ لندن رہنما حسن ظفر عارف رہا

    کراچی: ایم کیو ایم لندن کے رہنما اور سینئر پروفیسر ڈاکٹر حسن ظفر عارف کو سینٹرل جیل سے رہا کردیا گیا۔

    تفصیلات کے مطابق 22 اگست کے بعد بانی ایم کیو ایم کی حمایت میں کھڑے ہونے والے پروفیسر کو گزشتہ برس اکتوبر کی 22 تاریخ کو کراچی پریس کلب کے باہر سے کنور خالد یونس کے ہمراہ گرفتار کیا گیا تھا۔

    بعد ازاں پریس کلب میں موجود تیسرے رہنما امجد اللہ کو بھی حراست میں لے کر تفتیش کے لیے نامعلوم مقام منتقل کیا گیا تھا اور قانون نافذ کرنے والے اداروں نے تینوں کو ایم پی او کے تحت سینٹرل جیل منتقل کردیا تھا۔

    پڑھیں: ’’ متحدہ لندن کے رہنما حسن ظفر اور کنور خالد پریس کلب سے زیر حراست ‘‘

    کنور خالد یونس کو طبیعت ناسازی کے باعث پہلے رہا کردیا گیا تھا جبکہ دوسرے رہنما امجد اللہ امجد کو گزشتہ ہفتے رہا کیا گیا اور انہوں نے رہائی کے فوری بعد سیاست سے کنارہ کشی اختیار کرنے کا اعلان بھی کیا۔

    پروفیسر حسن ظفر عارف اور امجد اللہ امجد پر اشتعال انگیز اور ملک مخالف تقاریر میں سہولت کاری کا الزام تھا اور اُن کا مقدمہ انسداد دہشت گردی کی عدالت میں زیر سماعت تھا۔

    قبل ازیں متحدہ لندن کے رہنما کو عدالتی احکامات پر رہائی دی گئی تھی تاہم سینٹرل جیل کے باہر سے قانون نافذ کرنے والے اداروں نے دوبارہ گرفتار کر کے پولیس کی تحویل میں دے دیا تھا۔

    یہ بھی پڑھیں: ایم کیو ایم وہی ہے جس کے ساتھ قائد تحریک ہیں،ڈاکٹر حسن ظفر 

    گزشتہ ہفتے عدالت سے ضمانت ملنے کے بعد پروفیسر حسن ظفر عارف کی رہائی کے احکامات جاری کردیے گئے تھے مگر کچھ قانونی پہلو کے باعث رہائی ممکن نہیں ہو پائی تھی تاہم آج قانونی نکات کو پورا کر کے پروفیسر حسن ظفر عارف کو رہا کردیا گیا۔

    دوسری جانب اطلاعات ہیں کہ حیدرآباد سے گرفتار ہونے والے ایم کیو ایم لندن کے رہنما مومن خان مومن کو بھی رہا کردیا گیا ہے۔

    خیال رہے کہ 22 اگست کی متنازع تقریر کے بعد ڈاکٹر فاروق ستار کی جانب سے اظہار لا تعلقی اور اپنی راہیں جدا کرنے کے بعد ایم کیو ایم لندن کی جانب سے بنائی گئی نئی رابطہ کمیٹی میں ڈاکٹر حسن عارف ظفر اور کنور خالد یونس کو اہم ذمہ داری دی گئی تھی اور ایم کیو ایم لندن کی پہلی پریس کانفرنس بھی ڈاکٹر حسن ظفر کی سربراہی میں کی گئی تھی۔

  • خونی گڈے کی فلم کُلٹ آف چکی کا سنسنی خیز ٹیزر ریلیز

    خونی گڈے کی فلم کُلٹ آف چکی کا سنسنی خیز ٹیزر ریلیز

    لاس اینجلس : ڈراؤنی فلم کُلٹ آف چکی کا سنسنی خیز ٹیزر ریلیز کردیا گیا ہے، جسے دیکھ کر شائقین کی کپکپی چھوٹ گئی، فلم رواں برس نمائش کے لئے پیش کی جائے گی۔

    تفصیلات کے مطابق جان لیوا خونی گڈا تہلکہ مچانے کیلئے تیار ہے، چائلڈز پلے سیریز کی نئی فلم کُلٹ آف چکی کا سنسنی خیز ٹیزر ریلیز کردیا گیا۔

    نئی فلم کُلٹ آف چکی کے سنسنی خیز ٹریلر نے شائقین پر خوف طاری کردیا، فلم چائلڈز پلے سیریز کی ساتویں اور دو ہزار تیرہ میں آئی کرس آف چکی کا سیکوئل ہے۔

    cult-post-01

    فلم کی کہانی ایک خونی گڈے کی ہے جو ایک بار پھر ایک گھرانے کو نشانہ بنانے کیلئے واپس آیا ہے۔ انیس سو اٹھاسی سے شروع ہونے والی دل دہلاتی کہانی رواں برس سنیما گھروں میں ریلیز کی جائے گی۔

    cult-post-02

    cult-post-03

  • عمران خان کی زندگی پر بننے والی فلم کی دوبارہ شوٹنگ، جون میں ریلیز کا امکان

    عمران خان کی زندگی پر بننے والی فلم کی دوبارہ شوٹنگ، جون میں ریلیز کا امکان

    اسلام آباد: پاکستانی فلم ’کپتان‘ پر دوبارہ کام کا آغاز کردیا گیا ہے، یہ فلم تحریک انصاف کے چیئرمین عمران خان کی زندگی بنائی جارہی ہے جو آئندہ ماہ جون کے وسط میں باقاعدہ ریلیز کردی جائے گی۔

    تفصیلات کے مطابق سربراہ تحریک انصاف کی زندگی پر بننے والی فلم ’کپتان‘ جو گزشتہ 5 سال سے التواء کا شکار تھی اُس کی شوٹنگ کا دوبارہ آغاز کردیا گیا ہے۔ ہدایت کار فیصل امان خان کا کہنا ہے کہ فلم آئندہ سال جون کے وسط میں ریلیز کردی جائے گی۔

    قبل ازیں کپتان کی شوٹنگ ناگزیر وجوہات کی بناء پر اچانک روک دی گئی تھی، جس کے بعد سے یہ التواء کا شکار تھی تاہم پانچ سال سے زیر تکمیل فلم پر ایک بار پھر کام کا آغاز کرنے کا اعلان کردیا گیاہے۔

    imran-khan-1

    عمران خان کی زندگی پر بننے والی فلم کے ہدایت کار فیصل امان خان ہیں، جب کے اس میں مرکزی کردار ماڈل و اداکار عبدالمنان ادا کررہے ہیں تاہم اداکارہ سعیدہ امتیاز بھی اپنی اداکاری کے جوہر دکھا رہی ہیں۔

    imran-khan-3

    فلم کپتان کے دیگر کرداروں میں مہوش ناصر بھی شامل ہیں جو اس سے قبل بے نظیر پر بننے والی فلم میں محترمہ کا کردار کامیابی سے ادا کرچکی ہیں، فلم میں مرکزی کردار ادا کرنے والے دونوں فنکار وں نے اس فلم کے توسط  سے اپنے کیئریئر کا آغاز کیا ہے۔