ARYNews.tv | Urdu – Har Lamha Bakhabar

Tag: report

  • روپے کی قدر میں معمولی اضافہ

    روپے کی قدر میں معمولی اضافہ

    کراچی: انٹر بینک میں مسلسل 11 روز تک ڈالر کی قدر میں اضافے کے بعد روپے کی قدر میں معمولی بحالی دیکھی جارہی ہے، ڈالر کی قیمت 242 روپے سے 239 روپے پر پہنچ گئی۔

    تفصیلات کے مطابق کاروباری ہفتے کے آخری روز 29 جولائی 2022 جمعے کو انٹر بینک مارکیٹ میں ڈالر کی قیمت میں معمولی کمی ہوئی۔

    دن کے آغاز پر انٹر بینک مارکیٹ میں ڈالر 6 پیسے مہنگا ہوا اور 240 روپے پر جا پہنچا۔

    تاہم بعد ازاں ڈالر کی قیمت میں کمی ہوئی اور دن کے اختتام تک ڈالر 57 پیسے سستا ہوگیا، انٹر بینک میں ڈالر 239 روپے 94 پیسے سے کم ہو کر 239 روپے 37 پیسے پر بند ہوا۔

    دوسری جانب اوپر مارکیٹ میں ڈالر 250 روپے میں فروخت ہوتا رہا۔

    گزشتہ 11 کاروباری روز سے ڈالر کی قدر میں مسلسل اضافے کے بعد سے کل اور آج روپے کی قدر میں بحالی ہوئی ہے۔

    خیال رہے کہ شہباز شریف حکومت کے 3 ماہ کے دوران امریکی ڈالر کی قیمت میں 54 روپے اضافے ہوچکا ہے جس سے غیر ملکی قرضوں کے حجم میں ساڑھے 4 ہزار ارب روپے کا اضافہ ہوگیا ہے۔

    صرف گزشتہ ہفتے یعنی 18 سے 22 جولائی 2022 کے دوران ڈالر کی قیمت میں 17 روپے اضافہ ہوا ہے، ملکی تاریخ میں پہلی بار ایک ہفتے میں روپے کی قدر میں 8 فیصد تک کمی ہوئی۔

    دوسری جانب اسٹیٹ بینک کا کہنا ہے کہ پاکستانی روپیہ ڈالر کے مقابلے میں دسمبر 2021 سے اب تک 18 فیصد گرا ہے، دیکھا جائے تو مہنگائی ایڈجسٹ کرنے کے بعد کرنسی کی قدر صرف 3 فیصد گری ہے۔

  • ملک میں غیر یقینی سیاسی صورتحال، اسٹاک مارکیٹ میں بھی بدترین مندی

    ملک میں غیر یقینی سیاسی صورتحال، اسٹاک مارکیٹ میں بھی بدترین مندی

    کراچی: ملک میں غیر یقینی سیاسی صورتحال کے باعث پاکستان اسٹاک ایکسچینج میں کاروبار میں بدترین مندی دیکھی گئی، 100 انڈیکس 900 سے زائد پوائنٹس کمی کے بعد 41 ہزار کی نفسیاتی حد سے نیچے آگیا۔

    تفصیلات کے مطابق کاروباری ہفتے کے دوسرے روز 19 جولائی 2022 منگل کو اسٹاک مارکیٹ میں شدید مندی دیکھی گئی، دن کے آغاز پر ہی 100 انڈیکس 377 پوائنٹس کم ہو کر 41 ہزار پوائنٹس کی نفسیاتی حد سے نیچے آگیا۔

    اس کے بعد انڈیکس میں مزید کمی ہوتی رہی اور دن کے وسط تک 100 انڈیکس 11 سو 1 پوائنٹس کم ہو کر 40 ہزار 265 پوائنٹس پر پہنچ گیا۔

    دن کے اختتام تک انڈیکس میں مجموعی طور پر 978 پوائنٹس کی کمی ہوئی اور 100 انڈیکس 40 ہزار 389 پوائنٹس پر بند ہوا۔

    دوسری جانب ڈالر کی قیمت میں بھی صرف آج کے روز 6 روپے اضافہ ہوا ہے اور ڈالر کی قیمت 222 روپے پر پہنچ گئی۔

  • عید کے بعد پہلا کاروباری دن: ڈالر کی قیمت آسمان چھونے لگی

    عید کے بعد پہلا کاروباری دن: ڈالر کی قیمت آسمان چھونے لگی

    کراچی: عید الاضحیٰ کی تعطیلات کے بعد پہلے کاروباری روز ڈالر کی قیمت بلند ترین سطح پر پہنچ گئی، ایک روز میں 2 روپے 19 پیسے اضافہ ہوا۔

    تفصیلات کے مطابق عید الاضحیٰ کی تعطیلات ختم ہوتے ہی پہلے کاروباری روز 13 جولائی 2022 بدھ کو انٹر بینک مارکیٹ میں ڈالر بلند ترین سطح پر پہنچ گیا۔

    دن کے آغاز پر انٹر بینک مارکیٹ میں ڈالر معمولی سا سستا ہوا، 46 پیسے کمی کے بعد ڈالر کی ٹریڈنگ 207 روپے پر جاری رہی۔

    اس کے بعد بتدریج ڈالر کی قیمت بڑھنا شروع ہوئی، 4 پیسے، 54 پیسے اور 84 پیسے اضافے کے بعد دن کے وسط تک ڈالر کی قیمت میں 1 روپے 50 پیسے اضافہ ہوگیا اور ڈالر 207 روپے سے 209 روپے 41 پیسے پر جا پہنچا۔

    دن کے اختتام تک ڈالر کی قیمت میں مجموعی طور پر 2 روپے 19 پیسے اضافہ ہوا جس کے بعد ڈالر 210 روپے 10 پیسے پر بند ہوا۔

    فاریکس ڈیلرز کے مطابق اوپن مارکیٹ میں ڈالر 211 سے 212 روپے میں فروخت ہو رہا ہے۔

    عید الاضحیٰ کی تعطیلات سے قبل آخری کاروباری روز یعنی 7 جولائی 2022 جمعرات کو ڈالر 207 روپے 91 پیسے پر بند ہوا تھا۔

  • ڈالر میں اضافے کے نئے ریکارڈ قائم

    ڈالر میں اضافے کے نئے ریکارڈ قائم

    کراچی: امریکی ڈالر کی قیمت میں روزانہ کی بنیاد پر ہوش ربا اضافہ جاری ہے، انٹر بینک میں ڈالر 211 روپے پر پہنچ گیا۔

    تفصیلات کے مطابق کاروباری ہفتے کے دوسرے روز 21 جون 2022 منگل کو انٹر بینک مارکیٹ میں ڈالر مزید بلند سطح پر پہنچ گیا۔

    دن کے آغاز پر انٹر بینک مارکیٹ میں ڈالر 1 روپے 54 پیسے مہنگا ہو کر 211 روپے 50 پیسے پر پہنچ گیا، دن کے وسط میں ڈالر کی قیمت میں 1 روپے 79 پیسے اضافہ ہوا جس کے بعد ڈالر 211 روپے 75 پیسے پر پہنچ گیا۔

    دن کے اختتام تک ڈالر کی قیمت میں مجموعی طور پر 1 روپے 52 پیسے اضافہ ہوا جس کے بعد ڈالر 211 روپے 48 پیسے پر بند ہوا۔

    فاریکس ڈیلرز کے مطابق اوپن مارکیٹ میں ڈالر 213 سے 215 روپے میں فروخت ہو رہا ہے۔

    خیال رہے کہ گزشتہ ہفتے انٹر بینک مارکیٹ میں ڈالر کی قیمت میں 6 روپے 40 پیسے اضافہ ہوا تھا۔

    13 سے 17 جون 2022 کے دوران ہونے والے اضافے کے بعد امریکی ڈالر 202 روپے 35 پیسے سے بڑھ کر 208 روپے 75 پیسے پر پہنچ گیا تھا۔

    گزشتہ ہفتے اوپن مارکیٹ میں ڈالر 9 روپے مہنگا ہوا اور اس کی قیمت 203 روپے سے بڑھ کر 212 روپے کی بلند ترین سطح پر پہنچ گئی تھی۔

    گزشتہ ہفتے یورو بھی 7 روپے مہنگا ہو کر 223 اور برطانوی پاؤنڈ ساڑھے 5 روپے مہنگا ہو کر 260 روپے کا ہوگیا تھا۔

  • ڈالر 205 روپے کا ہوگیا

    ڈالر 205 روپے کا ہوگیا

    کراچی: امریکی ڈالر کی قیمت تاریخ کی نئی بلند ترین سطح پر پہنچ گئی، انٹر بینک میں ڈالر 205 روپے پر پہنچ گیا۔

    تفصیلات کے مطابق کاروباری ہفتے کے دوسرے روز 14 جون 2022 منگل کو انٹر بینک مارکیٹ میں ڈالر مزید بلند سطح پر پہنچ گیا۔

    دن کے آغاز پر انٹر بینک مارکیٹ میں ڈالر 1 روپے 54 پیسے مہنگا ہو کر 205 روپے 40 پیسے پر پہنچ گیا، دن کے وسط میں ڈالر کی قیمت 89 پیسے کم ہو کر 205 روپے سے 204 روپے پر آگئی۔

    دن کے اختتام تک ڈالر کی قیمت میں مجموعی طور پر 1 روپے 30 پیسے اضافہ ہوا جس کے بعد ڈالر 205 روپے 16 پیسے پر بند ہوا۔

    فاریکس ڈیلرز کے مطابق اوپن مارکیٹ میں ڈالر 206 سے 208 روپے میں فروخت ہو رہا ہے۔

    یاد رہے کہ گزشتہ ہفتے ابتدائی 2 روز ڈالر کی قیمت میں مسلسل 2 روپے اضافہ ہوا تھا۔

    سوموار 06 جون 2022 کو ڈالر کی قیمت میں مجموعی طور پر 2 روپے 14 پیسے اضافہ ہوا جس کے بعد انٹر بینک میں ڈالر 200 روپے 6 پیسے پر بند ہوا۔

    07 جون 2022 کو ڈالر کی قیمت میں مجموعی طور پر مزید 2 روپے 77 پیسے اضافہ ہوا اور انٹر بینک میں ڈالر 202 روپے 83 پیسے پر بند ہوا۔

    اس کے بعد ڈالر بتدریج کم ہوا لیکن ہفتے کے آخری روز جمعہ 10 جون 2022 کو ڈالر 202 روپے 35 پیسے پر بند ہوا۔

  • ڈالر کی قیمت میں معمولی کمی، 200 روپے سے زائد پر برقرار

    ڈالر کی قیمت میں معمولی کمی، 200 روپے سے زائد پر برقرار

    کراچی: دو روز تک امریکی ڈالر کی قیمت میں اضافے کے بعد آج ڈالر کی قیمت میں معمولی کمی دیکھی گئی تاہم ابھی بھی ڈالر کی قیمت 200 روپے سے اوپر برقرار ہے۔

    تفصیلات کے مطابق ہفتے کے تیسرے کاروباری روز بدھ کو انٹر بینک مارکیٹ میں ڈالر کی قدر میں معمولی کمی دیکھنے میں آئی، دن کے آغاز پر انٹر بینک میں ڈالر 89 پیسے سستا ہو کر 201 روپے 94 پیسے پر ٹریڈ کرنے لگا۔

    دن کے وسط تک ڈالر کی قیمت میں مزید کمی ہوئی، 1 روپے 63 پیسے سستا ہونے کے بعد ڈالر 201 روپے 20 پیسے پر پہنچ گیا۔

    دن کے اختتام تک ڈالر کی قیمت میں مجموعی طور پر 1 روپے 31 پیسے کمی ہوئی اور انٹر بینک میں ڈالر 201 روپے 52 پیسے پر بند ہوا۔

    فاریکس ڈیلرز کا کہنا ہے کہ اوپن مارکیٹ میں ڈالر 202 سے 206 روپے میں فروخت ہو رہا ہے۔

    خیال رہے کہ گزشتہ 2 روز سے ڈالر کی قیمت میں مسلسل 2 روپے اضافہ ہورہا تھا۔

    سوموار 06 جون 2022 کو ڈالر کی قیمت میں مجموعی طور پر 2 روپے 14 پیسے اضافہ ہوا جس کے بعد انٹر بینک میں ڈالر 200 روپے 6 پیسے پر بند ہوا۔

    گزشتہ روز 07 جون 2022 کو ڈالر کی قیمت میں مجموعی طور پر مزید 2 روپے 77 پیسے اضافہ ہوا اور انٹر بینک میں ڈالر 202 روپے 83 پیسے پر بند ہوا۔

  • ڈالر 202 روپے پر پہنچ گیا

    ڈالر 202 روپے پر پہنچ گیا

    کراچی: ملک میں ایک بار پھر امریکی ڈالر کی قیمت تاریخ کی بلند ترین سطح پر پہنچ گئی، گزشتہ روز ڈالر کی قیمت میں 2 روپے اضافے کے بعد آج بھی اتنا ہی اضافہ دیکھنے میں آیا۔

    تفصیلات کے مطابق ہفتے کے دوسرے کاروباری روز منگل کو انٹر بینک مارکیٹ میں ڈالر کی قدر میں بے تحاشہ اضافہ دیکھنے میں آیا، دن کے آغاز پر انٹر بینک میں ڈالر 2 روپے 25 پیسے مہنگا ہو کر 202 روپے 31 پیسے پر ٹریڈ کرنے لگا۔

    دن کے وسط تک ڈالر کی قیمت میں مزید 46 پیسے اضافہ ہوا اور ڈالر 202 روپے 77 پیسے پر پہنچ گیا۔

    دن کے اختتام تک ڈالر کی قیمت میں مجموعی طور پر 2 روپے 77 پیسے اضافہ ہوا اور انٹر بینک میں ڈالر 202 روپے 83 پیسے پر بند ہوا۔

    فاریکس ڈیلرز کا کہنا ہے کہ اوپن مارکیٹ میں ڈالر 203 سے 207 روپے میں فروخت ہو رہا ہے۔

    گزشتہ روز بھی ڈالر کی قیمت میں 2 روپے سے زائد اضافہ ہوا تھا۔

    سوموار 06 جون 2022 کو ڈالر کی قیمت میں مجموعی طور پر 2 روپے 14 پیسے اضافہ ہوا جس کے بعد انٹر بینک میں ڈالر 200 روپے 6 پیسے پر بند ہوا۔

  • ڈالر کی قیمت ایک بار پھر 200 روپے سے تجاوز کر گئی

    ڈالر کی قیمت ایک بار پھر 200 روپے سے تجاوز کر گئی

    کراچی: ملک میں امریکی ڈالر کی قیمت میں اضافے کے بعد ڈالر کی قیمت ایک بار پھر 200 روپے سے زائد ہوگئی، امریکی ڈالر 200 روپے 06 پیسے پر بند ہوا۔

    تفصیلات کے مطابق ہفتے کے پہلے کاروباری روز سوموار کو انٹر بینک مارکیٹ میں ڈالر کی قدر میں اضافہ دیکھنے میں آیا، دن کے آغاز پر انٹر بینک میں ڈالر 37 پیسے مہنگا ہو کر 198 روپے 29 پیسے پر ٹریڈنگ کرنے لگا۔

    دن کے وسط تک ڈالر کی قیمت 1 روپے 63 پیسے بڑھ گئی جس کے بعد ڈالر 199 روپے 55 پیسے پر پہنچ گیا۔

    اس کے بعد یکایک ڈالر کی قیمت 2 روپے تک بڑھ گئی۔

    دن کے اختتام تک ڈالر کی قیمت میں مجموعی طور پر 2 روپے 14 پیسے اضافہ ہوا، انٹر بینک میں ڈالر 200 روپے 6 پیسے پر بند ہوا۔

    فاریکس ڈیلرز کا کہنا ہے کہ اوپن مارکیٹ میں ڈالر 201 سے 205 روپے میں فروخت ہو رہا ہے۔

  • پاکستان اسٹاک مارکیٹ: 100 انڈیکس 43 ہزار سے 41 ہزار پوائنٹس پر پہنچ گیا

    پاکستان اسٹاک مارکیٹ: 100 انڈیکس 43 ہزار سے 41 ہزار پوائنٹس پر پہنچ گیا

    کراچی: پاکستان اسٹاک ایکسچینج میں بدترین مندی جاری ہے، 100 انڈیکس 43 ہزار پوائنٹس سے گر کر 41 ہزار پوائنٹس کی حد پر پہنچ چکا ہے۔

    تفصیلات کے مطابق کاروباری ہفتے کے تیسرے روز 25 مئی 2022 بدھ کو اسٹاک مارکیٹ میں شدید مندی دیکھی گئی۔ دن کے آغاز پر مارکیٹ 100 انڈیکس میں 227 پوائنٹس کی کمی کے ساتھ کھلی۔

    دن کے وسط تک انڈیکس میں 312 پوائنٹس کی کمی ہوئی اور انڈیکس 41 ہزار 638 پوائنٹس پر پہنچ گیا۔

    دن کے اختتام تک انڈیکس 564 پوائنٹس کی کمی کے ساتھ 41 ہزار 386 پر پہنچ گیا۔

    یاد رہے کہ رواں ہفتے کے پہلے کاروباری روز سوموار کو مارکیٹ 43 ہزار پوائنٹس سے نیچے گر گئی تھی۔

    کاروباری ہفتے کے پہلے روز ٹریڈنگ کے ابتدائی 30 منٹ میں ہی 100 انڈیکس میں 488 پوائنٹس کی کمی ریکارڈ کی گئی تھی۔

  • پاکستان اسٹاک مارکیٹ: 100 انڈیکس 46 ہزار پوائنٹس سے تجاوز کرگیا

    پاکستان اسٹاک مارکیٹ: 100 انڈیکس 46 ہزار پوائنٹس سے تجاوز کرگیا

    کراچی: پاکستان اسٹاک ایکسچینج میں کاروبار میں اضافہ دیکھا گیا، 100 انڈیکس 46 ہزار پوائنٹس سے تجاوز کرگیا۔

    تفصیلات کے مطابق ہفتے کے پہلے کاروباری روز سوموار کو پاکستان اسٹاک مارکیٹ میں تیزی کا رجحان دیکھا گیا، دن کے آغاز پر 100 انڈیکس میں 402 پوائنٹس کا اضافہ ہوا جس کے بعد انڈیکس 45 ہزار 955 پوائنٹس پر پہنچ گیا۔

    دن کے وسط تک 100 انڈیکس میں بڑھنے والے پوائنٹس کی تعداد 553 ہوگئی جس کے بعد انڈیکس 46 ہزار پوائنٹس سے تجاوز کرگیا۔

    دن کے اختتام تک 100 انڈیکس 520 پوائنٹس اضافے کے ساتھ 46 ہزار 73 پوائنٹس پر بند ہوا۔

    اسٹاک مارکیٹ میں دن بھر میں مجموعی طور پر 334 کمپنیوں کے شیئرز میں کاروبار ہوا، 166 کمپنیوں کے شیئرز کی قیمتوں میں اضافہ جبکہ 154 کمپنیوں کے شیئرز کی قیمتوں میں کمی ہوئی۔

    تیزی کے باعث مارکیٹ میں 1.14 فیصد کا اضافہ ریکارڈ کیا گیا، مارکیٹ کی بلند ترین سطح 46 ہزار 203 پوائنٹس جبکہ کم ترین سطح 45 ہزار 553 پوائنٹس رہی۔