ARYNews.tv | Urdu – Har Lamha Bakhabar

Tag: resignation

  • استعفے مانگنے والوں کو استعفے دینے پڑگئے! اللہ کی شان! مریم نوازکا ٹوئٹ

    استعفے مانگنے والوں کو استعفے دینے پڑگئے! اللہ کی شان! مریم نوازکا ٹوئٹ

    لاہور : سابق وزیر اعظم کی صاحبزادی اور نواز لیگ کی رہنما مریم نواز نے کہا ہے کہ استعفے مانگنے والوں کو استعفے دینے پڑگئے! اللہ کی شان! خالی کرسیاں گواہی دے رہی ہیں عوام نے نوازشریف کی تائید کردی۔

    یہ بات انہوں نے مال روڈ لاہور میں ہونے والے متحدہ اپوزیشن کے جلسے پر رد عمل دیتے ہوئے اپنے ٹوئٹر پیغام میں کہی۔

    سماجی رابطے کی ویب سائٹ پر ان کا کہنا تھا کہ جلسے میں دکھنے والی خالی کرسیاں گواہی دے رہی ہیں کہ عوام نے نوازشریف کی تائید کردی۔

    شیخ رشید کے اسمبلی سے مستعفی ہونے کے حوالے سے انہوں نے کہا کہ استعفےمانگنے والوں کو استعفے دینے پڑگئے! اللہ کی شان!

    اگلے ٹوئٹ میں مخالفین کے بارے میں لکھا کہ سازشی عناصر 2018  تک صبرکریں بلکہ اس کے بھی صبرکریں، ساڑھے چار سال سے مسترد شدہ  کٹھ پتلیوں کے ناٹک کا یوم حساب آپہنچا، الیکشن میں یہ عوام کےغضب کا ایندھن ہوجائیں گے۔

    علاوہ ازیں وفاقی وزیر ریلوے خواجہ سعد رفیق نے بھی ٹوئٹر پر اپنے خیالات کا کھل کر اظہار کیا، ان کا کہنا تھا کہ قتل کے مقدمے کا فیصلہ چوک پر نہیں عدالت میں ہوگا، شور مچا کراور گند ڈال کر کسی کو قاتل نہیں بنا سکتے۔

    انہوں نے متنبہ کیا کہ جمہوریت کے ساتھ کوئی کھلواڑ ہوا توپہلی ذمہ داری شیطانی اتحاد کی ہوگی، قادری صاحب کی قلابازیاں ضرب المثل بن چکی ہیں، طاہرالقادری نے ہمیشہ جمہوریت کےخلاف کردار ادا کیا۔

    ان کا کہنا تھا کہ کینیڈین شہری پاکستان میں انتشار اور افراتفری پھیلانے آتے ہیں، ملک کو عدم واستحکام سے دوچار کرنیوالے غیر ملکی ایجنڈے پرعمل پیرا ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔

  • شیخ رشید کا قومی اسمبلی کی رکنیت سے مستعفی ہونے کا اعلان

    شیخ رشید کا قومی اسمبلی کی رکنیت سے مستعفی ہونے کا اعلان

    لاہور : عوامی مسلم لیگ کے سربراہ شیخ رشید نے کہا ہے کہ قسم کھا کر کہتا ہوں اجمل قصاب کے گھر کا پتہ میڈیا کو نواز شریف نے دیا تھا، جس دن نواز شریف سچ بولے گا وہ اس کی زندگی کا آخری دن ہوگا، میں آج اسمبلی کی رکنیت سے مستعفی ہوتا ہوں۔

    ان خیالات کا اظہار انہوں نے لاہور میں عوامی تحریک کے زیراہتمام ایک بڑے جلسہ عام سے خطاب کرتے ہوئے کیا، انہوں نے سابق وزیر اعظم اور ان کے بھائی شہباز شریف کو اپنی تنقید کا نشانہ بناتے ہوئے کہا کہ نوازشریف آج جگہ جگہ دھکے کھا رہا ہے، انہوں نے نواز شریف کیخلاف ’’مودی کا جو یارغدار ہے غدار ہے‘‘ کے نعرے بھی لگوائے۔

    شیخ رشید نے کہا کہ ماڈل ٹاؤن کے قاتل کاروباری لوگ ہیں، خرید وفروخت کرتے ہیں، شہبازشریف کو نیب نے22 جنوری کو طلب کرلیا ہے۔

    انہوں نے قصور کے اندوہناک واقعے کا ذکر کرتے ہوئے کہا کہ صرف یہ ایک زینب کا کیس نہیں ہے ایسے کئی کیسز ہیں۔

    جلسے سے خطاب کرتے ہوئے ان کا کہنا تھا کہ اب نوازشریف کا لیڈر شیخ مجیب بن گیا ہے، ان کے گھر میں ایک حسینہ واجد بھی ہے، شاہد خاقان عباسی کہتا ہے کہ 5 ججز کا فیصلہ ردی کی ٹوکری میں ڈالو۔

     شریف برداران مال لگا کرسیاست کرتے ہیں، مجھےپتہ ہے سیکرٹ فنڈ کیسے دیئے جاتے ہیں، ماڈل ٹاؤن کے قاتل کاروباری لوگ ہیں ،خرید وفروخت کرتے ہیں، یہ لوگ تقریروں سے نہیں جائیں گے۔

    انہوں نے کہا کہ میں ایسی پارلیمنٹ پر لعنت بھیجتا ہوں اور آج اس موقع پر قومی اسمبلی کی رکنیت سے استعفے کا اعلان کرتا ہو۔

    شیخ رشید نے کہا کہ ڈونلڈ ٹرمپ کےٹوئٹ کے وقت کو سمجھیں، بھارتی آرمی چیف نے پاکستان کیخلاف بیان دیا اس کے بھی وقت کو دیکھیں، بہت کچھ سامنے آجائے گا۔

  • خورشیدشاہ کا وزیراعلیٰ پنجاب اورراناثنا اللہ سےاستعفےکامطالبہ

    خورشیدشاہ کا وزیراعلیٰ پنجاب اورراناثنا اللہ سےاستعفےکامطالبہ

    اسلام آباد : اپوزیشن لیڈرخورشیدشاہ نے وزیراعلیٰ پنجاب اور راناثنا اللہ سےاستعفےکامطالبہ کردیا اور کہا کہ رائے ونڈ میں مور مرنے پر ایس پی کو معطل کیا گیا، اس ننھی جان کے بدلے وزیراعلیٰ پنجاب کو استعفیٰ دیناچاہیے۔

    تفصیلات کے مطابق قائد حزب اختلاف خورشید شاہ نے وزیراعلیٰ پنجاب شہباز شریف اور راناثنا اللہ سے استعفے کا مطالبہ کرتے ہوئے کہا کہ قصور سانحہ پہلا نہیں ایسے واقعات وہاں مسلسل ہو رہےہیں، رائےونڈمیں مورمرنےپرایس پی کومعطل کیاگیا، اس ننھی جان کے بدلے وزیراعلیٰ پنجاب کو استعفیٰ دینا چاہیے۔

    خورشید شاہ کا کہنا تھا کہ قصورسانحہ حکومت پنجاب کی ناکامی ہے۔ حکومت ایسےواقعات کی روک تھام میں ناکام رہی ۔ ملزموں کی گرفتاری نہ ہوئی تویہ حکومت کی ناکامی ہوگی۔

    قصور میں مظاہرین پر پولیس کی جانب سے فائرنگ کے حوالے سے انھوں نے کہا کہ مظاہرین پر فائرنگ افسوسناک عمل ہے، مظاہرین پرفائرنگ کر کے سانحہ ماڈل ٹاؤن کو دہرایا گیا،  حکومت وقت نے سبق سیکھنے کی بجائے تاریخ کودوبارہ دہرایا۔

    اپوزیشن لیڈر کا کہنا تھا کہ حکومت کا کام لوگوں کو مارنا نہیں تحفظ فراہم کرنا ہے، ناکامی چھپانے کیلئے لوگوں کو مارنا حکومت کی ناکامی کا ثبوت ہے۔

    انھوں نے مزید کہا کہ نواز شریف کی باتوں کےپیچھےان کی سوچ ہے، نواز شریف کی باتوں کامقصد کچھ اورہے، نوازشریف کامقصد اداروں کی ساکھ ختم کرناہے، نوازشریف کےجارحانہ رویےسےملک میں تباہی ہوگی، نوازشریف کے رویے سے ریاست کمزور ہوگی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • وزیراعلیٰ بلوچستان کیخلاف تحریک عدم اعتماد پیش، سرفرازبگٹی کا مستعفی ہونیکا فیصلہ

    وزیراعلیٰ بلوچستان کیخلاف تحریک عدم اعتماد پیش، سرفرازبگٹی کا مستعفی ہونیکا فیصلہ

    کوئٹہ : حکومتی اتحاد میں شامل جماعتوں اور اپوزیشن اراکین بلوچستان اسمبلی نے وزیراعلیٰ بلوچستان ثناءاللہ زہری کے خلاف تحریک عدم اعتماد جمع کرادی، جبکہ ذرائع کا کہنا ہے کہ وزیر داخلہ سرفراز بگٹی عنقریب مستعفی ہوجائیں گے۔

    تفصیلات کے مطابق بلوچستان اسمبلی کے اپوزیشن اراکین نے وزیراعلیٰ نواب ثنا اللہ زہری کیخلاف تحریک عدم اعتماد جمع کرادی ہے، اراکین کا کہنا ہے کہ وزیر اعلیٰ بلوچستان اپنوں کو نوازتے ہیں اور باقی منہ دیکھتے رہ جاتے ہیں لیکن اب اور نہیں چلے گا۔

    نواب ثنا اللہ زہری پر الزامات ق لیگ اور مجلس وحدت المسلمین نے لگائے، اسمبلی میں جمع کرائی گئی تحریک عدم اعتماد پر چودہ ارکان کے دستخط موجود ہیں۔

     تحریک پر دستخط کرنے والوں میں رکن اسمبلی میر قدوس بزنجو، میر کریم نوشیروانی، آغا رضا، میر خالد لانگو، نوابزادہ طارق مگسی، ڈاکٹر رقیہ سعید ہاشمی، محمد اختر مگسی، زمرد خان اچکزئی، حسین بانو، شاہدہ رؤف، خلیل الرحمان، عبدالمالک کاکڑ اور امان اللہ نوتیزئی شامل ہیں۔

    ق لیگ کے رکن اسمبلی میر عبدالقدوس بزنجو کا میڈیا سے گفتگو میں کہنا تھا کہ نواب ثناءاللہ زہری ان کے مسائل کوسنجیدگی سےنہیں لیتے اور فنڈز کی منصفانہ تقسیم بھی نہیں کی جاتی، مجلس وحدت مسلمین کے سید آغا محمد رضا کا کہنا تھا کہ وزیراعلیٰ نے آج تک کوئی وعدہ پورا نہیں کیا۔

    دوسری جانب مصدقہ ذرائع نے دعویٰ کیا ہے کہ وزیرداخلہ بلوچستان سرفرازبگٹی نے عہدے سے مستعفی ہونےکا فیصلہ کرلیا ہے اوروہ جلد اپنا استعفیٰ وزیراعلیٰ بلوچستان کو بھیج دیں گے۔

    ذرائع کے مطابق یہ فیصلہ انہوں نے چودہ اراکین اسمبلی کی جانب سے عدم اعتماد کی تحریک لانے کے بعد کیا ہے۔

    اس حوالے سے وزیرداخلہ بلوچستان سرفرازبگٹی کا کہنا تھا کہ مستعفی ہونے سے متعلق خبروں کی نہ فی الحال تصدیق کرسکتا ہوں اور نہ تردید، میرےاستعفے سے متعلق میڈیا پر جو خبریں چل رہی ہیں وہ چلنے دیں، کل اہم پریس کانفرنس کروں گا۔

  • استعفیٰ مانگنے والے مئی 2018 تک انتظارکریں، رانا ثناء اللہ

    استعفیٰ مانگنے والے مئی 2018 تک انتظارکریں، رانا ثناء اللہ

    فیصل آباد : صوبائی وزیر قانون راناثناء اللہ نے کہا ہے کہ استعفیٰ مانگنے والےمئی 2018 تک انتظار کریں، دھرنے اور لانگ مارچ منفی سوچ رکھنے والے سیاستدانوں کے ہتھکنڈے تھے، نوازشریف سعودی عرب مسلم امہ کے رہنما کے طور پر گئے ہیں۔

    ان خیالات کا اظہار انہوں نے فیصل آباد میں میڈیا سے گفتگو کرتے ہوئے کیا، رانا ثناءاللہ نے کہا کہ مجھ سے ساڑھے چارسال سے استعفیٰ مانگا جارہاہے، استعفیٰ مانگنے والےمئی 2018 تک انتظارکریں انہیں استعفیٰ مل جائے گا۔

    انہوں نے مزید کہا کہ ساڑھے چار سال سےملک میں عدم استحکام، افراتفری کا ماحول پیدا کرنے کی کوشش ہورہی ہے، دھرنے، لاک ڈاؤن کا مقصد یہ تھا کہ پاکستان آگے نہ بڑھے، دھرنے، لانگ مارچ منفی سیاستدانوں کے ہتھکنڈے تھے۔

    وزیر قانون کا کہنا تھا کہ شریف برادران کے دورہ سعودی عرب سے اپوزیشن ابہام کا شکار ہے، نواز شریف سعودی عرب مسلم امہ کے رہنما کے طور پر گئے ہیں، وہ امت مسلمہ کیلئے مثبت کردار ادا کررہے ہیں۔

    ایک سوال کے جواب میں انہوں نے کہا کہ سانحہ ماڈل ٹاؤن کی جےآئی ٹی میں تمام افراد پیش ہوئے تھے، جے آئی ٹی نے کچھ پولیس اور کچھ  پاکستان عوامی تحریک کے کارکنان کو ذمہ دارقرار دیا ہے۔

    اس مقدے میں 149 افراد پر الزام عائد ہوا، جن لوگوں پر الزامات ہیں وہ عدالتوں میں بھی پیش ہورہے ہیں۔

    مزید پڑھیں: شہبازشریف اور رانا ثناءاللہ کو مستعفی ہونا پڑے گا، آصف زرداری

    راناثناء اللہ نے کہا کہ باقر نجفی رپورٹ میں کسی خاص شخصیت کو ذمہ دارنہیں ٹھہرایا گیا، پاکستان میں لاشوں کی سیاست کسی کو نہیں کرنے دینگے، ماڈل ٹاؤن مقدمہ چل رہاہے، شہر کے چوکوں اور چوراہوں پر تقاریر کرنا ٹھیک نہیں۔

    مزید پڑھیں: رانا ثنا کا استعفی پہلا مطالبہ ہے، پیچھے نہیں ہٹیں گے، حمید الدین سیالوی

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔ 

     

  • قومی ہاکی ٹیم کے کوچ فرحت خان عہدے سے مستعفی

    قومی ہاکی ٹیم کے کوچ فرحت خان عہدے سے مستعفی

    لاہور : پاکستان ہاکی ٹیم کے ہیڈ کوچ فرحت خان اپنے عہدے سے مستعفی ہوگئے، آسٹریلیا میں ہونے والے چار ملکی ہاکی ٹورنامنٹ میں قومی ٹیم کی کارکردگی انتہائی مایوس کن تھی۔

    تفصیلات کے مطابق قومی ہاکی ٹیم کے کوچ فرحت خان نے عہدے سے استعفیٰ دے دیا، اولمپیئن نے ذاتی مصروفیات کے باعث یہ اقدام اٹھایا ہے، فرحت خان کا کہنا ہے کہ ذاتی مصروفیات کی بنا پر ہاکی ٹیم کی مزید کوچنگ نہیں کرسکتا۔

    ہیڈ کوچ فرحت خان نے گزشتہ روز بذریعہ ٹیلی فون پاکستان ہاکی فیڈریشن کے صدر بریگیڈیئر خالد سجاد کھوکھر کو اپنے فیصلے سے آگاہ کردیا تھا۔

    ٹیلی فونک رابطے میں فرحت خان نے ان سے درخواست کی تھی کہ انہیں آئندہ کسی بھی ایونٹ کیلئے نامزد نہ کیا جائے۔

    واضح رہے کہ فرحت خان کی کوچنگ میں پاکستانی ٹیم نے ایشیا ہاکی کپ میں براؤنز میڈل جیتا تھا، آسٹریلیا میں ہونے والی چار ملکی ٹورنامنٹ میں قومی ٹیم بری طرح ناکام ثابت ہوئی، جس کے بعد قومی ٹیم کی مینجمنٹ کو تبدیل کرنے کے لیے سخت دباؤ تھا۔

    اس کے علاوہ بھارت سے مسلسل شکست پر بھی فرحت خان کو شدید تنقید کا سامنا رہا۔ دوسری جانب ذرائع کا کہنا ہے کہ قومی ٹیم کے نئے کوچ کے لیے غیر ملکی کوچ کا انتخاب زیر غور ہے اور اس کے لیے ایک جرمن کوچ سے رابطہ کیا گیا ہے۔

  • مطالبات پر قائم ہوں، دھرنا نہیں دوں گا، مزید استعفے آئینگے، پیرحمیدالدین سیالوی

    مطالبات پر قائم ہوں، دھرنا نہیں دوں گا، مزید استعفے آئینگے، پیرحمیدالدین سیالوی

    اسلام آباد : پیر سیال شریف حمیدالدین سیالوی نے کہا ہے کہ اب اتنے استعفےآئیں گے جو نواز لیگ کیلئے کافی ہوں گے، اپنے مطالبات پر قائم ہوں اور رہوں گا، نہ میں نے پہلے دھرنا دیا نہ اب دوں گا۔

    ان خیالات کا اظہار انہوں نے اے آر وائی نیوز کے پروگرام آف دی ریکارڈ میں میزبان کاشف عباسی سے خصوصی گفتگو کرتے ہوئے کیا۔

    پیرحمیدالدین سیالوی نے کہا کہ استعفوں سے نواز لیگ کو فرق نہیں پڑتا تو نہ پڑے، مزیداستعفے ابھی اور آئیں گے، کافی لوگوں نے استعفے دینے کی یقین دہانی کرائی ہے، ان کی تعداد سےمتعلق ابھی نہیں بتاسکتا۔

    ایک سوال کے جواب میں پیرحمیدالدین سیالوی کا کہنا تھا کہ اگر رانا ثنا ءاللہ کا استعفیٰ نہ آیا تو گوجرانوالہ، گجرات کے بعد آخر میں لاہور جائیں گے لیکن تینوں شہروں میں دھرنا نہیں دیں گے، اپنےمطالبات پر قائم ہوں اور رہوں گا، نہ میں نےپہلےدھرنادیانہ اب دوں گا، میں نہ جھکوں گا نہ ہی مجھے خریدا جاسکتا ہے۔

    انہوں نے کہا کہ رانا ثناءاللہ کی تقریر سے مسلمانوں کے جذبات مجروح ہوئے، راناثنا ختم نبوت پرایمان رکھنے کا حلفیہ بیان دیں، تمام علماء کرام مل کر جو فیصلہ کریں گے اس پرعمل کروں گا۔

    پیرحمیدالدین سیالوی کا کہنا تھا کہ پی ٹی آئی، پیپلزپارٹی سمیت کسی جماعت سے رابطہ نہیں ہے، استعفے سے متعلق شہبازشریف نے ایک بار کال کی تھی، لیکن وہ نہیں آئے، جبکہ شہباز شریف نے ٹیلی فون پر کہا تھا کہ تین دن میں آکر آپ کے مطالبات مانیں گے، دیکھتے ہیں انہیں عقل کب آتی ہے، حمزہ شہبازشریف سے کبھی رابطہ نہیں ہوا۔

    پیرحمیدالدین سیالوی نے مزید کہا کہ حکومت سے بات چیت ہوسکتی ہے، اپنے مطالبات منوا سکتے ہیں، سال 2013میں میرے بیٹے کے پاس پی ٹی آئی سمیت دیگر ممبران آئے، میرے بیٹے نے کہا کہ الیکشن لڑنے سے متعلق والد سے اجازت لیں۔

  • رانا ثنا کا استعفیٰ، شہبازشریف نے پیرحمید الدین سیالوی سے مہلت مانگ لی

    رانا ثنا کا استعفیٰ، شہبازشریف نے پیرحمید الدین سیالوی سے مہلت مانگ لی

    لاہور: رانا ثناءاللہ کے استعفیٰ کی ڈیڈ لائن ختم ہونے پر شہباز شریف نے پیر حمید الدین سیالوی سے مزید مہلت کی درخواست کردی۔

    تفصیلات کے مطابق پنجاب کے وزیر قانون کے استعفے کی تین دسمبر کی ڈیڈ لائن ختم ہونے سے پہلے وزیر اعلیٰ پنجاب شہباز شریف نے پیر حمید الدین سیالوی سے خود ٹیلی فون پر رابطہ کر لیا، جس میں انہوں نے مہلت بڑھانے کے فیصلے پر نظرثانی کی درخواست کی۔

    رانا ثنا اللہ کے استعفٰی کے معاملے پر وزیر اعلٰی پنجاب کو مزید وقت دے دیا گیا، بات چیت میں طے پایا کہ شہباز شریف پیر حمید الدین سیالوی سے مل کر تحفظات دور کریں گے۔

    اس حوالے سے پیر حمید االدین سیالوی کے بھتیجے رکن پنجاب اسمبلی غلام نظام الدین سیالوی کا کہنا ہے کہ وزیراعلیٰ پنجاب کی یقین دہانی پر راناثناءاللہ کے استعفی کا مطالبہ مؤخرکردیا گیا ہے۔

    شہباز شریف نے آج پیرصاحب سے خود رابطہ کرکے کہا ہے کہ وہ پہلی فرصت میں حاضر ہوکر تحفظات دور کرنے کیلیے تیارہیں۔

    مزید پڑھیں: استعفے سے متعلق فیصلہ نوازشریف کریں گے، رانا ثنا اللہ

    یاد رہے کہ پیر حمید الدین سیالوی نے ناموس رسالت کے معاملے پر تین دسمبر کی ڈیڈ لائن دی تھی اور دھمکی تھی کہ رانا ثناءاللہ کا استعفیٰ نہ آیا تو ن لیگ کے درجن سے زائد اراکین اسمبلی استعفے دیدیں گے۔

    مزید پڑھیں: رانا ثناء مستعفی نہ ہوئے تو استعفوں کی لائن لگ جائے گی، نظام الدین سیالوی

    اس سے چند روز قبل ترجمان نواز لیگ زعیم قادری نے بھی پیر حمید الدین سیالوی سے ملاقات کی تھی، انہوں نے ملاقات میں راناثناءاللہ کو ان کی خدمت میں پیش کرنے کا وعدہ بھی کیا تھا۔

  • وزیرمملکت دوستین ڈومکی احتجاجاً عہدے سے مستعفی

    وزیرمملکت دوستین ڈومکی احتجاجاً عہدے سے مستعفی

    اسلام آباد : وزیر مملکت برائے سائنس اینڈ ٹیکنالوجی دوستین ڈومکی نے اختیارات میں مداخلت پر احتجاجاً عہدے سے استعفیٰ دے دیا، ان کا کہنا ہے کہ ایک وفاقی وزیر این ٹی ایس میں کرپشن کی سرپرستی کر رہے ہیں۔

    تفصیلات کے مطابق وزیرسائنس اینڈ ٹیکنالوجی دوستین خان ڈومکی نے اپنے عہدے سے مستعفی ہوتے ہوئے اپنااستعفیٰ وزیراعظم ہاؤس بھیج دیا۔

    ذرائع کے مطابق استعفے کی وجوہات میں دوستین ڈومکی کا کہنا ہے کہ وزارت سائنس اینڈ ٹیکنالوجی، کامسیٹس اور این ٹی ایس میں بےضابطگیاں ہیں۔

    میں نے عوامی شکایات پر این ٹی ایس میں ہونے والی کرپشن کے خلاف نوٹس لیا، اور بےضابطگیوں کی شکایات پر انکوائری کا حکم دیا، جس پر وزیر دفاعی پیداوار رانا تنویر حسین این ٹی ایس کی کرپشن کے خلاف کارروائی کو روکنا چاہتے ہیں۔

    ان کا مزید کہنا تھا کہ اس کے بعد وزیر دفاعی پیداوار کو میری وزارت کا مکمل چارج دے دیا گیا، میرے ہوتے ہوئے میری وزرت کا چارجکسی کو دیا انتہائی نامناسب ہے، جس کا مقصد میرے کام میں رکاوٹ ڈالنا تھا۔

    لہٰذا اس صورتحال میں میرے لیے کام کرنا مشکل ہے اس لیے میں اپنے عہدے سے مستعفی ہورہا ہوں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • بابراعوان کا وزیراعظم نوازشریف کے ساتھ شہبازشریف کے استعفے کا مطالبہ

    بابراعوان کا وزیراعظم نوازشریف کے ساتھ شہبازشریف کے استعفے کا مطالبہ

    اسلام آباد : پی ٹی آئی رہنما بابراعوان نے وزیراعظم نوازشریف کے ساتھ وزیراعلیٰ پنجاب شہبازشریف کے استعفےکامطالبہ بھی کردیا اور کہا کہ عوام ، وکلا، سیاسی نمائندے سب نوازشریف کے استعفے کا مطالبہ کر رہے ہیں۔

    تفصیلات کے مطابق سپریم کورٹ کے باہر میڈیا سے گفتگو کرتے ہوئے تحریک انصاف کے رہنما بابر اعوان کا کہنا تھا کہ قانون کی بالادستی کے لئے نواز، شہبازشریف دونوں استعفیٰ دیں، عوام ، وکلا، سیاسی نمائندے سب نوازشریف کے استعفے کا مطالبہ کر رہے ہیں، مطالبے میں اب دو اضافے ہوگئے ہیں۔

    بابراعوان نے کہا کہ قطر کی حکومت نے خود لکھا ہے کوئی منی ٹر یل نہیں آئی ، حکومت سپریم کورٹ اطراف تلور چھوڑ دیتے تو قطری آجاتا، پاکستان کے خزانے کے کیس کھلیں گے تو سب حیران ہوجائیں گے، کل جےآئی ٹی کے ممبران کو پولیس کےعلاوہ بھی سیکیورٹی مانگنا پڑی، نوازشر یف اقتدار میں ہونگے تو لازمی خرید و فروخت کرینگے۔

    انھوں نے کہا کہ ایان علی کو پکڑنے والی ایف آئی اے نے ظفرحجازی کو کیوں نہیں پکڑا، ظفرحجازی نے کل کہا پہلے تو کم ٹیمپرنگ کی اب دیکھنا میں کیا کرتا ہوں، پی ٹی آئی کے وکلا اسحاق ڈار اور وزارت داخلہ کو مفت مشورہ دیتے ہیں، ظفرحجازی سے اور کام نہیں لینا تو انہیں معطل کردیں۔

    پی ٹی آئی رہنما کا کہنا تھا کہ اسحاق ڈارصاحب ظفرحجازی دھمکیاں دیتے پھر رہےہیں، 17بینکوں سے متعلق انکشاف جلد لاہور میں کریں گے، شہبازشریف کیخلاف ریفرنس دیتے وقت انکشافات کریں گے، گلوبٹوں،جندال اور مودی کے یاروں کو ایک دھکا اور دو۔

    بابر اعوان کا مزید کہنا تھا کہ لوگوں کو یوم آزادی منانےسےروکنےکیلئے دفعہ144نافذ کی گئی، اسلام آباد میں دفعہ144کے خلاف ہائیکورٹ میں رٹ دائرکریں گے، حکومت کو معلوم ہے جو بھی جلسہ،ریلی ہوگی اس میں گونوازگو کا نعرہ لگے گا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔