Tag: Riots

  • بھارت: آکسیجن سلنڈر کی ری فلنگ پر دو گروپوں میں تصادم

    بھارت: آکسیجن سلنڈر کی ری فلنگ پر دو گروپوں میں تصادم

    نئی دہلی: بھارت میں کرونا وائرس کا خوفناک پھیلاؤ اور آکسیجن کی قلت امن و امان کے مسائل بھی کھڑے کرنے لگی، ریاست گجرات میں آکسیجن سلنڈر کے معاملے پر دو گروپوں میں تصادم ہوگیا جس کے دوران فائرنگ بھی ہوئی۔

    بھارتی میڈیا کے مطابق گجرات میں آکسیجن سلنڈرز کی ری فلنگ کے دوران طویل قطار میں کھڑے دو افراد آپس میں لڑ پڑے۔

    دونوں افراد اسپتالوں میں آکسیجن کی فراہمی کا کام کرتے ہیں، دونوں کے درمیان پہلے زبانی تلخ کلامی ہوئی جس کے دوران ایک شخص نے جیب سے پستول نکال کر زمین کی طرف گولی چلا دی۔

    اس موقع پر وہاں موجود پولیس کانسٹیبل نے اسے روکنے کی کوشش کی تو اس نے مزید فائرنگ کی جس کے بعد وہاں موجود افراد میں بھگدڑ مچ گئی۔

    کانسٹیبل نے فوری طور پر مزید پولیس فورس طلب کی، لیکن اس سے قبل ہی دونوں کے ساتھ آئے افراد آپس میں گتھم گتھا ہوچکے تھے جبکہ انہوں نے وہاں پارک کی ہوئی گاڑیوں کو بھی توڑ پھوڑ کا نشانہ بنایا تھا۔

    پولیس کے آنے سے قبل دونوں گروپوں کے افراد منتشر ہوگئے۔

    مقامی پولیس نے متعدد افراد کے خلاف انتشار پھیلانے اور اقدام قتل کا مقدمہ درج کر کے ملزمان کی تلاش شروع کردی۔

  • برطانوی شاہی خاندان انڈر گراؤنڈ ہونے کی تیاری کیوں کررہا ہے

    برطانوی شاہی خاندان انڈر گراؤنڈ ہونے کی تیاری کیوں کررہا ہے

    لندن : نوڈیل بریگزٹ کی صورت میں ملک بھر میں ممکنہ احتجاج کے پیش نظر برطانوی حکام نے ملکہ برطانیہ سمیت شاہی خاندان کو محفوظ مقام پر منتقل کرنے کا منصوبہ تیار کرلیا۔

    تفصیلات کے مطابق برطانیہ 29 مارچ کو یورپی یونین سے علیحدہ ہوجائے گا، جس کے لیے یورپی یونین کے رہنماؤں اور برطانوی حکام کے درمیان انخلاء کے لیے بریگزٹ معاہدہ طے کیا گیا تھا تاہم وزیر اعظم تھریسامے ابھی تک ہاؤس آف کامنز سے اس معاہدے کے مسودے کو منظور نہیں کروا سکی ہیں۔

    غیر ملکی میڈیا کا کہنا ہے کہ برطانوی حکام نے بغیر معاہدے کے یورپی یونین سے انخلاء کی صورت میں ممکنہ مظاہروں کے پیش نظر ملک میں سرد جنگ کے دوران لاگو کیا جانے والے ایمرجنسی پلان پر دوبارہ عمل شروع کررہے ہیں تاکہ شاہی خاندان کو محفوظ مقام پر منتقل کیا جاسکے۔

    برطانوی میڈیا کا کہنا ہے کہ ہنگامی صورتحال میں شاہی خاندان کو محفوظ مقام پر منتقل کرنے کا منصوبہ سرد جنگ کے بعد سے موجود ہے لیکن مذکورہ منصوبے کو نو ڈیل کی صورت میں دوبارہ استعمال کیا جائے گا۔

    برطانوی خبر رساں ادارے کے مطابق حکمران جماعت قانون ساز اور بریگزٹ معاہدے کے حامی جیکب ریس موگ کا خیال ہے کہ حکام کا شاہی خاندان کے ہنگامی انخلاء کا منصوبہ بغیر معاہدے کے بریگزٹ پر غیر ضروری گھبراہٹ واضح کررہا ہے۔

    بریگزٹ: تھریسامے دوبارہ مذاکرات کیلئے کوشاں، یورپی یونین کا انکار

    بریگزٹ ڈیل: پانچ ترمیمی بل برطانوی پارلیمنٹ میں مسترد

    بریگزٹ ڈیل نہ ہونے پر برطانیہ میں مارشل لاء لگنے کا خطرہ

    جیکب ریس موگ کا کہنا تھا کہ شاہی خاندان کے اہم عہدیدران دوسری جنگ عظیم میں ہونے والی بمباری کے دوران لندن میں ہی موجود تھے۔

    مقامی خبر رساں ادارے کے مطابق وزیر اعظم تھریسامے بریگزٹ معاہدے کے مسودے پر مستقل ہاؤس آف کامنز کی حمایت حاصل کرنے کےلیے کوشاں ہیں۔

    تاجروں کی جانب برطانوی حکومت متنبہ کیا گیا ہے کہ اگر نئے کسٹمز چیکس کے باعث یورپی یونین آنے والی اشیاء کی درآمدات میں تاخیر ہوئی تو بڑے پیمانے پر غذا اور ادویات کی کمی واقع ہوسکتی ہے۔

  • پنجاب : مختلف شہروں سے ہنگامہ آرائی اورجلاؤ گھیراؤ میں ملوث201افراد گرفتار

    پنجاب : مختلف شہروں سے ہنگامہ آرائی اورجلاؤ گھیراؤ میں ملوث201افراد گرفتار

    لاہور /گوجرانوالہ / قصور : پولیس نے گزشتہ دنوں ہنگامہ آرائی اور جلاؤ گھیراؤ میں ملوث ملزمان کے خلاف سخت ایکشن لیتے ہوئے لاہور، قصور اور گوجرانوالہ سے201افراد کو حراست میں لے لیا۔

    تفصیلات کے مطابق ملک کے مختلف شہروں میں ہونے والے دھرنوں اور مظاہروں میں مشتعل افراد کی جانب سے جلاؤ گھیراؤ اور ہنگامہ آرائی کی گئی، جس کے باعث شہریوں کو بھاری نقصان کا سامنا کرنا پڑا۔

    ان ہنگاموں میں درجنوں گاڑیاں اور دکانیں جلا کر خوف و ہراس پھیلایا گیا، بعد ازاں مظاہرین کے قائدین سے مذاکرات اور حکومت کی واضح ہدایات کے بعد پولیس نے فوری کارروائی کا آغاز کردیا۔

    لاہور پولیس نے مختلف علاقوں سے ہنگامہ آرائی اور جلاؤ گھیراؤ میں ملوث52 شر پسندوں کو گرفتار کرلیا، پولیس کے مطابق دس افراد نے قبل ازگرفتاری ضمانت لے لی ہے۔

    مزید پڑھیں: ملک کے مختلف شہروں میں دھرنے و مظاہرے، عوام کو شدید مشکلات کا سامنا

    اس کے علاوہ گوجرانوالہ ریجن سے49افراد کو گرفتار کیا گیا جبکہ قصور سے30 افراد حراست میں لیے گئے، اس کے علاوہ شیخوپورہ کے مختلف مقامات سے بھی 70افراد ہنگامہ آرائی اور جلاؤ گھیہراؤ کے الزام میں پکڑے گئے ہیں، گرفتارملزمان پر توڑپھوڑ اور سرکاری املاک کو نقصان پہنچانے پر11مقدمات درج ہیں۔

    پولیس کا کہنا ہے کہ تمام افراد کو تصاویر اور سی سی ٹی وی فوٹیجز کی مدد سےگرفتار کیا گیا ہے اور مزید گرفتاریاں کی جائیں گی۔

  • امریکی ریاست بالٹی مورمیں کرفیو ختم

    امریکی ریاست بالٹی مورمیں کرفیو ختم

    بالٹی مور: امریکی شہربالٹی مورکے میئرنے فسادات کے باعث شہرمیں نافذ کردہ کرفیو کو ختم کرنے کا اعلان کردیا ہے اعلان ہوتے ہی نیشنل گارڈز کے دستوں نے شہرسے نکلنا شروع کردیا ہے۔

    میئرسٹیفنی راؤلنگس سے شہرکے دکانداروں اور ریستوران مالکان کی جانب سے درخواست کی جارہی تھی کہ کرفیو کے باعث ان کے کاروبار کو ناقابلِ تلافی نقصان پہنچ رہا ہے۔

    میئراسٹیفنی نے اپنے ٹویٹر پیغام میں لکھا کہ’’کرفیو نافذ کرنا کبھی بھی میرا مقصد نہیں رہا ایک دن کے لئے بھی تا آنکہ اس کی اشد ضرورت نہ ہو‘‘۔

    دوسری جانب مقامی مذہبی رہنماؤں کی اپیل پر سینکڑوں افراد نے سٹی ہال پلازہ کے سامنے احتجاج کیا۔

    واضح رہے کہ بالٹی مور کی انتظامیہ نے کرفیو لگانے کا فیصلہ اس وقت کیا جب مظاہرین نے 27 اپریل کوگاڑیوں کو نذرآتش کرنا، دکانوں کولوٹنا اورپولیس افسران پر پھتراؤ کرنا شروع کیا۔

    بالٹی مورمیں فسادات کا آغاز25 سالہ نوجوان فریڈی گرے کی پولیس کے مبینہ تشددسے ہلاکت کے سبب ہوا۔

    فسادات کے دوران کل 113 پولیس افسر زخمی ہوئے جبکہ 486 مظاہریں گرفتار ہوئے جن میں سے 46 کی گرفتاریاں اتوار کی رات کی گئیں۔

  • امریکی ریاست بالٹی مورمیں فسادات کے باعث کرفیونافذ

    امریکی ریاست بالٹی مورمیں فسادات کے باعث کرفیونافذ

    واشنگٹن: امریکی ریاست میری لینڈ کے شہربالٹی مورمیں پولیس حراست کے دوران سیاہ فام نوجوان کے قتل کے بعد ہنگامے پھوٹ پڑے جس کے سبب شہرمیں ایمرجنسی نافذ کرکے نیشنل گارڈزتعینات کردئیے گئے۔

    تفصیلات کے مطابق بالٹی مور میں پولیس حراست کے دوران سیاہ فام نوجوان کے قتل کے خلاف شہرمیں ہنگامے پھوٹ پڑے۔ مظاہرین اورپولیس کے درمیان جھڑپوں میں پندرہ پولیس اہلکار زخمی ہوگئے صورتحال کو قابو کرنے کے لئے شہرمیں ایمرجنسی نافذ کردی گئی اورنیشنل گارڈزنے گشت شروع کردیا ہے۔

    فسادات میں مشتعل مظاہرین نے کئی دکانیں لوٹ لیں اورمتعدد گاڑیوں کو آگ لگا دی جبکہ پولیس اورمظاہرین کے درمیان ہونے والی جھڑپوں میں پندرہ پولیس اہلکار بھی زخمی ہوگئے۔

    Baltimore

    پولیس نے مظاہرین کو منتشرکرنے کے آنسوگیس کی شیلنگ کی جبکہ ستائیس بلوائیوں کو گرفتاربھی کرلیا گیا۔

    واضح رہے کہ پچیس سالہ سیاہ فام نوجوان فریڈی گرے انیس اپریل کو پولیس کی حراست میں جاں بحق ہوگیا تھا۔

    بالٹی مورکے گورنر کا کہنا ہے کہ احتجاج کی آڑ میں لوٹ مارکرنے والوں سے سختی سے نمٹا جائے گا۔

    دوسری جانب امریکہ میں مقیم سیاہ فام برادری کے رہنماؤں نے نوجونواں سے صبروتحمل سے کام لینے کی اپیل کی ہے۔