Tag: residence

  • سعودی عرب: ملازمین کو فیکٹریوں میں رہائش کی اجازت

    سعودی عرب: ملازمین کو فیکٹریوں میں رہائش کی اجازت

    ریاض: سعودی عرب میں فیکٹری کے ملازمین کو فیکٹریوں میں ہی رہائش دینے پر غور کیا جارہا ہے تاکہ ملازمین کو کرفیو پاس حاصل نہ کرنا پڑے اور فیکٹریوں میں کام بھی جاری رہے۔

    سعودی ویب سائٹ کے مطابق سعودی انڈسٹریل سٹیز اتھارٹی (مدن) کے ڈائریکٹر جنرل انجینیئر خالد السالم نے بتایا ہے کہ کارکنوں کو جلد ہی فیکٹریوں میں رہائش کی اجازت دی جائے گی۔

    اس سلسلے میں وزارت صنعت اور وزارت صحت کے تعاون سے رہائش کے اجازت نامے حاصل کرنے کی کارروائی کی جا رہی ہے۔ ڈائریکٹر کا کہنا ہے کہ یہ فیصلہ فیکٹریوں کی پیداوار بڑھانے کی غرض سے کیا گیا ہے۔

    وزارت صنعت اور وزارت صحت فیکٹریوں میں کارکنوں کو ٹھہرانے کے اجازت نامے اسی وقت جاری کرے گی جب یہ اطمینان کر لیا جائے گا کہ فیکٹریوں کے مالکان کارکنوں کی رہائش کے سلسلے میں معیاری ضوابط کی کارروائی کر رہے ہیں یا نہیں۔

    سعودی حکومت کارکنان کی رہائش کے لیے کمروں کا حجم مقرر کیے ہوئے ہے، علاوہ ازیں کرونا بحران کے زمانے میں رہائش کو سینی ٹائز کرنے کی پابندی بھی لگائے ہوئے ہے۔

    السالم نے توقع ظاہر کی ہے کہ اسی ہفتے کے دوران متعلقہ اداروں سے فیکٹریوں میں کارکنان کو ٹھہرانے کی منظوری مل جائے گی۔

    ان کے مطابق کارکنان کو ٹھہرانے کا پروگرام کثیر المقاصد ہے، ایسا کرنے پر کارکنان کو آنے جانے کی مشقت نہیں ہوگی اور اس کے لیے کرفیو کے دوران اجازت ناموں کی ضرورت بھی پیش نہیں آئے گی۔

    ان کا کہنا ہے کہ فیکٹریاں اپنا کام جاری رکھ سکیں گی، رہائشی مراکز میں کارکنان کو ٹھہرانے سے کہیں بہتر ہے کہ انہیں فیکٹریوں کے اطراف ٹھہرا دیا جائے۔

  • وزیراعظم عمران خان نے اپنی رہائش گاہ میں مسجد تعمیر کروادی

    وزیراعظم عمران خان نے اپنی رہائش گاہ میں مسجد تعمیر کروادی

    اسلام آباد : وزیراعظم عمران خان نے اپنی رہائش گاہ میں مسجد تعمیر کروادی، اس سے پہلے بنی گالہ میں نمازکے لئے مخصوص جگہ متعین نہیں تھی۔

    تفصیلات کے مطابق وزیراعظم عمران خان نے اپنی رہائش گاہ بنی گالہ میں مسجد تعمیر کروادی، وزیراعظم نے نئی تعمیر شدہ مسجد کا دورہ کیا اور نماز بھی ادا کی۔

    وزیراعظم نے مسجد کی تعمیر پر اطمینان کا اظہار کیا، مسجدکی تعمیر رہائش گاہ میں باجماعت نمازکی ادائیگی کے لئے کرائی گئی۔

    خیال رہے اس سے پہلے بنی گالہ میں نمازکےلئےمخصوص جگہ متعین نہیں تھی اور بڑی تعداد میں پارٹی رہنما بھی انفرادی طور پر لان میں ہی نماز ادا کرتے تھے۔

    خیال رہے وزیراعظم عمران خان اپنے پہلے غیر ملکی سرکارہ دورے پر سعودی عرب پہنچے تو  عمران خان نے ننگے  پاؤں مدینہ کی سرزمین پرقدم رکھا اور روضہ رسول پرحاضری دی اورریاض الجنتہ میں دعائیں مانگیں تھیں۔

    وزیراعظم کے لئے روضہ رسولﷺ کا دروازہ خصوصی طور پر کھولا گیا تھا۔