ARYNews.tv | Urdu – Har Lamha Bakhabar

Tag: report

  • 6 ماہ بعد ڈالر ایک بار پھر 155 روپے کا ہوگیا

    6 ماہ بعد ڈالر ایک بار پھر 155 روپے کا ہوگیا

    کراچی: ڈالر کی قیمت میں کمی کا سلسلہ جاری ہے، ڈالر 6 ماہ بعد ایک بار پھر 155 روپے کی سطح پر پہنچ گیا۔

    تفصیلات کے مطابق کاروباری ہفتے کے پہلے روز پیر کو کرنسی مارکیٹ میں ڈالر کی قدر میں کمی دیکھی گئی۔ 6 ماہ بعد ڈالر 155 روپے کی سطح سے نیچے آگیا۔

    انٹر بینک مارکیٹ میں ڈالر کی قدر میں 15 پیسے کمی ہوئی جس کے بعد انٹر بینک مارکیٹ میں ڈالر 154 روپے 90 پیسے کا ہوگیا۔

    خیال رہے کہ جون 2019 میں ڈالر 163 روپے 50 پیسے تک گیا تھا اور یہ ڈالر کی بلند ترین سطح تھی۔ ڈالر کی مذکورہ بلند ترین سطح کے بعد اب اس کی قیمت میں 8 روپے 60 پیسے کمی ہو چکی ہے۔

    گزشتہ ہفتے انٹر بینک میں ڈالر 17 پیسے سستا ہوا تھا اور 155.23 سے کم ہو کر 155.06 روپے پر بند ہوا۔

    اوپن مارکیٹ میں ڈالر 50 پیسے سستا ہوا تھا جس کے بعد ڈالر کی قیمت 155.60 سے کم ہو کر 155.10 روپے پر آگئی تھی۔

  • پاکستان اسٹاک مارکیٹ: 100 انڈیکس میں 240 پوائنٹس کا اضافہ

    پاکستان اسٹاک مارکیٹ: 100 انڈیکس میں 240 پوائنٹس کا اضافہ

    کراچی: کاروباری ہفتے کے آخری روز جمعے کو بھی پاکستان اسٹاک ایکسچینج میں تیزی، 100 انڈیکس میں 40 ہزار 881 پوائنٹس کی سطح پر پہنچ گیا۔

    تفصیلات کے مطابق کاروباری ہفتے کے آخری روز جمعے کو پاکستان اسٹاک مارکیٹ میں کاروبار کا مثبت آغاز دیکھا گیا۔

    کاروبار کے دوران 100 انڈیکس میں 240 پوائنٹس کا اضافہ ہوا جس کے بعد 100 انڈیکس 40 ہزار 881 پوائنٹس کی سطح پر پہنچ گیا۔

    گزشتہ روز بھی اسٹاک مارکیٹ میں تیزی دیکھی گئی تھی۔ 100 انڈیکس میں 370 پوائنٹس کا اضافہ ہوا جس کے بعد دن کے اختتام پر انڈیکس 40 ہزار 641 پر بند ہوا تھا۔

    ایک دن میں پاکستان اسٹاک مارکیٹ میں 50.74 کروڑ شئیرز کا ریکارڈ لین دین کیا گیا، اسٹاک مارکیٹ میں 39.93 ارب سے بڑھ کر 20 ارب روپے کا کاروبار ہوا۔

    خیال رہے کہ گزشتہ ہفتے سے اسٹاک مارکیٹ میں بے حد تیزی دیکھی جارہی ہے۔ رواں کاروباری ہفتے کے پہلے روز پیر کو 100 انڈیکس 40 ہزار پوائنٹس کی سطح عبور کر گیا تھا۔

    پیر کے روز دن کے اختتام تک 100 انڈیکس میں 836 پوائنٹس کا اضافہ ہوا تھا جس کے بعد 100 انڈیکس 9 ماہ بعد 40 ہزار کی سطح عبور کر کے 40 ہزار 124 پوائنٹس پر پہنچ گیا۔

  • پاکستان اسٹاک مارکیٹ: 100 انڈیکس میں 370 پوائنٹس کا اضافہ

    پاکستان اسٹاک مارکیٹ: 100 انڈیکس میں 370 پوائنٹس کا اضافہ

    کراچی: پاکستان اسٹاک ایکسچینج میں آج بھی تیزی دیکھنے میں آئی، 100 انڈیکس 40 ہزار 641 پوائنٹس پر بند ہوا۔

    تفصیلات کے مطابق کاروباری ہفتے کے چوتھے روز جمعرات کو پاکستان اسٹاک مارکیٹ میں ایک بار پھر تیزی دیکھی گئی۔ 100 انڈیکس میں 370 پوائنٹس کا اضافہ ہوا جس کے بعد دن کے اختتام پر انڈیکس 40 ہزار 641 پر بند ہوا۔

    ایک دن میں پاکستان اسٹاک مارکیٹ میں 50.74 کروڑ شئیرز کا ریکارڈ لین دین کیا گیا، اسٹاک مارکیٹ میں 39.93 ارب سے بڑھ کر 20 ارب روپے کا کاروبار ہوا۔

    خیال رہے کہ گزشتہ ہفتے سے اسٹاک مارکیٹ میں بے حد تیزی دیکھی جارہی ہے۔ رواں کاروباری ہفتے کے پہلے روز پیر کو 100 انڈیکس 40 ہزار پوائنٹس کی سطح عبور کر گیا تھا۔

    پیر کے روز دن کے اختتام تک 100 انڈیکس میں 836 پوائنٹس کا اضافہ ہوا تھا جس کے بعد 100 انڈیکس 9 ماہ بعد 40 ہزار کی سطح عبور کر کے 40 ہزار 124 پوائنٹس پر پہنچ گیا۔

  • پاکستان اسٹاک مارکیٹ: مسلسل تیزی کے بعد 100 انڈیکس میں کمی

    پاکستان اسٹاک مارکیٹ: مسلسل تیزی کے بعد 100 انڈیکس میں کمی

    کراچی: پاکستان اسٹاک ایکسچینج میں مسلسل تیزی کے بعد مندی کا رجحان دیکھا گیا، دن کے اختتام پر 100 انڈیکس 39 ہزار 788 پوائنٹس پر بند ہوا۔

    تفصیلات کے مطابق پاکستان اسٹاک ایکسچینج میں کاروباری ہفتے کے دوسرے روز یعنی منگل کو انڈیکس میں 40 ہزار کی سطح برقرار نہ رہ سکی۔

    دن کے آغاز پر 100 انڈیکس میں 300 سے زائد پوائنٹس کا اضافہ ریکارڈ کیا گیا جس کے بعد انڈیکس 40 ہزار 338 پوائنٹس کی سطح پر ٹریڈ کرنے لگا۔

    تاہم اس کے بعد کاروبار میں کمی آنے لگی، دن کے اختتام تک 100 انڈیکس میں 335 پوائنٹس کی کمی ہوئی جس کے بعد 100 انڈیکس 39 ہزار 788 پوائنٹس پر بند ہوا۔ مارکیٹ میں 14.43 ارب روپے مالیت کے 44.84 کروڑ شیئرز کا کاروبار کیا گیا۔

    خیال رہے کہ 100 انڈیکس میں 40 ہزار کی سطح گزشتہ روز عبور ہوگئی تھی۔

    گزشتہ روز دن کے اختتام تک 100 انڈیکس میں 836 پوائنٹس کا اضافہ ہوا تھا جس کے بعد 100 انڈیکس 9 ماہ بعد 40 ہزار کی سطح عبور کر کے 40 ہزار 124 پوائنٹس پر پہنچ گیا۔

    گزشتہ ہفتے بھی اسٹاک مارکیٹ میں زبردست تیزی دیکھی گئی تھی۔ گزشتہ ہفتے سرمایہ کاروں کا اعتماد بھی بحال ہوا، مارکیٹ میں 1.73 ارب شیئرز کے سودے ہوئے۔ مارکیٹ کے ہفتہ وار کاروبار کی مالیت 61 ارب روپے رہی۔

    کاروبار میں تیزی کے بعد مارکیٹ کیپٹلائزیشن 264 ارب روپے اضافے سے 7511 ارب روپے رہی تھی۔

  • پاکستان اسٹاک ایکسچینج: 100 انڈیکس 9 ماہ بعد 40 ہزار پوائنٹس کی سطح عبور کر گیا

    پاکستان اسٹاک ایکسچینج: 100 انڈیکس 9 ماہ بعد 40 ہزار پوائنٹس کی سطح عبور کر گیا

    کراچی: کاروباری ہفتے کے پہلے روز یعنی پیر کے دن پاکستان اسٹاک ایکسچینج میں تیزی دیکھی گئی، 100 انڈیکس 40 ہزار کی سطح عبور کرگیا۔

    تفصیلات کے مطابق گزشتہ ہفتے پاکستان اسٹاک ایکسچینج میں زبردست تیزی کے بعد نئے ہفتے کے پہلے روز یعنی پیر کے دن بھی مارکیٹ میں تیزی کا رجحان دیکھا گیا، دن کے آغاز پر 100 انڈیکس میں 200 سے زائد پوائنٹس کا اضافہ دیکھا گیا۔

    ایک گھنٹے بعد 100 انڈیکس میں مزید 250 یعنی کل 450 سے زائد پوائنٹس کا اضافہ ہوا جس کے بعد انڈیکس 39 ہزار 740 پوائنٹس کی سطح عبور کر گیا۔

    دن کے اختتام تک 100 انڈیکس میں 836 پوائنٹس کا اضافہ ہوا جس کے بعد 100 انڈیکس 9 ماہ بعد 40 ہزار کی سطح عبور کر کے 40 ہزار 124 پوائنٹس پر پہنچ گیا۔

    100 انڈیکس میں 39 ہزار کی سطح گزشتہ ہفتے عبور ہوگئی تھی اور یہ 8 ماہ بعد ہوا تھا۔ گزشتہ ہفتے میں 100 انڈیکس میں 13 سو 61 پوائنٹس کا اضافہ ہوا تھا۔

    جمعے کے روز 500 سے زائد پوائنٹس کے اضافے کے بعد 100 انڈیکس 39 ہزار 287 پوائنٹس پر بند ہوا تھا۔

    گزشتہ ہفتے سرمایہ کاروں کا اعتماد بھی بحال ہوا، مارکیٹ میں 1.73 ارب شیئرز کے سودے ہوئے۔ مارکیٹ کے ہفتہ وار کاروبار کی مالیت 61 ارب روپے رہی۔

    کاروبار میں تیزی کے بعد مارکیٹ کیپٹلائزیشن 264 ارب روپے اضافے سے 7511 ارب روپے رہی۔

  • مودی سرکار کی انتہا پسند پالیسیوں سے بھارتی معیشت بیٹھ گئی

    مودی سرکار کی انتہا پسند پالیسیوں سے بھارتی معیشت بیٹھ گئی

    نئی دہلی: انتہا پسند اور جنگی جنون میں مبتلا مودی سرکار کی حکومت میں بھارت کی معیشت بیٹھ گئی، مودی سرکار کی پالیسیوں سے بھارت تیزی سے ابھرتی معیشت کا اعزاز کھو بیٹھا اور شرح نمو کم ترین سطح پر آگئی۔

    تفصیلات کے مطابق بھارتی معیشت کی شرح نمو 6 سال کی کم ترین سطح پر آگئی، جولائی تا ستمبر بھارتی معاشی شرح نمو ساڑھے 4 فیصد رہی۔

    رپورٹ کے مطابق گزشتہ سال جولائی تا ستمبر بھارتی معیشت کی شرح نمو 7 فیصد تھی، رواں سال اپریل سے جون 2019 میں بھارت شرح نمو 5 فیصد تھی۔

    اسی طرح بھارت میں بے روزگاری کی شرح بھی 40 سال کی بلند ترین سطح پر آگئی۔ آٹو سیکٹر میں بھی بے انتہا سست روی اور صارفین کی قوت خرید میں نمایاں کمی دیکھی گئی۔

    کچھ عرصہ قبل بھارتی ماہر معاشیات پروفیسر ارون کمار نے بی بی سی میں شائع اپنے ایک کالم میں لکھا کہ 15 ماہ قبل بھارت کی معیشت 8 فیصد کی رفتار سے ترقی کر رہی تھی جو اب نصف ہوچکی ہے۔

    ان کے مطابق بھارت میں چاروں طرف سے معاشی سست رفتاری کی اطلاعات موصول ہو رہی ہیں۔ لدھیانہ میں سائیکلوں اور آگرہ میں جوتے جیسی صنعتوں سے وابستہ غیر منظم شعبے بڑی تعداد میں بند ہو چکے ہیں۔

    پروفیسر ارون کمار کے مطابق 3 برسوں میں بھارتی معیشت کو تین بڑے جھٹکے لگے ہیں جس کی وجہ سے بے روزگاری میں اضافہ ہوا ہے۔ اعداد و شمار بتاتے ہیں کہ ملک میں ملازمین کی تعداد 45 کروڑ تھی جو کم ہو کر 41 کروڑ رہ گئی ہے۔

  • پاکستان اسٹاک ایکسچینج: 8 ماہ بعد 100 انڈیکس 39 ہزار پوائنٹس کی سطح عبور کر گیا

    پاکستان اسٹاک ایکسچینج: 8 ماہ بعد 100 انڈیکس 39 ہزار پوائنٹس کی سطح عبور کر گیا

    کراچی: پاکستان اسٹاک ایکسچینج میں 500 پوائنٹس کا اضافہ دیکھا جارہا ہے، 100 انڈیکس 8 ماہ بعد 39 ہزار پوائنٹس کی سطح عبور کر گیا۔

    تفصیلات کے مطابق ہفتے کے آخری کاروباری روز پاکستان اسٹاک مارکیٹ میں تیزی دیکھی جارہی ہے۔ دن کے آغاز پر 100 انڈیکس میں 300 سے زائد پوائنٹس کا اضافہ ہوا اور کچھ دیر بعد مزید 200 پوائنٹس کا اضافہ ہوا۔

    500 سے زائد پوائنٹس کے اضافے کے بعد 100 انڈیکس 8 ماہ بعد 39 ہزار پوائنٹس کی سطح عبور کر گیا۔ اس وقت انڈیکس 39 ہزار 227 پوائنٹس پر ٹریڈ کر رہا ہے۔

    گزشتہ روز بھی اسٹاک مارکیٹ میں تیزی کا رجحان دیکھا گیا تھا، 100 انڈیکس میں 620 پوائنٹس کا اضافہ ہوا جس کے بعد انڈیکس 38 ہزار 742 پوائنٹس پر ٹریڈ کر رہا ہے۔

    رواں ہفتے منگل کے روز اسٹاک مارکیٹ میں مندی کا رجحان دیکھا گیا تھا۔ منگل کے روز انڈیکس میں 38 ہزار پوائنٹس کی نفسیاتی حد برقرار نہ رہ سکی اور انڈیکس 374 پوائنٹس کمی کے بعد 37 ہزار 839 پوائنٹس پر بند ہوا تھا۔

  • اسٹاک ایکسچینج میں تیزی کا رجحان، انڈیکس 38 ہزار سے تجاوز کر گیا

    اسٹاک ایکسچینج میں تیزی کا رجحان، انڈیکس 38 ہزار سے تجاوز کر گیا

    کراچی: پاکستان اسٹاک ایکسچینج میں آج تیزی کا رجحان دیکھا گیا، 100 انڈیکس 38 ہزار پوائنٹس سے تجاوز کرگیا۔

    تفصیلات کے مطابق جمعرات کے روز اسٹاک مارکیٹ میں تیزی کا رجحان دیکھا گیا، 100 انڈیکس میں 620 پوائنٹس کا اضافہ ہوا جس کے بعد انڈیکس 38 ہزار 742 پوائنٹس پر ٹریڈ کر رہا ہے۔

    رواں ہفتے دو دن قبل اسٹاک مارکیٹ میں مندی کا رجحان دیکھا گیا تھا۔ منگل کے روز انڈیکس میں 38 ہزار پوائنٹس کی نفسیاتی حد برقرار نہ رہ سکی۔

    دن کے اختتام تک 100 انڈیکس میں 374 پوائنٹس کی کمی ریکارڈ کی گئی جس کے بعد انڈیکس 37 ہزار 839 پوائنٹس پر بند ہوا تھا۔

    منگل کے روز 48 کروڑ 80 لاکھ حصص کا کاروبار ہوا تھا، حصص کی مالیت 11 کروڑ 80 لاکھ ڈالر رہی۔ منگل کو ہونے والا کاروباری حجم 30 ماہ کی بلند ترین سطح کا حجم تھا۔

  • اسٹاک مارکیٹ میں مندی کا رجحان، 100 انڈیکس میں کمی

    اسٹاک مارکیٹ میں مندی کا رجحان، 100 انڈیکس میں کمی

    کراچی: پاکستان اسٹاک ایکسچینج میں آج مندی کا رجحان دیکھا گیا، 100 انڈیکس 37 ہزار 839 پوائنٹس کی سطح پر پہنچ گیا۔

    تفصیلات کے مطابق ہفتے کے دوسرے کاروباری روز یعنی منگل کو اسٹاک مارکیٹ میں مندی کا رجحان دیکھا گیا۔ 100 انڈیکس میں 374 پوائنٹس کی کمی ریکارڈ کی گئی۔

    ہفتے کے دوسرے روز انڈیکس میں 38 ہزار پوائنٹس کی نفسیاتی حد برقرار نہ رہ سکی۔ ایک موقع پر انڈیکس میں 650 پوائنٹس کی کمی ہوئی جس کے بعد انڈیکس 37 ہزار 655 پوائنٹس کی سطح پر پہنچ گیا۔

    دن کے اختتام تک 100 انڈیکس میں 374 پوائنٹس کی کمی ریکارڈ کی گئی جس کے بعد انڈیکس 37 ہزار 839 پوائنٹس پر بند ہوا۔

    منگل کے روز 48 کروڑ 80 لاکھ حصص کا کاروبار ہوا، حصص کی مالیت 11 کروڑ 80 لاکھ ڈالر رہی۔ آج ہونے والا کاروباری حجم 30 ماہ کی بلند ترین سطح کا حجم ہے۔

    یاد رہے کہ گزشتہ ہفتے اسٹاک مارکیٹ میں کاروبار میں تیزی دیکھی گئی تھی، ایک ہفتے میں 100 انڈیکس میں 0.9 فیصد کا اضافہ ہوا۔

    پاکستان اسٹاک ایکسچینج میں گزشتہ ہفتے 100 انڈیکس میں 342 پوائنٹس کا اضافہ ہوا تھا جس کے بعد 100 انڈیکس 37 ہزار 583 پوائنٹس سے بڑھ کر 37 ہزار 925 پوائنٹس پر بند ہوا۔

    مارکیٹ رپورٹ کے مطابق گزشتہ ہفتے میں مارکیٹ کپیٹلائزیشن بھی 33 ارب روپے اضافے سے 7 ہزار 247 ارب روپے ہوگئی تھی۔

  • اے ایس ایف اہلکار اسلحے کی نمائش نہیں کر سکیں گے، ایوی ایشن ڈویژن

    اے ایس ایف اہلکار اسلحے کی نمائش نہیں کر سکیں گے، ایوی ایشن ڈویژن

    کراچی : ایوی ایشن ڈویژن کے ترجمان نے کہا ہے کہ اب اے ایس ایف اہلکاروں کی جانب سے اسلحے کی نمائش نہیں کی جائے گی، محکمہ موسمیات کی ’’میٹ آفس ویدر فور کاسٹ‘‘ ایپلی کشن متعارف کرائی گئی ہے۔

    تفصیلات کے مطابق ایوی ایشن ڈویژن کے عوامی فلاح کے اقدامات کی رپورٹ وزیراعظم آفس کو پیش کردی گئی، ترجمان ایوی ایشن ڈویژن کے مطابق عوامی فلاح وبہبود سے متعلق4نئے اقدامات کی نشاندہی کی گئی ہے۔

    رپورٹ میں اے ایس ایف اہلکاروں کو مسافروں کی ہرممکن سہولت کاری کی ہدایت کی گئی ہے، اے ایس ایف اہلکاروں کی جانب سے اسلحے کی نمائش نہیں کی جائے گی، ترجمان ایوی ایشن ڈویژن کے مطابق اے ایس ایف کے چیک پوائنٹس پر کلیئرنس کو تیز کیا جائے گا۔

    اس کے علاوہ موسم کی معلومات کیلئے ویدراسٹوڈیو کا قیام عمل میں لایا گیا ہے، محکمہ موسمیات کی ’’میٹ آفس ویدر فور کاسٹ‘‘ایپلی کشن متعارف کرائی گئی ہے، اسمارٹ فونز پر موبائل ایپ سے باآسانی موسم کا حال جان سکیں گے۔

    ترجمان کا مزید کہنا ہے کہ اسلام آباد ایئرپورٹ پر ای گیٹس کے قیام کی تجویز زیر غور ہے، اقدامات پر عمل درآمد کی رپورٹ وزیر اعظم آفس کو ارسال کی جائے گی۔