آکلینڈ: نیوزی لینڈ نے بنگلادیش کو دوسرے اور آخری ٹیسٹ میں عبرتناک شکست سے دوچار کرتے ہوئے حساب کتاب چکتا کردیا۔
تفصیلات کے مطابق ہیگلی پارک اوول میں کھیلے گئے دوسرے ٹیسٹ کا نتیجہ دو روز قبل ہی ہوگیا، سیریز کے پہلے ٹیسٹ میں ورلڈ ٹیسٹ چیمپئن کوحیران کن طور پر شکست سے دوچار کرنے والی بنگلا دیش آؤٹ کلاس ہوئی۔
یہ بھی پڑھیں: نیوزی لینڈ کے لیجنڈ کرکٹر نے ریٹائرمنٹ کا اعلان کردیا
نیوزی لینڈ کے 521 رنز کے جواب میں بنگال ٹائیگرز اپنی پہلی اننگز میں محض 126 رنز بنا فال آن ہوئی، ٹرینٹ بولٹ نے 5 جبکہ ٹم ساؤتھی نے 3 کھلاڑیوں کو آؤٹ کیا، دوسری اننگز میں بھی کیویز کی نپی تلی بولنگ کی بدولت بنگلا دیش 278 رنز پر ڈھیر ہوگئی، اس بار کیل جیمیسن نے 4 اور نیل وینگلر نے 3 کھلاڑیوں کو چلتا کیا۔
ٹیسٹ میچ کی خاص بات ریٹائر ہونے والے راس ٹیلر کی آخری وکٹ لینا تھی، ٹیلر 8 سال بعد ٹیسٹ میں بولنگ کی اور بنگلا دیش کی آخری وکٹ لیکر نہ صرف ٹیم کو فتح دلائی بلکہ اپنی ریٹائرمنٹ کو بھی یادگار بنایا، روز ٹیلر نے اس سے قبل ٹیسٹ کرکٹ میں صرف 2 وکٹیں حاصل کررکھی تھی۔
ڈیون کنوے کو مین آف دی سیریز جبکہ ٹام لیتھن کو مین آف دی میچ قرار دیا گیا۔
یاد رہے کہ گذشتہ سال دسمبر میں نیوزی لینڈ کے ریکارڈ ساز بیٹسمین راس ٹیلر نے انٹرنیشنل کرکٹ سے ریٹائرمنٹ کا اعلان کیا تھا، ٹیلر نیوزی لینڈ کی جانب سےسب سے زیادہ ٹیسٹ اور ون ڈے رنز بنانے کا اعزاز رکھتے ہیں۔
