Tag: ronaldinho

کراچی: فٹ بال کے شائقین کا انتظار اپنی آخری حدوں میں داخل‘ برازیلین اسٹار رونالڈینو کل لیاری کے عبدالستار ایدھی اسٹیڈیم میں نمائشی میچ کھیلیں گے۔

تفصیلات کے مطابق برازیلین اسٹار رونالڈینو اپنی ٹیم کے ہمراہ لیژیٔر کلب پاکستان کی جانب سے منعقد کردہ نمائشی میچ میں شریک ہوں گے جب کہ پرسوں نو جولائی کو لاہور کے فورٹریس اسٹیڈیم میں میچ کا انعقاد کیاجائے گا۔

رونلڈینیو کے علاوہ برازیل ہی کے رابرتو کارلوس‘ فرانس کے نکولس انیلکا اور رابرٹ پیریز‘ ویلز اور مانچسٹر یونائیٹد کے رائن گگز‘ انگلینڈ کے ڈیوڈ جیمز‘ ہالینڈ کے جارج بوٹینگ اور پرتگال کے بوئے مورٹا بھی میچوں میں حصہ لیں گے۔

رونالڈینو کی پاکستان آمد، خوش آمدید کہتے ہیں، آئی ایس پی آر

 یاد رہے کہ پاکستان میں فٹبال کے سب سے زیادہ شائقین لیاری میں رہتے ہیں اور لیاری کے فٹبال متوالے۔ہفتے کو ہونے والا نمائشی میچ اور میچ میں برازیلین اسٹار رونالڈینیو اور دیگر فٹ بال آئیکونز کو دیکھنے کے لیے بے قرار ہیں ۔

ایونٹ آرگنائزرز کی جانب سے عبدالستار ایدھی اسٹیڈیم میں ہونے والے اس نمائشی میچ میں ایک ہزار شائقین کے لئے مفت نشستیں رکھنے کا اعلان کیا ہے جو کہ پہلے آئیے پہلے پائیے کی بنیاد پر دی جائیں گی‘ یاد رہے کہ لیاری غریب طبقے کی آماج گاہ ہے اور اس اعلان نے عوام میں جوش و خروش بھردیا ہے ‘ اور نوجوان امید کررہے ہیں کہ کل وہ اسٹیڈیم میں رونالڈینو کی جھلک دیکھنے کے لیے جگہ بنانے میں کامیاب ہوجائیں گے۔

برازیل سے تعلق رکھنے والے فٹ بال سپر اسٹار 36 سالہ رونالڈینو کی وجہ شہرت 2002 میں ان کی ٹیم کی ورلڈ کپ میں فتح ہے‘ رونالڈینو اسپین کے فٹب کلب بارسلوناکے ایمبیسڈر ہیں ۔

رونالڈینو نے 97 میچز کھیلے ہیں اور برازیل کی قومی ٹیم کے لیے 23 گول بھی اسکور کیے ہیں اور 2002 کے فیفا ورلڈ کپ کی فتح میں ان کا اہم کردار تھا۔

یاد رہے کہ پاکستان میں فٹ بال کو فروغ دینے کے لیے وقتاً فوقتاً کوششیں کی جاتی رہی ہیں۔ اس سے قبل بھی کراچی کے مختصر دورے پر برازیلین کوچ رومیلڈو سینچاز نے بچوں کو جدید فٹبال کے گرُ بتانے کے لیے کوچنگ کیمپ کا انعقاد کیا تھا۔

اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔