ARYNews.tv | Urdu – Har Lamha Bakhabar

Tag: respond

  • پیوٹن نے سختی سے کہا یوکرین کو فضائی اڈوں پر حملوں کا جواب دیں گے، ٹرمپ

    پیوٹن نے سختی سے کہا یوکرین کو فضائی اڈوں پر حملوں کا جواب دیں گے، ٹرمپ

    امریکی صدر ڈونلڈ ٹرمپ نے کہا ہے کہ روسی صدر ولادیمیر پیوٹن نے سختی سے کہا یوکرین کو فضائی اڈوں پر حملوں کا جواب دیں گے۔

    غیر ملکی میڈیا رپورٹس کے مطابق بدھ کو روسی صدر پیوٹن اور امریکی صدر ڈونلڈ ٹرمپ کے درمیان 75 منٹ کی طویل ٹیلیفونگ گفتگو ہوئی۔

    امریکی صدر نے روسی ہم منصب سے گفتگو کے بعد سوشل میڈیا پر ایک پوسٹ شیئر کی ہے جس میں انہوں نے بتایا کہ روسی صدر پیوٹن سے ایک گھنٹہ پندرہ منٹ تک بات ہوئی۔

    امریکی صدر ٹرمپ نے کہا کہ پیوٹن سے روس پر یوکرین کے حملے اور ایران سے متعلق تبادلہ خیال کیا گیا، پیوٹن کی گفتگو مثبت لیکن وہ فوری طور پر امن کی جانب جانے والی نہیں تھی۔

    ڈونلڈ ٹرمپ نے کہا کہ پیوٹن نے مجھ سے بہت سختی سے کہا کہ وہ فضائی اڈوں پر یوکرین کے حالیہ حملوں کا جواب ضرور دیں گے۔

    https://urdu.arynews.tv/ukraine-russia-cyber-attack-aircraft-maker-data/

    دونوں رہنماؤں نے ایران کے معاملے پر بھی گفتگو کی، جس سے متعلق ٹرمپ کا کہنا تھا روسی صدر ایران سے متعلق بات چیت میں حصہ لیں گے، ایران جوہری معاہدے پر فیصلے کیلئے آہستہ چل رہا ہے۔

    واضح رہے کہ گزشتہ دنوں یوکرینی ڈرونز نے روسی سرحد میں ڈھائی ہزار میل تک گھس کر روسی طیارے تباہ کیے جس پر ماہرین نے حملے کو روس کا پرل ہاربر قرار دیا۔

     یوکرینی انٹیلی جنس کا دعویٰ ہے کہ روسی ہوائی اڈوں پر اس کے ڈرون حملوں میں روس کا 7 ارب ڈالر کا نقصان ہوا، روس کے کروز میزائلوں کے ذخیرے کا ایک تہائی حصہ تباہ ہوگیا۔

  • آپریشن بنیان مرصوص: پاکستان کی سائبر ٹیم نے بھارتی جارحیت کا منہ توڑ جواب کیسے دیا؟ تفصیلات آگئیں

    آپریشن بنیان مرصوص: پاکستان کی سائبر ٹیم نے بھارتی جارحیت کا منہ توڑ جواب کیسے دیا؟ تفصیلات آگئیں

    بھارتی سائبر جارحیت کے خلاف پاکستان کی سائبر ٹیم نے ”آپریشن بنیان مرصوص“ کے تحت دشمن کو زبردست اور منہ توڑ جواب دیا ہے جس کی تفصیلات سامنے آگئی ہے۔

    سیکیورٹی ذرائع کا کہنا ہے کہ افواج پاکستان کی سائبر ٹیم نے بھارت کو مختلف ڈومینز مین نقصان پہنچایا، بھارتی پاور انفرااسٹرکچر اور پیٹرولیم سیکٹر کو نقصان پہنچایا گیا۔

    ذرائع کے مطابق پاکستانی سائبر ٹیم نے بھارتی قومی مواصلات کو بھی شدید نقصان پہنچایا، بھارتی سرکاری ای میل اور اوٹی پی انفرااسٹرکچر کو بھی بند کیا گیا، پاکستانی سائبر ٹیم نے بھارتی نگرانی کے نظام میں خلل پیدا کیا۔

    ذرائع نے بتتایا کہ پاکستان کی سائبر ٹیم کمیونیکیشن ہارڈویئر کی تباہی اور بھارتی ویب سائٹس کو ہیک کیا، سائبر ٹیم نے بھارتی ہوائی اڈوں کے سرورز ٹیک ڈاؤن کیے، بھارتی فضائیہ کے مواصلاتی نظام اور ریلوے کےنظام میں خلل پیدا کیا۔

    پاکستانی سائبر ٹیم نے بھارت کے نیشنل، ایسٹرن، ناردرن اور ویسٹرن لوڈ ڈسپیچ سینٹرز تک رسائی حاصل کرکے سسٹم کو بھی ہیک کیا جبکہ بھارت کے تقریباً 80 فیصد صارفین کو عارضی طور پر بجلی کی فراہمی سے بھی محروم کیا، ریاست اتر پردیش میں 3600 سے زائد پاور فیڈرز، مقبوضہ جموں و کشمیر میں 600 سے زائد جبکہ ریاست مہارشٹر میں 4500 سے زائد فیڈرز کی سپلائی کو ہیک اور منقطع کیا گیا ۔

    آپریشن بنیان مرصوص: پاک فوج کی جوابی کارروائی میں ایڈیشنل ڈپٹی کمشنر راجوڑی راج کمار تھاپا مارا گیا

    آپریشن بنیان مرصوص: بھارت کی کئی اہم فوجی تنصیبات اور بجلی کا نظام تباہ، بھارت نے نقصان کا اعتراف کرلیا

    پاکستانی سائبر ٹیم نے پنجاب لوڈ ڈسپیچ سینٹر کے 2 مرکزری اے آئی سرورز ، ریاست کرناٹک میں 235 ونڈ اور سولر گرڈز کو ہیک اورناکارہ بنایا، ہندوستان پٹرولیم کارپوریشن لمیٹڈ، اندرا پرستھا گیس لمیٹڈ کے ڈیٹا بیس کو ہیک اور ناکارہ کردیا گیا جبکہ 4400 سرکاری اور پبلک سیکٹر کمیونیکیشن راؤٹرز کو بھی ناکارہ بنا دیا گیا۔

    افواج پاکستان کی سائبر ٹیم نے بھارتی حکومت، فوج، فضائیہ، اسٹاک ایکسچینجز اور پبلک سیکٹر تنظیموں سمیت بھارت کے تمام اہم سرورز پر حملہ کیا، جس کے نتیجے میں ای میل، او ٹی پی ورک فلو اور اندرونی مواصلات میں قومی خلل پیدا کیا گیا جبکہ سرکاری عمارتوں، شاہراہوں اور دیگر عوامی زونز کے 3500 سی سی ٹی وی کیمرے ہیک کیے گئے۔

    مقبوضہ جموں و کشمیر میں 250 سے زائد اہم آئی ایس پی کمیونیکیشن راؤٹرز کو ہیک کرکے ناکارہ بنادیا گیا جبکہ 90 سے زیادہ سرکاری اور کارپوریٹ سیکٹر کی ویب سائٹس کے ڈیٹا کو ہیک کرلیا گیا، جس میں بھارتی فضائیہ، ہندوستان ایروناٹکس لمیٹڈ، بارڈر سیکیورٹی فورس، ہندوستان کی منفرد شناختی اتھارٹی اور ہندوستانی ریلوے شامل ہیں۔

    افواج پاکستان کی سائبر ٹیم نے بھارتی ہوائی اڈوں کے سرورز کو بھی ہیک کیا، جن میں ممبئی، دہلی اور کولکتہ کے سرورز شامل ہیں، آپریشن بنیان مرصوص کے دوران بھارتی فضائیہ کے مواصلاتی نظام میں خلل پیدا کیا گیا جس میں بھارتی فضائیہ کی نادرن ، سدرن اور ویسٹرن ایئر کمانڈ شامل ہیں اس کے علاوہ بھارتی ریلوے کے مختلف سرورز  ہیک ہونے سے متعدد علاقوں میں آپریشن متاثر ہوئے ہیں۔

  • پاکستان کے پیش ڈوزئیر کے بعد بھارت نے پاکستان مخالف مہم تیز کر دی

    پاکستان کے پیش ڈوزئیر کے بعد بھارت نے پاکستان مخالف مہم تیز کر دی

    اسلام آباد : پاکستان کے پیش ڈوزئیر کے بعد بھارت نے پاکستان مخالف مہم تیز کر دی ہے، پاکستانی دفتر خارجہ کا کہنا ہے کہ بھارت پاکستان کوبدنام کرنے کے لیے فالس فلیگ آپریشن جیسے اقدامات کر سکتا ہے۔

    تفصیلات کے مطابق پاکستانی دفتر خارجہ نے بھارتی وزارت خارجہ کی غیرملکی سفیروں کو بریفنگ پر رد عمل دیتے ہوئے کہا بریفنگ مقبوضہ کشمیر ناگروٹا میں نام نہاددہشتگرد حملے سےمتعلق دی گئی ، بریفنگ پاکستان کے خلاف پراپیگنڈے کی ایک اور ناکام کوشش ہے۔

    دفترخارجہ کے ترجمان کا کہنا تھا کہ بھارتی ریاستی دہشت گردی، منصوبہ بندی، معاونت اور مالی اعانت کےثبوت دیے، ناقابل تردید ثبوت عالمی برادری کے سامنے رکھا، پاکستان کے پیش ڈوزئیر کے بعد بھارت نے پاکستان مخالف مہم تیز کر دی ہے۔

    ترجمان نے کہا کہ بھارتی جھوٹا بیانیہ ریاستی دہشت گردی سے توجہ ہٹانے کےسواکچھ نہیں، پاکستان نےعالمی برادری کو بھارت کے اقدامات پرپہلے ہی آگاہ کر رکھا ہے، بھارت پاکستان کوبدنام کرنےکےلیےفالس فلیگ آپریشن جیسےاقدامات کرسکتاہے۔.

    دفترخارجہ کا کہنا تھا کہ پاکستان بھارت کو عالمی سطح پر بے نقاب کرتا رہے گا، بے بنیاد بھارتی پراپیگنڈے سے عالمی برادری کو گمراہ نہیں ہونےدیں گے اور مطالبہ کیا کہ اقوام متحدہ اور عالمی برادری کو پاکستان کے پیش ڈوزئیر پر ایکشن لینا چاہیے۔

  • سعودیہ کسی بھی جارحیت کا بھرپور جواب دے گا، سعودی وزیرخارجہ

    سعودیہ کسی بھی جارحیت کا بھرپور جواب دے گا، سعودی وزیرخارجہ

    ریاض : سعودی عرب کے وزیر مملکت عادل الجبیر نے کہا ہے کہ ایرانی حکومت خطے کے امن اور استحکام کے لئے کام نہیں کر رہی ہے۔

    تفصیلات کے مطابق اتوار کے روز سعودی دارلحکومت میں نیوز کانفرنس سے خطاب کرتے ہوئے انھوں نے یہ بات زور دے کر کہی کہ ان کا ملک خطے میں جنگ نہیں چاہتا، تاہم دوسرے فریق [یعنی ایران] نے اگر جنگ کی راہ اختیار کی تو سعودی عرب اس جارحیت کا مصمم ادارے اور بھرپور طاقت سے جواب دے گا۔

    انھوں نے ایران پر زور دیا کہ وہ خطے کے دوسرے ملکوں کے ساتھ مل کر رہے۔ اس کی قیادت تخریبی پالیسیاں اختیار کرنے سے باز رہے اور اچھی ہمسائیگی کے اصولوں پر عمل کرتے ہوئے خطے کے معاملات میں مداخلت سے باز رہے۔

    انھوں نے کہا کہ تہران حکومت روز اول سے ہی اپنے ہاں رونما ہونے والے انقلاب کو دوسرے ملکوں تک برآمد کرنے میں کوشاں رہی ہے۔سعودی عرب کے اعلیٰ سفارتکار نے ایران پر یہ بھی زور دیا کہ وہ اپنی پالیسیوں سے خطے کو خطرات کے دہانے پر لے جائے۔

    انھوں نے عالمی برادی سے اپیل کی کہ ایرانی پالیسیوں کے تناظر میں اپنا کردار ادا کریں اور تہران کی خلاف ورزیوں سے متعلق فیصلہ کن موقف اختیار کریں۔

    عادل الجبیر کا کہنا تھا کہ خطے کے ممالک ایرانی حکومت کی مجرمانہ کارروائیوں اور مداخلت کا شکار چلے آ رہے ہیں۔ ایران دھماکا خیز مواد اور حاجیوں کے ذریعے حج کی سیکیورٹی کو خطرات سے دوچار کرنے جیسی مجرمانہ سرگرمیوں میں ملوث ہے۔ اور سعودی سفارتکاروں پر حملوں میں بھی ایران ملوث ہے۔

    انھوں نے کہا کہ ایران سعودی عرب کے شہر الخبر میں ہونے والے دھماکوں میں بھی ملوث ہے۔اور2016 کو مشھد میں سعودی قونصل خانے اور ایران میں سفارتی مشن پر حملے بھی ایرانی کی سرپرستی میں ہوئے۔ تہران، سعودی عرب میں جاسوسی کے لئے خفیہ سیلز تشکیل دینے میں بھی ملوث ہے۔

    عرب خبر رساں ادارے کا کہنا تھا کہ جاسوسی کے اس نیٹ ورک کے خلاف سعودی عرب نے خلاف کارروائی عمل میں لا کر اسے ناکام بنایا ہے۔

    نیوز کانفرنس میں عادل الجبیر نے حوثی ملشیاؤں کے لئے ایرانی حمایت کا ذکر کرتے ہوئے کہا کہ باغی ملیشیا یمن سے مملکت پر کم سے کم 255 بیلسٹک میزائل داغ چکی ہیں۔

    قطر سے متعلق سعودی وزیر مملکت برائے امور خارجہ کا کہنا تھا کہ قطر کو ہم انتہا پسندی اور دہشت گردی کی حمایت کی اجازت نہیں دے سکتے اور نہ ہی ہم اس ملک کو دہشت گرد تنظیموں اور انتہا پسندی کے فروغ کا پلیٹ بننے کی اجازت دے سکتے ہیں۔

    ان کا کہنا تھا کہ اب وقت آ گیا ہے کہ قطر گذشتہ بیس برسوں سے جاری اپنی پالیسیوں پر نظر ثانی کرے کیونکہ اسے اپنی ماضی کی پالیسی جاری رکھنے کی اجازت نہیں دی جا سکتی۔

  • امریکا نے یورپی کاروں پر ٹیکس لگایا تو یورپ بھی جواب دے گا، یورپی ہائی کمشنر

    امریکا نے یورپی کاروں پر ٹیکس لگایا تو یورپ بھی جواب دے گا، یورپی ہائی کمشنر

    برسلز : یورپی یونین کے ہائی کمشنر جین کلاؤڈ جنکر نے کہا ہے کہ امریکا جولائی میں برسلز اور واشنگٹن کے ہونے والی ملاقات کے بعد یورپی ساختہ گاڑیوں پر نئے محصولات عائد کرنے کا ارادہ رکھتا ہے۔

    تفصیلات کے مطابق یورپی یونین کے سربراہ نے امریکی صدر ڈونلڈ ٹرمپ کی جانب سے یورپی ممالک کی مصنوعات خصوصاً گاڑیوں پر نئے محصولات عائد کیے جانے پر امریکا کو بھرپور جواب دینے کا عندیہ دیا ہے۔

    یورپی یونین کے ہائی کمشنر جین کلاؤڈ جنکر نے جمعہ کے روز جاری بیان میں کہا ہے کہ ایک ماہ قبل امریکا اور یورپی یونین کے درمیان ہونے والی ملاقات کے بعد ٹرمپ انتظامیہ یورپی ساختہ گاڑیوں پر نئے محصولات عائد کرنے کا ارادہ رکھتی ہے۔

    یورپی یونین کے ہائی کمشنر نے جرمن نشریاتی ادارے سے خصوصی گفتگو کرتے ہوئے کہا تھا کہ امریکی صدر ڈونلڈ ٹرمپ نے یورپی ممالک میں تیار کی جانے والی گاڑیوں پر محصولات عائد کرے گا تو یورپ بھی اس کا جواب دے گا۔

    غیر ملکی خبر رساں ادارے کا کہنا تھا کہ ایک روز قبل یورپی یونین کے سربراہ برائے تجارت سیسیلیا ملسٹروم نے اعلان کیا تھا کہ یورپ امریکی ساختہ گاڑیوں پر لگائے جانے والے محصولات ختم کرنے کو تیار ہے۔

    یورپی ہائی کمشنر برائے تجارت نے یورپی یونین کے اجلاس سے خطاب کرتے ہوئے کہا تھا کہ اگر ٹرمپ انتظامیہ اپنی جارحانہ پالیسیوں کو ترک کرکے یورپی ساختہ گاڑیوں پر عائد حصولات ختم کرتا ہے تو یورپ بھی امریکا سے درآمد ہونے والی گاڑیوں پر عائد ٹیکس ختم کردے گا۔

    یاد رہے کہ 25 جولائی کو امریکی صدر ڈونلڈ ٹرمپ کی یورپی اشیاء پر نئے محصولات عائد کیے جانے کے حوالے سے یورپی کمیشن کے چیف جین کلاؤڈ جنکر کے درمیان گذشتہ روز ملاقات ہوئی، جس میں دونوں سربراہوں نے باہمی تعاون کے ساتھ کام کرنے پر اتفاق کیا۔

    امریکا کا صدر ڈونلڈ ٹرمپ کا کہنا تھا کہ دونوں رہنماؤں نے یورپ اور امریکا کے درمیان نئے تعلقات، بغیر ٹیکس کے تجارت کرنے کے ساتھ ساتھ سروس سیکٹر اور زراعت کے شعبے میں اضافے پر بھی اتفاق ہوا ہے جس میں امریکا کی سویا بھی شامل ہے۔

  • تحریک انصاف کے رہنما عمران خان کو سیاست سکھائیں، خورشید شاہ کا مشورہ

    تحریک انصاف کے رہنما عمران خان کو سیاست سکھائیں، خورشید شاہ کا مشورہ

    اسلام آباد : اپوزیشن لیڈر خورشید شاہ نے تحریک انصاف کے رہنماؤں کو مشورہ دیا ہے کہ عمران خان کو سیاست سکھائیں، عمران خان کے بیانات متحدہ اپوزیشن کیلئے خطرناک ثابت ہوسکتےہیں۔

    تفصیلات کے مطابق قائد حزب اختلاف خورشید شاہ نے چیئرمین تحریک انصاف کے آصف زرداری مخالف بیان پر سخت ردعمل دیتے ہوئے کہا کہ عمران خان کی باتوں سے اپوزیشن کا اتحاد خطرے میں پڑسکتا ہے، بیانات کے نتیجےمیں بہت سی خطرناک باتیں نکلیں گی، اپوزیشن کا اتحاد قائم کرنے کی کوشش کر رہے ہیں۔

    خورشید شاہ نے عمران خان کی سوچ کو غلط قرار دیتے ہوئے کہا کہ اگر تحریک انصاف یہ سمجھتی ہے کہ وہ نوازحکومت سے اکیلے مقابلہ کرسکتی ہے تو یہ غلط ہوگ، اپنے اپنے ظرف کی بات ہے، عمران خان جس کو کامیابی سمجھ رہے ہیں اس میں ستر فیصد کام پیپلز پارٹی نے کیا۔

    اپوزیشن لیڈر نے معاملہ عدالت لے جانے کا کریڈٹ امیر جماعت اسلامی سراج الحق کو دیا۔

    خورشیدشاہ نے پی ٹی آئی رہنماؤں کو مشورہ دیا کہ وہ عمران خان کو سیاست سکھائیں، پی ٹی آئی چیئرمین نے بطور وزیراعظم شیخ رشید کے نام میں جلدی کی، شاہ محمودقریشی کیساتھ طے ہوا تھا مل کر فیصلہ کریں گے، تحریک انصاف ملکر نہیں چلناچاہتی ہے تو اپناامیدوار کھڑا کرلیں، متحدہ اپوزیشن مشاورت کے بعدامیدوار کا نام فائنل کرے گی۔

    مزید پڑھیں : میچ ختم نہیں ہوا، اب آصف زرداری کی باری ہے، عمران خان

    یاد رہے کہ پاناما کیس میں نواز شریف کی نا اہلی کے بعد یوم تشکر کے جلسے سے خطاب کرتے ہوئے کہا تھا کہ تحریک انصاف کے سربراہ عمران خان نے کہا ہے کہ مجھے خوشی ہے کہ اپنے سامنے زندہ قوم کو دیکھ رہاہوں، پانامہ کیس کا فیصلہ تو ہو چکا ہے لیکن ابھی یہ میچ ختم نہیں ہوا، اب آصف زرداری کی باری ہے۔

    عمران خان کا کہنا تھا کہ نواز شریف کے بعد آصف زرداری اب تمہاری باری ہے، فضل الرحمان ہم تمہیں بھی نہیں چھوڑیں گے، تمہارے پیچھے بھی آؤں گا، شہباز شریف اور شاہد خاقان عباسی کا بھی احتساب کروائیں گے، خاقان عباسی ، شہبازشریف ہمارا مقابلہ کرنے کے لئے تیار ہوجاؤں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔