ARYNews.tv | Urdu – Har Lamha Bakhabar

Tag: releases

  • "میڈیا کی آواز ۔۔ پاکستان زندہ باد” پاک فوج نے ایک اور پرومو جاری کردیا

    "میڈیا کی آواز ۔۔ پاکستان زندہ باد” پاک فوج نے ایک اور پرومو جاری کردیا

    راولپنڈی : آئی ایس پی آر نے یوم پاکستان کی مناسبت سے ” میڈیا کی آواز ۔۔پاکستان زندہ باد” کے عنوان سے ایک اور پرومو جاری کردیا، اس سے قبل پاک  فوج  کی جانب سے چار پروموز جاری کئے جاچکے ہیں۔

    تفصیلات کے مطابق پاک فوج کے شعبہ تعلقات عامہ (آئی ایس پی آر) کے ڈایریکٹر جنرل میجر جنرل آصف غفور سماجی رابطے کی ویب سائٹ ٹوئٹر پر یوم پاکستان کی مناسبت سے ایک اور پرومو جاری کر دیا ، جس کا عنوان "میڈیا کی آواز ۔۔۔۔پاکستان زندہ باد” رکھا گیا ہے۔

    پرومو  میں ارشد شریف سمیت دیگر میڈیا نمائندگان کے پیغامات شامل کئے گئے ہیں۔

    خیال رہے اس سے قبل ڈی جی آئی ایس پی آر کی جانب سے یوم پاکستان پر چار پروموز جاری کئے جاچکے ہیں ، جن میں ستاروں کی آواز۔ پاکستان زندہ باد ، عروس البلا، پاکستان زندہ باد اور ہر پاکستانی کی آواز۔ پاکستان زندہ” شامل ہیں۔

    ان پروموز میں فنکاروں ، کھلاڑیوں اور پاکستانیوں کی جانب سے پاکستان زندہ کے پیغامات دیئے گئے ہیں۔

    یاد رہے 13 مارچ کو ڈی جی آئی ایس پی آر میجر جنرل آصف غفور نے اپنے ٹوئٹ میں کہا تھا یوم پاکستان کی پریڈ کا سلوگن ‘پاکستان زندہ باد’ ہوگا جبکہ ملائیشیا کے وزیراعظم مہاتیر بن محمد پریڈ کے مہمان خصوصی ہوں گے۔

    مزید پڑھیں : ملائیشین وزیراعظم یوم پاکستان پریڈمیں مہمان خصوصی ہوں گے، ڈی جی آئی ایس پی آر

    ڈی جی آئی ایس پی آر کے مطابق آذربائیجان کے وزیردفاع کرنل جنرل ذاکرحسن اوف بھی یوم پاکستان کی تقریب میں شریک ہوں گے جبکہ بحرین فوج کے کمانڈر جنرل شیر محمد بن عیسیٰ الخلیفہ اور سلطنت آف عمان کے سرکاری عہدیداران بھی یوم پاکستان پریڈ میں شرکت کریں گے۔

    میجر جنرل آصف غفور کا کہنا تھا کہ یوم پاکستان کے موقع پر آذربائیجان اور سعودی عرب کے فوجی دستے پریڈ میں شرکت کریں گے، آذربائیجان ،بحرین، سعودی عرب اور سری لنکا کا پیراٹروپرز فری فال جمپ کا مظاہرہ کریں گے جبکہ ترکی کے ایف 16 اور چین کے جے 10 طیارے فضائی کرتب دکھائیں گے۔

  • "ستاروں کی آواز۔ پاکستان زندہ باد” یومِ پاکستان کا نیا پرومو جاری

    "ستاروں کی آواز۔ پاکستان زندہ باد” یومِ پاکستان کا نیا پرومو جاری

    راولپنڈی : آئی ایس پی آر نے یوم پاکستان کی مناسبت سے "ستاروں کی آواز۔ پاکستان زندہ باد” کے عنوان سے نیا پرومو جاری کردیا، اس سے قبل پاک فوج کی جانب سے "ہر پاکستانی کی آواز۔ پاکستان زندہ” کا پرومو جاری کیا گیا تھا۔

    تفصیلات کے مطابق پاک فوج کے شعبہ تعلقات عامہ (آئی ایس پی آر) کے ڈایریکٹر جنرل میجر جنرل آصف غفور سماجی رابطے کی ویب سائٹ ٹوئٹر پر یوم پاکستان کی مناسبت سے نیا پرومو جاری کر دیا ، جس کا عنوان "ستاروں کی آواز۔ پاکستان زندہ باد” رکھا گیا ہے۔

    پرومو  میں راحت فتح علی خان، ہمایوں سعید، شفقت امانت علی ، علی ظفر، فہد مصطفیٰ، عثمان خالدبٹ، حمزہ علی عباسی اور دیگرفنکاروں کے پیغامات شامل کئے گئے ہیں۔

    اس سے قبل 17 مارچ کو یوم پاکستان کے سلسلے میں جروشنیوں کا شہر، عروس البلا، پاکستان زندہ باد کے نام سے تیسرا پرومو جاری کیا تھا، پرومو میں کوئٹہ گلیڈی ایٹرز کے کپتان سرفراز احمد اور پشاور زلمی کے کپتان ڈیرن سیمی سمیت شاہد آفریدی، کیرون پولارڈ، کرس جورڈن اور دیگر کھلاڑی نے پاکستان زندہ پاکستان کے نعرے لگائے۔

    پاک فوج کی جانب سے 15 مارچ کو بھی “ہر پاکستانی کی آواز۔ پاکستان زندہ ” کے عنوان سے پرومو جاری کیا تھا۔

    یاد رہے 13 مارچ کو ڈی جی آئی ایس پی آر میجر جنرل آصف غفور نے اپنے ٹوئٹ میں کہا تھا یوم پاکستان کی پریڈ کا سلوگن ‘پاکستان زندہ باد’ ہوگا جبکہ ملائیشیا کے وزیراعظم مہاتیر بن محمد پریڈ کے مہمان خصوصی ہوں گے۔

    مزید پڑھیں : ملائیشین وزیراعظم یوم پاکستان پریڈمیں مہمان خصوصی ہوں گے، ڈی جی آئی ایس پی آر

    ڈی جی آئی ایس پی آر کے مطابق آذربائیجان کے وزیردفاع کرنل جنرل ذاکرحسن اوف بھی یوم پاکستان کی تقریب میں شریک ہوں گے جبکہ بحرین فوج کے کمانڈر جنرل شیر محمد بن عیسیٰ الخلیفہ اور سلطنت آف عمان کے سرکاری عہدیداران بھی یوم پاکستان پریڈ میں شرکت کریں گے۔

    میجر جنرل آصف غفور کا کہنا تھا کہ یوم پاکستان کے موقع پر آذربائیجان اور سعودی عرب کے فوجی دستے پریڈ میں شرکت کریں گے، آذربائیجان ،بحرین، سعودی عرب اور سری لنکا کا پیراٹروپرز فری فال جمپ کا مظاہرہ کریں گے جبکہ ترکی کے ایف 16 اور چین کے جے 10 طیارے فضائی کرتب دکھائیں گے۔

  • دبئی کے صحراؤں میں اڑنے والا جیٹ مین

    دبئی کے صحراؤں میں اڑنے والا جیٹ مین

    ابوظبی : اماراتی ریاست دبئی کے صحراؤں میں ایک مرتبہ پھر جیٹ مین (اڑنے والے آدمی) پرواز کرتے دیکھے گئے ہیں، ویڈیو سوشل میڈیا پر وائرل ہوگئی۔

    تفصیلات کے مطابق متحدہ عرب اماراتی کی ریاست دبئی کے ولی عہد حمدان بن محمد بن راشد المکتوم نے سماجی رابطے کی ویب سائٹ پر دبئی کے جیٹ مین وینس ریفٹ اور ریڈ فوگین کی جیٹ پیک پہن کر بادلوں میں خطرناک کرتب دیکھانے کی ویڈیو سوشل میڈیا پر اپلوڈ کی تھی۔

    حمدان بن محمد نے مذکورہ ویڈیو عربی اور انگریزی تحریر کے ساتھ اپلوڈ کی کہ ’مستقبل یہاں ہے‘ جو دیکھتے ہی دیکھتے وائرل ہوگئی۔

    View this post on Instagram

    Future is here @jetman #Dubai المستقبل هنا

    A post shared by Fazza (@faz3) on

     

    ویڈیو میں دیکھا جاسکتا ہے کہ دو افراد کو جیٹ پیک پہنے ہیلی کاپٹر سے چھلانگ لگاتے ہیں اور فضاؤں میں کسی پرندے کی مانند پرواز کرنے لگتے ہیں۔

    جیٹ مین صحرا میں پرواز کرتے ہوئے مختلف انداز سے کرتب دکھاتے ہیں اور کچھ لمحوں بعد ہیلی کاپٹر سے اونچی پرواز کرتے ہوئے آنکھوں سے اوجھل ہوجاتے ہیں۔

    اماراتی خبر رساں ادارے کا کہنا ہے کہ جیٹ مین کی ویڈیو کو 24 گھنٹوں کے دوران اتنی زیادہ وائرل ہوئی کہ اب تک اسے 7 لاکھ 63 ہزار لوگ دیکھ چکے ہیں۔

    مزید پڑھیں : لندن : برطانوی شہری نے اڑنے والا جیٹ سوٹ تیار کرلیا

    خبر رساں ادارے کا کہنا تھا کہ دبئی کے ولی عہد کی ویڈیو پر رد عمل دیتے ہوئے جیٹ مین اس تحریر کے ساتھ ’جی۔۔۔مستقبل یہاں ہے‘ اپنی خوفناک کرتب کی ویڈیو خود بھی سوشل میڈیا پر اپلوڈ کی۔

    View this post on Instagram

    Yes… Future is here! #jetman #dubai #mydubai #xdubai #human #flight #skydivedubai 🏃‍♂️: @vincereffet

    A post shared by Jetman Dubai (@jetman) on

  • حویلیاں طیارے حادثے کی وجوہات سامنے آگئیں

    حویلیاں طیارے حادثے کی وجوہات سامنے آگئیں

    اسلام آباد : حویلیاں کے قریب اے ٹی آر طیارے حادثے کی وجوہات سامنے آگئیں، سیفٹی انویسٹی گیشن بورڈ نے طیارے میں اہم تکنیکی خرابیوں کی نشاندہی کی جبکہ تحقیقاتی رپورٹ میں پی آئی اے کی انجینئرنگ کی غفلت ولاپرواہی ظاہرکی گئی ہے۔

    تفصیلات کے مطابق سیفٹی انویسٹی گیشن بورڈ نے حویلیاں طیارے حادثے کے دو سال بعد ابتدائی تحقیقاتی رپورٹ جاری کردی، سیفٹی انویسٹی گیشن بورڈ نے طیارے میں اہم تکنیکی خرابیوں کی نشاندہی کردی۔

    حویلیاں طیارے حادثے کی تحقیقات حتمی نتیجے پر پہنچنے کے قریب ہیں ، ابتدائی تحقیقاتی رپورٹ میں کہا گیا کہ پرواز 7دسمبر 2016 کو چترال سے اسلام آباد کے لئے روانہ ہوئی تھی، پرواز پی کے 661 میں 47 سے زائد مسافر حادثے کا شکار ہوئے تھے۔

    [bs-quote quote=”تحقیقاتی رپورٹ میں پی آئی اے کی انجینئرنگ کی غفلت و لاپرواہی ظاہر کی گئی” style=”style-6″ align=”left”][/bs-quote]

    تحقیقاتی رپورٹ کے مطابق طیارے کے انجن 10 ہزارگھنٹے مکمل ہونے کے باوجود تبدیل نہیں کئے تھے، انجن نمبر 1 اور پاور ٹربائن کی مرمت نہ ہونے سے خرابی پیدا ہوئی تھی، طیارے کی مرمت کا کام 11 نومبر 2016 کو ہونا تھا نہیں کیاگیا۔

    رپورٹ میں پی آئی اے کی انجینئرنگ کی غفلت ولاپرواہی ظاہرکی گئی جبکہ ایس آئی بی نے سول ایوی ایشن اتھارٹی کو ضروری اقدامات کرنے کے بھی ہدایت کی ہے۔

    تحقیقاتی رپورٹ کے مطابق وائس ریکارڈر میں کپتان نے حویلیاں کے قریب کنٹرول ٹاور کو میڈے میڈے کی کال دی تھی، اس کے بعد کپتان کا کنٹرول ٹاور سے رابطہ منقطع ہوگیاتھا جبکہ ایس آئی بی نے بلیک بکس اور وائس ریکارڈر سے ملنے والی تمام ریکارڈنگ طیارہ ساز کمپنی اور انجن ساز کمپنی کو روانہ کی تھی ۔

    ذرائع کا کہنا ہے کہ انجن ساز کمپنی کی جانب سے ایس آئی بی کو حتمی رپورٹ پیش کردی ہے، ایس آئی بی اپنی مکمل رپورٹ تیار کرکے وزیر اعظم کو پیش کرے گا۔

    یاد رہے 7 دسمبر 2016 میں چترال سے اسلام آباد آنے والے طیارے کو حویلیاں کے قریب حادثہ پیش آیا تھا، جس کے نتیجے میں معروف مبلغ جنید جمشید سمیت 47 مسافر شہید ہوگئے تھے۔

    طیارے کے بلیک باکس پر کی جانے والی تحقیقاتی رپورٹ میں انکشاف ہوا تھا کہ دوران پروازاے ٹی آر طیارے کا ایک انجن اچانک بند ہوگیا تھا، انجن بند ہونے کی اطلاع کپتان نے فوری طور پرکنٹرول ٹاور کو دی تھی، کپتان مے ڈے، مے ڈے کی کال کرتا رہا لیکن کچھ ہی دیر بعد طیارہ زمیں بوس ہوگیا۔

  • ووٹ کیسے ڈالا جائے؟ الیکشن کمیشن کی طریقہ کار سے متعلق ویڈیو جاری

    ووٹ کیسے ڈالا جائے؟ الیکشن کمیشن کی طریقہ کار سے متعلق ویڈیو جاری

    اسلام آباد: عام انتخابات کے لیے پولنگ کا وقت قریب آگیا، ووٹ کیسے ڈالا جائے؟ الیکشن کمیشن نے ووٹرز کی رہنمائی کے لئے ووٹ ڈالنے کے طریقہ کار سے متعلق ویڈیو جاری کر دی۔

    تفصیلات کے مطابق الیکشن کمیشن نے ووٹ ڈالنے کے طریقہ کار سے متعلق ویڈیو جاری کردیا، جس کے مطابق پولنگ اسٹیشن میں ووٹر پولنگ افسرکے پاس جائے گا، باری آنے پر پولنگ افسر کو شناختی کارڈد کھائے گا اور سلسلہ نمبر بتائے گا۔

    پولنگ افسر ووٹرکا نام پولنگ ایجنٹس سے تصدیق کے لیے بلند آواز میں پکارے گا، پولنگ افسر ووٹر کا نام انتخابی فہرست سے کاٹ کر انگھوٹھے کا نشان لگوائے گا، جس کے بعد اسسٹنٹ پریزائیڈنگ افسر ووٹر کو بیلٹ پیپر جاری کرے گا۔

    قومی اسمبلی کے لیے سبز، صوبائی اسمبلی کے لیے سفید بیلٹ پیپر جاری ہوگا، ووٹر یقین کرلے بیلٹ پیپر کی پشت پر مجاز افسر کی مہر اور دستخط موجود ہیں، بیلٹ پیپر پر امیدواروں کے نام اور نشان موجود ہوں گے۔

    ووٹر اسسٹنٹ پریزائیڈنگ افسرن سے مہر لیکر پردے کے پیچھے جائے گا اور پسندیدہ امیدوار کے خانے میں مہر لگائے گا، ووٹر قومی اسمبلی کا بیلٹ پیپرسبز اور صوبائی اسمبلی کا بیلٹ پیپر سفید ڈھکن والے باکس میں ڈالے گا۔

    الیکشن کمیشن کے مطابق ووٹ صرف اصل شناختی کارڈ پر ڈالا جا سکے گا جبکہ زائد المعیاد شناختی کارڈ پر بھی ووٹ ڈالنے کی اجازت ہوگی۔

    یاد رہے کہ ملک بھر میں عام انتخابات کی تیاریاں مکمل کرلی گئی ہے، کل دس کروڑ پچپن لاکھ سے زائد ووٹرز حق رائے دہی استعمال کریں گے ۔

    ملک بھر  میں پولنگ صبح 8 سے شام 6 بجے تک بلاتعطل جاری رہے گی جبکہ ووٹر پولنگ کی تفصیلات 8300 پر ایس ایم ایس کرکے لے سکتا ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • دنیا میں سب سے زیادہ معاوضہ کمانے والے 100 افراد کی فہرست جاری

    دنیا میں سب سے زیادہ معاوضہ کمانے والے 100 افراد کی فہرست جاری

    واشنگٹن : امریکا کے مشہور زمانہ جریدے ’فوربز‘ نے دنیا میں سب سے زیادہ معاوضہ کمانے والے افراد کی فہرست جاری کردی، جس میں امریکی باکسر فلائڈمے پہلے جبکہ کم عمر ارب پتی کائلی جینیر تیسرے نمبر پر موجود ہیں۔

    تفصیلات کے مطابق امریکا کے مشہور کاروباری میگزین ’فوربز‘ نے سالانہ بنیادوں پر سب سے زیادہ پیسے کمانے والے 100 افراد کی فہرست جاری کردی، جس میں پہلے دس نمبروں پر آنے والے انٹرٹینرز کا تعلق برطانیہ، امریکا، پرتگال، آئرلینڈ اور ارجنٹائن سے ہے۔

    فوربز میگزین نے دنیا میں سب سے زیادہ معاوضہ کمانے والے افراد میں اداکار، وکلاء، میوزک بینڈز، فٹبالر، جج، مارشل آرٹ، باکسرز، کرکٹر، اور فٹبالر شامل کیا ہے۔

    امریکی جریدے فوربز کے مطابق دنیا کی امیر شخصیات میں پہلے نمبر پر امریکا کے مشہور زمانہ باکسر 41 سالہ فلائڈ مے برجمان ہیں، جن کی سالانہ آمدنی 28 کروڑ 50 لاکھ ڈالر ہے جو پاکستانی روپوں میں 34 ارب سے زائد کی رقم بنتی ہے۔

    امریکی باکسر فلائڈ مے

    فوربز میگزین کی فہرست میں دوسرے نمبر پر امریکا کے 57 سالہ آسکر ایوارڈ یافتہ، ہدایت کار و اداکار جارج کلونی موجود ہیں، جن کی سالانہ آمدنی 23 کروڑ 90 لاکھ ڈالر ’28 ارب 56 کروڑ 42 لاکھ‘ ہے۔

    امریکی ہدایت کار و اداکار جارج کلونی

    معروف کاروباری جریدے فوربز میگزین میں امیر ترین افراد کی ٹاپ ٹین فہرست میں جگہ بنانے والی 20 سالہ امریکی ماڈل و کاروباری شخصیت کائلی جینیر ہیں جو سالانہ 16 کروڑ 60 لاکھ ڈالر ’20 ارب 23 کروڑ ڈالر‘ کمانے والی پہلی کم عمر ترین خاتون ہیں۔

    امریکی ماڈل کائلی جینیر

    دنیا کے امیر ترین افراد کی فہرست میں چھوٹی پوزیشن لینے والی 75 سالہ ’جوڈی شائنڈلن‘ امریکا کی ماہر قانون ہیں، جن کی سالانہ آمدنی 14 کروڑ 70 لاکھ ڈالر ہے جو 14 ارب 70 کروڑ پاکستانی روپے سے زائد ہے۔

    امریکی ماہر قانون جوڈی شائنڈلن

    اسی طرح فوربز کی فہرست میں پانچویں نمبر پر آنے والے ہالی ووڈ کے مشہور زمانہ اداکار ڈوائن جانسن جنہیں دنیا ’دی راک‘ نام جانتی ہے، دی راک نے سالانہ 12 کروڑ 40 لاکھ ڈالر ’15 ارب 7 کروڑ پاکستانی روپے‘ معاوضہ کمایا ہے۔

    ہالی ووڈ اداکار ڈوائن جانسن ’دی راک‘ نام

    امریکا کے معروف سپر اسٹار ڈوائن جانسن مداحوں کو جمانجی اور فاسٹ اینڈ فیوریس جیسی کامیاب فلمیں دے چکے ہیں۔

    امریکی جریدے کی ٹاپ تین لسٹ میں چھٹے اور ساتویں نمبر پر آئرلینڈ کا مشہور بینڈ یوٹو اور برطانیہ کا کولڈ پلے براجمان ہے۔ جن کی سالانہ آمدنی 11 کروڑ 80 لاکھ اور 11 کروڑ 55 لاکھ ڈالر ہے۔

    آئرلینڈ کا راک بینڈ یوٹو
    برطانیہ کا راک بینڈ کولڈ پلے

    آٹھویں پوزیشن ارجنٹینا کے 31 سالہ ممتاز فٹبالر لیونل میسی لی ہے جن کی آمدن 11 کروڑ 10 لاکھ ڈالر ہے جو 11 ارب 10 کروڑ پاکستانی روپے سے زائد ہے۔

    فٹبالر لیونل میسی

    برطانیہ کے گلوکار ایڈ شیران بھی دنیا کے سب سے زیادہ معاوضہ کمانے افراد کی فہرست میں شامل ہیں جن کی سالانہ آمدنی 11 کروڑ ڈالر ہے جس کے باعث انہیں فوربز میگزین کی فہرست میں شامل کیا گیا۔

    گلوکار ایڈ شیران

    فٹبال کی دنیا کا مشہور نام پرتگالی کھلاڑی کریسٹیانو رونالڈو امیر ترین شخصیات کی فہرست میں دسویں نمبر موجود ہیں جنہوں نے سالانہ 10 کروڑ 80 لاکھ ڈالر یعنی 10 ارب 80 کروڑ پاکستانی روپے سے زائد کمائے ہیں۔

    کریسٹیانو رونالڈو

    کاروباری شخصیات کے جریدے ’فوربز‘ کی امیر ترین افراد کی فہرست میں 13 ویں نمبر پر برازیل فٹبالر ٹیم کے مایہ ناز کھلاڑی نیمار ہیں۔

    برازیلین فٹبالر نیمار

    حیران کن طور پر بالی ووڈ کے سپر اسٹار اکشے کمار 76 ویں اور ڈبنگ خان سلمان 82 ویں پوزیشن لینے میں کامیاب رہے، جبکہ ہر برس فوربز میگزین کی امیر ترین افراد کی فہرست میں جگہ بنانے والے شارخ خان رواں برس کوئی پوزیشن نہیں کے پائے۔

    بالی ووڈ کے سپر اسٹار سلمان خان اور اکشے کمار

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • حج 2018، پی آئی اے نے پروازوں کا شیڈول جاری کردیا

    حج 2018، پی آئی اے نے پروازوں کا شیڈول جاری کردیا

    کراچی: قومی ائیر لائن پی آئی اے نے حج آپریشن 2018 کا فلائٹ شیڈول جاری کردیا جس کے مطابق دوسو پروازوں کے ذریعے ساٹھ ہزار سے زائد عازمین کو حجاز مقدس پہنچایا جاۓ گا۔

    پی آئی اے کی جانب سے جاری حج شیڈول کے مطابق کراچی سے پہلی حج پرواز پی کے 7001 14جولائی کو علی الصبح 300 سے زائد عازمین کو لے کر مدینہ روانہ ہوگی اس موقع پر قومی ائیرلائن کے سی ای او مشرف رسول و دیگر افسران زائرین کو الوداع کہیں گے۔

    دوسری حج پرواز 14جولائی کو صبح 6 بج کر55منٹ پر  پی کے 7003 اسلام آباد سے 300سے زائد عازمین کو لیکر مدینہ کے لیے روانہ ہوگی اسی طرح تیسری حج پرواز 07 جولائی کو لاہور سے مدینہ کے لیے دوپہر ڈھائی بجے روانہ ہوگی۔ چوتھی حج پرواز پی کے0763 سترہ جولائی کو فیصل آباد سے دوپہر 2بجکر50منٹ پر 300سے زائد عازمین کو لیکر جدہ روانہ ہوگی۔

    مزید پڑھیں: قومی ایئر لائن کے حج آپریشن کی تیاریاں مکمل

    پی آئی اے اس سال بھی اپنے ہی طیاروں سے حج آپریشن مکمل کرے گی، شیڈول کے مطابق ساٹھ ہزار سے زائد عازمین کو 150 پروازوں کے ذریعے حجاز مقدس پہنچایا جائے گا۔

    حج آپریشن کے دوران بوئنگ 777 اور ایئربس 320 طیارے عازمین حج کو سفری سہولیات فراہم کریں گے  جبکہ عازمین کی سعودی عرب روانگی 14 جولائی سے 15 اگست تک جاری رہے گی۔ حج کی ادائیگی کے بعد حاجیوں کی پاکستان واپسی کا آغاز 27 اگست سے شروع ہوگا۔

     

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • سپریم کورٹ نے 11سال کی بچی سے زیادتی کے بعد قتل کرنے والے ملزم کو بری کردیا

    سپریم کورٹ نے 11سال کی بچی سے زیادتی کے بعد قتل کرنے والے ملزم کو بری کردیا

    اسلام آباد : سپریم کورٹ نے عدم ثبوت کی بنا پر گیارہ سال کی بچی سے زیادتی کا ملزم کو بری کردیا۔

    تفصیلات کے مطابق سپریم کورٹ نے 11سال کی بچی کو زیادتی کے بعد قتل کرنیوالے ملزم کو بری کردیا ، ملزم عدم شواہد کی بنا پر بری کیا گیا، عدالت نے ریمارکس میں کہا کہ متاثرہ بچی کا طبی معائنہ ہی نہیں کرایا گیا، طبی معائنے کے بغیر زیادتی ہونا ثابت نہیں ہوسکتا۔

    سپریم کورٹ کا مزید کہنا تھا کہ چشم دید گواہ ہے نہ بچی کوملزم کےساتھ جاتےدیکھا گیا،ٹھوس شواہد کے بغیر کسی کو سزا نہیں دی جاسکتی۔

    بچی کا پوسٹمارٹم قبر کشائی کے بعد کیا گیا، قتل کیسے ہوا ٹرائل کورٹ میں کوئی چیز ثابت نہیں ہوئی۔

    یاد رہے کہ گیارہ سال کی نعلین کو سولہ جون 2012 کوتربت میں قتل کیا گیا تھا، ٹرائل کورٹ نے ملزم کو موت کی سزا سنائی تھی تاہم اسلام آبادہائی کورٹ نے ملزم کی سزا عمر قید میں تبدیل کردی تھی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

     

  • بھارتی جیلوں میں قید13پاکستانی آج حکام کے حوالے کیے جائیں گے

    بھارتی جیلوں میں قید13پاکستانی آج حکام کے حوالے کیے جائیں گے

    اسلام آباد : پاکستان کاجذبہ خیرسگالی رنگ لےآیا، بھارت نے بھی تیرہ پاکستانی قیدیوں کو وطن واپس بھجوانے کا فیصلہ کرلیا ، نو ماہی گیروں سمیت تیرہ پاکستانی آج حکام کے حوالےکیے جائیں گے۔

    تفصیلات کے مطابق پاکستان کی جذبہ خیر سگالی کی کوششیں رنگ لے آئیں، بھارت آج جیلوں میں قید 13پاکستانیوں کو حکام کے حوالے کرے گا، 9 ماہی گیراور4عام شہریوں کو
    واہگہ بارڈر پر حوالے کیا جائیگا۔

    دفترخارجہ کا کہنا ہے کہ تمام پاکستانی قیدی بھارت کی مختلف جیلوں میں قید تھے، رہا ہونیوالوں میں بھارتی جیل میں مبینہ طور پر منشیات کے مقدمہ میں سزا کاٹنے والی فاطمہ بی بی ، اسکی جیل میں پیدا ہونے والی بیٹی حنا اور بہن ممتاز بی بی بھی شامل ہیں۔

    ترجمان کے مطابق پاکستانی ہائی کمیشن حکام کی موجودگی میں قیدیوں کو حوالے کیا جائیگا، پاکستانی ہائی کمیشن قیدیوں کی رہائی کیلئے بھارتی حکام سے رابطےمیں رہا۔

    خیال رہے کہ آٹھ مئی دوہزار چھ کو فاطمہ اسکی بہن ممتاز اور ان کی والدہ بھارت اپنے رشتہ داروں سے ملنے گئیں، اٹاری ریلوے اسٹیشن پر انہیں مبینہ طور پر منشیات رکھنے کے الزام میں گرفتار کرلیا گیا اور امرتسر کی عدالت نے ساڑھے دس سال قید اور دو دو لاکھ روپے جرمانہ کا حکم سنایا تھا۔

    مزید پڑھیں : کراچی:لانڈھی جیل سے68بھارتی ماہی گیررہا

    یاد رہے 2 روز قبل پاکستان نے جذبہ خیرسگالی کے تحت بھارت کے اڑسٹھ ماہی گیر رہا کیا تھا،  ان ماہی گیروں کو مختلف اوقات میں سمندری حدود کی خلاف ورزی کرنے پر پاکستانی سیکیورٹی اداروں نے گرفتار کیا تھا۔

    خیال رہے ماضی میں‌ بھارت ماہی گیروں کے زریعے اپنے منظم مقاصد کے حصول کی کوشش کرتا رہا ہے تاہم اس کی یہ کوشش پاکستان نے ناکام بنائی ہے۔

    واضح رہے کہ بحیرہ عرب میں سمندری حدود کی خلاف ورزی اور اسکے نتیجے میں گرفتاریاں دونوں ممالک کی جانب سے معمول کی بات ہیں۔

    سمندری حدود کی واضح تقسیم نہ ہونے اورماہی گیروں کی کشتیوں میں سمندری حدود کا تعین کرنے والے جدید آلات نہ ہونے کے باعث اکثر دونوں ممالک کے ماہی گیرغلطی سے سرحد پار کرجاتے ہیں اور اکثر ماہی گیر اپنی سزا کی مدت ختم کرنے کے باوجود کمزور سفارتی تعلقات کے باعث جیل میں رہ جاتے ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • اےآروائی فلمز کی پیش کش’’دوبارہ پھر سے‘‘ کافرسٹ لک ریلیز

    اےآروائی فلمز کی پیش کش’’دوبارہ پھر سے‘‘ کافرسٹ لک ریلیز

    کراچی: اے آروائی فلمز کی پیشکش فلم دوبارہ پھر سے کا فرسٹ لک اے آروائی فلمز نے آج ریلیز کردیا ۔

    اے آروائی فلم دوبارہ پھر سے کی ڈائریکٹر مہرین جبار اور فلم کے پروڈیوسر اے آروائی کے سی ای او سلمان اقبال ہیں، فلم اے آروائی فلم کے بینرز تلے ریلیز کی جائے گی۔

    فلم دوبارہ پھر سے کی کاسٹ میں عدیل حسین، علی کاظمی، حریم فاروق، صنعم سعید، طوبہ صدیقی ، شاذ خان اور عتیقہ اوڈھو شامل ہیں۔

    Here is the First Look of Dobara Phir SeCast: Adeel Husain Hareem Farooq Tooba Siddiqui Atiqa OdhoSanam Saeed, Shaz... Posted by Dobara Phir Se on Saturday, April 2, 2016