ARYNews.tv | Urdu – Har Lamha Bakhabar

Tag: Russia

  • مذہبی جماعتیں گستاخانہ خاکوں کی اشاعت پر 23جنوری کو ملک گیر احتجاج کریگی

    مذہبی جماعتیں گستاخانہ خاکوں کی اشاعت پر 23جنوری کو ملک گیر احتجاج کریگی

    اسلام آباد: ملک بھر کی مذہبی جماعتوں نے گستاخانہ خاکوں کی اشاعت کے خلاف تئیس جنوری کو ملک گیر احتجاج کا اعلان کر دیا ۔

    فرانس اور جاپان میں گستاخانہ خاکوں کی اشاعت کے خلاف جماعت اسلامی ، پاکستان علماء کونسل اور وفاق المدارس میدان میں نکل آئیں ، جماعت اسلامی کراچی ، لاہور اور اسلام آباد میں ملین مارچ کرے گی جن کی قیادت سراج الحق، لیاقت بلوچ اور منور حسن کریں گے ، امیر جماعت اسلامی سراج الحق نے صدر اور وزیر اعظم کی مظاہروں میں شرکت کی خواہش ظاہر کی ہے۔

    لاہور میں پاکستان علماء کونسل کےاجلاس میں تئیس جنوری کو ملک گیر احتجاج کا فیصلہ کیا گیا ہے،تنظیم کے چیئرمین طاہر اشرفی نے کہا کہ آزادی اظہار کے نام پر رسول اکرم ؐ کی توہین کی اجازت نہیں دیں گے، انہوں نے پوپ فرانسس کے بیان پر ان کا شکریہ ادا کیا۔

    کراچی پریس کلب میں وفاق المدارس کے سربراہ قاری حنیف جالندھری اور جامعہ بنوریہ کے مہتمم مفتی محمد نعیم نے مشترکہ پریس کانفرنس میں کہا کہ توہین آمیز خاکوں کی اشاعت ناقابل برداشت ہے ، جمعہ کو ملک گیر احتجاج کیا جائے گا۔

  • گستاخاکانہ خاکے: روس میں احتجاجی مظاہرہ

    گستاخاکانہ خاکے: روس میں احتجاجی مظاہرہ

     

    ماسکو:روس میں توہین آمیزخاکوں کے خلاف ہزاروں افراد سڑکوں پرنکل آئے، علماء کا کہنا تھا کہ آزادیٗ اظہارکا مطلب یہ نہیں کے مسلمانوں کے جذبات مجروع کیے جائیں۔

    گستاخانہ خاکوں کے خلاف عالمِ اسلام سراپا احتجاج ہے روس کے مختلف شہروں میں ہزاروں مسمان اہانت آمیزخاکوں کے خلاف سڑکوں پرنکل آئے۔ احتجاجی مارچ میں خواتین اوربچوں کی بڑی تعداد شریک تھی جنہوں نے ہاتھوں میں شمع رسالت پرسب کچھ قربان کرنے کے بینرزاٹھارکھے تھے۔

    ریلی کے شرکاء سے خطاب میں علمائے کرام کا کہنا تھا کہ آزادی اظہار رائے اس حد تک ہونی چاہیے جس سے کسی دوسرے کے جذبات مجروع نہ ہو۔ انہوں نے کہا کہ گستاخانہ خاکے دنیا کے امن کو تہہ وبالا کرسکتے ہیں۔

    اس موقع پرریلی کے شرکاء نے چارلی ہیبڈو کے خلاف نعرے بازی کی اورفرانسیی حکومت سے مطالبہ کیا کہ وہ گستاخانہ خاکوں کی اشاعت کو ممنوع قراردے۔

  • چیچنیا کے دارالخلافہ گروزنی میں مسلح افراد کا حملہ

    چیچنیا کے دارالخلافہ گروزنی میں مسلح افراد کا حملہ

    چیچنیا:روسی ریاست چیچنیا کے دارالخلافہ گروزنی میں مسلح افراد کی فائرنگ سےسولہ افراد کی ہلاک اوراٹھا ئیس زخمی ہوگئے۔

     غیر ملکی خبر رساں ادارے کے مطابق ہلاک ہونے والوں میں دس پولیس اہلکار بھی شامل ہیں،گروزنی میں کارمیں سوارمسلح افراد نے روس اور چیچنیا کے میڈیا دفاترپر بے دریغ فائرنگ کی پولیس نے حملہ آوروں کو   روکنے کی کوشش کی تو مسلح افراد نے پولیس پر بھی فائرکھول دیا جس کے نتیجے میں دیگر پولیس اہلکاروں کے ساتھ ساتھ ٹریفک چوکی پر تعینات اہلکار بھی ہلاک ہوئے۔

  • گروزنی میں مسلح افراد کا حملہ16افراد ہلا ک،28زخمی

    گروزنی میں مسلح افراد کا حملہ16افراد ہلا ک،28زخمی

    چیچنیا: روسی ریاست چیچنیا کے دارالخلافہ گروزنی میں مسلح افراد کی فائرنگ سے سولہ افراد کی ہلا ک اور اٹھا ئیس زخمی ہو گئے۔

    غیر ملکی خبر رساں ادارے کے مطا بق ہلا ک ہو نیوالوں میں دس پو لیس اہلکار بھی شامل ہیں ، گروزنی میں کار میں سوار مسلح افراد نے روس اور چیچنیا کے میڈیا دفاتر پر بے دریغ فائرنگ کی پو لیس نے حملہ آوروں کو روکنے کی کو شش کی تو مسلح افراد نے پو لیس پر بھی فائر کھو ل دیا جس کے نتیجے میں دیگر پو لیس اہلکا روں کے ساتھ ساتھ ٹریفک چو کی پر تعینا ت اہلکار بھی ہلاک ہو ئے۔

  • توانائی اور اسٹیل ملز کی بحالی، روس کی پاکستان کو دو ارب قرضے کی پیش کش

    توانائی اور اسٹیل ملز کی بحالی، روس کی پاکستان کو دو ارب قرضے کی پیش کش

    اسلام آباد: روس نے پاکستان کو توانائی کے منصوبوں اور پاکستان اسٹیل ملز کی بحالی کیلئے دو ارب روپے کا قرضہ فراہم کرنے کی پیشکش کر دی ہے۔

    روس نے توانائی کے منصوبوں کیلئے ایک ارب ڈالر قرضہ دینے کی پیشکش کی ہے۔ ان منصوبوں میں تیل اور گیس کی تلاش،  تیرنے والے ایل این جی ٹرمینل کی تعمیر، گوادر سے نواب شاہ گیس پائپ لائن کی تعمیر اور ایل پی جی پراسیسنگ سمیت دیگر منصوبے شامل ہیں۔

    روس کے اسٹیل سیکٹر نے پاکستان اسٹیل ملز کی بحالی میں دلچسپی ظاہر کی ہے اور ادارے کی بحالی کے لئے ایک ارب ڈالر کا قرضہ دینے کی پیشکش بھی کی ہے۔

    وزیر خزانہ اسحاق ڈار نے کہا کہ حکومت اسٹیل ملز کے چھبیس فیصد شیئرز فروخت کرنا چاہتی ہے۔ روسی کمپنی قرضے کے بجائے اس کی نجکاری کے عمل میں حصہ لے۔

  • گاڑیوں کے بعد اب جہاز کو بھی دھکا لگنے لگا

    گاڑیوں کے بعد اب جہاز کو بھی دھکا لگنے لگا

    کراچی:  (ویب ڈیسک) آپ نے موٹر سائیکل ، کار اور بس کو تو دھکا لگا کر اسٹار ٹ کرتے ہوئے دیکھا ہوگا لیکن سائبیریا میں مسافروں نے برف میں پھنسے جہاز کو دھکا لگا کر اڑان بھرنے کے قابل کردیا۔

    سائبیریا سے اپنے گھروں کو جانے والے مسافروں نے جان کی پرواہ کئے بغیر منفی باون درجہ حرارت میں مسافروں نے جہاز کو دھکہ لگا کہ سب کو حیران کردیا، سائبیریا کے اگارکا ایئر پورٹ پر طیارہ برف باری کے باعث رن وے پر پھنس گیا اور اسٹار ٹ ہونے کا نام ہی نہیں لے رہا تھا، کچھ دیر کے انتظار کے بعد مسافروں نے جہاز کو دھکا لگانے کی ٹھان لی اور ہاتھوں پر دستانے پہنے جہاز کو چلانے کی کوشش میں دھکے دیئےاور جہاز اسٹارٹ ہوگیا۔

  • وزیردفاع خواجہ آصف کی روسی ہم منصب سے ملاقات

    وزیردفاع خواجہ آصف کی روسی ہم منصب سے ملاقات

    اسلام آباد: پاکستان اور روس کے درمیان دفاعی شعبےمیں تعاون بڑھانےکےمعاہدےپر دستخط ہوگئے، وزیردفاع خواجہ آصف کہتے ہیں دونوں ممالک میں دفاعی معاہدہ تاریخی سنگ میل ہے۔

    وفاقی وزیر دفاع خواجہ آصف نے کہا ہے روس اور پاکستان کے درمیان دفاعی معاہدہ تاریخی سنگ میل ہے۔ پاکستان اورروس مضبوط تعلقات، علاقائی امن اور استحکام میں مدد فراہم کرینگے، ان کا کہنا تھا پاکستان کے ساتھ تعلقات کےفروغ کے لئے روس کےاقدامات قابل تعریف ہیں۔

    روسی وزیر دفاع جنرل سرگئی شوگئی جو ان دنوں اکتالیس رکنی وفد کے ہمراہ پاکستان کے دورے پر ہیں ، ان کا کہنا تھا دہشت گردی کے خلاف جنگ میں پاکستانی عوام اور افواج کی قربانیاں قابل تحسین ہیں۔

  • دنیا کےسب سے بڑے آئس اسکیٹنگ رنک کاافتتاح

    دنیا کےسب سے بڑے آئس اسکیٹنگ رنک کاافتتاح

    موسکو: روس میں یورپ کا سب سے بڑا مصنوعی آئس سکیٹگ رنگ کھول دیا گیا۔

    موسکو کےگورکی پارک میں آئس اسکیٹنگ فلورتیار کیا گیا، آئس فلور کو رِنک کے بجائے وسیع پارک کی شکل دی گئی ہے ۔

    خوبصورتی میں اضافے کے لیے جھلملاتی رنگ برنگی روشنیوں کا استعمال کیا گیا۔منفرد اسکیٹنگ پارک اور ساتھ ہی میوزیکل بینڈ کی پرفارمنس سے تفریح کے لیے آنے والے افراد محظوظ ہوئے۔

  • روس اور ایران سے تجارتی تعلقات کا فروغ چاہتے ہیں،خرم دستگیر

    روس اور ایران سے تجارتی تعلقات کا فروغ چاہتے ہیں،خرم دستگیر

    اسلام آباد: وفاقی وزیر تجارت انجینئر خرم دستگیر خان نے کہا ہے کہ روس اور ایران سے وسیع تر تجارتی تعلقات قائم کرنا چاہتے ہیں ، جس میں بڑی سرمایہ کاری بھی شامل ہے جبکہ ایران کے ساتھ ترجیحی تجارتی معاہدے کا از سر نو جائزہ لے رہے ہیں۔

    وفاقی وزیر تجارت نے روس اور ایران سے ملکی تجارت اور سرمائے میں اضافے اور ان کی راہ میں حائل رکاوٹیں دور کرنے کےحوالے سے منعقدہ ایک اجلاس کی صدارت کرتے ہوئے کہا کہ وزارت خزانہ اور اسٹیٹ بینک کے بھرپور تعاون سے تجارتی تعلقات کو نئی بنیادوں پر استوار کرنے کےلئے کام شروع کر دیا گیا ہے۔

    انہوں نے کہا کہ حکومت بلوچستان کے تعاون سے پاک ایران سرحد پر تین نئی تجارتی چیک پوسٹوں کی تعمیر کی جائیں گی، انہوں نے بتایا کہ پاکستانی تاجروں کو روس کے ویزوں کے حصول میں حائل رکاوٹیں دور کرنے کےلئے روسی حکام سے بات کریں گے۔

  • روس نے امریکہ اور مغربی ممالک سے اشیاء کی درآمد پر پابندی لگادی

    روس نے امریکہ اور مغربی ممالک سے اشیاء کی درآمد پر پابندی لگادی

    ماسکو: روس نے امریکہ، کینڈا، اسٹریلیا اور ناروے سے گوشت،مچھلی , پھلوں اور ڈیری آئٹمز کی درآمد پر پابندی عائد کردی۔

    روس نے امریکہ، کینڈا، اسٹریلیا اور ناروے سے گوشت،مچھلی , پھلوں اور ڈیری آئٹمز کی درآمد پر پابندی عائد کردی ہے، غیر ملکی خبر رساں ادارے کے مطابق روس نے جوابی کارروائی کے تحت امریکہ سمیت کینڈا اسٹریلیا اور ناروے سے گوشت، پھل، مچھلی اور ڈیری پراڈیکٹس کی درآمد پر پابندی عائد کر دی ہے ۔

    روس کی جانب سے یہ فیصلہ مغربی ممالک کی جانب سے لگائی گئی پابندیوں کی جواب میں کیا گیا ہے،مغربی ممالک نے یوکرینی باغیوں کی حمایت کرنے پر روس پردرآمدی پابندی عائد کی تھیں، اس فیصلے کے باعث مغربی ممالک کےزرعی شعبے اور روسی عوام کو کافی نقصان ہونے کا خدشہ ہے، اس سے پہلے رواں سال کےآغاز میں روس نے امریکہ سے گوشت کی درآمد پر پابندی لگائی تھی۔ روس امریکی مرغی کا دوسرا بڑا خریدار ہے، روس ایک سال میں تینتالیس ارب روپے کی خوراک درآمد کرتا ہے۔