Tag: remittances

کویت سے رقم بھیجنے والوں کے حوالے سے اہم فیصلہ

کویت سٹی: کویتی حکام ملک سے باہر رقم بھیجنے و ترسیلات زر پر 1 فیصد ٹیکس عائد کرنے کے فیصلے پر غور کر رہے ہیں۔

کویتی میڈیا کے مطابق کویت کی قانون ساز کمیٹی کا اگلے ہفتے پیر کے روز اجلاس منعقد ہوگا جس میں متعدد امور پر تبادلہ خیال کیا جائے گا۔ ان میں سب سے نمایاں ملک سے باہر ترسیلات زر پر ٹیکس عائد کرنا ہے۔

کمیٹی آئندہ نسلوں کے لیے مہذب زندگی کے تحفظ، وزارت داخلہ کے ملازمین کے لیے نجی اسپتال کے قیام، اور عراقی جارحیت کے خاتمے اور کویت کو آزاد کروانے میں اپنا کردار ادا کرنے میں غیر کویتی فوجی اہلکاروں کے بارے میں ایک تجویز پر بھی غور کر رہی ہے۔

اجلاس میں ملک کے معاشی منصوبوں کے لیے مالیاتی اداروں کے لیے قرضوں سے متعلق ایک قانون پر گفت و شنید بھی کی جائے گی۔

علاوہ ازیں صحت انشورنس کے ریٹائرڈ مستفید افراد کا دائرہ بڑھانے اور اس میں گھریلو خواتین اور معذور افراد کو شامل کرنے کی تجویز بھی پیش کرے گی۔

جنوری 23, 2021
ترسیلات زرمیں ریکارڈ اضافہ: وزیر اعظم اوورسیز پاکستانیوں کے شکر گزار

اسلام آباد : وزیر اعظم عمران خان نے دسمبر میں ریکارڈ ترسیلات زر بھیجنے پر اوورسیز پاکستانیوں کا شکریہ ادا کرتے ہوئے کہا ماشاء اللہ پہلی مرتبہ پاکستان کی ترسیلات مسلسل 6 ماہ تک 2 ارب ڈالر سے زیادہ رہیں۔

تفصیلات کے مطابق وزیراعظم عمران خان نے سماجی رابطے کی ویب سائٹ ٹوئٹر اپنے پیغام میں کہا کہ دسمبر میں ریکارڈ ترسیلات زر پر اوورسیز پاکستانیوں کا شکر گزار ہوں، دسمبرمیں ریکارڈ2.4بلین ڈالرزکی ترسیلات ہوئیں، یہ پہلی بار ہےکہ 6ماہ میں مسلسل ترسیلات 2بلین ڈالر سے اوپر ہیں۔

عمران خان کا کہنا تھا کہ مجموعی طورپر6ماہ میں 14.2بلین ڈالرز کی ترسیلات ہوئیں، یہ پچھلے سال کے مقابلے24.9فیصد زیادہ ہیں، ماشاء اللہ پہلی مرتبہ پاکستان کی ترسیلات مسلسل 6 ماہ تک 2 ارب ڈالر سے زیادہ رہیں۔

I want to thank our overseas Pakistanis for yet another record-breaking month of remittances in Dec: $2.4 bn. MashaAllah, 1st time in Pakistan remittances have been above $2 bn for 6 consecutive months. Total for 6 months of this fiscal year $14.2 bn – a 24.9% growth over last yr

— Imran Khan (@ImranKhanPTI) January 8, 2021

یاد رہے دسمبر میں وزیر اعظم عمران خان نے مسلسل چھ ماہ تک ترسیلات زر 2 ارب ڈالر سے زائد رہنے کی نوید سناتے ہوئے کہا تھا کہ نومبر میں ترسیلات زر دو ارب 34 کروڑ ڈالر تک پہنچ گئیں جو مسلسل 6 ماہ تک دو ارب ڈالر سے زائد رہیں گیں۔

ان کا کہنا تھا کہ اکتوبر کے مقابلے میں نومبر میں ترسیلات زر میں 2اعشاریہ چار فیصد اضافہ ہوا جبکہ گزشتہ سال نومبر کے مقابلے میں اس سال ترسیلات زر 28.4 فیصد بڑھیں۔

جنوری 9, 2021
سعودی عرب : بینک اکاؤنٹ ہولڈرز کو بڑی سہولت کی فراہمی

ریاض : سعودی حکومت نے بینک اکاؤنٹ ہولڈرز کی آسانی کیلئے اقدامات کا آغاز کردیا ہے، اب رقوم کی ترسیل کا عمل 24 گھنٹے بھی کیا جاسکے گا۔

سعودی پے منٹس ایگزیکٹیو ڈائریکٹر فہد العقیل نے کہا ہے کہ سعودی بینکوں کے درمیان فوری ترسیل زر کی سہولت چوبیس گھنٹے جلد مہیا ہوگی، سال رواں کے اختتام سے قبل یہ سہولت فراہم کردی جائے گی۔

سعودی میڈیا سے گفتگو کرتے ہوئے فہد العقیل نے کہا کہ سعودی بینک فوری ترسیل زر کا نظام تیار کررہے ہیں، سال رواں کے اختتام سے قبل مؤثر ہوگا۔

سعودی پے منٹس ایگزیکٹیو ڈائریکٹر نے مزید کہا کہ اس کی بدولت ایک سعودی بینک سے دوسرے سعودی بینک میں ترسیل زر کی سہولت چوبیس گھنٹے مہیا ہوگی۔

انہو نے کہا کہ اب تک یہ سہولت دن میں سہ پہر تک مہیا ہے یا اگلے روز ٹرانسفر ہو سکتا ہے مگر سال رواں کے اختتام سے قبل تمام بینکوں کے درمیان فوری ترسیل زر کی سروس مہیا ہوجائے گی اور یہ سروس چوبیس گھنٹے حاصل ہوگی۔

اکتوبر 29, 2020
وزیراعظم عمران خان نے معیشت کے حوالے سے قوم کو بڑی خوشخبری سنادی

اسلام آباد : وزیراعظم عمران خان کا کہنا ہے کہ ستمبر2020 میں ترسیلات زر 2.3 ارب ڈالر تک پہنچ گئی ہیں،الحمدللہ، لگاتار چوتھا مہینہ ہے کہ ترسیلات زر 2 ارب ڈالر سے زائد رہیں۔

تفصیلات کے مطابق وزیراعظم عمران خان نے سماجی رابطے کی ویب سائٹ ٹوئٹر پر معیشت کے حوالے سے پیغام میں کہا کہ کورونا وبا کے باوجود ہماری معیشت کیلئےمزید خوشخبری، ستمبر2020 میں ترسیلات زر2.3ارب ڈالرتک پہنچ گئی ہیں، ترسیلات زرگزشتہ ستمبرسے 31 فیصد، اگست2020 سے 9 فیصد زائد ہیں، الحمد للہ، لگاتار چوتھا مہینہ ہے کہ ترسیلات زر 2 ارب ڈالر سے زائد رہیں۔

Despite Covid more good news for our economy. Alhamdulillah, remittances from our hardworking overseas Pakistanis rose to $2.3 bn in Sept 2020, 31% higher than last Sept & 9% higher than August 2020. This marks the 4th consecutive month that remittances have remained above $2 bn

— Imran Khan (@ImranKhanPTI) October 12, 2020

خیال رہے اسٹیٹ بینک آف پاکستان کا کہنا ہے کہ ستمبر 2020 میں ترسیلات زر کا حجم گزشتہ سال کے مقابلے اکتیس فیصد سے زائد اضافے سے دو ارب اٹھائیس کروڑ سینتیس لاکھ ڈالرز رہا ، جو اگست دو ہزار بیس کے مقابلے نو فیصد زائد ہیں ۔

مرکزی بینک نے کہا کہ رواں مالی سال کی پہلی سہہ ماہی میں مجموعی ترسیلات زرکا حجم سات ارب چودہ کروڑ ڈالرز سے تجاوز کر گیا، سب سے زیادہ ساڑھے چھیاسٹھ کروڑڈالرز ترسیلات زر سعودی عرب میں مقیم پاکستانیوں نے بھجوائیں جبکہ یو اے ای سے سینتالیس کروڑ تیس لاکھ ڈالرز ترسیلات زر موصول ہوئیں۔

یاد رہے اگست 2020 میں سمندر پار پاکستانیوں نے ترسیلات زر کی مد میں 2 ہزار 95 ملین ڈالر بھجوائے جو گزشتہ سال اگست کے مقابلے میں 24.4 زیادہ تھیں جبکہ جولائی 2020 میں یہ ترسیلات 2 ہزار 768 ملین کی ریکارڈ سطح تک پہنچ گئیں تھیں۔

اکتوبر 12, 2020
مسلسل تیسرے ماہ بھی اضافہ، ترسیلاتِ زر 7.3 بلین ڈالر کی سطح پر جا پہنچی

کراچی : اسٹیٹ بینک آف پاکستان کا کہنا ہے کہ مسلسل تیسرے ماہ ترسیلاتِ زر میں اضافہ ریکارڈ کیا گیا ، جس کے بعد ترسیلات زر 7.3 بلین ڈالر کی غیرمعمولی سطح پر پہنچ گئیں۔

تفصیلات کے مطابق اسٹیٹ بینک آف پاکستان نے اپنے جاری بیان میں کہا ہے کہ اگست میں کارکنوں کی ترسیلاتِ زر مستحکم اور 2 ارب ڈالر سے زائد رہیں، یہ مسلسل تیسرا مہینہ ہے جب ترسیلاتِ زر 24.4 فیصد (سال بسال) اضافے کے ساتھ 2.095 بلین ڈالر رہیں، جو کافی حد تک اسٹیٹ بینک کے تخمینوں سے ہم آہنگ ہے۔

مرکزی بینک کا کہنا ہے کہ گذشتہ تین ماہ میں ترسیلات زر 7.3 بلین ڈالر کی غیرمعمولی سطح پر پہنچ گئیں، جو گذشتہ سال کے اسی عرصے کے دوران 37.2 فیصد زائد رہیں ۔

بیان میں کہا گیا ہے کہ ترسیلات زر میں یہ مستقل استحکام پاکستان ریمی ٹنس انی شیے ٹو کے تحت باضابطہ چینلز کے ذریعےرقوم کی آمد کی ترغیب دینے کی اسٹیٹ بینک اور حکومتِ پاکستان کی کوششوں اور مشرق وسطیٰ ، یورپ اور امریکہ جیسی بڑی راہداریوں میں کاروباری اداروں کے بتدریج دوبارہ کھلنے کے اثرات کی عکاسی کرتا ہے۔

اسٹیٹ بینک کا کہناہے کہ اگست میں سعودی عرب (0.593 بلین ڈالر)، متحدہ عرب امارات (0.410 بلین ڈالر)، اور برطانیہ (0.302بلین ڈالر) سے موصول ہونے والی کارکنوں کی ترسیلات ِزر کا حجم نمایاں تھا۔

یہ ترسیلاتِ زر جولائی میں درج کی گئی 2.768 بلین ڈالر کی ریکارڈ سطح کے مقابلے میں 24.3 فیصد کم تھیں، جو بنیادی طور پر عید الاضحیٰ کے بعد معمول کی کمی کی عکاسی کرتی ہیں۔

ستمبر 14, 2020
اگست 2020 میں ترسیلات زر میں اضافہ، وزیر اعظم کا اظہار تشکر

اسلام آباد: وزیر اعظم عمران خان کا کہنا ہے کہ اگست 2020 میں سمندر پار پاکستانیوں نے ترسیلات زر کی مد میں 2 ہزار 95 ملین ڈالر بھجوائے جو گزشتہ مالی سال کی نسبت کہیں زیادہ ہیں۔

تفصیلات کے مطابق وزیر اعظم عمران خان نے سماجی رابطے کی ویب سائٹ ٹویٹر پر اپنے ٹویٹ میں کہا کہ اگست 2020 میں سمندر پار پاکستانیوں نے ترسیلات زر کی مد میں 2 ہزار 95 ملین ڈالر بھجوائے جو گزشتہ سال اگست کے مقابلے میں 24.4 زیادہ ہیں۔

وزیر اعظم عمران خان کا کہنا تھا کہ جولائی 2020 میں یہ ترسیلات 2 ہزار 768 ملین کی ریکارڈ سطح تک پہنچیں۔

انہوں نے کہا کہ رواں مالی سال کے پہلے 2 ماہ کے دوران یہ ترسیلات گزشتہ برس کے اسی دورانیے کی نسبت 31 فیصد زیادہ رہیں۔

اگست 2020 میں سمندرپارپاکستانیوں نے ترسیلاتِ زر کی مدمیں 2,095$ ملین بھجوائےجوگزشتہ سال اگست کےمقابلےمیں 24.4%زیادہ ہیں۔جولائی2020 میں یہ ترسیلات 2,768$ ملین کی ریکارڈ سطح تک پہنچیں۔رواں مالی سال کےپہلے 2ماہ کےدوران یہ ترسیلات گزشتہ برس کےاسی دورانیےکی نسبت31%زیادہ رہیں۔الحمدللہ

— Imran Khan (@ImranKhanPTI) September 14, 2020

یاد رہے کہ اسٹیٹ بینک آف پاکستان کی رپورٹ کے مطابق جولائی میں ملکی تاریخ کی بلند ترین ترسیلات زر 2 ارب 76 کروڑ ڈالر موصول ہوئیں، یہ جون 2020 کی نسبت 12.2 فیصد جبکہ جولائی 2019 کی نسبت 36.5 فیصد زیادہ ہیں۔

اسٹیٹ بینک کا کہنا تھا کہ جولائی 2020 میں گزشتہ سال کے مقابلے میں ترسیلات زر میں ساڑھے 36 فیصد اضافہ ہوا۔ یہ کسی ایک مہینے میں پاکستان میں آنے والی ترسیلات زر کی بلند ترین سطح ہے۔

اسٹیٹ بینک کے مطابق جولائی 2020 میں سعودی عرب سے 82 کروڑ ڈالر، عرب امارات سے 53.82 کروڑ ڈالر، برطانیہ سے 39 کروڑ ڈالر اور امریکا سے 25 کروڑ ڈالر بھیجے گئے۔

ستمبر 14, 2020
ترسیلات زر میں بلند ترین اضافہ، پاکستان بدل رہا ہے: شہباز گل

اسلام آباد: وزیر اعظم کے معاون خصوصی ڈاکٹر شہباز گل نے گزشتہ ایک برس کے دوران انجام دیے جانے والے وفاقی حکومت کے متعدد کارنامے بیان کرتے ہوئے کہا ہے کہ پاکستان بدل رہا ہے۔

تفصیلات کے مطابق وزیر اعظم عمران خان کے معاون خصوصی ڈاکٹر شہباز گل نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ جون 2020 میں 2.46 بلین ڈالرز کی ترسیلات زر ہوئیں، یہ ترسیلات زر میں ایک ماہ میں اب تک کا بلند ترین اضافہ ہے۔

ڈاکٹر شہباز گل کا کہنا تھا کہ سرکاری درسگاہوں میں قرآن پاک ترجمہ کے ساتھ پڑھانے کی تعلیم لازمی قرار دی گئی۔

بدل رہا ہے پاکستان..
جون 2020 میں 2.46 بلین ڈالرز کی ترسیلات زر ہوئی.(1ماہ میں اب تک کا بلند ترین اضافہ)

تمام سرکاری درسگاہوں میں قرآن پاک ترجمے کے ساتھ پڑھانے کی تعلیم لازمی قرار

احساس ایمرجنسی کیش کے ذریعے1کروڑ 26 لاکھ 40 ہزار افراد میں 153 ارب روپے سے زائد رقم تقسیم

— Dr. Shahbaz GiLL (@SHABAZGIL) July 14, 2020

انہوں نے مزید کہا کہ احساس پروگرام سے 1 کروڑ 26 لاکھ 40 ہزار افراد میں 153 ارب سے زائد تقسیم کیے گئے۔ پاکستان بدل رہا ہے۔

خیال رہے کہ جون 2020 میں ترسیلات زر میں 50.7 فیصد کا ریکارڈ اضافہ ہوا ہے، 2019 سے 2020 ترسیلات زر 23 ارب کی تاریخ کی بلند سطح پر پہنچ گئی، گزشتہ سال ترسیلات زر 21 ارب 70 کروڑ تھی جس میں 6.4 فیصد اضافہ ہوا۔

جولائی 14, 2020
وزارت خزانہ نے پاکستانی معیشت کے حوالے سے بڑی خوشخبری سنادی

اسلام آباد : وزارت خزانہ کا کہنا ہے کہ رواں مالی سال کے اختتام تک بیرون ملک مقیم پاکستانیوں کی جانب سے بھیجی گئی ترسیلات زر کا حجم 21 ارب ڈالر تک پہنچ جائے گا۔

تفصیلات کے مطابق پاکستان کی ترسیلات زر میں رواں مالی سال میں نمایاں اضافہ متوقع ہے، وزارت خزانہ کا کہنا ہے کہ رواں مالی سال کےاختتام تک بیرون ملک مقیم پاکستانیوں کی جانب سے بھیجی جانے والی ترسیلات کا حجم21 ارب ڈالرتک ہوجائےگا، گزشتہ مالی سال کےاس ہی عرصے یہ حجم 16 ارب ڈالرتھا۔

اعداد وشمار کےمطابق رواں مالی سال کے پہلے نوماہ میں ترسیلات 6.2 فیصداضافے سے 17 ارب ڈالرہوگئیں، وزارت خزانہ ترجمان کاکہناہےکہ حکومتی اقدامات کےترسیلات زرپرمثبت اثرات مرتب ہوئےہیں جبکہ بینکنگ چینلزسےترسیلات بھیجنےکےاقدامات بارآورثابت ہورہےہیں۔

ترجمان نے مزید کہا کہ حکومتی اقدامات میں ستمبرمیں قومی ترسیلات زرپروگرام بھی شامل ہے۔یکم جولائی سےترسیلات زرپرود ہولڈنگ ٹیکس کا خاتمہ بھی شامل ہے۔

یاد رہے گزشتہ ماہ اسٹیٹ بینک کے جاری اعدادوشمار میں بتایا گیا تھا ترسیلات زرمیں 4.5 فیصد کا نمایاں اضافہ ریکارڈ کیاگیا ہے، رواں مالی سال جولائی تافروری بیرون ملک مقیم پاکستانیوں نے پندرہ ارب بارہ کروڑسترہ لاکھ ڈالرپاکستان بھیجے۔

اسٹیٹ بینک کا کہنا ہے کہ گذشتہ سال اسی عرصے میں یہ حجم چودہ ارب پینتیس کروڑساٹھ لاکھ ڈالرتھا، فروری میں ترسیلات کاحجم ایک ارب اسی کروڑ ڈالر رہا، جوگذشتہ سال اسی عرصے کے مقابلے پندرہ فیصد زائدہے۔

اعدادوشمار کے مطابق سب سے زیادہ ترسیلات سعودی عرب سے آئیں، دوسرے نمبر پر یواے ای ، امریکہ تیسرے اور برطانیہ چوتھےنمبرپر تھا۔

اپریل 29, 2020
جنوری کے دوران ترسیلات زر میں ریکارڈ اضافہ

اسلام آباد : مشیر خزانہ حفیظ شیخ کا کہنا ہے کہ جنوری2020میں ترسیلات زرمیں9.36فیصداضافہ ریکارڈکیاگیا جبکہ 7 ماہ میں ترسیلات زر 13.30 ارب ڈالر ہوگئیں۔

تفصیلات کے مطابق مشیر خزانہ حفیظ شیخ نے سماجی رابطے کی ویب سائٹ ٹوئٹر پر اپنے بیان میں بتایا جنوری2020میں ترسیلات زرمیں9.36فیصداضافہ ریکارڈکیاگیااور مالی سال2020جولائی تاجنوری ترسیلات زر13.30ارب ڈالرہوگئیں۔

Remittances on the rise. Increase by 9.36 percent in January 20 compared to January 19. Rise to
$13.30 billion in Jul-Jan 2020, a growth of 4.1% compared to $12.74 billion during same period last year.

— Dr. Abdul Hafeez Shaikh (@a_hafeezshaikh) February 13, 2020

مشیر خزانہ کا کہنا تھا کہ گزشتہ مالی سال کےاسی عرصےمیں ترسیلات زر12.74ارب ڈالر رہیں جبکہ رواں مالی سال کے پہلے 7ماہ ترسیلات زر میں4.1فیصد اضافہ ریکارڈ کیاگیا۔

یاد رہے رواں مالی سال کے پہلے سات ماہ میں ترسیلات زرمیں 4 فیصد کا اضافہ ہوا جبکہ جنوری میں ترسیلات زر میں 9 فیصدکا اضافہ ریکارڈ کیاگیا۔

اسٹیٹ بینک کی جانب سےجاری اعدادوشمارکےمطابق جولائی تا جنوری ترسیلات زرکاحجم 13 ارب 30 کروڑڈالررہا، گزشتہ مالی سال کےاسی عرصےکے دوران یہ حجم بارہ ارب ستر کروڑ ڈالر تھا، سب سےزیادہ ترسیلات سعودی عرب سےبھیجی گئیں، دوسرے نمبر پر یو اے ای، تیسرے نمبر پر امریکہ اور چوتھے نمبر پر برطانیہ ہے۔

اسٹیٹ بینک کا کہنا ہے کہ جنوری میں ترسیلات زر کا حجم ایک ارب نوے کروڑ ڈالر رہا۔

فروری 14, 2020
گیارہ ماہ میں بیرون ملک مقیم پاکستانیوں نے 20.19 ارب ڈالر کی ترسیلات بھیجیں

اسلام آباد : رواں مالی سال 2019ءکے پہلے گیارہ ماہ کے دوران بیرون ملک مقیم پاکستانیوں نے20.19 ارب ڈالر کی ترسیلات بھیجیں۔

تفصیلات کے مطابق بیرون ملک مقیم پاکستانی کارکنوں نے مالی سال 2019ءکے پہلے گیارہ ماہ (جولائی تا مئی) میں 20190.98ملین امریکی ڈالر وطن بھجوائے جوگزشتہ برس کی اسی مدت میں موصول ہونےوالے 18285.90ملین ڈالر کے مقابلے میں 10.42 فیصد نمو کو ظاہر کرتا ہے۔

مئی 2019ءمیں کارکنوں کی ترسیلات زر کی مالیت 2315.74 ملین ڈالر رہی جو اپریل 2019ءکے مقابلے میں 30.17 فیصد زائد جبکہ مئی 2018ءکے مقابلے میں 28.36 فیصد زائد ہے۔

بلحاظ ملک مئی 2019ءکی تفصیلات سے پتہ چلتا ہے کہ سعودی عرب، متحدہ عرب امارات، امریکہ، برطانیہ، خلیج تعاون کونسل کے ملکوں(بشمول بحرین، کویت، قطر اور عمان) اور یورپی یونین کے ملکوں سے بالترتیب 493.73 ملین ڈالر،476.57 ملین ڈالر،346.81 ملین ڈالر،387.09ملین ڈالر، 237.76 ملین ڈالر، اور70.61 ملین ڈالر پاکستان بھجوائےگئے۔

جبکہ مئی 2018ئمیں ان ممالک سے آنیوالی رقوم بالترتیب 432.05ملین ڈالر،373.85 ملین ڈالر، 290.26 ملین ڈالر،269.11ملین ڈالر، 178.96ملین ڈالر اور 60.34 ملین ڈالر تھیں۔

مئی 2019ءمیں ملائشیا، ناروے، سوئٹزر لینڈ، آسٹریلیا، کینیڈا، جاپان اور دیگر ممالک سے آنیوالی ترسیلات زر مجموعی طور پر 303.17 ملینڈالر رہیں جبکہ مئی 2018ءمیں ان ممالک سے199.51 ملین ڈالر موصول ہوئے تھے۔

جون 15, 2019