ARYNews.tv | Urdu – Har Lamha Bakhabar

Tag: Replaced

  • غلاف کعبہ یکم محرم 1446 ہجری کو تبدیل ہوگا

    غلاف کعبہ یکم محرم 1446 ہجری کو تبدیل ہوگا

    غلاف کعبہ کی تبدیلی کی تمام تیاریاں مکمل کرلی گئیں، غلاف کعبہ یکم محرم 1446 ہجری کو تبدیل ہوگا۔

    رپورٹ کے مطابق غلاف کعبہ کی تبدیلی کی تمام تیاریاں مکمل کر لی گئی ہیں، کسوا کو تبدیل کرنے کیلئے 159 ہنر مند تکنیکی ماہرین اور کاریگر کو شامل کیا گیا ہے جبکہ خانہ کعبہ کے غلاف کی تیاری میں 200 سے زیادہ افراد کام کرتے ہیں۔

    اس میں دنیا کی سب سے بڑی 16 میٹر طویل سلائی مشین استعمال کی جاتی ہے، غلاف کعبہ کی تیاری میں  ایک ہزار کلو گرام خام ریشم استعمال ہوتاہے، غلاف کی تیاری کیلئے کنگ عبدالعزیز کسوہ کمپلیکس میں جدید مشینیں ہیں۔

    مشینیں قرآنی آیات کی کڑھائی، آیات، دعاؤں کیلئے کالا ریشم تیار کرتی ہیں، مشینیں سادہ ریشم بھی تیار کرتی ہیں جن پر آیات پرنٹ کی جاتی ہیں، سونے اورچاندی کے دھاگوں سے کشیدہ کاری بھی کی جاتی ہے، غلاف کی تیاری میں 120 کلو گرام سونا اور 100  کلو گرام چاندی کا دھاگہ استعمال کیا جاتا ہے۔

  • کیلبری فونٹ کی جگہ کوئی اور لینے کو تیار

    کیلبری فونٹ کی جگہ کوئی اور لینے کو تیار

    پاکستان میں پاناما کیس میں مشہور ہونے والا کیلبری فونٹ جلد ہی قصہ پارینہ بن جائے گا، مائیکرو سافٹ نے اس کی جگہ دوسرے فونٹ کو دینے کا اعلان کردیا۔

    امریکی ٹیکنالوجی کمپنی مائیکرو سافٹ نے کیلبری کے متبادل فونٹ کی تلاش شروع کردی ہے، کیلبری سنہ 2007 سے مائیکرو سافٹ آفس کا ڈیفالٹ فونٹ ہے جس کی جگہ کمپنی نے 5 ممکنہ متبادل تجویز کیے ہیں۔

    تاہم کیلبری فونٹ فونٹس میں موجود رہے گا۔

    مائیکرو سافٹ نے 28 اپریل کو ایک ٹویٹ میں کہا کہ، ڈیئر کیلبری ہمیں اپنے اکٹھے گزارے جانے والے وقت سے محبت ہے، مگر اب اس تعلق کا وقت ختم ہورہا ہے۔

    کمپنی نے صارفین سے پوچھا کہ وہ 5 متبادل فونٹس میں سے اپنے پسند کے فونٹ کے بارے میں بتائیں، ان 5 فونٹس میں ٹینورائٹ، بائرسٹاڈٹ، سکینا، سی فورڈ اور گرانڈ ویو شامل ہیں۔

    ٹینورائٹ کو ایرن میکلوفین اور وای ہیوانگ نے ڈیزائن کیا اور کمپنی کے مطابق اس فونٹ کا انداز دوستانہ انداز کا حامل ہے، بائرسٹاڈٹ کو اسٹیو میٹیسن نے ڈیزائن کیا ہے، مائیکرو سافٹ کے مطابق بائرسٹاڈٹ کلیئر کٹ اسٹروک اینڈنگ والا فونٹ ہے۔

    سکینا کو جان ہڈسن اور پال ہان سلو نے ڈیزائن کیا اور کمپنی کے مطابق یہ فونٹ طویل دستاویزات اور مختصر جملوں کے لیے مثالی ہے، سی فورڈ کو ٹوبیس فریر جونز، نینا اسٹوسینگر اور فریڈ شکلیرس نے ڈیزائن کیا ہے مگر اس کا اسٹائل حروف کے درمیان فرق کو واضح کرتا ہے جس سے الفاظ کی ساخت کو شناخت کرنا آسان ہوتا ہے۔

    گرانڈ ویو کو آرون بیل نے ڈیزائن کیا گیا ہے جس کا خیال جرمن شاہراؤں اور ریلوے سائنز سے لیا گیا، یہ دور اور کم روشنی میں حروف کو پڑھنے کے لیے ڈیزائن کیا گیا ہے اور طویل تحریر کے لیے مطابقت پیدا کی گئی ہے۔

  • چیف جسٹس لاہورہائی کورٹ نے پنجاب کے 213 جج تبدیل کردیے

    چیف جسٹس لاہورہائی کورٹ نے پنجاب کے 213 جج تبدیل کردیے

    لاہور : چیف جسٹس لاہورہائی کورٹ محمد یاور علی نے پنجاب کے 213 جج تبدیل کردیے، تبدیل ہونے والوں میں11 ڈسٹرکٹ اینڈ سیشن جج شامل ہیں۔

    تفصیلات کے مطابق چیف جسٹس لاہورہائی کورٹ محمد یاور علی نے پنجاب کے 213 جج تبدیل کردیے، جس کا نوٹیفکیشن جاری کردیا گیا ہے، تبدیل ہونے والوں میں11 ڈسٹرکٹ اینڈ سیشن جج شامل ہیں۔

    نوٹیفکیشن کے مطابق راولپنڈی، لودھراں، سیالکوٹ ،ننکانہ صاحب ،نارووال کے ڈسٹرکٹ اینڈسیشن جج جبکہ مظفر گڑھ ،سرگودھا،چنیوٹ ،اوکاڑہ اور لاہور کے 2 جج بھی تبدیل ہونے والوں میں شامل ہیں۔

    تبدیل ہونے والوں میں 91 ایڈیشنل سیشن جج اور خان پور ،فیصل آباد ،ملتان کے جج بھی شامل ہیں۔

    نوٹیفکیشن کے مطابق احمد پورشرقیہ،ڈی جی خان کےایڈیشنل سیشن جج بھی تبدیل ہونے والوں میں شامل ہیں جبکہ 13 سینئر سول جج تبدیل کو بھی تبدیل کردیا گیا ہے۔

    جاری نوٹیفکیشن کے مطابق تبدیل ہونے والوں میں رحیم یار خان ،ملتان ،ساہیوال ،خان پور،راجن پور، جتوئی،مظفرگڑھ،ڈی جی خان،لیہ اور روجھان کے جج شامل ہیں جبکہ 98 سول جج کم جوڈیشل مجسٹریٹ کو بھی تبدیل کیا گیا ہے۔

  • نواز شریف کےعلاج کے لئے قائم میڈیکل بورڈ کا سربراہ تبدیل

    نواز شریف کےعلاج کے لئے قائم میڈیکل بورڈ کا سربراہ تبدیل

    اسلام آباد : نواز شریف کےعلاج کے لئے قائم میڈیکل بورڈ کا سربراہ تبدیل کرکے پروفیسر آف میڈیسن شجیع صدیقی بورڈ کا نیا سربراہ مقرر کردیا گیا۔

    تفصیلات کے مطابق زیرعلاج سابق وزیراعظم نوازشریف کے میڈیکل بورڈ کی ازسرنو تشکیل دیتے ہوئے پروفیسرآف میڈیسن شجیع صدیقی بورڈ کے نیا سربراہ مقرر کر دیا گیا۔

    پمز ذرائع کا کہنا ہے کہ پروفیسرشجیع صدیقی کو ڈاکٹر اعجاز قدیر کی جگہ بورڈ سربراہ مقرر کیا گیا، ڈاکٹراعجاز قدیر کو طبعیت ناسازی پر بورڈ سے الگ کیا گیا۔

    ذرائع کا کہنا ہے کہ ڈاکٹرشجیع احمدصدیقی بطوررکن میڈیکل بورڈ کام کررہے تھے۔

    خصوصی میڈیکل بورڈ آج نوازشریف کادوباره معائنہ کرے گا۔

    مزید پڑھیں : نواز شریف کے میڈیکل بورڈ کے سربراہ کو دل کا دورہ پڑ گیا

    گزشتہ روز پمز اسپتال کے 5 رکنی میڈیکل بورڈ کے سربراہ ڈاکٹر اعجاز قدیر کو دل کا دورہ پڑا تھا ، جس کے بعد انھیں پمز اسپتال کے کارڈیک سینٹر کے سی سی یو وارڈ میں منتقل کیا گیا تھا۔

    دوسری جانب ذرائع پمز کا کہنا ہے کہ نوازشریف کے میڈیکل بورڈ کے سربراہ ڈاکٹراعجاز کی طبعیت سنبھلنے لگی، ان کے دل کے ساتھ پیس میکرلگا دیا گیا اور سی سی یو سے کمرے میں منتقل کردیا گیا۔

    ذرائع کے مطابق ڈاکٹراعجازقدیرکوآئندہ 3روزتک زیرعلاج رکھا جائے گا۔

    واضح رہے کہ ڈاکٹر اعجاز قدیر اڈیالہ جیل کے قیدی نواز شریف کا معائنہ کرنے والے میڈیکل بورڈ کے سربراہ تھے ، یہ پانچ رکنی طبی بورڈ نواز شریف کی صحت کی دیکھ بھال کے لیے تشکیل دیا گیا تھا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • امریکا:سابق فوجیوں کےمحکمہ برائےطبی امداد کےسیکریٹری عہدےسےبرطرف

    امریکا:سابق فوجیوں کےمحکمہ برائےطبی امداد کےسیکریٹری عہدےسےبرطرف

    واشنگٹن: امریکی صدر ڈونلڈ ٹرمپ نے اہم سیکریٹری برائے ویٹرن امور کے ان کے عہدے سے برطرف کردیا ہے، ڈیوڈ شُلکِن کو امریکی صدر کی پالیسیوں سے شدید اختلاف تھا۔

    غیر ملکی خبر رساں ادارے کے مطابق وائٹ ہاؤس میں عہدوں سے متعلق مستقل غیر معمولی تبدیلیاں دیکھنے میں آرہی ہیں۔ امریکی صدر ڈونلڈ ٹرمپ نے حکومت کے اہم سیکریٹری برائے ویٹرن امور(سابق فوجیوں کی طبی امداد کا محکمہ) کو ان کےعہدے سے ہٹا دیا ہے، جس کے باعث ٹرمپ انتظامیہ کو شدید مشکلات کا سامنا کرے پڑے گا۔

    غیرملکی خبر رساں ادارے کے مطابق ڈاکٹر ڈیوڈ شُلکِن امریکی حکومت کے چوتھے اہم عہدے دار جہنیں رواں ماہ عہدے سے برطرف کیا گیا ہے، انہیں ٹرمپ کی ملکی و غیر ملکی صورتحال کے حوالے سے اختیار کی جانے والی جارحانہ پالیسیوں سے شدید اختلاف تھا۔

    امریکی صدر ٹرمپ نے سابق فوجیوں کے محکمہ برائے طبی امداد کے سیکریٹری کو ایسے وقت میں برطرف کیا ہے جب امریکا کے 2 لاکھ سے زائد فوجی دنیا کے 180 ممالک میں مختلف کارروائیوں میں مصروف ہیں۔ تو دوسری طرف خود امریکا کی اندرونی امن و امان اورمعیشت کی صورتحال بھی ٹھیک نہیں ہے۔

    امریکی صدر ڈونلڈ ٹرمپ کے ٹویٹ کا عکس

    امریکی صدر ڈونلڈ ٹرمپ نے سماجی رابطے کی ویب سائٹ ٹویٹر پر پیغام دیا کہ سابق فوجیوں کے محکمہ برائے طبی امداد کے سیکریٹری ڈاکٹر شُلکِن کو ان کے عہدے سے شبکدوش کرکے ایڈمیرل رونی جونسن کو سیکریٹری مذکورہ محکمے کا قلمدان سونپ دیا گیا ہے۔

    خیال رہے کہ اسی ماہ امریکی صدر ڈونلڈ ٹرمپ کے اہم اقتصادی مشیر گیری کوہن اور مشیر برائے قومی سلامتی جنرل مک ماسٹر اپنے عہدے سے استعفیٰ دے چکے ہیں، دونوں امریکی رہنماؤں کو صدر ڈونلڈ ٹرمپ کی اقتصادی پالیسیوں سے اختلاف تھا۔

    دوسری جانب امریکی صدر ڈونلڈ ٹرمپ نے ڈاکٹر ڈیوڈ شُلکِن سے پہلے امریکی وزیر خارجہ ریکس ٹلرسن کو بھی عہدے سے برطرف کرچکے ہیں۔ ان کی جگہ مائیکپومپیو کو وزارت کا قلمدان سونپ دیا تھا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں