ARYNews.tv | Urdu – Har Lamha Bakhabar

Tag: Royal Rumble

  • رائل رمبل، بروک لیسنر اور رومن رینز باہر، پھر جیتا کون؟

    رائل رمبل، بروک لیسنر اور رومن رینز باہر، پھر جیتا کون؟

    کراچی: ڈبلیو ڈبلیو ای میں رائل رمبل مقابلوں کا انعقاد ہوا جس میں 30 ریسلر رنگ میں اترے جن میں بروک لیسنر، رومن رینز سمیت دیگر شامل تھے.

    تفصیلات کے مطابق گزشتہ روز ڈبلیو ڈبلیو ای کی جانب سے رائل رمبل مقابلوں کا انعقاد ہوا جس میں 30 ریسلرز ایک دوسرے پر سبقت حاصل کرنے کے لیے کوشاں تھے، انتظامیہ کی جانب سے سینئر ریسلر ’ایج‘ کی انٹری کرائی گئی تھی جسے مداحوں نے پسند کیا۔

    ایج نے اپنی واپسی کو درست ثابت کرتے ہوئے رومن رینز کے اسپیئر کو ناکام بنایا اور انہیں ہی اسپیئر لگایا ساتھ ہی ایج اور اورٹن نے مل کر ڈرکیو میکن ٹائر کی بھی خوب دھلائی کی۔

    مداحوں کی جانب سے جہاں رائل رمبل کو پسند کیا گیا وہیں ایج کی انٹری بھی سماجی رابطے کی ویب سائٹ ٹویٹر پر ٹاپ ٹرینڈ بنی رہی۔

    حال ہی میں اپنی صلاحیتوں کا لوہا منوانے والے ریسلر ڈریو میکنٹائر نے رائل رامبل مقابلے میں حصہ لے کر نئی تاریخ رقم کردی اور اب وہ ریسل مینیا میں حصہ لیں گے۔

    میکنٹائر نے ناصرف رومن رینز کو رنگ سے باہر پھینکا بلکہ اپنی سپر کک لگا کر ڈبلیو ڈبلیو ای چیمپئن جنہیں رائل رمبل کا فیورٹ قرار دیا جارہا تھا بروک لیسنر کو بھی باہر کا راستہ دکھا کر مقابلہ جیت لیا۔

    ویمنز رائل مقابلے میں چارلوٹ فلیئر نے کامیابی حاصل کرکے ریسل مینیا میں اپنی جگہ پکی کرلی۔

    واضح رہے کہ اس سے قبل ہونے والے رائل رمبل مقابلے میں سیٹھ رولنز نے کامیابی حاصل کرکے ریسل مینیا میں رسائی حاصل کی تھی اور ریسل مینیا مقابلے میں بروک لیسنر کو شکست دے کر ہیوی ٹائٹل لے اڑے تھے۔

  • رائل رمبل اورٹن کے نام، جان سینا ڈبلیو ڈبلیو ای چیمپئن بن گئے

    رائل رمبل اورٹن کے نام، جان سینا ڈبلیو ڈبلیو ای چیمپئن بن گئے

    سان انتونیو: نئے سال میں ڈبلیو ڈبلیو ای کا پہلا بڑا ایونٹ معروف ریسلرز رینڈی اور ٹن اور جان سینا کے نام ہوگیا۔

    امریکی میڈیا کے مطابق ریاست ٹیکساس کے شہر سان انتونیو میں دنیائے ریسلنگ کا بڑا ایونٹ رائل رمبل منعقد ہوا جس میں 30 ریسلر رنگ میں ایک دوسرے کے مدمقابل اترے۔

    royal-rumble-post-1

    رائل رمبل کا ایونٹ دیکھنے کے لیے ریسلنگ کے پرستار کئی روز سے بے صبری سے انتظار کررہے تھے جو اب انہیں دیکھنا نصیب ہوا، ایونٹ کو دیکھنے کے لیے 52 ہزار شائقین موجود تھے۔

    مقابلے میں بروک لیسنر، رومن رینز، گولڈ برگ اور انڈر ٹیکر کو فیورٹ قرار دیا جارہا تھا تاہم یہ مقابلہ غیر متوقع طور پر رینڈی اورٹن نے اپنے نام کر لیا۔

    مقابلے کا آغاز کرس جیریکو سے ہوا اور جیریکو مقابلے کے آخر تک رنگ میں موجود رہے تاہم وہ 27ویں نمبر پر باہر ہوئے۔ بعد ازاں دیگر ریسلرز رنگ میں آئے۔

    ان ریسلرز میں بگ شو، انڈر ٹیکر، گولڈ برگ، سمیع زیان، رومن رینز، بروک لیسنر، لیوک ہارپر، زگلر، رینڈی اورٹن، مارک ہنری، شیمز، دی مز بگ کاس ودیگر ریسلرز شامل تھے۔

    royal-rumble-post-3

    رائل رمبل میں اہم موڑ اس وقت آیا جب گولڈ برگ نے اپنی گزشتہ ایونٹ کی روایت کو برقرار رکھا اور بروک لیسنر کو اٹھا کر رنگ سے باہر کردیا،رومنز رینز نے انڈر ٹیکر کو رنگ سے باہر کیا۔

    royal-rumble-post-2

    رینڈی اورٹن دوسری مرتبہ رائل رمبل کا ٹائٹل اپنے نام کیا اس سے قبل وہ 2009ء میں یہ مقابلہ اپنے نام کرچکے ہیں۔

    انڈر ٹیکر نے بروک لیسنر کو رنگ سے باہر کرنے والے گولڈ برگ کو رنگ سے باہر کا راستہ دکھایا۔

    جان سینا نے حیران کن طور پر اے جے اسٹائلز کو مقابلے میں شکست دے کر 16ویں مرتبہ ڈبلیو ڈبلیو ای چیمپئن شپ کا ریکارڈ اپنے نام کیا۔

    واضح رہے کہ جان سینا کافی عرصے بعد رنگ میں اترے تھے اس سے قبل وہ نجی مصروفیات کے باعث ریسلنگ مقابلوں میں حصہ نہیں لے رہے تھے۔