سابق آسٹریلوی کپتان رکی پونٹنگ نے بھارتی کرکٹ ٹیم کی کوچنگ سے انکار کرنے سے متعلق لب کشائی کی۔
میڈیا رپورٹس کے مطابق سابق آسٹریلوی کپتان رکی پونٹنگ نے بھارتی کرکٹ بورڈ کے رابطوں کی تصدیق کردی ہے۔
سابق آسٹریلوی کپتان کا اس حوالے سے کہنا تھا کہ آئی پی ایل کے دوران اس حوالے سے بات چیت ہوتی رہی ہے، اس دوران میری کوچنگ میں دلچسپی جاننے کی کوشش کی گئی تھی۔
رکی پونٹنگ نے کہا کہ میں نیشنل ٹیم کی کوچنگ کرنا پسند کروں گا لیکن زندگی میں اور بھی بہت کچھ ہے۔
رکی پونٹنگ نے کہا کہ بھارتی ٹیم کے اگر آپ کوچ ہوں گے تو پھر آپ آئی پی ایل میں کوچنگ نہیں کرسکتے، نیشنل ٹیم کا کوچ ہونے کا مطلب سال میں 10، 11 ماہ کی نوکری ہے، انہوں نے کہا کہ میں گھر میں فیملی کے ساتھ وقت گزارنا چاہتا ہوں۔
رکی پونٹنگ نے کہا کہ فیملی کو بھارت میں کرکٹ کلچر اچھا لگتا ہے لیکن اس وقت کوچنگ میرے لائف اسٹائل میں فٹ نہیں ہوتی۔
پونٹنگ کا کہنا تھا کہ مجھے علم ہے جسٹن لینگر، اسٹیفن فلیمنگ اور گوتم گھمبیر کے نام بھی کوچنگ کے لیے سامنے آئے ہیں، انہوں نے کہا کہ بھارتی کرکٹ ٹیم کی کوچنگ اس وقت میرے لائف اسٹائل کے مطابق نہیں ہے، زندگی میں انجوائے کرنے کے لیے ابھی بہت کچھ ہے۔
وسیم اکرم کرکٹ آسٹریلیا کے ملٹی کلچرل ایمبیسڈر مقرر
اُنہوں نے کہا کہ میری فیملی نے آئی پی ایل کے دوران 5 ہفتے میرے ساتھ ہندوستان میں گزارے، میں نے بیٹے کو کوچنگ کی آفر سے متعلق بتایا تو بیٹے نے آفر قبول کرنے کا کہا، بیٹا کہنے لگا کہ ہم دو سال کے لیے بھارت منتقل ہوجائیں گے۔
