بیسل : سابق عالمی نمبر ایک سوئٹزرلینڈ کے راجر فیڈرر نے سوئس انڈور ٹینس ٹورنامنٹ کے سیمی فائنل کے لئے کوالیفائی کرلیا۔ بیسل میں فیڈرر کی پیش قدمی جاری ہے۔
ٹاپ سیڈ فیڈرر نے کوارٹرفائنل میں بیلجئیم کے ڈیوڈ گوفن کو تین سیٹ کے مقابلے کے بعد زیر کیا۔ ابتدائی دو سیٹس تک مقابلہ برابر تھا۔ فیصلہ کن سیٹ میں فیڈرر نے غیر معمولی کھیل پیش کیا اور آخری چار کھلاڑیوں میں جگہ بنالی۔
فیڈرر کی فتح کا اسکور چھ تین ، تین چھ اور چھ ایک رہا۔ فیڈرر کو بیسل میں ساتواں ٹائٹل جیتنے کے لئے مزید دو فتوحات درکار ہیں۔
.میلبورن: سال کے پہلے گرینڈسلم آسٹریلین اوپن ٹینس ٹورنامنٹ کا آج سے آغازہوگیا ہے
آسٹریلین اوپن میں دنیائے ٹینس کے نامور کھلاڑی ایکشن میں ہیں۔ ہارڈکورٹ پرکھیلے جانے والے ایونٹ کے مینز سنگلز میں سوئٹزرلینڈ کے اسٹینلاس واورینکااعزازکا دفاع کررہے ہیں۔
عالمی نمبر ایک سربیا کے نواک جوکووچ اورریکارڈ گرینڈ سلم ونر سوئٹزرلینڈ کے راجرفیڈررپانچویں مرتبہ آسٹریلین اوپن کا ٹائٹل اپنے نام کرنے کی کوشش کریں گے۔
فیڈرر نے دوہزار بارہ کے ومبلڈن کے بعد سے اب تک کوئی گرینڈ سلم نہیں جیتا ہے۔ پاکستانی ٹینس اسٹاراعصام الحق مینز ڈبلز میں اپنی قسمت آزمائیں گے۔ ادھرویمنز میں چین کی لینا دفاعی چیمپئین ہیں۔
امریکہ کی سرینا ولیمزاورروس کی ماریہ شراپوا کو ٹائٹل کے لئے فیورٹ قراردیا جارہا ہے۔