ARYNews.tv | Urdu – Har Lamha Bakhabar

Tag: robbers

  • کراچی میں اسٹریٹ کرائم سے تنگ شہریوں نے ڈاکوؤں کو پکڑکر درگت بنا ڈالی

    کراچی میں اسٹریٹ کرائم سے تنگ شہریوں نے ڈاکوؤں کو پکڑکر درگت بنا ڈالی

    کراچی : کورنگی اور گلشن اقبال میں 3 ڈاکو شہریوں کے ہتھے چڑھ گئے، شہریوں نے مار مار کر ملزمان کی درگت بناڈالی اور پولیس کے حوالے کردیا۔

    تفصیلات کے مطابق اسٹریٹ کرائم سے تنگ شہری جان کی پرواہ کئے بغیر ڈاکووں سے مقابلہ کرنے لگے، کورنگی اور گلشن اقبال میں 3ڈاکو شہریوں کے ہتھے چڑھ گئے، شہریوں نے مار مار کر ملزمان کی درگت بناڈالی۔

    کورنگی میں پکڑے گئے ملزم کی شٹ اتار کر تشدد کا نشانہ بنایا گیا جبکہ گلشن سے بھی پکڑے جانے والے دونوں ڈاکووں کو بدترین تشدد کا نشانہ بنایا۔

    ملزمان شہریوں کو لوٹ کر فرار ہونے کی کوشش کر رہے تھے ، ڈاکووں کی پٹائی کے دوران پولیس بھی آپہنچی اور شہریوں نے پکڑے گئے تینوں ملزمان کورنگی اور گلشن اقبال پولیس کے حوالے کردیئے۔

    گذشتہ روز بھی کراچی کے علاقے گلشن جمال میں فوڈ ڈیلیوری بوائز کا روپ دھار کر وارداتیں کرنے والے ملزمان شہریوں کے ہتھے چڑھ گئے تھے ، شہریوں نے ملزمان کو پکڑ کر پولیس کے حوالے کردیا تھا۔

    پولیس کے مطابق ملزمان ڈیلیوری بوائے کا روپ دھار کر شہریوں سے موبائل فون چھینتے تھے، دونوں ملزمان شہری سے چھینا جھپٹی کے بعد فرار ہورہے تھے۔

  • کراچی کے پوش علاقے میں ایک کروڑ سے زائد روپے کی ڈکیتی

    کراچی کے پوش علاقے میں ایک کروڑ سے زائد روپے کی ڈکیتی

    کراچی : شہر قائد کے پوش علاقے میں ایک کروڑ سے زائد روپے کی ڈکیتی ہوئی ، جہاں ملزمان 80تولہ سونا، روپے ، امریکی ڈالر اور کار لوٹ کر فرار ہوگئے۔

    تفصیلات کے مطابق کراچی کے علاقے گلشن اقبال میں ایک بنگلے میں ڈکیتی کی واردات کا واقعہ پیش آیا، 3 ملزمان سونا،روپے،ڈالر اور کار لے کر فرار ہو گئے ، مجموعی طورپر1کروڑ7لاکھ سےزائدکی لوٹ مارکی گئی۔

    واردات کا مقدمہ گلشن اقبال تھانےمیں درج کرلیاگیا ، ڈکیتی کاواقعہ گزشتہ روز پیش آیا اور مقدمہ آج صبح درج ہوا ، مدعی کےمطابق وہ اپنی فیملی کےساتھ گھر میں موجود تھا کہ اچانک3ملزمان گھرمیں داخل ہوئے اور مجھ پر پستول تان لیا۔

    مدعی نے کہا کہ ملزمان نے مزاحمت کی صورت میں جان سے مارنے کی دھمکی دی، ایک ملزم فیملی کے ساتھ ٹی وی لاؤنج میں رہا 2 کمرے میں چلے گئے، ملزمان نے الماری میں رکھے 80تولہ سونے کے زیورات لوٹے جبکہ 8ہزار500امریکی ڈالراور90ہزارروپے لوٹے۔

    ایف آئی آر میں کہا گیا ہے کہ دوسرےکمرےسے ایک نیا اور ایک پرانا لیپ ٹاپ بھی اٹھالیا، ایک ملزم مسلسل کسی سے رابطے میں تھا، ملزمان دیکھنےمیں سرائیکی اوربات چیت اردو میں کررہے تھے جبکہ ملزمان جاتےہوئے کار بھی اپنے ہمراہ لے گئے۔

  • پاک ایران شاہراہ پر ڈکیتی کی بڑی واردات، ڈاکو 5 کروڑ 30 لاکھ لوٹ کرفرار

    پاک ایران شاہراہ پر ڈکیتی کی بڑی واردات، ڈاکو 5 کروڑ 30 لاکھ لوٹ کرفرار

    چاغی: پاک ایران شاہراہ پر ڈکیتی کی بڑی واردات میں ڈاکو5 کروڑ 30 لاکھ لوٹ کرفرار ہوگئے، بینک عملہ رقم سرحدی شہر تفتان سے دالبندین منتقل کررہا تھا۔

    تفصیلات کے مطابق گزشتہ روز پاک ایران شاہراہ پر ڈکیتی کی بڑی واردات کا واقعہ پیش آیا ، جہاں ڈاکو5 کروڑ 30 لاکھ لوٹ کرفرار ہوگئے ، لیویز حکام کا کہنا ہے کہ پاک افغان اورپاک ایران سرحدی علاقوں میں سرچ آپریشن جاری ہے، بینک عملہ رقم سرحدی شہر تفتان سے دالبندین منتقل کررہا تھا۔

    حکام نے مزید بتایا کہ منتقلی کےدوران سٹھ لانڈھی کےقریب ڈاکوؤں نےفائرنگ کی، فائرنگ کےتبادلےمیں بینک کیشئراورایک لیویزفورس کااہلکار زخمی ہوا۔

    کیشئرشامل تفتیش کرکے لیویز تھانہ منتقل کردیا گیا ہے اور اعلیٰ سطح کی تحقیقات شروع کردی گئی ہے جبکہ بینک منیجر کو بھی شامل تفتیش کرتے ہوئے کام کرنے سے روک دیا گیا ہے۔

    ذرائع کا کہنا تھا کہ کوئٹہ سےسی ٹی ڈی کی ٹیم پہنچ گئی ہے۔

  • کراچی میں لوٹ مار : تاجر لاکھوں کی نقدی اور قیمتی سامان سے محروم

    کراچی میں لوٹ مار : تاجر لاکھوں کی نقدی اور قیمتی سامان سے محروم

    کراچی : شہر قائد میں لوٹ مار کا سلسلہ تھم نہ سکا ، پولیس حکام کے تمام تر دعووں کے باوجود رہزن کھلے عام شہریوں سے لوٹ مار کرنے میں مصروف ہیں، یومیہ درجنوں افراد اپنے قیمتی سامان اور نقدی سے محروم کردیے جاتے ہیں۔

    تفصیلات کے مطابق کراچی کے علاقے منگھو پیر میں بھی ڈاکووں نے دن دہاڑے ماربل فیکٹر کے سامنے ایک تاجر کو لوٹ لیا اور با آسانی فرار ہونے میں کامیاب ہوگئے۔

    اس حوالے سے ذرائع کا کہنا ہے کہ موٹرسائیکل پر سوار4مسلح ملزمان تاجر سے 3لاکھ50ہزار روپے لوٹ کر فرار ہوگئے، واردات کی سی سی ٹی وی فوٹیج اےآر وائی نیوز کو موصول ہوگئی۔

    سی سی ٹی وی فوٹیج میں دیکھا جاسکتا ہےکہ دو موٹرسائیکلوں پر سوار4ملزمان تاجر کا پیچھاکرتے ہوئےآئے اور موقع پاکر اسے سنسان جگہ پر روک لیا،
    اور اسلحہ نکال کر ایک ساتھ تمام ملزمان نےتاجر کی تلاشی لینا شروع کی۔

    پہلے تو ملزمان نےتاجر سےکیش اور موبائل فون چھینا اور جاتےجاتےایک ملزم نےاس کی موٹرسائیکل کی چابی بھی نکال لی۔

  • سعودی شہزادے سے لوٹ مار کرنے والے ملزمان کو کڑی سزائیں

    سعودی شہزادے سے لوٹ مار کرنے والے ملزمان کو کڑی سزائیں

    پیرس : فرانسیسی عدالت نے سات سال قبل ایک سعودی شہزادے کے کارواں پر مسلح ڈکیتی کرنے والے چھ ملزمان کو جرم ثابت ہونے کے بعد قید کی سزا کا حکم سنا دیا۔

    سعودی ذرائع ابلاغ نے فرانسیسی خبر رساں ادارے کے حوالے سے کہا ہے کہ پیرس کی کرمنل کورٹ نے سال 2014 میں سعودی شہزادے کے کارواں پر مسلح ڈکیتی میں ملوث چھ افراد کو تین سے سات برس تک کی قید کی سزا سنادی جبکہ مقدمے میں شامل ساتویں ملزم کو مقدمے سے بری کردیا۔

    ذرائع ابلاغ کے مطابق اگست 2014 میں سعودی شہزادے کے کاروان پر اس وقت مسلح افراد نے حملہ کیا جب وہ اپنے ہوٹل سے نکل کر ایئرپورٹ کی جانب رواں تھے۔ شہزادے کا کارروان 10 گاڑیوں پر مشتمل تھا۔

    نقاب پوش مسلح حملہ آور جو دو مسروقہ گاڑیوں میں سوار تھے نے کارواں کی پہلی گاڑی کو زبردستی روکا اور اس میں سوار افراد کو اسلحہ کے زور پر اتارکر یرغمال بنالیا۔

    ملزمان دو لاکھ 50 ہزار یورو، تین لاکھ ڈالر کے علاوہ قیمتی گھڑیاں اور زیورات لوٹ کر موقع واردات سے فرار ہو گئے تھے تاہم مسلح افراد نے کسی پر گولی نہیں چلائی تھی۔

    مقدمے کی سماعت کے موقع پر عدالت نے ملزمان پر جرم ثابت ہونے کے بعد گروہ کے چھ ارکان کو قید کی سزا کا حکم دے دیا۔

  • لاک ڈاؤن کے دوران ڈکیتی کی کوشش، گھر کے مالک نے ڈاکوؤں پر فائرنگ کردی

    لاک ڈاؤن کے دوران ڈکیتی کی کوشش، گھر کے مالک نے ڈاکوؤں پر فائرنگ کردی

    امریکا میں ایک شخص نے اپنے گھر میں داخل ہونے والے 3 مسلح ڈاکوؤں پر فائرنگ کردی، پولیس کا کہنا ہے کہ اپنے دفاع میں کی جانے والی فائرنگ پر گھر کے مالک کو کسی قسم کی قانونی کارروائی کا سامنا نہیں ہوگا۔

    یہ واقعہ امریکی ریاست فلوریڈا میں پیش آیا جہاں 3 مسلح ڈاکو ایک گھر میں داخل ہوئے، سی سی ٹی وی فوٹیج میں دیکھا جاسکتا ہے کہ تینوں ڈاکو زبردستی گھر میں داخل ہوئے اور پھر چند ہی سیکنڈ بعد بھاگتے ہوئے گھر سے نکلتے دکھائی دیے۔

    پولیس کے مطابق گھر کے مالک نے ڈاکوؤں پر 5 گن شاٹ فائر کیے، فائرنگ سے ایک ڈاکو زخمی ہو کر نیچے گر پڑا۔ گولی اس کے سینے پر لگی بعد ازاں پولیس نے موقع پر پہنچ کر اسے اسپتال منتقل کیا۔

    بقیہ دو ڈاکو فرار ہونے میں کامیاب ہوگئے جن کی تلاش جاری ہے، پولیس زخمی ڈاکو کی حالت بہتر ہونے پر اس سے تفتیش کرے گی اور اس کے ذریعے اس کے ساتھیوں تک پہنچنے کی کوشش کرے گی۔

    پولیس کا کہنا ہے کہ ڈاکوؤں پر فائرنگ کرنے پر گھر کے مالک کو کسی قسم کی قانونی کارروائی کا سامنا نہیں ہوگا، مالک نے اپنے دفاع میں فائرنگ کی، دوسری صورت میں اسے اور اس کے اہلخانہ کی جان کو خطرہ ہوسکتا تھا۔

  • راولپنڈی کی بہادر لڑکی نے پرس چھینے والوں کو نانی یاد دلادی

    راولپنڈی کی بہادر لڑکی نے پرس چھینے والوں کو نانی یاد دلادی

    راولپنڈی : راولپنڈی کی باہمت اور بہادر لڑکی نے پرس چھینے والے لٹیروں کو نانی یاد دلادی۔

    تفصیلات کے مطابق ایک لڑکی دو لٹیروں پر بھاری پڑگئی، گذشتہ روز سوشل میڈیا پر ایک ویڈیو وائرل ہوئی ، جس میں راولپنڈی میں تھانہ نیوٹاؤن کی حدود میں اسٹریٹ کرمنلز نے لڑکی سے پرس چھیننے کی کوشش کی تو لڑکی نے بائیک سواروں کے پیچھے دوڑ لگائی اور پکڑ کر انکی درگت بنا دی۔

    اس دوران خوب دھنائی کے بعد ایک ملزم جان بچا کر بھاگا جبکہ ایک پکڑے جانے پر بہانے بازی کرنے لگا ۔

    یاد رہے چند روز قبل کراچی کے علاقے گلشن حدید میں ایک لڑکی دو ڈکیتوں پر بھاری پڑ گئی، گلشن حدید کی رہائشی مریم نے دکھائی خوب ہمت، موبائل فون چھین کر دو ملزمان موٹرسائیکل پر فرار ہوئے تو کار سوار مریم نے ان کا پیچھا کیا اور اپنی گاڑی سے ٹکر مار کر انھیں نیچے گرا دیا۔

    مزید پڑھیں : کراچی کی بہادر بیٹی نے موبائل چھیننے کی کوشش ناکام بنادی، ڈاکو گرفتار

    شہریوں نے موقع پر دونوں ملزمان کو پکڑلیا، تشدد کا نشانہ بنانے کے بعد اسٹیل ٹاؤن پولیس کے حوالے کردیا۔

    گرفتار ملزمان کا کہنا تھا کہ خاتون کی گاڑی کی ٹکر ہمیشہ یاد رہے گی۔

    اسٹیل ٹاؤن پولیس کے مطابق ملزمان کے قبضے سے اسلحہ بھی برآمد ہوا ہے جبکہ برآمد ہونے والی موٹرسائیکل کا ریکارڈ بھی حاصل کیا جارہا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • دوران ڈکیتی قتل کے ملزمان کوعمرقید وجرمانے کی سزا

    دوران ڈکیتی قتل کے ملزمان کوعمرقید وجرمانے کی سزا

    کراچی : عدالت نے قتل کا جرم ثابت ہونے پر دو ملزمان کو عمر قید کی سزا کا حکم دے دیا، ملزمان پر دوران ڈکیتی اےایس آئی کے قتل کا الزام تھا۔

    تفصیلات کے مطابق انسداد دہشت گردی کی عدالت میں پولیس نے قتل کے مقدمے میں ملوث دو ملزمان کو پیش کیا، فریقین کے دلائل سننے کے بعد عدالت نے قتل کا جرم ثابت ہونے پر مجرم شیراز اور اشرف کو عمرقید کی سزا سنادی۔

    انسداد دہشت گردی عدالت نے مجرموں پر فی کس50ہزار روپے جرمانے کا بھی حکم دیا، جرمانے کی عدم ادائیگی پر مجرموں کو مزید چھ ماہ قید کاٹنا ہوگی۔

    ملزمان پر الزام تھا کہ انہوں نے ڈکیتی کے دوران اے ایس آئی عبدالحمید کو قتل کیا تھا، کراچی پولیس کے مطابق مجرموں کے قبضے سے مقتول کا سرکاری پستول بھی برآمد ہواتھا۔

  • کراچی کےمختلف علاقوں میں پولیس مقابلوں میں 4 ڈاکو ہلاک

    کراچی کےمختلف علاقوں میں پولیس مقابلوں میں 4 ڈاکو ہلاک

    کراچی : شہر قائد کے مختلف علاقوں میں پولیس نے مقابلوں کے دوران چار ڈاکو ہلاک کردیے جن سے اسلحہ بھی برآمد کرلیا گیا۔

    تفصیلات کے مطابق کراچی کےعلاقے گلشن معمار سے متصل جنجال گوٹھ کے قریب پولیس نے مقابلے میں اسٹریٹ کرائم میں ملوث 3 ڈاکوہلاک کردیے۔

    پولیس کے مطابق مقابلے میں ہلاک ڈاکو مویشی منڈی آنے جانے والے شہریوں سے لوٹ مار کر رہے تھے۔ پولیس کو دیکھ کر ملزمان نے فائرنگ کردی جوابی فائرنگ سے تینوں ملزمان ہلاک ہوگئے۔

    پولیس کا کہنا ہے کہ ہلاک ملزمان سے اسلحہ اور مسروقہ موٹر سائیکل برآمد کی گئی جبکہ کورنگی زمان ٹاون میں بھی پولیس نے مقابلےکے بعد ایک ملزم کو ہلاک کردیا ملزم سے اسلحہ، چھینے گئے متعدد موبائل فون اورموٹر سائیکل برآمد کر لی۔

    دوسری جانب لانڈھی داود چورنگی کے قریب فائرنگ سے خاتون زخمی ہوگئی جسے طبعی امداد کے لیے اسپتال منتقل کردیا گیا جبکہ کیماڑی میں پولیس نے 2 منشیات فروش گرفتار کرکے منشیات برآمد کرلی۔

    لیاری میں کریکرحملہ، ایک شخص جاں بحق، چار زخمی

    واضح رہے کہ گزشتہ شب چاکیواڑہ تھانے کی حددو لیاری سنگولین مولا مدد کے قریب موٹر سائیکل سوار ملزمان دستی بم پھینک کر فرار ہوگئےتھے جس کے نتیجے میں ایک شخص جبکہ پانچ افراد زخمی ہوگئےتھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • نامعلوم افراد کیلاش قبیلے کے وفد کو لوٹ کر فرار

    نامعلوم افراد کیلاش قبیلے کے وفد کو لوٹ کر فرار

    لاہور: ہندوستان میں بین الاقوامی کانفرنس میں شرکت کرنے کیلئے کیلاش قبیلے کے دس رکنی وفد کو لاہور میں لوٹ لیا، پاسپورٹ، ویزا لیپ ٹاپ اور دیگر دستاویزات چھین کرلے گئے۔

    کیلاش قبیلے کے دس رکنی وفد جو لیوک رحمت کیلاش کی سربراہی میں ہندوستان میں ایک بین الاقوامی کانفرنس میں شرکت کیلئے جار ہے تھے کہ لاہور میں نامعلوم افراد ان سے پاسپورٹ، ویزا اور ضروری دستاویزان چھین کر فرار ہوگئے۔ وفد میں چھ مرد اور چار خواتین شامل تھی۔
    وفد میں شامل وزیر زادہ کیلاش کا کہنا تھا کہ ہم لوگوں نے بڑی مشکل سے ویزا حاصل کیا تھا تاکہ ہندوستان میں ایک انٹرنیشنل کانفرنس میں شرکت کرکے کیلاش کی نمائندگی کرسکیں۔ انہوں نے بتایا کہ یہ وفد جب لاہور پہنچا تو رات ۹ بجے کے قریب نیازی بس اسٹینڈ سے ہوٹل جاتے ہوئے نامعلوم افراد نے ان کو روکا لیا، کیلاش وفد کے مطابق ان میں چند لوگ اسلحہ سے لیس بھی تھے اور ان کو یہ بھی پتہ تھا کہ ہم کیلاش قبیلے سے تعلق رکھتے ہیں اور ہندوستان جارہے ہیں۔
    انہوں نے مزید بتایا کہ ان لوگوں نے ہم سے پاسپورٹ، ویزا، لیپ ٹا پ اور دیگر ضروری دستاویزات چھین لیا۔کیلاش قبیلے کے لوگوں نے اس واقعے پر سخت غم و غصے اور افسوس کا اظہار کیا ہے کہ انہوں نے بڑی مشکل سے ویزا حاصل کیا تھا اور پڑوسی ملک ہندوستان جارہے تھے مگر نامعلوم افراد نے انکا منصوبہ ناکام بنایا حالانکہ یہ لوگ نہایت پر امن اورحب وطن لوگ سمجھے جاتے ہیں۔