بھارتی دارالحکومت نئی دلی ایئرپورٹ کے ٹرمنل 1 کی چھت کا کچھ حصہ زمین بوس ہوجانے کے باعث ایک شخص ہلاک جبکہ 8 شدید ہوگئے۔
بین الاقوامی خبر رساں ادارے کی رپورٹ کے مطابق ٹرمنل 1 کی چھت شدید بارش اور ہوا کی وجہ سے گری جس کے سبب کئی گاڑیاں بھی تباہ ہوگئیں۔
بھارتی میڈیا کے مطابق نئی دلی ایئرپورٹ کے ٹرمنل 1 سے پروازوں کو عارضی طور پر منسوخ کردیا گیا ہے، جس کے باعث مسافروں کو شدید پریشانی کا سامنا ہے۔
واضح رہے کہ دلی ایئرپورٹ کے علاقے میں آج تین گھنٹے میں 148.5 ملی میٹر بارش ریکارڈ کی گئی ہے۔
اس سے قبل بھی بھارت کے گوہاٹی میں موسلا دھار بارش کے دوران ہوائی اڈے کی چھت مسافروں پر گر گئی تھی۔جس کے باعث انڈیگو، ایئر انڈیا اور ایئر انڈیا ایکسپریس کے ذریعے چلنے والی پروازوں کا رخ تبدیل کردیا گیا تھا۔
اس حوالے سے مختلف سوشل میڈیا پلیٹ فارمز پر ایئر پورٹ کی چھت کے گرنے اور بارش کا پانی بہنے کی ویڈیو وائرل ہوئیں۔
سی ای او کا کہنا تھا کہ طوفان اور موسلا دھار بارش کی وجہ سے حد نگاہ بہت کم ہوگئی اور ہمیں چھ پروازوں کا رخ موڑنا پڑا۔
