یوکرین پر روسی حملے اور روس پر معاشی پابندیوں کے باعث معاشی تجزیہ کاروں نے ایشیائی معیشتیں متاثر ہونے کا خدشہ ظاہر کردیا ہے۔
اے آر وائی نیوز کے مطابق معاشی تجزیہ کاروں نے یوکرین پر روسی حملے کے بعد ایشیائی معیشتوں کے متاثر ہونے کا انتباہ دیا ہے۔
غیرملکی نیوز ایجنسی کے مطابق دوسری جنگ عظیم کے بعد یورپ بدترین معاشی بحران کا شکار ہورہا ہے جب کہ یوکرین روس تنازع کے اقتصادی اثرات ایشیا تک پھیلیں گے۔
نیوز ایجنسی نے ماہرین معاشیات کے خدشات کو رپورٹ کرتے ہوئے کہا ہے کہ بحران سےاشیا کی قیمتوں میں اضافے اور سپلائی چین میں خلل کاامکان ہے جب کہ افراط زرکا بحران خطےمیں روزمرہ زندگی کومتاثرکرسکتاہے۔
ماہرین کا کہنا ہے کہ یوکرین روس قدرتی گیس کےدوسرے اور پیٹرولیم کےتیسرےبڑےپروڈیوسرہیں موجودہ بحران سے دنیا بھر میں توانائی کی قیمتیں بڑھ جانےکاامکان ہے۔
واضح رہے کہ یوکرین پر روس کے حملے کے بعد امریکا اور برطانیہ نے روس پر پابندیاں عائد کردی ہیں۔
مزید پڑھیں: امریکی صدر کا روس پر نئی سنگین پابندیاں لگانے کا اعلان
برطانیہ نے پانچ روسی بینکوں اور شخصیات پر پابندیاں عائد کی ہیں۔
امریکا نے بھی روس پر پابندیاں عائد کردیں جس کے تحت روسی بینک کے 250 ملین ڈالرز کے اثاثے منجمد کیے جائیں گے، پابندیوں سے چار روسی بینک متاثر ہوں گے۔
