کراچی : ڈیفنس میں سفید کار میں سوار ڈاکوؤں نے کلاشنکوف دکھا کر بینک سے رقم لے کر آنے والے موٹر سائیکل سوار سے دس لاکھ روپے لوٹ لیے، ملزمان واردات کے بعد باآسانی فرار ہوگئے۔
تفصیلات کے مطابق کراچی میں سرعام بھاری اسلحہ دکھا کربڑی رقم لوٹ لی گئی، شہر قائد کے پوش علاقے ڈیفنس میں سفید کارمیں سوار ملزمان نے بینک سے رقم لے کرجانے والے نوجوانوں کا پیچھا کیا موٹر سائیکل کو بریک لگتے ہی کار سے نقاب پوش ڈاکو نکلے اور نوجوانوں کو گھیر لیا۔
اے آر وائی نیوز کو موصول ہونے والی سی سی ٹی وی فوٹیج میں دیکھا جاسکتا ہے کہ واردارت کے وقت ایک ڈاکو نے کلاشنکوف بھی تھام رکھی تھی، ڈاکوؤں نے بہت اطمینان سے ان نوجوانوں سے دس لاکھ روپے سے بھرابیگ چھینا اور جیبیں بھی خالی کردیں۔
اس موقع پرڈاکوؤں نے کلاشنکوف دکھا کر قریب موجود لوگوں کو بھی ڈرایا دھمکایا، ایک ڈاکو نے بیگ کھول کر رقم بھی چیک کی، ملزمان چالیس سیکنڈ میں واردات مکمل کرکے چلتے بنے۔
کراچی میں پولیس کی کارروائی‘ 4 ڈاکو گرفتار
یاد رہے کہ دو روز پہلے ایک ڈاکو نے چلتی موٹرسائیکل سے کود کر ڈرائیور کو اسلحہ کے زور پر روک کر گاڑی روک لی تھی، ٹوٹی ہوئی سڑک کی وجہ سے گاڑی کی سست رفتاری نے ڈاکو کو واردات کا موقع فراہم کیا تھا۔
خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
