ARYNews.tv | Urdu – Har Lamha Bakhabar

Tag: released

  • نکاراگوا مظاہرے : پولیس نے درجنوں طلبہ و اساتذہ کورہا کردیا

    نکاراگوا مظاہرے : پولیس نے درجنوں طلبہ و اساتذہ کورہا کردیا

    ماناگوا : نکارا گوا میں گذشتہ ایک ہفتے سے حکومتی پالیسیوں کے خلاف جاری احتجاج کے باعث صدر نے نئی پالیسی کو منسوخ کرتے ہوئے دوران احتجاج گرفتار ہونے والے درجنوں طلبہ اور اساتذہ کی رہائی کا حکم دیے دیا۔

    تفصیلات کے مطابق جمہوریہ نکارا گوا میں حالیہ دنوں موجودہ حکومت کی جانب سے سماجی سیکیورٹی سسٹم میں تبدیلیوں کے بعد عوامی مظاہرے شدت اختیار کرگئے تھے، پولیس نے مظاہرہ کرنے والے درجنوں طلباء و اساتذہ کو رہا کردیا ہے۔

    پولیس کی قید سے آزاد ہونے والے کچھ طلبہ نے دعویٰ کیا ہے کہ دوران حراست سیکیورٹی اہلکاروں کی جانب سے طلبہ و اساتذہ کو بیہمانہ تشدد کا نشانہ بنایا گیا ہے۔

    پولیس کی قید سے آزاد ہونے والے طلبہ نے یہ بھی دعویٰ کیا ہے کہ صحافیوں اور طلباء کو مظاہروں کی کوریج سے روکنے کے لیے حکومت کے حمایتی افراد نے موٹرسائیکل ہیلمٹ پہن کر لوہے کے پائپ اور برقی تاروں سے صحافیوں اور مظاہرین پر تشدد کیا تھا۔

    واضح رہے کہ نکارا گوا کے صدر ڈینئل اورٹیگا نے ملک بھر میں عوامی مظاہروں کے باعث نئی پالیسیوں کو منسوخ کرتے ہوئے نجی ٹی وی چینل پر عائد پابندی بھی اٹھالی اور پولیس کو احکامات جاری کیے کہ احتجاج کرنے والے مظاہرین کو رہا کردیا جائے۔

    پولیس حکام کی جانب سے خدشہ ظاہر کیا جارہا ہے کہ دائیں بازو کی جماعتوں کی جانب سے موجودہ حکومت کے خلاف مزید مظاہرے متوقع ہیں۔

    نکارا گوا کے صدر اورٹیگا نے الزام عائد کیا ہے کہ دائیں بازو کی جماعت کے کارکنوں مظاہرین میں شامل ہوکر پر امن احتجاج کو پر تشدد مظاہروں میں تبدیل کردیا تاکہ بائیں بازو کی حکومت کو بدنام کیا جاسکے۔

    نکارا گوا میں حالیہ دنوں ہونے والے مظاہروں پر وائٹ ہاوس نے منگل کے روز بیان جاری کیا ہے کہ پُر تشدد مظاہروں اور بے انسانوں کے قتل کی ذمہ دار موجودہ حکومت ہے۔

    وائٹ ہاوس سے جاری بیان میں کہا ہے کہ ’پولیس اور حکومتی حامیوں کی جانب سے نکارا گوا کی عوام پر تشدد، بالخصوص یونیورسٹی کے طلباء و اساتذہ کو گرفتار کرنے کے عمل نے والمی برادری کو صدمے میں ڈال دیا ہے‘۔

    نکارا گوا میں عوامی احتجاج پر گولیاں چلانا، اور مظاہروں کی لائیو رپورٹنگ کرنے والے صحافیوں کو قتل کرنے معاملے پر اقوام متحدہ کی انسانی حقوق نے تحقیقات کا حکم دے دیا ہے۔

    نکاراگوا:حکومت مخالف مظاہرے‘لائیو رپورٹنگ کرنے والا صحافی ہلاک

    یاد رہے کہ جمہوریہ نکارا گوا میں موجودہ حکومت کی جانب سے ملازمین کی تنخواہوں سے پینشن کی مد میں اضافی رقم کی کٹوتی اور مراعات میں کمی کے خلاف عوام نے گذشتہ ہفتے حکومتی پالیسی کے خلاف پرامن مظاہروں کا آغاز ہوا تھا۔

    خیال رہے کہ حکومت کے خلاف ہونے والے مظاہروں کے دوران صحافی سمیت 25 افراد حکومت کے حامیوں اور پولیس کی گولیوں سے ہلاک ہوئے ہیں۔

    خبر کے بارے میں اپنی رائے کا اظہار کنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • کالعدم نفاذ شریعت محمدی کے امیرصوفی محمد کو رہا کردیا گیا

    کالعدم نفاذ شریعت محمدی کے امیرصوفی محمد کو رہا کردیا گیا

    پشاور:کالعدم نفاذ شریعت محمدی کے امیرصوفی محمد کو رہا کر دیا گیا، صوفی محمد2009سے پشاورسینٹرل جیل میں قید تھے۔

    تفصیلات کے مطابق کالعدم نفاذشریعت محمدی کے امی صوفی محمد کو پشاورہائیکورٹ کےاحکامات پررہا کیاگیا ہے، صوفی محمد پر خصوصی عدالت میں 21مقدمات نمٹا دیئے گئے۔

    صوفی محمد کو صوبائی حکومت کے دیئے گئے بگلہ نما سب جیل سے رہا کیا گیا، صوفی محمد کوسب جیل میں  9نومبر کومنتقل کیا گیا تھا۔

    یاد رہے 8 جنوری کو  پشاور ہائیکورٹ نے کالعدم نفاذ شریعت محمدی کے امیر مولانا صوفی محمد کی ضمانت کی درخواست منظور کرتے ہوئے رہائی کے احکامات جاری کئے تھے۔

    مزید پڑھیں :  مولانا صوفی محمد کی درخواست ضمانت منظور

    صوفی محمد کوسب جیل میں  9نومبر کومنتقل کیا گیا تھا۔

    واضح رہے کہ3 جولائی2009کو مولانا صوفی محمد کیخلاف حکومت مخالف تقاریر ودیگر الزامات پر ایف آئی آر درج کی گئی تھی،  دو بیٹوں اور کمانڈر سفیر اللہ کو بھی اس مقدمے میں نامزدکیا گیا تھا۔

    بعد ازاں 26 جولائی 2009 کو پشاور سے ان کے دو بیٹوں ضیا اللہ اور رضوان اللہ سمیت حراست میں لیا گیا تھا۔

    مولانا کیخلاف غیر قانونی جلسے، کارسرکار میں مداخلت اور دہشت گردی کے تین مقدمات پشاور سینٹرل جیل میں زیر سماعت تھے

    خیال رہے کہ 2007 میں وادی سوات میں اٹھنے والی انتہا پسندانہ تحریک میں بھی صوفی محمد کا مرکزی کردار تھا تاہم اس مزاحمتی تحریک کو پاکستانی فوج کے ایک خصوصی آپریشن میں اپریل 2009 میں ختم کر دیا گیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔ 

  • ڈاکٹررتھ فاؤ کی خدمات کے اعتراف میں اعزازی ٹکٹ کا اجراء

    ڈاکٹررتھ فاؤ کی خدمات کے اعتراف میں اعزازی ٹکٹ کا اجراء

    اسلام آباد : جذام کے مریضوں کی مسیحا ڈاکٹر رتھ فاؤ کی انسانیت کیلئے خدمات کے اعتراف میں پاکستان پوسٹ کی جانب سےاعزازی ٹکٹ کا اجراء کیا گیا ہے،ٹکٹ کی مالیت 8 روپے ہے۔

    تفصیلات کے مطابق کوڑھ کے مرض کو پاکستان سے ختم کرنے میں اہم کردار ادا کرنے والی ڈاکٹر رتھ فاؤ کو خراج عقیدت پیش کرنے کے لئے محکمہ پاکستان پوسٹ نے ایک یادگاری ٹکٹ جاری کیا ہے۔

    اس حوالے سے میری ایڈی لیڈ سینٹرمیں تقریب کا انعقاد کیا گیا جس میں پوسٹ ماسٹر جنرل اکبر علی دیرو، ڈپٹی پوسٹ ماسٹر مصطفی کمال کے علاوہ پوسٹ آفس حکام، سول سوسائٹی اور عملے نے بڑی تعداد میں شرکت کی۔

    تقریب سے خطاب کرتے ہوئے پوسٹ ماسٹرجنرل اکبر علی دیرو نے کہا کہ ڈاکٹر روتھ فاؤ کی انسانیت کیلئے خدمات ناقابل فراموش ہیں۔

    پاکستانی عوام مرحوم ڈاکٹر روتھ فاؤ کے شکر گزار ہیں، انہوں نے بتایا کہ پاکستان پوسٹ کی جانب سے ان کے اعزاز میں8روپے کی قیمت کے دو لاکھ ٹکٹ چھاپے گئے ہیں۔

    تقریب سے خطاب میں سی ای او ایم اے ایل سی مارون لوبو کا کہنا تھا کہ اس تقریب میں شرکت میرے لیے اعزاز کی بات ہے، انسانیت کی خدمت اور محبت کاچہرہ یاد کرناہو تو روتھ فاؤ کو یاد کرو۔

    مزید پڑھیں: ڈاکٹررتھ فاؤ87سال کی عمرمیں دار فانی سے کوچ کرگئیں

    واضح رہے کہ87سالہ ڈاکٹر رتھ فاؤ نو ستمبر1929کو جرمنی کے شہر لیپ زگ میں پیدا ہوئیں اور31 سال کی عمر میں 1960 میں پاکستان آئیں، انہوں نے جذام کے مریضوں کے لیے اپنی ساری زندگی وقف کردی تھی۔

    وہ جذام کو مریضوں کو مفت سہولیات فراہم کرتی تھیں وہ اس دوران جذام کے مریضوں کے ساتھ ہی اپنا زیادہ وقت گزارتی تھیں، انہوں نے ساری عمر شادی نہیں کی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • کرپشن کے الزام میں گرفتار شہزادہ متعب بن عبد اللہ کورہا کردیا گیا

    کرپشن کے الزام میں گرفتار شہزادہ متعب بن عبد اللہ کورہا کردیا گیا

    ریاض: سعودی عرب کے زیر حراست شہزادے متعب بن عبد اللہ کو رہا کر دیا گیا، شہزادہ متعب کوایک ارب ڈالر واپس کرنے کی ڈیل پررہائی ملی۔

    غیر ملکی خبر ایجنسی کے مطابق تین ہفتے قبل سعودی عرب میں بد عنوانی کے خلاف شروع کی جانے والی مہم میں گرفتار شہزادے متعب بن عبداللہ نے رہائی کے بدلے سعودی حکام کو ایک ارب ڈالر ادا کرنے پر رضا مندی ظاہر کر دی۔

    جس کے بعد انہیں ضروری کارروائی کے بعد رہا کر دیا گیا ۔

    سعودی ولی عہد محمد بن سلمان کی زیر قیادت کام کرنے والی انسداد بدعنوانی کمیٹی کے اندازے کے مطابق سعودی عرب میں کئی برسوں کے دوران ایک کھرب ڈالر کی کرپشن کی گئی ہے۔

    مزید پڑھیں : سعودی عرب میں کرپشن کےالزام میں 11 شہزادے اور4 وزیرگرفتار

    خیال رہے کہ شہزادہ متعب بن عبداللہ ولی عہد محمد بن سلمان کے کزن ہیں جبکہ شہزادہ متعب بن عبد اللہ کو کرپشن کے الزام میں گرفتار کیا گیا تھا۔

    یاد رہے کہ رواں ماہ کے آٖغاز میں سعودی عرب میں نئی اینٹی کرپشن کمیٹی نے گیارہ شہزادوں، 4 موجودہ اورسابق وزرا کو کرپشن کے الزام میں گرفتار کیا تھا۔

    حراست میں لیے جانے والے افراد میں سعودی عرب کے امیر ترین شہزادے الولید بن طلال بھی شامل تھے۔

    سعودی فرما نروا شاہ سلمان کے جاری کردہ شاہی فرمان کے تحت نیشنل گاڑدز کے وزیر شہزادہ متعب بن عبداللہ کو ان کے عہدے سے ہٹاکر خالد بن عبدالعزیزکو نیشنل گارڈز کا نیا وزیرمقررکردیا گیا تھا۔

    مزید پڑھیں :  سعودی عرب میں ایک کھرب ڈالرکی کرپشن کا انکشاف

    بعد ازاں سعودی اٹارنی جنرل شیخ سعود المجیب نے ملک میں حالیہ عشروں کے دوران ایک کھرب ڈالرز کی خوردبرد کا انکشاف کیا تھا ، جس پر انسدادبدعنوانی مہم میں201افراد کو حراست میں لیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پرشیئر کریں۔

  • پیرو میں ہزاروں نایاب نسل کے کچھوؤں کو سمندر میں چھوڑ دیا گیا

    پیرو میں ہزاروں نایاب نسل کے کچھوؤں کو سمندر میں چھوڑ دیا گیا

    پیرو : ایمیزون کے علاقے میں ہزاروں نایاب نسل کے کچھوؤں کو سمندر میں چھوڑ دیا گیا۔

    تفصیلات کے مطابق لاطینی امریکی ملک پیرو میں ایمیزون کے علاقے میں نایاب نسل ٹریکایا کے 5 ہزار کچھوے چھوڑے گئے، ان کچھووں کی پرورش کرنے کے بعد انھیں دریا میں چھوڑا گیا تاکہ ان کی آبادی میں اضافہ ہو سکے۔

    ٹریکایا نسل کی بقا کے لئے ادارے نے کچھووں کے انڈوں کو ساحلوں سے جمع کرکے محفوظ کیا تھا، جن کی نگہداشت اور محفوظ ماحول میں پرورش کی۔

    پیرو کی حکومت نے ان کچھوؤں کی نسل کو خطرے کا شکار قرار دیا ہے۔

    پیرو کی پارک سروس باقاعدگی سے کچھوؤں کے انڈے کو ایمیزوں کے ساحلوں سے جمع کرتی ہے جبکہ اس تحفظاتی پروگرام سے علاقے میں کچھوؤں کی تعداد کو برقرار رکھنے میں مدد ملتی ہے۔

    یاد رہے اس سے قبل بھی ایمیزون کے علاقے میں سترہ ہزار ٹریکایا کچھوے چھوڑے گئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئرکریں۔

  • القاعدہ کے امریکی رکن برائنٹ نیل وائنس کوسزا مکمل ہونے پررہائی مل گئی

    القاعدہ کے امریکی رکن برائنٹ نیل وائنس کوسزا مکمل ہونے پررہائی مل گئی

    واشنگٹن : القاعدہ کے امریکی رکن برینٹ نیل وائنس کوسزا مکمل ہونے پررہائی مل گئی۔

    برینٹ نیل وائنس کو عدالت نے دہشتگردکارروائیوں میں حصہ لینے اورامریکی فوجیوں پر میزائل حملے کے الزام میں آٹھ سال اورتین ماہ کی سزا سنائی گئی تھی، برائنٹ کی سزا مکمل ہونے پراسے جیل سے رہا کیا جارہا ہے۔

    پراسیکیوٹرز نے عدالت میں پیش کردہ اپنی رپورٹ میں کہا کہ اس نے حکومت کو اہم معلومات فراہم کی ہیں اور وہ القاعدہ سے منسلک کئی مقدمات میں تعاون کرنے والا واحد اہم گواہ ہے۔برینٹ نے پاکستان اور أفغانستان میں القاعدہ سے متعلق معلومات فراہم کیں اور مشکوک دهشت گردوں کی شناخت، ان کے ٹھکانوں کی نشاندہی اور ان کے منصوبے ناکام بنانے میں مدد دی۔

    برینٹ کے وکلا نے عدالت کو بتایا کہ جب اسے مغربی ملکوں میں مسلمانوں پر ظلم و جبر کے بارے میں بتایا گیا تو اسے بہت غصہ آیا، پھر اسے شمالی وزیرستان میں ایک انتہا پسند گروپ نے اسے ایک خودکش بمبار کے طور پر تیار کرنے کا بھی سوچا تھا۔ بعد ازاں وہ القاعدہ میں شامل ہو گیا۔

    اسے پاکستانی حکام نے سن 2008 میں گرفتار کرنے کے بعد امریکی حکام کے حوالے کردیا ے تھا، جہاں اس نے جلد ہی حامی بھرلی تھی کہ وہ القاعدہ اور انتہا پسند گروپوں کے متعلق معلومات فراہم کرے گا۔

    امریکی فوج کا سابق ملازم برینٹ 2007 میں القاعدہ میں شامل ہوا تھا، برائنٹ کی فراہم کردہ معلومات پرالقاعدہ کے کئی منصوبے ناکام بنانے میں مدد ملی، برائنٹ کو دو ہزار آٹھ میں گرفتار کیا گیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ایکشن، ڈرامہ، مستی سے بھرپور فلم جوانی پھر نہیں آنی کا ٹریلرریلیز

    ایکشن، ڈرامہ، مستی سے بھرپور فلم جوانی پھر نہیں آنی کا ٹریلرریلیز

    کراچی : اے آر وائی فلمز اور سکس سگما کی مشترکہ پیشکش فلم جوانی پھر نہیں آنی کا ٹریلرریلیز کردیاگیا۔

    تفصیلات کے مطابق ایکشن، ڈرامہ، مستی اور رومانس کا تڑکا لئے مووی لورز کے لئے آرہی ہے، اے آر وائی اور سکس سگما کی پیشکش فلم جوانی پھر نہیں آنی کا ٹریلرریلیز کردیاگیاہے۔

    فلم کے ٹریلر نے ریلیز ہوتے ہی دھوم مچادی، فلم میں ہمایوں سعید ، حمزہ علی عباسی، واسع چوہدری،جاوید شیخ ،عائشہ خان اور مہوش حیات سمیت کئی جانے مانےچہرے اداکاری کے جوہر دکھا رہے ہیں ۔

    ندیم بیگ کی ڈائریکشن میں بننے والی فلم کے پروڈیوسرز میں سلمان اقبال، جرجیس سیجا ، شہزاد ناسب اور ہمایوں سعید بھی شامل ہیں۔

    فلم اے آر وآئی میڈ ان پاکستان کمپین کے تحت عید الاضحیٰ پر پاکستان سمیت امریکا، انگلینڈ، انڈیا، افریقہ اور آسٹریلیا میں ریلیز کی جائیگی۔