ریاض: سعودی حکومت کی کابینہ میں وسیع پیمانے پر رد وبدل کے بعد نئے ولی عہد اور نائب ولی عہد کی بیعت کی تقریب ہوئی، جس میں سعودی فرمانروا شاہ سلمان نےشہزادہ محمد بن نائف اور شہزادہ محمد بن سلمان سے حلف لیا۔
تفصیلات کے مطابق شاہی کابینہ کے نئے ارکان کی بیعت کی تقریب ریاض کے شاہی محل میں ہوئی، جس میں نئے ولی عہد شہزادہ محمد بن نائف، شہزادہ محمد بن سلمان نے بحثیت نائب ولی عہد اور امریکا میں تعینات سعودی سفیرعادل الجبیر نے بطور وزیر خارجہ بعیت کی۔
ریاض میں ہونیوالی بیعت کی تقریب میں اعلیٰ سرکاری شخصیات نے شرکت کی، اس سے قبل سعودی فرمانرواشاہ سلمان نے اپنی حکومت میں اعلیٰ پیمانے پر تبدیلیاں کرتے ہوئے ولی عہد شہزادہ مقرن کوبرطرف کردیا تھا۔
جس کے بعد وہ نائب وزیراعظم اول کے عہدے سے بھی محروم ہوگئے تھے۔
انھوں نے طویل عرصے تک سعدی وزیرِ خارجہ رہنے والے سعود الفیصل کوعہدے سے ہٹا کرعادل الجبیر کو نیا وزیر خارجہ مقرر کیا، تبدیلی کے بعد کابینہ میں مفرج الحق بانی وزیر محنت اورعادل فقیہ اقتصادی امور کے نئے وزیر ہونگے۔
