ARYNews.tv | Urdu – Har Lamha Bakhabar

Tag: report

  • جسے جے آئی ٹی پر اعتراض ہے وہ عدالت جائے، رانا ثناءاللہ

    جسے جے آئی ٹی پر اعتراض ہے وہ عدالت جائے، رانا ثناءاللہ

    لاہور: سابق صوبائی وزیرقانون رانا ثناءاللہ طاہر القادری کے بیان پر بھڑک اٹھے ان کا کہنا تھا جسے جے آئی ٹی پر اعتراض ہے وہ عدالت جائے۔

    لاہور میں طاہر القادری کی جے آئی ٹی پرکڑی تنقید نےحکومتی حلقوں میں ہل چل مچادی، سابق صوبائی وزیرقانون رانا ثناءاللہ بھی میدان میں آگئے اور واضح الفاظ میں کہہ ڈالا کہ اگر جے آئی ٹی پر طاہرالقادری کو اعتراض ہے تو وہ عدالت جائیں، سانحہ ماڈل ٹاؤن سازش نہیں تھا،وزیراعظم سمیت جس کو بھی جے آئی ٹی بلائی گی وہ پیش ہوگا۔

    ان کا مزید کہنا تھا عدالت چاہے تو سانحہ ماڈل ٹاؤن کی رپورٹ عام کر دے،عمران خان کی باتیں بدنیتی پر مبنی ہیں، جے آئی ٹی جلد حقائق تلاش کر کے قوم کےسامنے لائے۔

  • طبی آلات کی ملکی برآمدات میں 5.3 ملین ڈالر کا اضافہ

    طبی آلات کی ملکی برآمدات میں 5.3 ملین ڈالر کا اضافہ

    اسلام آباد: رواں مالی سال کے چوتھے ماہ (ستمبر 2014ء) کے دوران طبی آلات کی ملکی برآمدات میں 5.3 ملین ڈالر کا اضافہ ریکارڈ کیا گیا ۔

    ادارہ برائے شماریات (پی بی ایس) کے اعدادوشمار کے مطابق جاری مالی سال میں ستمبر 2014ءکے دوران 30.7 ملین ڈالر مالیت کے طبی آلات برآمد کئے گئے ہیں۔

    رپورٹ کے مطابق گزشتہ مالی سال میں ستمبر 2013ءکے دوران طبی آلات کی برآمدات سے 25.4 ملین ڈالر کا زرمبادلہ کمایا گیا تھا، اس طرح رواں سال گزشتہ سال کے ماہ ستمبر کے مقابلہ میں پچاس لاکھ ڈالر سے زائد کا قیمتی زرمبادلہ کمایا گیا۔

  • پاکستان انتظامی اصلاحات کرنیوالے ممالک کی فہرست میں شامل

    پاکستان انتظامی اصلاحات کرنیوالے ممالک کی فہرست میں شامل

    اسلام آباد: پاکستان کاروبار میں آسانی پیدا کرنے کے لئے انتظامی اصلاحات کرنے والی جنوبی ایشیاءکی چار معیشتوں میں شامل ہو گیا ہے۔

    ورلڈ بینک گروپ کی نئی رپورٹ کے مطابق جنوبی ایشیاءکے آٹھ ممالک میں سے 2013-14ءمیں مقامی تاجروں کے لئے کم از کم ایک ریگولیٹری ریفارم کا نفاذ کرنے والے چار ممالک میں شامل ہیں۔

    ورلڈ بینک کی رپورٹ کے مطابق تین ممالک بشمول بنگلہ دیش، نیپال اور پاکستان نے کاروبار کی سہولت کے لئے جدید الیکٹرانک نظام پر توجہ مرکوز کی ہے۔

    بنگلہ دیش اور پاکستان نے کمپیوٹرائز سسٹم کے نفاذ کے ذریعے سرحدوں کے آر پار تجارت کو مزید آسان کیا ہے، رپورٹ کے مطابق 2005ءکے بعد سے خطے کی تمام معیشتوں نے کاروباری ماحول میں بہتری لانے کے لئے اقدامات کئے ہیں۔

    اس عرصہ میں بھارت نے سب سے زیادہ ریگولیٹری ریفارمز کیں جن کی تعداد 20 ہے، دوسرے نمبر پر سری لنکا نے 16 اصلاحات کیں۔

  • سعیداجمل کا بولنگ ایکشن ٹیسٹ کرلیا گیا

    سعیداجمل کا بولنگ ایکشن ٹیسٹ کرلیا گیا

    معطل پاکستانی اسپنر سعید اجمل کا برطانیہ کی یونیورسٹی میں آزادانہ بولنگ ایکشن ٹیسٹ ہوگیا۔سعید اجمل کا بولنگ ایکشن کتنا ٹھیک ہواہے ،ثقلین مشتاق کی محنت کا کیا نتیجہ نکلتا ہے،اس کا سب کو بے صبری سے انتظار ہے۔

    اجمل نے برطانیہ کی یونیورسٹی میں ایکشن کا غیر سرکاری ٹیسٹ کرالیا ہے جس کی رپورٹ آئندہ چند روز میں آجائے گی۔ ایکشن ٹھیک ہونے پر پی سی بی آئی سی سی سے باقاعدہ جائزے کی درخواست کرے گا۔

    سری لنکا کے خلاف گال ٹیسٹ میں سعید اجمل کا بولنگ ایکشن رپورٹ ہوا تھا جس کے بعد ان پر پابندی عائد کردی گئی تھی۔

  • غیرملکی کمپنیوں نے گیارہ کروڑ چھیاسٹ لاکھ ڈالرمنافع منتقل کیا

    غیرملکی کمپنیوں نے گیارہ کروڑ چھیاسٹ لاکھ ڈالرمنافع منتقل کیا

    کراچی:رواں مالی سال پہلے دو ماہ کے دوران ملک میں سرمایہ کاری کرنے والی غیر ملکی کمپنیوں نے گیارہ کروڑ چھیاسٹ لاکھ ڈالر کے منافع جات اپنے  ممالک کو منتقل کئے۔

    اسٹیٹ بینک کی جاری رپورٹ کے مطابق صرف اگست کے دوران غیر ملکی اداروں کی جانب سے پانچ کروڑ چونسٹھ لاکھ ڈالر کا منافع منتقل کیا گیا جو گزشتہ مالی سال کے ماہ اگست کے مقابلہ میں چھتیس فیصد کم ہے۔

    اسٹیٹ بینک آف پاکستان کے اعدادوشمار کے مطابق گزشتہ مالی سال 2013-14ءکے دوران پاکستان میں کام کرنے والی کمپنیوں کی جانب سے ایک ارب 20 کروڑ ڈالر کے منافع کی منتقلی ہوئی تھی جو مالی سال 2012-13ءکے مقابلہ میں 12.6 فیصد زائد تھی۔

    مالی سال 2012-13ءمیں تقریباً ایک ارب ڈالر کے منافع جات منتقل کئے گئے تھے، رپورٹ کے مطابق رواں مالی سال کے پہلے دو ماہ جولائی اور اگست کے دوران غیر ملکی سرمایہ کاروں کی جانب سے ملک میں 87 ارب 10 کروڑ روپے کی براہ راست سرمایہ کاری کی گئی جس اس عرصہ میں منتقل کئے جانے والے منافع کے 74.7 فیصد کے مساوی تھی ۔

    جبکہ صرف اگست کے دوران براہ راست 63.1 ملین ڈالر کی سرمایہ کاری کی گئی اور اس دوران ایف ڈی آئی کے مقابلہ میں 89.4 فیصد کے منافع جات /ڈیویڈینڈز وغیرہ کی بیرون ملک منتقلی کی گئی۔

    گزشتہ مالی سال میں ملک میں ایک ارب 60 کروڑ ڈالر کی براہ راست سرمایہ کاری کی گئی جبکہ دوران سال ایک ارب 20 کروڑ ڈالر کے منافع جات بیرون ملک منتقل کئے گئے۔

  • پاکستانی معیشت میں بہتری آئی ہے،ایشیائی ترقیاتی بینک

    پاکستانی معیشت میں بہتری آئی ہے،ایشیائی ترقیاتی بینک

    اسلام آباد: ایشیائی ترقیاتی بینک نے کہا ہے کہ حکومت پاکستان کی جانب سے شروع کردہ اقتصادی اصلاحات کے نتیجے میں گزشتہ ایک سال کے دوران اقتصادی معیشت میں بہتری آئی ہے، شرح نمو میں اضافہ، بجٹ خسارہ میں کمی، غیرملکی زرمبادلہ کے ذخائر میں استحکام آیا ہے۔

    ایشیائی ترقیاتی بینک نے اپنی حالیہ ایک رپورٹ ایشین ڈویلپمنٹ آﺅٹ لک اپ ڈیٹ 2014ءمیں کہا ہے کہ بجلی کے بحران کو ختم کرنے اور ڈھانچہ جاتی اصلاحات کیلئے کئی سالوں پر مشتمل قومی کوششوں کی ضرورت ہوگی تاکہ مجموعی ترقی کے مقاصد حاصل کئے جاسکیں۔

    مالی سال 2014ءمیں جی ڈی پی کی شرح نمو 4.1 فیصد رہی ، جو اس سے پچھلے سال 3.7 فیصد تھی جبکہ 30 جون 2014ءکو اختتام پذیر ہونے والے سال کے دوران اس کا اندازہ 3.4 فیصد لگایا گیا تھا، اس دوران لارج سکیل مینو فیکچرنگ 4.0 فیصد اور بجلی کی سپلائی میں 3.7 فیصد بہتری آئی ۔

     رپورٹ کے مطابق موجودہ حکومت کی کوششوں سے بجٹ خسارہ 5.5 فیصد تک لایا گیا جو گزشتہ تین سال کے دوران اوسطاً 8 فیصد تھا، مالی سال 2014ءکے دوران کل اخراجات میں 19.8 فیصد تک کمی آئی جو اس سے پچھلے سال 21.4 فیصد تھے۔

    رپورٹ میں کہا گیا ہے کہ مالی سال 2015ءمیں حکومت پاکستان اپنے اقتصادی ایجنڈے پر اطمینان بخش پیشرفت کرے گی ، جس میں توانائی کے ۔شعبہ میں اصلاحات ، سرکاری کاروباری اداروں کی نجکاری، ایمپورٹ ٹیرف کو متناسب بنانا اور کاروباری ماحول کو سازگار بنانا شامل ہیں۔

  • پولیو بےقابو، پاکستان پرسفری پابندیاں سخت کرنیکی سفارش

    پولیو بےقابو، پاکستان پرسفری پابندیاں سخت کرنیکی سفارش

    اسلام آباد: انٹرنیشنل پولیو مانیٹرنگ بورڈ نے پاکستان پر سفری پابندیاں مزید سخت کرنے کی سفارش کر دی، پولیو مانیٹرنگ بورڈ کے مراسلے کی کاپی اے آروائی نیوز نے حاصل کرلی۔

    دنیا میں پولیو وائرس کا گڑھ پشاور اور پاکستان میں رواں سال دو سو سے زائد نئے کیسز۔ بیرون ملک سفر پرمیڈیکل سرٹیفکیٹ کی شرط پہلی ہی لگ چکی ہے اور اب شہریوں کو مزید سختیاں آنے کو ہیں۔ چیئرمین انٹرنیشنل پولیو مانیٹرنگ بورڈ نے یونیسیف کے عالمی سربراہ کو ہنگامی مراسلہ بھیج دیا، جس میں پاکستان سمیت متاثرہ ملکوں پر سفری پابندیاں مزید سخت کرنے کی سفارش کر دی گئی۔

     خط مین زور دیا گیا ہے کہ یونیسیف یہ سفارشات ہنگامی طور پر پاکستان کے سامنے رکھے۔ پاکستان سے پولیو کا خاتمہ نہ ہونے پر مزید اربوں ڈالر خرچ کرنا پڑیں گے، خط میں لکھا گیا ہے کہ پاکستان کا انسداد پولیو پروگرام بستر مرگ پر ہے، یونیسیف پاکستان کے حوالے سے سفارشات پر عملدرآمد فوری یقینی بنائے۔

    انٹرنیشنل پولیو مانیٹرنگ بورڈ نے ایک دن پہلے رپورٹ بھی جاری کی تھی جس میں دنیا میں پولیو کے خاتمے میں پاکستان کو بڑی رکاوٹ قرار دیاگیا تھا، رپورٹ میں کہا گیا تھا کہ پاکستانی حکومت کا پولیو ایمرجنسی آپریشن مکمل طو ر پر غیر واضح ہے،عالمی بورڈ نے پولیو پروگرام این ڈی ایم اے کے حوالے کرنے کی سفارش کر رکھی ہے۔

  • پاکستان پولیو کے انسداد میں ناکام ہوجائے گا، رپورٹ

    پاکستان پولیو کے انسداد میں ناکام ہوجائے گا، رپورٹ

    جینیوا: عالمی آزاد پولیو مانیٹرنگ بورڈ نےکہاہے کہ پاکستان رواں سال پولیو کے عالمی پھیلاﺅ کو روکنے میں یقینی طور پر ناکام ہو جائےگا۔پولیو کے خاتمے پر پاکستان کے بیانات محض مفروضہ ہیں۔

    عالمی آزاد پولیو مانیٹرنگ بورڈ نے اپنی رپورٹ میں کہا ہے کہ پاکستان پولیو کے خاتمےمیں اہم رکاوٹ ہےاور اس کاپولیو ایمرجنسی آپریشن مکمل طو ر پر غیر واضح ہے۔

    وزیر اعظم پاکستان این ڈی ایم اے کو پولیو پروگرام سنبھالنے کی ہدایت کریں۔ اے آر وائی کو ملنے والی عالمی ادارے کی رپورٹ میں کہا گیا ہے کہ پاکستان کا انسداد پولیو پروگرام مکمل تباہی سے دوچار اور ڈیڑھ سال سے موثر قیادت سے محروم ہے جس کے باعث پاکستان کو قومی پولیو پروگرام تبدیل کرنے کی اشد ضرورت ہے ۔

    رپورٹ کے مطابق رواں سال دنیا بھر کے اسی فیصد کیسزپاکستان میں سامنے آئے ،عالمی پولیو بورڈ نے دو ہزارمیں پاکستان پر عالمی سفری پابندیوں کی سفارش کی تھی۔

  • کراچی:پولیس کارروائیاں،دومغوی بازیاب

    کراچی:پولیس کارروائیاں،دومغوی بازیاب

    کراچی:شہرقائد میں پولیس کارروائیوں میں دومغوی بازیاب کرالئےگئے،آٹھ قتل میں ملوث ٹارگٹ کلرپکڑا گیا،فائرنگ اور پرتشددواقعات میں دوافراد جان سےگئے،گودام چورنگی کےقریب پولیس سےمقابلےمیں کالعدم تنظیم کےدوملزمان ہلاک ہوگئے۔

    نادرن بائی پاس پرسی پی ایل سی اور اے وی سی سی پولیس نےکارروائی کرکےیوسف نامی تاجرکوبازیاب کراکےتین اغواکاروں کوگرفتارکرلیا، قائدآباد میں بھی کارروائی میں آٹھ سالہ مغوی بچہ طفیل زمان کوبازیاب کراکےشوکت نامی اغواکارکوگرفتارکرلیا۔

    سرسید پولیس نےآٹھ افرادکے قتل میں ملوث راقب حسین کوگرفتارکرلیا،کورنگی گودام چورنگی کے قریب پولیس سےمقابلےمیں کالعدم تنظیم کےجلال اورافضل ہلاک ہوگئے، ملزمان سےچھینی گئی موٹرسائیکل،اسلحہ اوربارودی مواد برآمدہوا۔

    بریگیڈ کےعلاقےمیں پولیس مقابلےمیں ملزم گرفتارکرکےاسلحہ برآمدکرلیاگیا،بھینس کالونی میں مکان سےایک شخص کی تشددذدہ لاش ملی،ماری پورمچھرکالونی میں فائرنگ سےایک شخص جان کی بازی ہارگیا۔

  • رانا ثناءاللہ کیخلاف توہین عدالت کی کارروائی کی درخواست

    رانا ثناءاللہ کیخلاف توہین عدالت کی کارروائی کی درخواست

    لاہور: سانحہ ماڈل ٹاؤن انکوائری ٹریبونل کے جج کے خلاف بیان بازی رانا ثناءاللہ کومہنگی پڑگئی۔ تفصیلات کے مطابق پنجاب کے سابق وزیرقانون رانا ثناءاللہ کے خلاف کارروائی کے لئے چیف جسٹس لاہور ہائی کورٹ کو درخواست دے دی گئی۔

    ٹریبونل کے معاون عبداللہ ملک کی جانب سے دی گئی درخواست میں مؤقف اختیار کیا گیا ہے کہ پنجاب حکومت کی درخواست پر سانحہ ماڈل ٹاؤن کی انکوائری ہائی کورٹ کے جسٹس علی باقر نجفی سے کرائی گئی تاہم اب اس ٹریبونل کی رپورٹ کو حکومت تسلیم نہیں کررہی ۔

    پنجاب کے سابق وزیرقانون رانا ثنااللہ میڈیا پر فاضل جج کے خلاف بیان بازی کرکے انہیں متنازعہ بنانا چاہتے ہیں تاکہ رپورٹ پر عوام کے اعتماد کو متزلزل کرسکیں۔

    رانا ثناءاللہ کی جسٹس علی باقر نجفی کے خلاف بیان بازی توہین عدالت کے زمرے میں آتی ہے لہٰذا چیف جسٹس لاہور ہائی کورٹ معاملے کا ازخود نوٹس لیں اوررانا ثنااللہ کے خلاف توہین عدالت کی کارروائی کی جائے ۔