Tag: result

  • فارم 45 کی کُل تعداد کتنی ہوتی ہے؟

    فارم 45 کی کُل تعداد کتنی ہوتی ہے؟

    پاکستان میں 8 فروری کو ہونے والے انتخابات کے نتائج نو روز مکمل ہونے کے بعد بھی تا حال نامکمل ہیں، ایسی صورتحال میں کچھ سیاسی جماعتیں اپنی کامیابی کا جشن منا رہی ہیں تو دوسری طرف ہارنے والے امیدوار فارم 45 پکڑے ہوئے متعلقہ حکام سے انصاف کے متلاشی ہیں۔

    سوال یہ پیدا ہوتا ہے کہ آخر یہ فارم 45 ہے کیا؟ اور یہ کتنے ہوتے ہیں؟ انتخابات میں ہار جانے والے سیاسی کارکنان اور انتخابی امیدوار یہ شکایت کرتے ہوئے نظر آئے کہ وہ فارم 45 کے مطابق جیت رہے تھے لیکن جب فارم 47 کے ذریعے ووٹوں کی حتمی گنتی سامنے آئی تو وہ الیکشن ہار چکے تھے۔

    فارم 45 میں پولنگ اسٹیشن کا نمبر، حلقے کا نام، رجسٹرڈ ووٹرز کی کُل تعداد، ڈالے گئے کُل ووٹوں کی تعداد اور کس امیدوار کے حق میں اس پولنگ اسٹیشن میں کتنے ووٹ پڑے ہیں یہ معلومات درج ہوتی ہیں۔

    اے آر وائی نیوز کے پروگرام سوال یہ ہے میں میزبان ماریہ میمن نے فارم 45 کے حوالے سے ناظرین کو تفصیلی طور پر آگاہ کیا اور بتایا کہ اس فارم کی مدد سے انتخابی نتائج معلوم کرنے میں کس حد تک مدد مل سکتی ہے۔

    انہوں نے بتایا کہ اس فارم 45 کی پہلی کاپی امیدواروں کے پولنگ ایجنٹس کے پاس ہوتی ہے، اور دوسری کاپی ووٹوں کے تھیلے میں رکھی جاتی ہے، اس کے علاوہ تیسری کاپی پولنگ اسٹیشن کے باہر چسپاں کی جاتی ہے تاکہ سب لوگ دیکھ سکیں۔

    مذکورہ فارم 45 کی چوتھی کاپی آر اوز کے حوالے کی جاتی ہے اور پانچویں کاپی ڈی آر اوز کو دی جاتی ہے، لہٰذا مجموعی طور پر اس فارم 45 کی 7 سے 8 کاپیاں ہوتی ہے۔

    کون سی جماعتیں فارم 45 کی بنیاد پر انصاف طلب کررہی ہیں؟

    ماریہ میمن نے بتایا کہ پاکستان تحریک انصاف اور جماعت اسلامی نے اس حوالے سے پریس کانفرنسیں کیں جبکہ آزاد امیدوار مصطفیٰ نواز کھوکھر کا بھی کہنا تھا کہ ان کے پاس موجود فارم کے مطابق تحریک انصاف کا امیدوار جیت چکا ہے۔

    کن جماعتوں نے فارم 45 دکھانے سے گریز کیا؟

    انہوں نے بتایا کہ مسلم لیگ ن کے رہنما طارق فضل چوہدری سے پوچھا گیا کہ آپ کا فارم 45 کہاں ہے جس کے جواب میں ان کا کہنا تھا کہ ہم وہ فارم الیکشن کمیشن کو دکھائیں گے جبکہ مریم اورنگزیب نے کہا کہ تو ان کا بھی یہی جواب تھا۔

    اس کے علاوہ جب متحدہ قومی موومنٹ پاکستان کے رہنماؤں سے اس سے متعلق سوال کیا گیا تو ان کا بھی یہی کہنا تھا کہ ہمارے پاس ہے تو سہی لیکن وہ الیکشن کمیشن کو دیں گے۔

    واضح رہے کہ فارم 45 کے ذریعے ہر امیدوار آزادانہ طور پر یہ تصدیق کرسکتا ہے کہ مذکورہ پولنگ سٹیشن میں ان کے حق میں کتنے ووٹ ڈالے گئے ہیں جبکہ فارم 47 میں ایک پورے حلقے میں کس امیدوار کو کتنے ووٹ ملے ہیں یہ معلومات درج ہوتی ہیں۔

    اسی فارم میں یہ بھی لکھا ہوتا ہے کہ ڈالے گئے ووٹوں میں سے کتنے ووٹ تکنیکی طور پر مسترد ہوئے اور یہ مسترد شدہ ووٹ کن کن امیدواروں کے حق میں ڈالے گئے تھے۔

    پریزائیڈنگ افسران فارم 45 اور فارم 46، بیلٹ باکس، بیلٹ پیپر، سیل، مہر، انک پیڈ اور دیگر انتخابی سامان واپس الیکشن کمیشن میں جمع کرادیتے ہیں جہاں ہر امیدوار کو ملنے والے ووٹوں کی تفصیل کا باقاعدہ اندراج کرکے فارم 47 تیار کیا جاتا ہے جو غیر حتمی نتائج کا مجموعی گوشوارہ ہوتا ہے اس میں ہر امیدوار کو کتنے ووٹ ملے، مجموعی ووٹوں کی تعداد، مرد و خواتین کے ووٹ، مسترد ووٹ اور ٹرن آؤٹ کا ذکر ہوتا ہے۔

  • برونڈی میں جھنڈ کی صورت میں جاگنگ کرنے پر پابندی

    برونڈی میں جھنڈ کی صورت میں جاگنگ کرنے پر پابندی

    بوجمبورا : افریقی ملک برونڈی کے صدر نے اپوزیشن جماعتوں کی جانب سے بغاوت کے پیش نظر ہفتے کے روز جھنڈ کی صورت میں جاگنگ کرنے کو جرم قرار دیے دیا۔ جس کی سزا عمر قید ہے۔

    تفصیلات کے مطابق براعظم افریقہ کے مشرقی ملک برونڈی کے صدر پائیر انکورونزیزا نے شہریوں پر گذشتہ کئی برس سے ہفتے کے روز مجمے کی صورت میں جاگنگ کرنے پر پابندی عائد کی ہوئی ہے۔

    غیر ملکی خبر رساں ادارے کا کہنا تھا کہ ہفتے کے روز یکجا ہوکر جاگنگ کرنا برونڈی کے شہریوں کی بہت پرانی روایت ہے، تاہم ملک کے موجودہ صدر سنہ 2005 میں اقتدار سنبھالنے کے بعد سے ہفتے کے روزجنڈ کی صورت میں جاگنگ کرنے کو جرم قرار دے دیا تھا۔

    غیر ملکی خبر رساں ادارے کا کہنا تھا کہ اگر کوئی شہری ہفتے کے روز جھنڈ کی صورت میں جاگنگ کرتا ہوا پکڑا جائے تو اسے عمر قید کی سزا سناتے ہوئے جیل منتقل کردیا جاتا ہے۔

    غیر ملکی خبر رساں ادارے کے مطابق برونڈی کے صدر پائیر انکورونزیزا کو خطرہ لاحق تھا کہ اپوزیشن جماعتیں ہفتے کے روز جنڈ کی صورت میں جاگنگ کے ذریعے موجودہ حکومت کے خلاف بغاوت نہ کردیں اس لیے انہوں نے پابندی لگادی۔

    خیال رہے کہ سنہ افریقی ملک برونڈی میں وقتاً فوقتاً حکومت کا تختہ الٹنے کی کوشش ہوتی رہتی ہے، صدر پائیر انکورونزیزا کے سنہ 2005 میں اقتدار میں آنے کے بعد 3 لاکھ شہری قتل ہوئے تھے۔ برونڈی میں 2005 کے بعد مسلسل خانہ جنگی چل رہی ہے۔

    غیر ملکی خبر رساں ادارے کا کہنا تھا کہ برونڈی افغانستان کے بعد دنیا میں دوسرا ملک ہے جہاں خانہ جنگی کے باعث سب سے زیادہ بچے غذائی کمی کا شکار ہیں۔


    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • پی آئی اے: ایگزیکٹیو کمیٹی کے دوسالہ انتخابی نتائج کا اعلان، رضوان گوندل صدر منتخب

    پی آئی اے: ایگزیکٹیو کمیٹی کے دوسالہ انتخابی نتائج کا اعلان، رضوان گوندل صدر منتخب

    کراچی: پاکستان انٹرنیشل ایئرلائن کے کپتانوں کی نمائندہ تنظیم پالپا نے ایگزیکٹیو کمیٹی کے دوسالہ انتخابی نتائج کا اعلان کر دیا ہے۔

    تفصیلات کے مطابق ایگزیکٹیو کمیٹی سے متعلق جاری پولنگ میں ووٹ کا تناسب چھیانوے فیصد رہا جبکہ چارسوچھبیس ووٹوں میں سے تین سواٹھانوے ووٹرز نے اپنا حق رائے دہی استعمال کیا۔

    انتخابات کے نتائج کے بعد کیپٹن رضوان گوندل صدر منتخب ہوگئے جس کے تحت صدر اور منتخب نمائندے 2018 سے 2020 کے لیے کام کریں گے۔

    پالپا اور پی آئی اے انتظامیہ کے درمیان تناؤ بڑھ گیا، 88 پروازیں منسوخ

    نتائج کے مطابق نائب صدرکپٹن جہانگیر خان، سیکریٹری جنرل علی منصورقریشی، جوائنٹ کیپٹن چاکرشاہ، کیپٹن ناریجو اور ریحان حقی اورعدنان صدیقی بلامقابلہ منتخب قرار پائے۔

    علاوہ ازیں مجلس عاملہ کے اراکین کیلئے کیپٹن فیصل حمید، کیپٹن ربانی، کیپٹن بلال چغتائی، کیپٹن حسیب علی خان، اور کیپٹن فواد علی شاہ منتخب ہوئے۔

    ایل پی آر و سپروائزری عہدوں پرتعینات کپتانوں کوفارغ کیا جائے، پالپا

    خیال رہے گذشتہ برسوں میں پالپا اور پی آئی اے انتظامیہ کے درمیان گہرا تناؤ رہا ہے، پی آئی اے کے پائلٹس اور انتظامیہ کے درمیان تنازعات کے باعث ماضی میں پچاس کروڑ روپے سے زائد کا نقصان ہوا جبکہ زیادہ تر مسافروں نے اپنے ٹکٹ ریفنڈ کروا کر نجی ایئرلائن کے ٹکٹ خریدنے پر مجبور ہوگئے تھے۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • انٹرمیڈیٹ کراچی نے کامرس گروپ کے نتائج کا اعلان کردیا

    انٹرمیڈیٹ کراچی نے کامرس گروپ کے نتائج کا اعلان کردیا

    کراچی: اعلیٰ ثانوی تعلیمی بورڈ نے انٹرمیڈیٹ سال دوم کامرس ریگولر و پرائیویٹ کے سالانہ امتحانات برائے 2016ء کے نتائج کا اعلان کردیا۔

    ناظم امتحانات محمد عمران خان چشتی کے مطابق امتحانات میں تینتالیس ہزار دوسو بیس بچوں نے شرکت کی تاہم ں کامیاب ہونے والے امیدواروں کا تناسب 43 فیصد رہا، کامرس ریگولر گروپ میں پہلی پوزیشن ڈی اے ڈگری کالج برائے خواتین، فیز8 کی طالبہ عائشہ آصف بنت آصف یوسف نے 954 لے کر حاصل کی۔

    کامرس ریگولر گروپ میں دوسری پوزیشن ڈی اے ڈگری کالج برائے خواتین فیز 8 کی طالبہ عائشہ مبشر بنت مبشر نے 936 نمبر حاصل کر کے کی جبکہ تسیری پوزیشن تابانیز کالج کے طالب علم محمد اسحاق ولد آفتاب احمد نے 931 نمبر لے کر کی۔

    کامرس پرائیوٹ گروپ میں محمد مزمل ولد مصدق پاشا نے 836 نمبر لے کر پہلی پوزیشن حاصل کی جبکہ دوسری پوزیشن فائزہ رؤف بنت محمد رؤف احمد نے 884 نمبر لے کر حاصل کی اور تیسری پوزیشن 840 نمبر حاصل کرنے والی طالبہ ثنا بنت محمد سکندر  نے حاصل کی۔

    انٹرمیڈیٹ کامرس گروپ ریگولر کے نتائج دیکھنے کے لیے یہاں کلک کریں

    انٹرمیڈیٹ کامرس گروپ پرائیوٹ کے نتائج دیکھنے کے لیے یہاں کلک کریں

     

  • مسلم لیگ ن فوج کو سہولت کار اور تحریک انصاف ضمانتی بنانا چاہتی تھی، جاوید ہاشمی

    مسلم لیگ ن فوج کو سہولت کار اور تحریک انصاف ضمانتی بنانا چاہتی تھی، جاوید ہاشمی

    ملتان: جاوید ہاشمی کہتے ہیں کہ فوج کو سیاست میں لانے کی خواہش عمران کی تھی، دھرنے کی سیاست ناکام ہوچکی، سیاسی سفر جاری رکھوں گا،یوسف رضا گیلانی کا کہنا ہے کہ ہم تشدد کی سیاست کے حامی نہیں۔

    سابق وزریراعظم یوسف رضاگیلانی نے ملتان میں جاویدہاشمی سے ملاقات کی۔ اس موقع پر میڈیا سے گفتگومیں یوسف رضا گیلانی نے کہا کہ نومبر کے بعد تحریک انصاف کے احتجاج میں تشدد آیا تو قبول نہیں کریں گے، ملٹری آپریشن انتہا پسندی کا مستقل حل نہیں ہے۔ یوسف رضا گیلانی کاکہناتھا کہ انتخابی اصلاحات کے بغیر آئندہ انتخابات نہ کرائے جائیں۔

    اس موقع پر جاوید ہاشمی کا کہنا تھا کہ آرمی چیف کا نام سیاسی معاملات میں نہیں آنا چاہیے تھا، حکومت سے ہونے والے مذاکرات میں شامل تھا جمہوری جدوجہد کے حق میں ہوں، عدالتوں کو اپنے فیصلوں میں جمہوریت کی معاونت کرنا چاہیے۔ موجودہ صورتحال میں عمران خان کے ساتھ تعاون کیا جائے، عمران خان کو ملکی سیاست سے آوٹ نہیں کیا جا سکتا۔

  • نتائج کو کھلے دل سے تسلیم کروں گا،جاوید ہاشمی

    نتائج کو کھلے دل سے تسلیم کروں گا،جاوید ہاشمی

    ملتان: ضمنی الیکشن کے امیدوار مخدوم جاوید ہاشمی نے کہا ہے کہ میں نتائج کو کھلے دل سے تسلیم کروں گا اور حتمی نتائج آنے پر جیتنے والے امیدوار کومبارکباد دونگا۔

    ان خیالات کااظہار انہوں نے ملتان میں میڈیا سے گفتگو کرتے ہوئے کیا،جاوید ہاشمی نے کا کہنا تھا کہ میں طبیعت کی خرابی کے باعث اپنی انتخابی مہم نہیں چلا سکا ، البتہ جن لوگون نے مجھے ووٹ دیئےان کا شکرگزار ہوں۔

    انہوں نے کہا کہ اپنے علاج کے سلسلے میں چین جلد چین جاؤں گا، ان کا کہنا تھا کہ الیکشن سے یہ بات واضح ہوگئی کہ تبدیلی صرف ووٹ کے ذریعے ہی آئے گی کنٹینرز اور دھرنوں سے تبدیلی کا کوئی امکان نہیں۔ انہوں نے کہا کہ ہاربھی گیا تو کسی سے کوئی شکوہ نہیں ہے۔