ARYNews.tv | Urdu – Har Lamha Bakhabar

Tag: Russia

  • وزیرخارجہ شاہ محمود قریشی 4 ملکی دورہ مکمل کرکے وطن واپس پہنچ گئے

    وزیرخارجہ شاہ محمود قریشی 4 ملکی دورہ مکمل کرکے وطن واپس پہنچ گئے

    اسلام آباد: وزیرخارجہ شاہ محمود قریشی چار ملکی دورہ مکمل کرکے وطن واپس پہنچ گئے، انہوں نے افغانستان، ایران، چین اور روس کا دورہ کیا۔

    تفصیلات کے مطابق وزیرخارجہ شاہ محمود قریشی چار ملکی اہم دورہ مکمل کرکے وطن واپس پہنچ گئے، وزیرخارجہ نے افغانستان، ایران، چین اور روس کی اعلیٰ قیادت سے ملاقاتیں کیں۔

    اس چار ملکی اہم دورے کے دوران دوطرفہ تعاون، تجارت و سرمایہ کاری کے فروغ پر تبادلہ خیال کیا گیا، افغان مفاہمتی عمل پر پیش رفت کے حوالے سے بات چیت کی۔

    وزیر خارجہ شاہ محمود قریشی نے چار ملکی دورے کے چوتھے اور آخری مرحلے میں روس کا دورہ کیا تھا۔

    وزیر خارجہ شاہ محمود قریشی کی روسی ہم منصب سے ملاقات

    اس دوران شاہ محمود کے روسی وزیر خارجہ سرگئی لاروف کے درمیان وفود کی سطح پر مذاکرات ہوئے جس میں دو طرفہ تجارت، سرمایہ کاری اور امن و سلامتی پر گفتگو کی گئی تھی۔

    قبل ازیں وزیر خارجہ چین کے دورے پر تھے جہاں انہوں نے چینی ہم منصب وانگ ژی سے ملاقات کی جس میں دو طرفہ تعلقات کو بہتر بنانے سمیت اہم علاقائی و عالمی امور پر تبادلہ خیال کیا گیا۔

    اس سے قبل انہوں نے افغانستان اور ایران کا دورہ کیا جہاں انہوں نے اعلیٰ حکومتی عہدیداران سے ملاقات کی تھی۔ وزیر خارجہ نے افغانستان میں صدراتی محل میں افغان صدر اشرف غنی سے بھی ملاقات کی تھی۔

  • وزیر خارجہ شاہ محمود قریشی کی روسی ہم منصب سے ملاقات

    وزیر خارجہ شاہ محمود قریشی کی روسی ہم منصب سے ملاقات

    ماسکو: وزیر خارجہ شاہ محمود قریشی اور روسی وزیر خارجہ سرگئی لاروف کے درمیان وفود کی سطح پر مذاکرات ہوئے جس میں دو طرفہ تجارت، سرمایہ کاری اور امن و سلامتی پر گفتگو کی گئی۔

    تفصیلات کے مطابق شاہ محمود قریشی نے روسی دارالحکومت ماسکو میں روسی ہم منصب سرگئی لاروف سے ملاقات کی۔ روسی وزیر خارجہ نے شاہ محمود قریشی کو ہسٹری آف ماسٹر پیس کا تحفہ پیش کیا۔

    بعد ازاں دونوں وزرا کے درمیان وفود کی سطح پر مذاکرات ہوئے۔ مذاکرات میں دو طرفہ تجارت، سرمایہ کاری اور امن و سلامتی پر گفتگو کی گئی۔

    مذاکرات میں افغانستان میں امن و استحکام کی جاری کوششوں اور مختلف شعبوں میں تعاون کے فروغ پر بھی تبادلہ خیال کیا گیا۔

    خیال رہے کہ وزیر خارجہ شاہ محمود قریشی چار ملکی دورے کے چوتھے اور آخری مرحلے میں آج صبح ماسکو پہنچے۔

    قبل ازیں وزیر خارجہ چین کے دورے پر تھے جہاں انہوں نے چینی ہم منصب وانگ ژی سے ملاقات کی جس میں دو طرفہ تعلقات کو بہتر بنانے سمیت اہم علاقائی و عالمی امور پر تبادلہ خیال کیا گیا۔

    اس سے قبل انہوں نے افغانستان اور ایران کا دورہ کیا جہاں انہوں نے اعلیٰ حکومتی عہدیداران سے ملاقات کی تھی۔ وزیر خارجہ نے افغانستان میں صدراتی محل میں افغان صدر اشرف غنی سے بھی ملاقات کی تھی۔

  • چار ملکی دورے کا آخری مرحلہ، شاہ محمود قریشی روس پہنچ گئے

    چار ملکی دورے کا آخری مرحلہ، شاہ محمود قریشی روس پہنچ گئے

    ماسکو: وزیر خارجہ شاہ محمود قریشی چار ملکی دورے کے چوتھے اور آخری مرحلے میں روس پہنچ گئے، ایئرپورٹ پر شاندار استقبال کیا گیا۔

    تفصیلات کے مطابق وزیر خارجہ شاہ محمود قریشی روسی دارالحکومت ماسکو پہنچ چکے ہیں، اس اہم دورے میں وہ اعلیٰ قیادت سے ملاقاتیں کریں گے۔

    شاہ محمود قریشی روسی ہم منصب سے بھی ملیں گے، روسی وزارت خارجہ کے اعلیٰ حکام بھی ملاقات میں شریک ہوں گے۔

    ملاقات کے دوران باہمی دلچسپی کے امور سمیت افغان مفاہمتی عمل پر تبادلہ خیال کیا جائے گا۔

    قبل ازیں وزیرخارجہ شاہ محمود قریشی چین کے دورے پر تھے، جہاں انہوں نے چینی ہم منصب وانگ ژی سے ملاقات کی جس میں دو طرفہ تعلقات کو بہتر بنانے سمیت اہم علاقائی وعالمی امور پرتبادلہ خیال کیا گیا۔

    وزیرخارجہ شاہ محمود قریشی کی چینی ہم منصب سے ملاقات

    واضح رہے کہ وزیرخارجہ شاہ محمود قریشی افغانستان اور ایران کا دورہ مکمل کرنے کے بعد گذشتہ صبح بیجنگ پہنچے جہاں چینی وزارت خارجہ کے اعلیٰ حکام نے ان کا بھرپوراستقبال کیا تھا۔

    یاد رہے کہ دو روز قبل وزیرخارجہ شاہ محمود قریشی نے صدراتی محل میں افغان صدراشرف غنی سے ملاقات کی تھی۔

  • شام میں امریکی فوج کی موجودگی غیر قانونی ہے: روسی صدر

    شام میں امریکی فوج کی موجودگی غیر قانونی ہے: روسی صدر

    ماسکو: روسی صدر ولادی میر پیوٹن کا کہنا ہے کہ شام میں امریکی فوج کی موجودگی غیر قانونی ہے، ان کی کوئی ضرورت نہیں ہے۔

    تفصیلات کے مطابق امریکا نے شام سے امریکی فوج کی واپسی کا اعلان کیا ہے، جس کے درعمل میں روسی صدر ولادی میر پیوٹن کا کہنا ہے کہ شام سے تاحال امریکی فوج کے انخلا کے کوئی آثار دکھائی نہیں دیتے۔

    انہوں نے کہا کہ شمالی شام کے چند حصوں پر اب بھی شدت پسندوں کا قبضہ ہے، لیکن دوسری جانب امریکی فوج کا شام میں موجود ہونا غیرقانونی ہے۔

    روسی صدر کا مزید کہنا تھا کہ شام میں امریکی فوج کی موجودگی کی کوئی ضرورت نہیں، امریکا نے شام سے انخلا کا فیصلہ کیا ہے تو یہ اچھی بات ہے، لیکن ایسا ممکن دکھائی نہیں دیتا۔

    شام سے امریکی افواج کی واپسی کا عمل شروع ہوگیا: وائٹ ہاؤس کا اعلان

    خیال رہے کہ گذشتہ روز امریکی وائٹ ہاؤس نے اعلان کیا تھا کہ شام سے امریکی فوج کی واپسی کا عمل شروع ہوچکا ہے، اور سو دن میں یہ عمل مکمل کرلیا جائے گا۔

    اپنے بیان میں امریکی صدر ڈونلڈ ٹرمپ نے کہا تھا کہ داعش کو تاریخی شکست کے بعد شام سے فوج کی واپسی کا وقت آگیا ہے، شام میں داعش کو شکست دے کر مقصد حاصل کرلیا، دہشت گردی کے خلاف ہمیشہ کھڑے رہے۔

    واضح رہے کہ دو روز قبل پینٹاگون کے ترجمان نے کہا تھا کہ اس طرح کی خبروں میں کوئی صداقت نہیں ہے اپنے اتحادیوں کے ساتھ شام میں کام کرتے رہیں گے۔

  • روس:‌ تھکاوٹ کا شکار چور پولیس کے ہاتھوں‌ گرفتار

    روس:‌ تھکاوٹ کا شکار چور پولیس کے ہاتھوں‌ گرفتار

    ماسکو : روس میں دفتر سے رقم چوری کرنے والا شخص جائے واردات پر نیند کے مزے لینے کے باعث پولیس نے گرفتار کرلیا۔

    غیر ملکی خبر رساں ادارے کا کہنا ہے کہ 36 سالہ چور روسی شہر اورنبرگ میں 20 نومبر کی رات تالا کاٹنے کے آلات (کٹر، ہتھوری، چابیاں اور اسکرو) لے کر دفتری عمارت میں داخل ہوا اور متعدد دفاتر کے تالے توڑ دئیے۔

    غیر ملکی میڈیا کا کہنا ہے کہ 36 سالہ شخص نے کئی دفاتر کی تلاشی کے دوران بیش قیمتی سامان اور دفتروں میں رکھی ہوئی نقد رقوم اٹھالی۔

    مقامی میڈیا کا کہنا ہے کہ 21 سو ڈالرز رقم اور دیگر سامان چوری کرنے والا شخص واردات میں استعمال ہونے والا سامان ایک میز پر رکھ کر کچھ دیر آرام کی غرض سے کرسی پر بیٹھ کر سوگیا۔

    بین الااقوامی خبر رساں ادارے کا کہنا ہے کہ مذکورہ چور کو اس کی غفلت لے ڈوبی اور صبح ہوئی تو پولیس نے چور کو جگایا اور ہتھکڑیاں لگا کر گرفتار کرلیا۔

    اورنبرگ پولیس ترجمان نے میڈیا کو بتایا کہ گرفتار شخص ایک پیشہ ور چور ہے جو پولیس کو چوری کے کئی مقدمات میں مطلوب تھا، گرفتار ملزم کو شہر میں ہونے والی کئی چوریوں کی سی سی ٹی وی ویڈیو میں دیکھا جاسکتا ہے۔

    روسی خبر رساں ادارے کا کہنا ہے کہ 36 سالہ چور کو اس کے ماضی کے باعث سخت ہونے کا امکان ہے۔

  • روس یوکرائن کشیدگی: روس نے کریمیا میں ایس 400 میزائل نصب کرنے کا فیصلہ کرلیا

    روس یوکرائن کشیدگی: روس نے کریمیا میں ایس 400 میزائل نصب کرنے کا فیصلہ کرلیا

    کیو : روس نے یوکرائنی کے شمالی علاقوں میں کرفیوں نافذ ہونے کے بعد کریمیا میں ایس 400 میزائل سسٹم نصب کرنے کا فیصلہ کرلیا۔

    تفصیلات کے مطابق روسی حکومت نے پڑوسی ملک سے کشیدگی میں اضافے کے بعد یوکرائن سے ملحقہ سابقہ ریاست کریمیا میں زمین سے فضا میں مار کرنے والے میزائل سسٹم نصب کرے گا۔

    غیر ملکی خبر رساں ادارے کا کہنا ہے کی جانب سے جارحابہ اقدامات یوکرائنی حکومت کی جانب سے روس سے ملحقہ سرحدی علاقوں میں کرفیوں کے نفاذ کا رد عمل ہے۔

    یوکرائنی حکومت کا کہنا ہے کہ کریمیا میں زمین سے فضا میں نشانہ بنانے والے ایس 400 میزائلوں کا نصب ہونا بحیرہ اسوو اور نیٹو ممالک کے انتہائی خطرناک ہوگا۔

    یوکرائنی حکومت کا کہنا ہے کہ روس خطے میں جنگی جنون بڑھا رہا ہے، اس کے نتائج اچھے نہیں ہوں گے۔،

    دوسری جانب یوکرائنی صدر پیٹرو نے نیٹو سے بحیرہ ازوف میں جنگی جہاز بھیجنے کی درخواست کردی تاکہ روس سے محاز آرائی میں مدد فراہم ہوسکے اور نیٹو حکام نے بھی یوکرائن کو نیٹو کا رکن نہ ہونے کے باوجود بھرپور حمایت کرنے کا اظہار کیا ہے۔

    برطانوی خبر رساں ادارے کا کہنا ہے کہ یوکرائنی صدر نے روس کے ساتھ حالیہ دنوں کشیدگی میں اضافہ ہونے کے بعد حالات سے نمٹنے کے لیے روس سے ملحقہ علاقوں میں 30 دنوں کے لیے مارشل لاء نافذ کردیا ہے۔

    صدر پیٹرو کا کہنا تھا کہ روس کی جارحانہ پالیسی انتہائی ناپسند ہے، پہلے روس نے کریمیا پھر مشرقی یوکرائن اور اب بحیرہ ازوف میں جارحیت دکھا رہا ہے۔

  • برطانیہ روس کی جانب سے کسی طور مطمئن نہیں رہ سکتا، برطانوی آرمی چیف

    برطانیہ روس کی جانب سے کسی طور مطمئن نہیں رہ سکتا، برطانوی آرمی چیف

    لندن : روس برطانیہ کے لیے بڑا خطرہ ہے جو ہماری کمزوری سے فائدہ اٹھانے کےلیے تیار ہے اور مغرب کی کمزریوں سے باقائدہ ایک سسٹم کے تحت فائدہ اٹھانے کی کوشش کرچکا ہے۔

    تفصیلات کے مطابق برطانوی آرمی چیف جنرل مارک کارلیٹن نے میڈیا سے گفتگو کرتے ہوئے کہا ہے کہ روس موجودہ وقت میں القاعدہ، داعش اور اس جیسی تمام تنظیموں سے بڑا سیکیورٹی خطرہ ہے جس سے بہ محتاط رہنا پڑے گا۔

    غیر ملکی خبر رساں ادارے کا کہنا ہے کہ جنرل مارک نے برطانوی اخبار کو انٹرویو دیتے ہوئے کہا ہے کہ روس وہ خطرہ ہے جس نے مغربی طاقتوں کی کمزریوں سے فائدہ اٹھانے کے لیے بارہا کوششیں کرچکا ہے۔

    ان کا کہنا تھا کہ روس نے سائبر، اسپیس اور سمندر کے اندر غیر روایتی طریقے استعمال کرچکا ہے، جنرل مارک نے کہا کہ برطانیہ روس کی جانب سے کسی طور مطمئن نہیں رہ سکتا۔

    خیال رہے کہ جنرل مارک کارلیٹن کو رواں برس جنوری میں برطانیہ کا آرمی چیف مقرر کیا گیا ہے۔

    یاد رہے کہ برطانوی حکومت گذشتہ برس روس پر سائبر حملوں کا الزام لگا چکی ہے جبکہ رواں برس مارچ میں روس کے ڈبل ایجنٹ سرگئی اسکریپال اور اس کی بیٹی کو برطانیہ میں ہی زہر دینے کا الزام بھی عائد کرچکی ہے۔

    دوسری جانب روسی حکومت نے برطانوی آرمی چیف کے بیان کی تردید کی اور تنقید کرتے ہوئے کہا ہے کہ برطانوی کوششوں کے باوجود روس اور شامی حکومت نے مشترکا طور پر داعش کا راستہ روکا ہے۔

  • جنوبی کوریا کے ’کم جونگ ینگ‘ انٹرپول کے نئے صدر منتخب

    جنوبی کوریا کے ’کم جونگ ینگ‘ انٹرپول کے نئے صدر منتخب

    دبئی : عالمی ادارے انٹرپول نے آئندہ 2  برس کے لیے جنوبی کوریائی شہری کم جونگ ینگ کو صدر منتخب کرکے متنازعہ روسی صدراتی امیدوار کو مسترد کردیا۔

    تفصیلات کے مطابق جنوبی کوریا کے شہری کم جونگ کو انٹرپول کے 194 رکن ممالک نے متحدہ عرب امارات میں منعقدہ سالانہ اجلاس میں منتخب کیا ہے، اس سے قبل کم جونگ انٹر پول کے قائم مقام صدر کی حیثیت سے خدمات انجام دے رہے تھے۔

    برطانوی خبر رساں ادارے کا کہنا تھا کہ جنوبی کوریا کے شہری نے انٹرپول کے صدارتی انتخابات میں روس کے الیگزینڈر پروکوچُک کو شکست دی ہے جن پر انٹرل پول کے وارنٹ گرفتاری جاری کرنے والے سسٹم کو کریملن پر تنقید کرنے والے افراد کے خلاف استعمال کرنے کا الزام ہے۔

    روس نے الزام عائد کیا ہے کہ انٹرپول کے سالانہ اجلاس میں کی گئی ووٹنگ کے نتائج ’شدید دباؤ دخل اندازی کا نتیجہ ہیں‘۔

    واضح رہے کہ انٹرپول کے سابق صدر مینگ ہونگوائی کو چین میں کرپشن الزامات کے تحت کے گرفتار کیا گیا تھا جنہوں نے مبینہ طور پر کرپشن سمیت دیگر جرائم کا اعتراف بھی کرلیا تھا۔

    انٹرپول سربراہ کی گرفتاری کے بعد کم جونگ ینگ قائم مقام صدر کی حیثیت سے کام کررہے تھے۔

    انٹرپول کے نئے سربراہ کم جونگ ینگ نے صدر منتخب ہونے کے بعد اپنے پہلے خطاب میں کہا کہ ’ہماری دنیا کو سیکیورٹی اور سیفٹی کے معاملات پر کئی مسائل کا سامنا ہے جنہیں قابو کرنے کے لیے واضح وژن کی ضرورت ہے۔

    برطانوی خبر رساں ادارے کا کہنا تھا کہ انٹرپول کے نئے صدر جنوبی کوریا میں 20 سال تک پولیس میں خدمات انجام دے کر سن 2015 میں ریٹائر ہوئے تھے۔

    برطانوی خبر رساں ادارے کا کہنا تھا کہ کم جونگ ینگ جنوبی کوریا واحد شہری ہیں جو کسی عالمی ادارے کے سربراہ منتخب ہوئے ہیں۔

  • کتاب کا اختتام کیوں بتایا؟ دوست نے دوست کے خنجر گھونپ دیا

    کتاب کا اختتام کیوں بتایا؟ دوست نے دوست کے خنجر گھونپ دیا

    ماسکو : برفیلے خطے انٹارکٹیکا پر روسی شہری ناول کا اختتام بتانے پر طیش میں آگیا اور باورچی خانے میں رکھی چھری اپنے دوست کے سینے میں گھونپ دی۔

    تفصیلات کے مطابق کرہ ارض کے برف سے دھکے ہوئے خطے انٹارکٹیکا میں گذشتہ دنوں اقدام قتل کی پہلی واردات پیش آئی جب ایک سائنس دان نے اپنے برسوں کے ساتھی کو ہی چاقو زنی کا نشانہ بنا دیا۔

    غیر ملکی خبر رساں ادارے کا کہنا تھا کہ انٹارکٹیکا میں واقع بیلنگ شوسن تحقیقی مرکز میں گذشتہ چار برسوں سے تحقیق کرنے والے روسی شہری 55 سالہ سرگئی ساؤتسکی نے اپنے 52 سالہ ساتھی اولیگ ہیلوگزو کے سینے میں کہانی کا اختتام بتانے پر چھرا گونپ دیا تھا۔

    غیر ملکی خبر رساں ادارے کا کہنا تھا کہ اقدام قتل کی یہ انوکھی واردات گذشتہ ماہ 9 اکتوبر کو پیش آیا تھا، متاثرہ اولیگ کو سینے میں چھری گونپی گئی جو بری طرح سینے میں پوست ہوگیا تھا تاہم خوس قسمتی سے وہ زندہ بچ گیا۔

    روسی میڈیا کا کہنا ہے کہ ریسکیو اہلکاروں نے زخمی شخص کو ہیلی کاپٹر کے ذریعے چلی روانہ کردیا گیا تھا جہاں ڈاکٹرز نے متاثرہ سائنس دان کو فوری طبی امداد فراہم کی۔

    ڈاکٹرز کا کہنا تھا کہ خنجر اولیگ کے سینے میں پوری طرح پیوست ہوگیا تھا جس کے باعث اس کے دل کو بھی نقصان پہنچا تھا تاہم وہ زندہ بچ گیا، ڈاکٹز کا کہنا ہے کہ زخمی شخص کی حالت خطرے سے باہر ہے۔

    غیر ملکی میڈیا کا کہنا ہے کہ 55 سالہ سرگئی ساؤتسکی نے روسی شہر سینٹ پیٹرز برگ پہنچ کر خود کو پولیس کے حوالے کیا اور اعتراف جرم بھی کرلیا تھا جس کے بعد پولیس نے اسے گھر میں نظر بند کردیا۔

    پولیس کا کہنا ہے کہ مذکورہ شخص نے اولیگ کو اس وجہ سے قتل کرنے کی کوشش کی تھی کیوں کہ وہ جو بھی کتاب پڑھا اولیگ منع کرنے کے باوجود اس کا اختتام پہلے ہی بتایا کرتا تھا۔

    روسی میڈیا کا کہنا ہے کہ دونوں دوست برفیلے خطے پر واقع سنسان تحقیقی مرکز میں اپنی تنہائی کو دور کرنے کے لیے کتابوں کا مطالعہ کرتے تھے۔

  • اڑنے والی بائیک اب عام لوگ خرید سکیں گے

    اڑنے والی بائیک اب عام لوگ خرید سکیں گے

    ماسکو: ٹیکنالوجی کی دنیا میں روسی کمپنی نے انقلاب برپا کرتے ہوئے عام لوگوں کے لیے فضا میں اڑنے والی موٹر سائیکل تیار کرلی جس کا کامیاب آزمائشی تجربہ کرلیا گیا۔

    تفصیلات کے مطابق روسی کمپنی نے جدید ٹیکنالوجی سے آراستہ ایس تھری ہوور بائیک متعارف کرادی جو ہیلی کاپٹر کی طرح اڑنے کی صلاحیت رکھتی ہے۔

    کمپنی کی جانب سے تیار کی جانے والی موٹرسائیکل عام لوگوں کے لیے تیار کی گئی ہے، جس کو جدید ڈیزائن اور اضافی سیفٹی سسٹم کے ساتھ تیار کیا گیا ہے۔

    ہوور بائیک کو فضا میں چلانے کے دوران مستحکم رکھنے، ڈرائیور کی مرضی سے اڑانے اور اتارنے، ایمرجنسی لینڈنگ، جدید ساؤنڈ اور بصری نظام کو مدنظر رکھتے ہوئے بنایا گیا۔

    مزید پڑھیں: دبئی پولیس کا ڈرون یا فلائنگ بائیک کا کامیاب تجربہ

    یہ بھی دیکھیں: دنیا کی پہلی فضائی ٹیکسی کی آزمائشی پرواز

    ہیلی کاپٹر کی طرح سطح زمین سے 16 فٹ اوپر اڑتے ہوئے 60 کلومیٹر فی گھنٹہ کی رفتار سے فاصلہ طے کرسکتی ہے۔ بیٹری سے چلنے والی یہ موٹر سائیکل ایک وقت میں 8 گھنٹے تک چلنے اور یہ 70 کلوگرام تک وزن اٹھانے کی صلاحیت رکھتی ہے۔

    کمپنی کی جانب سے یہ بھی خوش خبری سنائی گئی ہے کہ موٹرسائیکل کی اسپیڈ اور اس کو اڑانے کی اجازت ہر ملک میں قانونی طور پر جائز قرار دی گئی ہے۔

    موٹرسائیکل کی قیمت ظاہر نہیں کی گئی اور نہ ہی مارکیٹ میں اس کی باقاعدہ فروخت کے حوالے سے کسی حتمی تاریخ کا اعلان کیا گیا۔

    یاد رہے کہ دبئی پولیس سیکیورٹی نظام اور شہر میں امن و امان کو یقینی بنانے کے لیے ہوور بائیک استعمال کررہی ہے۔