کراچی: پولیس نے خفیہ اطلاع پرملیرسٹی میں کارروائی کرتے آٹھ دہشت گرد مار گرائے‘ مبینہ پولیس مقابلے میں ہلاک ہونے والے دہشت گردوں میں کالعدم تنظیم کا کمانڈر بھی شامل ہے.
ایس ایس پی ملیرراؤانوار کے مطابق ملیرسٹی میں دہشت گردوں کی موجودگی کی خفیہ اطلاع پرپولیس نے کارروائی کی، کارروائی کے دوران دہشت گردوں اورپولیس کے مابین فائرنگ کا تبادلہ ہوا، دہشت گرد گل زمان کی موجودگی کی اطلاع حساس اداروں نےدی تھی.
مزید پڑھیں:کراچی: پولیس نے 13 طالبان دہشت گرد مارگرائے
ایس ایس پی ملیرنے صحافیوں سے گفتگو کرتے ہوئے کہا کہ گل زمان نامی دہشت گرد کمانڈر کی ملیرسٹی میں موجودگی کی اطلاع پر پولیس کی بھاری نفری ساتھ لے کرکارروائی عمل میں لائی گئی۔.
مزید پڑھیں:گلشنِ بونیر میں پولیس مقابلہ جاری،3 دہشت گرد ہلاک
بروقت چھاپے اور مبینہ پولیس مقابلہ کی وجہ سے 8 ملزم ہلاک موقع پر ہی ہلاک ہوگئے، راؤانوار کا کہنا ہے کہ ہلاک دہشت گردوں میں کمانڈرگل زمان بھی شامل ہے. ہلاک دہشت گرد کمانڈر کا تعلق کالعدم تنظیم سے تھا جبکہ وہ ضلع ٹانک کا رہائشی تھا۔
علاوہ ازیں ایس ایس پی ملیرراؤانوار کا کہنا ہے کہ ملیرسٹی میں کارروائی کے نیتجے میں 16سال کالڑکابھی ماراگیا‘ جو کہ خودکش حملہ تھا اوراس کا تعلق جماعت الاحرارسےتھا.
پولیس کا کہنا ہے کہ کارروائی میں لیپ ٹاپ بم برآمد ہوا ہے.
مزید پڑھیں:کراچی پولیس مقابلہ: حکیم اللہ محسود کا ساتھی سمیت 6 دہشت گرد ہلاک
ایس ایس پی ملیر کا کہنا ہے کہ دہشت گردوں کا زیادہ ترنیٹ ورک افغانستان سے چل رہا ہے،انہوں نے کہا کہ سارے نہیں لیکن کچھ افغانی کارروائیوں میں ملوث ہیں، دہشت گرد مل کرپاکستان کونقصان پہنچانےکی کوشش کررہے ہیں،دہشت گردوں کوکامیاب نہیں ہونےدیں گے.
مزید پڑھیں:کراچی پولیس مقابلہ، کالعدم تنظیم کے کمانڈر سمیت پانچ دہشتگرد ہلاک
راؤانوار نے صحافیوں سے گفتگو کرتے ہوئے کہا کہ بلوچستان کےعلاقے ساکران اوروڈھ میں دہشت گرد موجود ہیں.