Tag: Rex Tillerson

واشنگٹن : امریکی وزیرخارجہ ریکس ٹلرسن کہناہےکہ خلیج تعاون کونسل کےممالک کو اپنے اختلافات ختم کرنا ہوں گے۔

تفصیلات کےمطابق امریکہ نے قطر کے رویے پر اظہار تشویش کرتے ہوئے کہا کہ قطر اور ہمسایہ ممالک کے درمیان تعلقات کو درست سمت میں لانا چاہتے ہیں۔ قطر اور خلیجی ممالک کے درمیان کشیدگی کی صورت حال مستقل طور پر نہیں دیکھنا چاہتے۔

امریکہ نے کہا ہے کہ وہ نہیں چاہتا ہے کہ قطر اور خلیجی ممالک کے درمیان کشیدگی کی صورت حال مستقل طور پر برقرار رہے۔

خیال رہےکہ امریکی فوج کا سینٹرل کمانڈکا مرکزی دفترقطر کےالعبید ہوائی اڈےپرقائم ہے۔

دوسری جانب خلیجی عرب ممالک کی جانب سے قطر سے سفارتی تعلقات منقطع کیے جانے کے بعد کویت نے مصالحت کی کوششیں شروع کردیں۔

کویت کے امیر شیخ صباح الاحمد الصباح نےسعودی عرب کے سفیر شہزادہ خالد الفیصل سے ملاقات کی اور ان سے صورتحال پر تبادلہ خیال کیا۔ اس موقع پر شہزادہ خالد الفیصل نےامیر کویت کو شاہ سلمان کا پیغام بھی پہنچایا۔

بعدازاں امیر کویت شیخ صباح نےقطر کے حکمران شیخ تمیم حماد الثانی سے ٹیلی فون پر رابطہ کیا اور صورت حال پر بات چیت کی ۔اس دوران انہوں نےقطر کے حکمران پر زور دیا کہ وہ ایسے کسی بھی اقدام سے گریز کریں جس کے نتیجے میں صورت حال مزید خرابی کی جانب جائے۔

سعودی عرب سمیت 7 عرب ممالک نےقطرسےسفارتی تعلقات منقطع کردیے

واضح رہےکہ گزشتہ ماہ سعودی عرب اور مصر سمیت 7 عرب ممالک نے سیکیورٹی وجوہات پر قطر سے سفارتی تعلقات منقطع کر دیےتھے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

واشنگٹن : امریکی وزیرخارجہ ریکس ٹلرسن کاکہناہےکہ مشرق وسطیٰ میں ایران کی اشتعال انگیزی کا مقصد خطے کو عدم استحکام سےدوچار کرناہے۔

تفصیلات کےمطابق امریکی وزیرخارجہ ریکس ٹلرسن نے کانگریس کو لکھے گئےخط میں ایران کی جانب سے دہشت گردوں کی ریاستی پشت پناہی کے کردار پر تشویش کا اظہارکیا ہے۔

ریکس ٹلرسن نے کانگریس کو لکھے گئےخط میں کہاہےکہ بغیر نگرانی کےایران ممکنہ طور پرشمالی کوریا کےنقش قدم پرچل سکتا ہے۔

ایران کی مشرق وسطیٰ میں اشتعال انگیزی کامقصد خطے کو عدم استحکا کا شکار کرنا اور امریکی مفادات کونقصان پہنچانا ہے۔

امریکی وزیرخارجہ کا کہناہےکہ واشنگٹن کو ایک جامع پالیسی کےتحت تہران سے لاحق خطرات سےنمٹنا ضروری ہے۔

خیال رہے کہ اپنی صدارتی مہم کےدوران ڈونلڈ ٹرمپ نےاوباما دور میں ایران کے ساتھ طے پانے والے جوہری معاہدے کو بدترین قرار دیتے ہوئے اسے ختم کرنے کا عندیہ دیا تھا۔

یاد رہےکہ گزشتہ دنوں امریکی صدرڈونلڈ ٹرمپ نے جن 7 ممالک کے شہریوں پر سفری پابندیاں عائد کیں تھیں ان میں ایران بھی شامل تھا۔

ایران دہشتگردی کی معاونت کرنے والاسب سےبڑاملک قرار‘جیمز میٹس

واضح رہےکہ رواں سال فروری میں امریکی وزیر دفاع جیمز میٹس نے ایران کو دہشت گردی میں معاونت کرنے والا دنیا کا سب سے بڑا ملک قرار دیا تھا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

واشنگٹن : امریکی وزیرِ خارجہ کاکہناہےکہ روس شامی حکومت کو کیمیائی حملہ کرنے سےروکنے میں ناکام رہاہے۔

تفصیلات کےمطابق امریکی وزیرخارجہ ریکس ٹیلرسن نے روس پر تنقید کرتے ہوئےکہاکہ روس نے شام میں کیمیائی ہتھیاروں کے ذخیروں کو تباہ کرنے کو یقینی بنائے۔

امریکی وزیرخارجہ نے یہ بات ایک ایسے وقت کی ہے جب پیر کے روز اٹلی میں جی سیون ممالک کے وزرائے خارجہ کی ملاقات ہونے والی ہے۔اس اجلاس میں اس بات پر غور کیا جائے گا کہ روس کو شامی حکومت سے دور کرنے کے لیے دباؤ کیسے ڈالا جائے۔

اس اجلاس کے بعد امریکی وزیر خارجہ ماسکو کا دورہ کریں گےجہاں وہ اپنے ہم منصب سرگئی لاوروو سے ملاقات کریں گے۔

امریکہ نے شام پر دوبارہ حملے کی دھمکی دے دی

خیال رہے کہ شام کے علاقے خان شیخون میں گذشتہ ہفتے مبینہ کیمیائی حملے میں 89 افراد ہلاک ہوگئے تھے۔امریکہ کا کہنا ہے کہ یہ حملہ شامی حکومت نے کیا ہے جبکہ شامی حکومت اس کی ذمہ داری باغیوں پر عائد کرتی ہے۔

امریکہ کاشام کےخلاف فضائی کارروائی کا آغاز

یاد رہے کہ امریکہ نے اس مبینہ کیمیائی حملے کے بعد شامی فضائی اڈوں پر60 میزائل فائر کیےتھے۔

واضح رہےکہ امریکی وزیر خارجہ کا یہ بھی کہنا تھا کہ روس نے شامی ہتھیاروں کے ذخیرے کو تلف کرنے کی یقین دہانی کروائی تھی اور اس میں اس کی ناکامی کی وجہ سے زیادہ بچے اور معصوم لوگ ہلاک ہوئے ہیں۔

واشنگٹن: امریکی وزیرخارجہ کاکہناہےکہ امریکہ شام کےفضائی اڈے پرحملوں کےروسی ردعمل سےمایوس ہےلیکن حیران نہیں۔

تفصیلات کےمطابق امریکی وزیرخارجہ ریکس ٹلرسن کا کہناہےکہ روس بشار الاسد کی حکومت کی حمایت جاری رکھے ہوئے ہے اور خاص طور پر اس وقت جب شامی حکومت نے اپنے ہی لوگوں پرکیمیائی حملہ کیا۔

امریکی وزیرخارجہ نےکہاکہ روس کے ردعمل سے میں کافی مایوس ہوں لیکن افسوس کے ساتھ مجھے کہنا پڑتا ہے کہ مجھے حیرانی نہیں ہوئی ہے۔

اقوام متحدہ میں امریکی سفیر نکی ہیلی نے کہا کہ امریکہ نے شام کے اس فوجی اڈے کو نشانہ بنایا جس پر شبہ ہے کہ وہاں سے کیمیائی ہتھیار استعمال کیے گئے۔

نکی ہیلی نے اقوامِ متحدہ کی سلامتی کونسل کے ایک ہنگامی اجلاس کو بتایا ہم مزید حملوں کے لیے تیار ہیں تاہم امید ہے کہ اس کی ضرورت نہیں پڑے گی۔

امریکی سفیر کےمطابق یہ ہماری قومی سلامتی کے مفاد میں ہے کہ ہم کیمیائی ہتھیاروں کے پھیلاؤ کو روکیں۔

دوسری جانب روس کے نائب سفیر ولادمیر سفکرونوف کا کہنا تھا کہ ‘آپ کو سخت نتائج کے لیے تیار رہنا ہوگا اور اس کی تمام ذمہ داری ان لوگوں کے کندھوں پر ہوں گی جنہوں نے یہ حملے کیے۔

شام پرحملہ: روس نے امریکا کےساتھ فضائی تحفظ کا معاہدہ معطل کردیا

یاد رہےکہ گزشتہ روز روسی دفتر خارجہ نےشام کےفضائی اڈے پرامریکی حملے کےبعد امریکہ کےساتھ شام میں فضائی تحفظ کےمعاہدے کو معطل کردیا۔یہ معاہدہ دونوں ممالک کےدرمیان کیاگیا تھاتاکہ دونوں ملکوں کی فضائیہ شام کی حدود میں ایک دوسرے کونشانہ نہ بنائیں۔

امریکہ کاشام کےخلاف فضائی کارروائی کا آغاز

واضح رہے کہ امریکہ نے شام میں باغیوں کے زیرِ اثر علاقوں میں شامی فوج کی جانب سے مشتبہ کیمیائی حملے کے جواب میں جمعے کی صبح مشرقی بحیرۂ روم میں موجود اپنے بحری بیڑے سے 60ٹاما ہاک کروز میزائلوں سے شام کے ایک فضائی اڈے کو نشانہ بنایا تھا۔