Tag: Robert Pattinson

  • ایکشن و ایڈونچر سے بھرپور فلم "دی بیٹ مین” کب ریلیز ہوگی؟

    ایکشن و ایڈونچر سے بھرپور فلم "دی بیٹ مین” کب ریلیز ہوگی؟

    عالمی وبا کورونا وائرس کا پھیلاؤ روکنے کے لیے نافذ لاک ڈاؤنز اور سماجی فاصلے کے اقدامات کی وجہ سے جہاں دنیا بھر کے مختلف تھیٹرز بند ہیں وہیں انٹرٹینمنٹ انڈسٹری بھی مسائل کا شکار ہے۔

    اس حوالے سے وارنر بردارز نے اپنی دو فلموں ’ڈیون‘ اور ’دی بیٹ مین‘ کو تاخیر سے ریلیز کرنے کا اعلان کیا تھا۔ کینڈین ڈائریکٹر ڈینس ویلینیو کی ہدایت کاری میں بننے والی سائنس فکشن فلم "ڈیون” اب دسمبر کے بجائے اکتوبر2021 میں ریلیز ہوگی۔

    اس کے علاوہ ایکشن اور ایڈونچر سے بھرپور فلم "دی بیٹ مین” آئندہ برس سنیما گھروں کی زینت بنے گی۔ ذرائع کے مطابق فلم "دی بیٹ مین” اگلے سال اکتوبر2022 میں ریلیز کی جائے گی۔ اس فلم میں نامور اداکار رابرٹ پیٹنسن بیٹ مین کے مرکزی کردار میں نظر آئیں گے۔

    یاد رہے کہ وارنر اسٹوڈیو نے ابتدائی طور پر یہ اعلان کیا تھا کہ فلم "دی بیٹ مین” کو سال 2021 کی جون میں ریلیز کیا جائے گا بعد ازاں اسے اکتوبر 2021 میں ریلیز کرنےکا اعلان ہوا تھا اور اب اس میں تاخیر کا فیصلہ سامنے آیا ہے۔

    علاوہ ازیں ستمبر میں ہالی ووڈ کی سائنس فکشن فلم "دی بیٹ مین” کے مرکزی اداکار روبرٹ پیٹسن میں کورونا وائرس کی تصدیق کے بعد فلم کی شوٹنگ دو ہفتے تک روک دی گئی تھی۔

  • کون ہوگا اگلا بیٹ مین؟

    کون ہوگا اگلا بیٹ مین؟

    لاس اینجلس: ڈی سی کومکس کے معروف سپر ہیرو بیٹ مین کا کردار نبھانے کے لیے نوجوان اداکار کا نام سامنے آگیا.

    تفصیلات کے مطابق بیٹ مین کے کردار کو ڈی سی یونیورس میں خصوصی اہمیت حاصل ہے، اسی وجہ سے یہ بات ہمیشہ موضوع بحث رہتی ہے کہ کون سا اداکار بیٹ مین کا کردار نبھائے گا.

    خیال رہے کہ ممتاز ہدایت کار کرسٹرفر نولن کی ڈائریکشن میں بننے والی بیٹ مین سیریز میں کرسچن بیل نے یہ کردار نبھا کر اسے یادگار بنا دیا تھا۔

    البتہ جب ’’جسٹس لیگ سریز‘‘ کی داغ بیل ڈالی گئی، تب کرسچن بیل اس سے الگ ہوچکے تھے، تب بین فلک نے کو یہ کردار ادا کیا، البتہ اب وہ بھی اس پراجیکٹ سے الگ ہوگئے ہیں، تب ہی سے یہ بحث جاری تھی کہ اب یہ یادگار کردار کون نبھائے گا.

    مزید پڑھیں: کیا ایوینجرز اینڈ گیم ایواتار کو شکست دے پائے گی؟

    البتہ اب ٹوائلائٹ سیریز میں‌ مرکزی کردار نبھانے والے رابرٹ پیٹنسن کا نام حتمی کیا گیا ہے.

    میڈیا رپورٹس کے مطابق وارنر بروز اسٹوڈیو کی جانب سے عندیہ دیا گیا ہے  کہ بیٹ مین کی نئی فرنچائز  میں رابرٹ یہ کردار ادا کریں گے، یہ میگا بجٹ فلم 2021 میں جون تک ریلیز کی جائے گی.

  • معروف اداکاروں کا شجرہ نسب جان کرآپ حیران رہ جائیں گے

    معروف اداکاروں کا شجرہ نسب جان کرآپ حیران رہ جائیں گے

    فلموں میں کام کرنے والے اداکار یوں تو خود بے حد مشہور ہوتے ہیں اور لوگ کم ہی ان کے خاندانی پس منظر پر توجہ دیتے ہیں، کیونکہ ان کی اپنی شخصیت نہایت مضبوط اور چکا چوند سے بھرپور ہوتی ہے۔

    تاہم ہالی ووڈ کے کچھ اداکار ایسے بھی ہیں جو کسی نہ کسی مشہور شخصیت کی نسل سے تعلق رکھتے ہیں۔ آج ہم آپ کو ایسے ہی کچھ فنکاروں سے ملوانے جا رہے ہیں۔

    بریڈ پٹ

    معروف ہالی ووڈ اداکار بریڈ پٹ اور سابق امریکی صدر بارک اوباما آپس میں عزیز ہیں۔

    برطانوی اخبار گارجین کی ایک تحقیق کے مطابق یہ دونوں معروف شخصیات سنہ 1960 میں موجود ایک شخص ایڈون ہک کی نسل سے تعلق رکھتی ہیں۔

    جونی ڈیپ

    برطانوی نشریاتی ادارے بی بی سی کی ایک تحقیق کے مطابق امریکی اداکار جونی ڈیپ اور ملکہ برطانیہ الزبتھ دور کے کزنز ہیں۔

    دونوں کا تعلق برطانیہ کے بادشاہ ایڈورڈ سوئم سے ہے جو سنہ 1327 سے 1377 تک برطانیہ کے حکمران رہے۔

    میڈونا

    امریکی گلوکارہ میڈونا اور برطانوی شاہی خاندان کے ولی عہد شہزادہ چارلس کی دوسری اہلیہ کمیلا پارکر ایک ہی خاندان سے تعلق رکھتی ہیں۔

    جارج کلونی

    مشہور امریکی اداکار جارج کلونی اور امریکا میں سیاہ فاموں کو حقوق دلانے والے سابق صدر ابراہم لنکن بھی آپس میں رشتے دار ہیں۔

    جارج کلونی ابراہم لنکن سے اپنے اس تعلق سے بے خبر تھے حتیٰ کہ ابراہم لنکن کی زندگی پر بنائی جانے والی فلم لنکن کی پروڈکشن ٹیم نے یہ تحقیق سر انجام دی۔

    رابرٹ پٹنسن

    مشہور فلم سیریز ٹوئیلائٹ کے اداکار رابرٹ پٹنسن رومانیہ میں 15ویں صدی کے ایک شہنشاہ ولاد سوئم سے تعلق رکھتے ہیں۔ حیرت انگیز طور پر اس حکمران کو تاریخ میں ڈریکولا کے نام سے یاد کیا جاتا ہے جو اپنے دشمنوں کو نہایت اذیت ناک طریقوں سے موت دیا کرتا تھا۔

    گویا ٹوئیلائٹ سیریز میں خون پینے والے ڈریکولا کا کردار ادا کرنے والے رابرٹ سچ مچ ڈریکولا کے خاندان سے تعلق رکھتے ہیں۔

    سنڈی کرافورڈ

    امریکی اداکارہ سنڈی کرافورڈ انیسویں صدی کے مشہور امریکی مصنف ارنسٹ ہمنگ وے کے خاندان سے تعلق رکھتی ہیں۔

    بروک شیلڈ

    امریکی ماڈل اور اداکارہ بروک شیلڈ فرانس کے بادشاہ ہنری چہارم کی نسل سے تعلق رکھتی ہیں۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔